اللي ولادتهم في فبراير الجاي...حياكم

ام مرام

الحمدلله على سلامتك وسلامة جود وتتربي بعز والديها يارب وتتشافين من العملية ..............آمين

زوجة راشد

انا المويه كانت قليله من الشهر السابع بس كان يكفي لين التاسع بس تدرين شو صار فيني في الولادة؟؟؟؟؟؟؟؟؟؟؟؟؟؟؟؟؟؟؟.

لما جات الدكتورة علشان تكشف توسع الرحم وكان خلاص مفتوح علشان خروج الراس افتحت الكيس تقول الدكتورة ان كمية المويه اللي طلعت قطرة وحدة و خذيت الموضوع ضحك لكــــــــــــــن بعدها شفت اللي يارب محد منكم اتشوفه................
لما طلع البيبي وخلصنا من سالفة البيبي جات سالفة المشيمه .................... الكيس لصق في جدار الرحم طبعا مع المشيمه تميت نص ساعة الدكتورة تحاول اطلع المشيمه وماكو فايدة جاني طلق ثاني اشد من طلقي بولدي وبعد معاناة الحمدلله طلعت اخيرا.............. تقول الدكتورة لان المويه كانت قليله علشان كذا الكيس لصق بالرحم .................... هذي تجربتي مع المويه القليله بس علشان يكون عندكم خبر يابنات ياحلـــــــــــــــــــــــــــــــوات

حبيباتي صمت الدروب و مخرخشة وعروس كتكوته

شكلكم ربيتو يارب الله يسهل على الجميع

مبروووك ام مرام وتتربى بعزكم يارب

لف حمدلله على سلامتك يا ام مرمام وجود الحين وتتربى في عزكم

زوجة راشد وصمت الدروب ها ربيتو ولا بعدكم؟؟؟ ترا ان شكلي انطركم تربون عشان اربي انا بعد هاهاهاها

وينهي مخرخشه ربت ولا كيف هي وعروس كتكوته؟؟

شو اللي يخلي الماي ينقص و تقل كميته؟؟

الف الف مبـــــروكـ اختي ام مرام
الحمدلله ع سلامتك انتي والبيبي وتتربى في عزكم ان شاء الله
...
والله يابنات انا للحين ماولدت :(
انتظرموعدي يم السبت واشوف وش يقولون لي مليت والله
بس الحمدلله على كل حاااال
..
ام شهد اربي ولا تنطرين احد << احنا مطولين الظاهر هههههههه
..
مخرخشه وعروس كتوكته شكلهم ولدوا
الله يسهل ع الجميع يااااااارب

اختى ليلي

شوفي اهو يا المويه تنزل منك وانتي مو حاسه او ان موعد ولادتك على النهاية وطاف موعدك فيبتدي يقل .............. عاد انتي تأكدي احسن

عروس حيرانه

مافي اخبار عنك خبرينا اخر تتطوراتك في الحمل موعد ولادتك قرب ولا بعد لسه............

كيوت ماما

وينك الامومه خذتك منا عاد دخلي على التجمع وسألي عن صديقاتك ولا خلاص ربيتي والبيبي اخذك منا ترا احنا نغيييييييييييييير.........خخخخخخخخخ

تقية وام مرام

شخباركم مع الجرح انشاء الله بتديتو تتعافون

صمت الدروب

انشاءالله تربين قبل موعدك

زوجة راشد

وينك حبيبتى انشاءالله سويتيها وافتكيتي

الله يسهل عليكم يارب لاتنسون الدعاء وسورة مريم واكل العسل واشربو من ماء زمزم قلبي معاكم والله

بنات حبيت اسئل اللي بالتاسع او اللي ولدوا من قبل تكثر الافرازات بتاسع لاني لاحظت انها كثرت وااايد عن شهور القبليه فهل هذا شي عادي

انا هنا بغدني صامده بس لمتى مادري

عروس الدوحه ولله ما اقدر افيدك بس اسألي دكتورتك احسن لان الافرازات ينخاف منها عشان ممكن تكون التهاب ويأثر في الولاده

شو اخبركم محد ربى؟؟؟

بنات رفيجتي توها متصله فيني وخااايفه موت هي بعد 4ايام بتدخل تاسع تقول راحت حمام الله يعزكم بعد تبول امسحت بالفاين ومع الافرازات نزل عليها دم وخااايفه انها تربي وماتكمل تاسع لان البيبي حجمه صغير وتبي تاخذ تاسع كله عشان يزيد وزنه وتقول ان ام زوجها قالت لها بعد اسبوعين بتربين

هل صحيح بتربي بعد اسبوعين؟

شخباركم حوامل ؟؟

من اللي اولدت من البنات للحين مااشوف لا عروس كتوكته ولا مخرخشه وزوجة راشد بعد
وينهم ؟؟
..
انا رحت اليوم موعدي وقالت الدكتوره اذا خلصتي اسبوعين ولا ولدتي تعالي نولدك
بالصناعي :(
ادعوووووا يابنااااااات اولد قبل تكفووون ادعوووالي :confused:

شخباركم بنات شوه محد ولد يالله نترياكم ... انا ولدت يوم الخميس بطلق صناعي ويبت ولد بس بعد طلعت الروح الله لا ايراويكم ويع الطلق الصناعي وانشاء الله الله ايسهل عليكم ...

وانا وياكم لي الحين ماولدت :(
باقي لي اسبوع او 8 ايام واخلص التاسع :/
الله يستر

هلا يا حمولات
شو اخباركم

مبروك يا دانه33 ويتربى بعزكم انشالله
انا شكلي بربي مثلج بطلق صناعي لاني طفت موعد ولادتي... بعدني صامده

سلام عليكم ألف مبروك للي ولدوا وفتكوا من الكروش هههههههه بس صراحه مب كانت الكروش حملها أهون من السهر والرضاعه و تبديل البمبرز ههههه فديتهم والله الكتاكيت بس صراحه احنا كان في شي لازم نتكلم عنه و هو اكتآب ما بعد الولاده خاصه اللي عندهم أول بيبي...
صراحه أول اسبوعين كان وايد تعب علي والحين شويه أحسن حمدالله بديت أتعود بس بعدني ما أنام عدل لأنه كل ما يسوي صوت أقفز من النوم :(

عالم الهدوء
حياج الله حبيبتي..أنا اهني بس من أحصل وقت على طول اسير أجابل نفسي شويه آكل و أتسبح قبل لا يقوم من النوم...بس أنا صدق متوله عليكم وايد :)

البيبي يصيح...ماما تقولي خليه يصيح شوي بس أنا ما أحب أخليه يصيح ههههه
أشوفكم على خير....

ام شهد الله الله لا يقول وتربين بطلق صناعي لاني شفت الويل وما اتمناه لاحد لانه صدق موووووووووت وااايد تعبت وابغيج تتعبين مثلي والله ايسهل عليج يارب انتي والباقيات .....

حبيبتي دانه ادعيلي لاني جربت الطلق لصناعي يوم ربيت بنتي شهد والحين بعد شكلي بربي مره ثانيه بطلق صناعي لاني طفت موعدي وبصراحه ما ابي انطر وايد لانه كل تأخير البيبي حجمه يكبر في البطن وتكون الولاده اصعب... الله يسهل علينا انشالله

مرحبا كروس كتكوته.. فديت اللي يسهرونج يا حليلهم... انا بعد كانت عندي وساوس وكنت كل شويه انش واشوف بنتي تتنفس ولا لأ لاني كنت قريت موضوع عن موت الطفل المفاجئ الله يحفظ اليهال انشالله

يابناات ادعووولي اربي تعبت وانا انتظر اختي اللي اصغر منى وموعدها بعدي ربت قبلي الحمدالله

واخاف وزن يزيد واتعذب بولادة ومن الم الخياطه

الف مبرووووووووووووك الدانه ويتربي بعزك
والله لسه انا منتظره وخلاص باقي 3 ايام ويخلص التاسع ومافي شئ

مرحبا يااخوات

دانة

مبروك ويتربي في عزكم يارب


كيوت حبيبتي

لامافي اكتئاب ولاشي وشفيه السهر والتعب وتغير البامبرز ؟؟؟؟؟؟؟؟؟ مو احسن من تعب الحمل وانك ع طول تعبانه في القومة والقعدة حتى النوم ماتتهنين فيه............. انا لما قلتلكم فيني اكتئاب واحاتي السهر والتربية صراحه كل شي تغير ولله الحمد بعد ماولدت بعد ماشفت الصغيروووووووون................ صج ما في نوم مثل العالم والناس بس هذي فترة وتعدي ويوم ورا يوم الوضع يتحسن باذن الله.........بعكس الحمل من البداية الى النهاية تعب بتعب
والله انتو شو رايكـــــــــــــــــــــــــــم!!!!!!!!!!!!!!!!!!!!!!!!!!!!


صمت الدروب

انتى متى موعدك بالضبط ماعطينك؟؟؟؟؟؟؟؟؟؟

يالله الله يسهل عليكم يارب

الف مبروك دانه33
الحمدلله ع سلامتك وتتربى في عزكم ان شاء الله
...
عالم الهدوء موعد ولادتي 22 فبراير بس هم عطوني فرصه اسبوع بعده قالوا راقبي حركة الجنين في الاسبوع الاخير واذا ماولدتي تعالي نسويلك
طلق صناعي الله يسهل واولد قبل ان شاء الله دعواتك :)