حوامل التاسع وامهات اغسطس....خلاص قربت ولادتنا

هلا والله ام احمد25 ما تشوفين شر الغالية ... هذا البيبي يالسة يتدلع عليج شوي ... الله يعينج ان شاءالله ... ويسهل عليج وتربين وتستانسين بشوفة البيبي صاحي معافى.....
ام نتالي ...تسلمين اختي على الدعوة الحلوة .... وربي يعطيج اللي في بالج ان شاءالله
لولو... يالله الغالية شدي حيلج .. وجهزي الشنطة ...ترى ما بقى شي.... ربي يسهل ان شاءالله
رنا444 .... ربي يسهل عليج ان شاءالله يالله ما بقى شي ... تربين بالسلامة .... طمنينا عليج عاد....
وعن الجملة ... انا بروحي صارلي فترة يالسة ادور ومش محصلة .... اريد جملة اطرشها مسج حق اهلي في البلاد يوم بربي .... ياليت الخوات يساعدونا....

مراحب يا كروشات
شخباركم واللة شكلكم كلكم بتولدون قبلي وانا فاشة مكاني
شخباركم كلكم
ميمو العسولة
شخبار الوالد عساة بخير انشاء اللة ومايشوف شر ويفرح بشوفة احفادة واحفاد احفادة

سلامي
ها ياعمري شخبارك بالغربة ياللة انشاء اللة ايجيلك اللي ينسيكي هلغربة انشاء اللة وتستانسين فية ويملي عليكي حياتك انشاء اللة

انجل ايز
ها ياعمري شخبارك باقولك لاتزهبين الشنطة تراها بتعفن ابمكانها شوفيني انا ماسويت شنطتي الا بالأسبوع 38 قلت ياللة خلاص علشان اشغل نفسي في الايام الاخيرة واحس ان عندي حاجات اسويها وهذهي امقعدة الشنطة وهذاني امشي بالبيت ولا في فايدة بس اوجاع اكثيرة مغص اقول لا شكلي ماراح انام الليلة الا بالمستشفي واخرتها ادخل الحمام واطلع ماكو شي الموضوع انتهي هههههههههههههههههههههه

ام احمد
هلحالة نفس الي فيني وانا بعد ن كثر مايسألوني تمللت وامي كل يوم تتصل بالبيت تنتظر الخدامة والا احد من العيال ايرد عليها يازعم تبي اتطيح علي اموديني المستشفي ولمن ارد عليها احس فيها تتحطم

انا اخباري مو ذاك الزود انا موعدي المفروض يوم الجمعة واليوم اهوة الأربعاء اوكي والخدامة بتروح يوم الجمعة تخيلوا بس اعيالي وين باقطهم وانا في ديرة غربة واعيالي 4 سنوات و3 سنوات والصغيرة بالمرة متعلقة فيني وماني عارفة شاسوي قلبي بيتقطع عليهم هذا لوطبيعي قولي يوم بيتقزر بس لا سمح اللة قيصرية 8 ايام اشراح اسوي بس ياللة اللة بيعين
متضايقة حيل وزهقانة وطفرانة روحي مو عارفة شاسوي صايدني اكتئاب احس نفسي ابي اطلع واستانس قبل مانحبس احس نفسي مومستعدة لمن قربة الفترة مادري شعور متناقض
مادري موعارفة شاقول بس اللة ايعيني ويعين اعيالي واللة يرزقني بالطفلة المعافاة السليمة انشاء اللة

يا ليتنى وياكم ... انا بعدنى فالثالث ...
بس بغيت ادش ادعيلكم الله ايسهل عليكم و انشالله اتقومون بالسلامه يا رب وتفرحون بشوفة البيبي وتنسون هالتعب كله

آنجل آيز ... والله ضحكت يوم قريت شالفتج انه ياج هالويع..
أنا هالاسبوع استوالي نفس هالموقف...كنت راقده و حسيت ابويع نفس الدورة فالظهر و البطن..قلت أكيد بربي...طبعاً ماكنت أحاتي الولادة، كنت أحاتي اني مب امسويه حلاوة واقول كيف بربي وانا جي...

المهم ماسرت الدوام اليوم الثاني وسرت ا لصالون و سويت حلاوه وافتكييييييييت...

أعتقد هاي الآلام بداية الويع...بس من يمسك ومايسير خلاااااااااااااص...

هلا باحلى حوامل......

باركولي..سويت الشنطه امس..كلللللللي :)
وفديت امي يالسه تزهبلي حجرتي في بيت اهلي...بس انا بعدني ما زهبت اغراضي حق هناك...

ابا اسوي حلاوه بس بتريا عالاقل لين اول 8

امس سرت تمشيت في الستي سنتر ساعه ونص تقريبا...ومت من التعب حتى ريلي تحاراني بربي....خخخخخخخ :)

هقربتم ان شاء الله خير حبيت افرجكم ملابس المولود والشراء من على النت

شكلكم كلكم سابقيني انا للحين ما سويت الجنطة :shy:

انا ما اسوي حلاوة اشيل بالمكينة براون على طول و من دخلت الثامن صرت اشيل كل اسبوع ودي لو اسوي حلاوة بس بسرعة تطلع

بالنسبة للمنطقة اللي خبركم تسوون حلاوة والا موس
اشرايكم

لولو

بسوي حلاوه احسن عشان ما يزعجني بعدين..مع اني بمووت اكيد

السلام عليكم .......... شحالكن يا حوامل...؟
انا بمووووووووووووووووت من ويع ايدي وصبوعي ... مش عارفة شو اسوي ... تعبانة حييييييييييل منها ... اليوم عندي موعد .. واشوف شو تقولي الدكتورة ..... اخاف بس تقول هذا من الحمل .. واتم جيه لين اربي .... بمووووووووووووووووووت .... ويع مش طبيعي والله ... الله لا يبلي حد...
انجل ايز... مبروك الغالية .. واخييييييييييييرا زهبتي الشنطة ... ربي يسهل عليج ان شاءالله وعلينا كلنا ... عاد ما اوصيكن ... اللي تربي تخبرنا عسب نتطمن عليها .... والله يعين

الله يسهل عليكم

عاد أنا بنص السابع قلت خلني أشوف معاناة اللي وصلو التاسع عشان تخف علي معاناتي

دعواتي لكم كلكم بولادة سهله وتيبون عيال يهبلون ينسونكم كل احزانكم

تصدقون بعد ما قريت اللي يصير لكم صرت احاتي

والله يسهل على المؤمنين والمؤمنات

ما تشوفين شر سلامي حبيبتي....انا بعد اعاني من الم صبوعي..بس اول ما انش من الرقاد اكثر و بعدين يخفف...

مرايم السعوديه

حياج يالغلا...الله يعطيج العافيه و يتمم لج على خير.. و يرزقج باحلى بيبي بولاده سهله و ميسره..

السلام عليكم
شخباركم وشخبار نفسيتكم
لولو انا اخاف اشيل ببراون مع ان ما فيني شعر وايد واحس الحلاوة ما بتشيل الي فيني
وطبعاً ذيج المنطقة بموس مع ان ما اقدر اشيل عدل

اختي سلامي ما تجوفين شر انا بعد اصابعي يألموني اول ما اقوم من النوم وبعدين يخف الوجع شوي

حريم اغسطس
ليما الحين محد ولد منكم شكلكم بتصيرون مثل رابطة يوليو تأخروا كلهم وبعدين في يومين كلهم ولدوا وتميت انا الحالي ههههههههههههههه
تخيلوا انا انهيت 40 اسبوع واليما الحين لا حس ولا خبر المغص ذابحني بس اكيد موليلحمل ليش ان من امس ومايزيد علي نفس الطبقة ماتغير
ادعوا لي واوعدكم بادعيلكم ادعوا لي اللة ايهون علي واللة يرزقني بالطفل السليم المعافي اللي اينسيني هلألم هذا
اللة يعينكم نحن السابقون وانتم اللاحقون اللة ايعين
سلامي لكم كلكم بلا استثناء

السلام عليكم

كيفكم حوامــــــــــــــل؟؟؟؟


شو ما في حد ربي ؟؟؟


الله يعينج أم طيف ورهف.... خلصتي التاسع وما ربيتي ؟؟؟ إنشاءالله الله ييسر لج وقومج بالسلامه وتربين طبيعي ... يارب.

والباقي الحوامل الحلوات اللي ما جهز يجهز واللي ماسوا حلاوة يسوي ... شو اتريون تروحون هناك بأعشاشكم !!!

أنا بعدني توني داخلة التاسع ... باقي لي وايد .... لين ما أربي ...

الله يسهل لنا الحمل والولادة قولوا آمين

آآآآآآآآآآآآآمـــــــــــــــــــــــــــــــــــيـــــــــــــــــــــن

هلا بنات

انا اليوم دخلت الاسبوع ال38 يعني باقيلي اسبوعين باذن الله بس ما اظني بربي قبل....

يا حليلج يا ام طيف ورهف...بس شكلج خلاص هاليومين بتولدين :)


ميمو العسوله والله ضحكتيني ههههه...لا بصراحه ما ابا اسوي حلاوه لين الحين...الشعر يطلع بسرعه...بسوي عالاسبوع الياي ان شالله

هلا والله بالحوامل الحلوات ....
مشكورات يا بنات على تعاطفكم معاي .... وربي ان شاءالله ينولكم اللي في خاطركم .... ويسهل ولاداتكم كلكم ... ويهون عليكم الطلق ويرزقكم بالذرية الصالحة .... ان شاءالله
البارحة كان عندي موعد وسالت الدكتورة عن ويع صبوعي .... جان تقولي اتحملي لين اتربين وان شاءالله ييروح الالم ... المشكلة ماروم اسوي اي شي .. طول اليوم الالم ذابحني ... يالله الله كريم ان شاءالله ....
ام طيف ورهف .. أن شاءالله فهاليومين نسمع عنج خبر الولادة ... ربي يرزقج اللي في خاطرج ان شاءالله
انجل ايز.... لين احينه ما سويتي حلاوة ...؟؟؟؟؟ اتخيلي بس فجاة ياج الطلق شو بتسوييييييييييييييييييييييييين...... ؟؟؟؟؟
ربي يهونها عليج الغالية ...
سلامي لكل الحوامل ... وربي ان شاءالله يسهل علينا كلنا ...

هلا سلامي

يلا اتحملي هانت ما بقى شي..
بالنسبه للحلاوه اصلا الشعر صغير فما بينشل عدل ..واذا ياني الطلق فجأه بموس و بخلص :)