اللي ولادتهم في فبراير الجاي...حياكم

شكرا لك اختي عالم الهدوء على الرد

جزاك الله خير

عالم الهدوء .... عروس كتكوته .... دانه 33 ... وام شهد ... صمت الدروب ...
مشكورات فديتكن والله ايبارك فحياتكن يا رب ......


دانه 33 ...ماادري باركت لج والا لاه وما فيه ارجع للصفحات القبليه .... شفتى الهيازه :) مبروك حبيبتى عالولاده ووحمدالله عسلامتج وسلامة النونو :)
ام شهد وصمت الدروب ... بلاكن طولتن جذه ... والله ادري قهر وحاسه فيكن والله ....عسى ربي ايسهل عليكم يارب وما يطوف هالاسبوع الا كل وحده مربيه طبيعي ...

فيوم بتفيج وبقولكم قصه ولادتى والمعاناه اللى عانيتها ليومين واخرتها انتهت بقيصريه ... الحمدالله ع كل حال ... بس القيصريه خربت علي اشيا وايد كنت حاطه فبالي اسويها ...الحزام والرياضه وغيره وغيره

مخرخشه وعروس حيرانه مالهم شووووف .... وكيوت ماما مووووووول مختفيه ...

مسا الخير.......


اشحالكن عساكن بخير انتن وعيالكن :) وشخبار السهر :( والله ما يرقد ولدي الا عند اذان الفير وانا انوود من التعب ..

وريلي يفاتن عليه اونه ما تعرفين تتصرفين اكيد ما بعرف وانا اشوف ولدي يشرق جدامي ويتشنج


المهم اخليكم ويا قصتي ........


يوم الجمعه 9 فبراااير المسى نزل عليه دم مع افرازات ومع هذا كنت اتمشى واشرب زعتر بس يوم السبت حسيت بتعب صدق فقلت بسير اشيك عند الدكتوره زينب يوم الاحد ...سرت لها وكان كل شي اوكي بس الراس توه في الحوض فعطتني زيت خروع ...لوعه جبد صدق وعقب ما طلعت من عندها سرت اتمشى عقب رديت البيت ورقدت الظهر اذكر كنت ميته من اليوع بس قلت اول ما بنش باكل الساعه 5 تقريبا حسيت بشي يتدفق نشيت اصيح وريلي مب عارف شوه بيسوي من الربكه انكسرت المزهريه ههههههه المهم بعدها دخلت اسبح ورديت انسدح لان الدكتوره قالت حتى لو نزل ماي تمي عادي بس اذا اشتد الويع ولا قدرتي تمشين حزتها سيري ...عاد انا ما رمت اتحمل فقلت لهم يودونوي بعد صلاه المغرب عاد تخيلوا الزحمه المغرب على شارع الخيل وصوب المستشفى بسبب التعديلات وانا خاطري امووووت تقريبا ساعه في الدرب والله كتب ان امايه في المستشفى نفسه هذاك الوقت لان حرمه ابويه مربي يوم السبت فيت اتزورها ...

المهم دخلوني الطواري وكشفوا عليه وقالوا مفتوحه 5 سم الله ياخذ ابليسهن كيف يكشفن عقبها ودونوا قسم الولاده وكانت غرفتي رقم 8 دخلتها قبل صلاه العشى تقريبا ... وبدوا شغلهم ويايه تخطيط ومغذي كنت احس بالويع في منطقه العانه والحمدلله ما عورني ظهري عقب دخلوا لي بييب عشان يفتحون الكيس اللي حول البيبي يعور والله وامايه اتقول الله يغربلهم عقب يت الدكتوره قال 4 ونص واحتمال نسوي لها قيصريه عشان نبض البيبي :( وعندها بكتيريا في المهبل وبنعطيها انسولين :( والله ظربني صااهر منه ولا ارتحت الا يوم رجعت عقب قالت الدكتوره اذا ما انفتح عندها الرحم بعد ساعتين بنسوي لها عمليه فتمت امايه وام ريلي يقرن عليه والويع يزيد فقالت النيرس بعطيج ابرة مهدىء ومن عطتني الابره ارتحت بس بعدها كل دقيقه تقريبا احس اني ابغي انزل فيوم يت الدكتوره قالت ولاده ومب محتاجه عمليه تقريبا خذت عشر دقايق وربيت ويبت احلى سعودي عقبها شلوه عني لانهم خايفين تكون البكتيريا انتقلت له وتم عندهم في قسم العنايه خمسه ايام وعقبها طلعنا بالسلامه


وهذي قصه ولادتي:)

يلا الحمدلله على سلامتك ياعروس كتكوته ويتربي بعزكم سعووووووووودي يارب

الجنه الزرقاء

شوفي اختى مرات وقت التلقيح يكون قبل التبويض بيومين او 3 بعنى البويضه مرات تنزل قبل موعدها المعتاد علشان كذا الحسبه تكون مختلفه مع الدكتورة وجهاز السونار فمرات تتاخر الولادة او تبكر طبعا والله اعلم....................

عليك بملعقة محلب مطحون مع ملعقه عسل اخذيها من نهاية الاسبوع الثاني من التاسع مرة بالليل يوميا.........انا مجربته في ولاداتي السابقه صراحه سحر عجيب جربية ودعيلي..........الله يسهل عليكم يارب............

وينكم يابنات طمنونا عليكم

ألف مبروك زوجة راشد ....وحمدالله على سلامتج...وسامحوني مقصره في حقكم...لأني طول الوقت ويا البيبي ولا أعابل نفسي قبل لا ينش...بس أنا في بيت الوالد و اهني ماعندب كمبيوتر ...يعني أستخدم لاب توب أخوي يوم هو محد...

والله متوله على سوالفكن... أبا أقولكم قصة ولادتي العجيبه هههه بس ماشي وقت الحين ان شاء الله يوم برجع بيتي بتفيج و بكتبلكم اياها..

طبعا حمودي ماخذ كل وقتي هالأيام...يقولون الوضع بيكون أحسن عقب الأربعين أو يوم بيكمل شهرين ان شاء الله...الحين سهر و تعب و يالله يالله أتفيج حق عمري...

المهم وقت السبوح الحين....مب أنا ..سبوح حمودي فديته :)

أشوفكم على خير

كيوت ماما


الله يعينج سعودي نفس الشي متعبني بس الحمدلله امس رقد الليل وارتحت انا
مشكله اللي تجرب الامومه اول مره وما عندها حد يساعدها ...انا الحين يالسه ويا اهل ريلي


ام شهد ربت شكلها مالها حس احيدها دووووم تشتكي من تأخر الولاده

وعروس حيرانه وينها ؟

بنااااااااااااااااااااات

ابشرررررررررررركم صمووووووووته ولدت اليوم

وجابت ولد

الحمد لله على سلامتها ويتربى بعزها (f)

ماشاء الله موسم الاولاد اجل

الله يخليهم لكم ياااارب

السلام عليكم ورحمة الله وبركاته

انا كمان ولدت قبل اسبوعين تقريبا
في 13/2

واااااااااخ على قلة النوم
مسهرني البيبي كل الوقت :sad:

سلاااااام عليكم ورحمة الله وبركاته

بحمد من الله ولدت يوم الجمعة 9\2 الساعة 1,20 ظهراً بولادة طبيعة

:clap: :clap: :clap:

وجبت أحلى بنوووووتة وأسميتها ((فاطِمة))




كنت أبي أدخل من زمان وأقول لكم بس تعرفون كله صيااااااح وماكو وقت أحك شعري

بس تنام أروح أسبح وأعدل و و و ..


ومررة ثانية إن شاء الله أقول لكم قصة ولادتي ..

هلا حبيباتي

نا زبيت 28؟2 الحمدلله ولد (سيف)
بس تعبت وايد

بخبركم القصه عقب
انا بس قلت اخبركم

السلام عليكم امهات فبراير

اخيرا حصلت وقت ادخل واسولفلكم شويه
اول شي بصراحه ضحكت لما قريت اللي انا كتبته فوق
كتبته امس وكان فيني رقاد وبنتي شهد تبي تلعب بالكومبيوتر وانا اقولها لا خليه

المهم انا ربيت في اخر يوم في فبراير هالسنه وحمدلله انه مب 29 والا ماكنت بعرف احتفل بعيد ميلاده
ويبت ولد ماشالله عليه وسميناه سيف

وطبعا ربيت بطلق صناعي لاني كنت متأخره
وشفت الويل... ولادة الولد وايد متعبه غير ولاده البنت... بس الحمدلله

دخلت المستشفى وعطوني طلق صناعي وبديت احس بالالم بعدها ب 8 ساعات من الانتظار السخيف في المستشفى. وعقب ابتدى الم ماقدر اوصفه.... وتعبت وايد وانا اربي لدرجة اني ما كنت قادره ادفع وطلع البيبي ازرق وحطوله اكسجين عشان يتنفس واول ما كح وصاح حمدت ربي.... كنت ميته من الخوف يوم شفته ازرق
وبسبب انه اختنق شويه طلع له كيس دموي منتفخ في راسه وعينه لونهم احمر بسبب تجمع الدم فيهم
الدكتور قالي ان كل ها بيخوز بعد اسبوعين... بس قاللي لاحظيه لانه ممكن يستويله بو صفار
وطبعا انا مثل ما قلتلكم وايد خوافه كل شويه اطالع ويه سوافي واحس ان لونه استوى اصفر واقول لريلي يللا بوديه المستشفى ويقولي يا خبله لونه عادي ومافيه شي

المهم هاي كل السالفة
واخليكم الحين لانه نش من الرقاد... بس استواله نص ساعه
تعبني والله وكله يصيح فديته

ما اوصيكم كلوا تمر ورهش وشربو حلبه مع عسل اسود عشان الحليب

باي حبيباتي ومشكوره عروس كتكوته على السؤال

:sad: وين ردي وين اختفى:angry:

مخرخشة:
سلاااااام عليكم ورحمة الله وبركاته

بحمد من الله ولدت يوم الجمعة 9\2 الساعة 1,20 ظهراً بولادة طبيعة

:clap: :clap: :clap:

وجبت أحلى بنوووووتة وأسميتها ((فاطِمة))




كنت أبي أدخل من زمان وأقول لكم بس تعرفون كله صيااااااح وماكو وقت أحك شعري

بس تنام أروح أسبح وأعدل و و و ..


ومررة ثانية إن شاء الله أقول لكم قصة ولادتي ..

:qaq: الظاهر خرّف المنتدى:sad:

ياربييي فديتها والله فطومه ما شاء الله عليها الله يحفظها و تتربى في عزكم ان شاء الله...مبروك يا مخرخشه :) بحجزها حق حمودي قبل لا يشوفونها اللي يايبين أولاد هههههههههه

أم شهد حبيبتي بالبركه عليج سوافي...حمودي ولدي يسلم عليه ههههههه
صدق موسم أولاد السنه ما شاء الله

صمت الدروب...مبروك يا حلوه...عاد لا تقطعين مثلي ههههههه كسلانه بس شو أسوي ماعندي كمبيوتر مالي في بيت أهلي.

عروس كتكوته و زوجة راشد شو أخباركم مع السهر و الأمومه اليديده....والله أنا الين أحين أسأل عمري ..يعني أنا أم ...هذا ولدي ؟ هههههه

يااااااااه راحت أيام الراحه والرقاد على كيف كيفنا....الحين عين نايمه و عين مفتوحه هههههههه :)

مادري متى بقولكم قصة ولادتي....يمكن يوم برد البيت ان شاء الله...أنا بطلع من الأربعين آخر هالاسبوع ان شاء الله :)

هيه صح قبل كنا كروشات بسبب البيبي والحين كروشاتنا مفسده و يبالها شد ههههههه اشفطوا بطنكم كل ما تذكرون شكل جربتكم لمفسده هههههههه

يلا سلااام :)

الف مبرررررررررررررررررررررررررروك لكم جميعا علي البيبيهات الحلوه
انا الحمد لله ولدت يوم 21 الساعة 11 باليل بعمليه قيصريه وجبت محمد هحيلكم التفاصيل بعدين سلامد لوقتي

الف الف مبروك لنا جميعا والحمدلله على سلامتنا

اتوقع خلاص الحين مابقي احد من الربع ماربى الحمدلله الواحد لما يتذكر روحه مع هالكرشة ويشوف ولدة جدامه الحين صاحي ومعافي بنعمه من رب العالمين يصبح ويمسي يحمدربه............ربي لك الحمد والشكر الف مرة ................

الحين لازم نفتح موضوع ثاني مثل ماوعدتونه بس يبيلنا تقريبا شهر على مايخلصون الامهات الاربعين باذن الله .................

انا في اليوم الـ 27 باقيلي اسبوعين واخلص اربعين ................

يلا خلونا نسمع اخباركم ومغامراتكم العجيبه مع عيالكم هههههههه

مخرخشه
ام شهد سابقا ...الحين سوافي
عروس حيرانه


مبروووووووووووووووووووووووووووووك الف مبرووووووك
ويتربون في عزكم

ما شاء الله فطومه الوحيده بين اولاد ههههههههه

سعودي نايم من ساعه وابوه مرقد وياااه خخخخخخ

تولهت علييييييكن يا ربي يله خلونا نفتح رابطه يديده

يبالنا رابطه يديده والله يا كتكوته....رابطه لرفع المعنويات و تربية الأولاد والنيو لووك....:)

شو أخبار أجسامكم..صراحه أنا احس انه جسمي كله يباله شد و يباله مساج....قبل الحمل كان مشدود والحين كل شي لين ومافيي قوه مول.... يبالي مسااااااااااج...ساعات أقول حق ريلي شو رايك ادوسني تعدلي إعظامي تردهم مكانهم هههههه...

شو أخبار رياييلكم ويا بيبياتكم؟

Cute Mama:
يبالنا رابطه يديده والله يا كتكوته....رابطه لرفع المعنويات و تربية الأولاد والنيو لووك....:)

شو أخبار أجسامكم..صراحه أنا احس انه جسمي كله يباله شد و يباله مساج....قبل الحمل كان مشدود والحين كل شي لين ومافيي قوه مول.... يبالي مسااااااااااج...ساعات أقول حق ريلي شو رايك ادوسني تعدلي إعظامي تردهم مكانهم هههههه...

شو أخبار رياييلكم ويا بيبياتكم؟

انا سويت مساج لجسمي :shy: وشليت الخياطه من اسبوع حتى ريلي متخبل اون احلويتي ههههههه

اذا انتي من دبي راسليني وبعطيج رقم اللي سوت لي المساج وبالنسبه للشد بالله عليج عيالنا يخلونا الحين انا يالسه اتريا ام ريلي عشان نسبح سعود وعقبها اسبح انا والله يعيني على صياااحه ..وبالنسبه للرابطه افا عليج بنفتح ليش لااا:shy:

اتولهت عليكن حبيباتي

ماشالله عليها فطامي تينن لله يحفظها

سوافي ياحليله يشبه بنتي وايد ونفس طبعها يوم كانت نونو... كله صياح
شو اخبار الختان؟؟؟ انا مت من الصياح وانا اسمعه يصيح داخل الغرفه والناس يقولولي في هاليوم الناس تحتفل وتقول انشالله تزوجينه وانتي يالسه تصيحين

انا معنوياتي محبطه... تقريبا عندي اكتئاب بعد الولاده.. وايد اصيح.. ومابي ريلي ... ولا ابي اشوفه
وبالنسبه للمساج.. يبالي ابتدي خلاص.. بس عندي الم فظيع ويوم سألت دكتورتي قالتلي عادي كل حمل المه يختلف لاني قلتلها بعد ما ربيت شهد ماكان عندي الم في بطني.. لدرجة اني مب قادره اتحمل المشد

طبعا السهر وايد متعب.. والغيره اللي تحس فيها شهوده وايد اصعب... الله يعين

شو بنسمي الرابطه اليديده؟؟ امهات فبراير 2007 مثلا؟؟؟

المهم اخليكم.. الصياح ابتدى والحين الساعه السادسه صباحا
حبولي كتاكيتكم