الجزء الثامــــ8ـــــــــــــن من تجهيزات عرايس قطر 2006

بنت الغالي ..
حي الله الغالية ..
اممم اي خلصت تقريباً .. حتى من الفضاوة اطلع لي شغلة طلعة ولا روحة خخخخ
لا من هالناحية لا تحاتين .. الحين صار عندي وقت كبييييير حق نفسي .. إن شاء الله باستغله عددددل ..

و بخصوص الأرقام لا خلاص مشكورة .. حجزت عند ميرا حق الصباحية .. و افففف أخيراً .. : )

::

دوحانيه

الله يعينج زين خلاص ماباقي شي
بالتوفيق ^^

السلام عليكم

بنات انا مسافره بكره بلف لفه على اوربا سياحه ومنها تجهيز للعرس وخايفه اروح وتخلص فلوسي هناك

ياليت كل وحده تقولي كم صرفت في تجهيز الملابس علشان احط حدود وماصرف واايد

بصراحه يتوحشوني مووت وقلبي معاكم انشاءالله بتذكركم بالطياره وبدعيلكم بالتوفيق

فراشتنا ..
الله يوفق الجميع .. عقبالج : )

::

عمري أنت ..
بالنسبة لي صرفت على :
الملابس = 4500
قمصان النوم = 4000 مع قميص ليلة العرس ..

: )

تروحين و تردين بالسلامة ..
أي سؤال .. نحن في الخدمة ..

دوحانيه

الله يسلمج وتسلمين عالرد ماشاءالله عليج جهزتي بس ب4500
وقمصان النوم بس ب4000

تتهنين فيهم يارب

الف مبروك حق كل العرايس


وسوري لاني مادخل هالايام

عمري انت

اوروبا غاليه نار مانقدر نحدد لج اسعار صراحه يعني الي بتجهزينه في الخليج بمبلغ ماراح تجهزين ربعه في اوربا يعني انادخلت سوق واحد ماشريت شي يذكر ب5000شلون مادري....... يعني جهزي من اوربا المكياج لان صج مكياجهم رهيب والجوااتي والشنط لكن ملابس لا خليها في الخليج ...... اذا بتجين باريس لايفوتج مكياج حورجيو ارماااني مانزل في الدوحه بس الكريم اساس رهييييب حقهم........

لي عوده

عمري انت


انا مع بنت الغالي صراحه اوروبا ناااار


اخذي منهم الاشياء اللي مب متوفره عندنا




مثل العطورات و المكياج



ملابسهم ما تصلح لنا



الجو روعه يا ريت لو تشترين جوهم هههههههههههه




تروحين وتردين بالسلامه





بنات ابي اسمع طق جمال التميمي



اللي تعرف وين يبعون اشرطته والا اذا موجوده اغانيه بالنت ترسل لي عالخاص

عمري أنت ..

بس كفاية .. دام إني خذت بهم اللي أبي : )
و بخصوص قمصان النوم خذتهم من الإمارات و هناك أرخص ..
اي صج أنا نسيت أذكر هالشي .. إن أوربا ناااار مثل ما قالوا لج البنات .. العطورات و المكياج هناك أحسن شي ..
الله يوفقج ..

::

دلووعة ..

طلي علينا حبيبتي .. مفتقدين نصايحج و طلتج في الموضوع ..

::

إلا صج كلاسيك وينها ما تبين ؟

السلام عيكم ورحمة الله
حيا الله بنات بلادي
دلوعه وينك والباقي احس المكان فاضي القليل يشارك
الي مسافرين في حفظ الله
زوروا هالرابط
http://www.3roos.com/forums/showthread.php?t=183451

بنات إذا ما عليكم أمر ,,

اللي تعرف رقم وحدة تبيع بخور حلووووو و عندها محل .. تعطيني الرقم و الأسم بسررررعة الله يخليكم ..

الصراحه انا شريت من ام سعيد عود بالعنبر حلو عندها عود فرنسي حلو
اذا بغيتي ارسل لك رقمها

جزاج الله خير على الرد ..

اي إذا ما عليج أمر .. بغيت رقمها ..

و أم سعيد سامعة عنها .. عندها محل ؟

هاي بنات ...... .....

دوحانيه ماعرف غير المحلات المعروفه بس ماشالله العربيه للعود في كل مكان فاتح تخيلي في الشانزلزيه فيه فرع ......... انشالله ام حمد تفيدج ........

دوحانيه شخبار من بيجيج للتنظيف سميره ولا من ؟؟

الغاليه سمعت انها تبيع في حديقة دحل الجمام
وانا شريت منها عن طريق وحده لانها ساكنه في الناصريه بعيد علي

الا بنت الغالي شخبار الشانز
لو وديتيني اترجم لك
لا تفوتون سوق لاديفانس كل شي فيه وحذاكم بروكسل بالقطار ساعين
قلتلك لو وديتيني

أمس جاتني سميرة و كانت الجلسة قبل الأخيرة .. و بتجيني قبل الحنا حق الحف و تنظيف البشرة و حمام الزيت و الخلطات حق جسمي ..
عطتني مرهم حق الحبوب أحط منه 3 مرات باليوم و حق عقب الحف حتى الكتابة عليه مب بالإنجليزي بكتابتهم الباكستانية و خلطة للجسم مثل الكريم لونه وردي احطها في الأسبوع مرتين تنعم و تفتح .. و حطت لي زيت حق شعري من السدر و الورد و النقل و مادري شنو و خليته لليوم لكنه ثقيييييييل حده ما يفج من الشعر بسرعة ..

وجذي خلصت معاها الجلسات , ما راح أسوي حمام مغربي لأني ما أحتاجه بصراحة و الحمد لله ..

بس جد بنات اللي حددت عرسهاا تحجز عندها من الحين أمس تقول لي ناس حاجزين و اعراسهم في شهر 3 و اللي في شهر 11 مول ما تلحق ما شاء الله من كثر العرايس اللي عندها ..

كأني قلت قصة حياتي !!!!

أم حمد ::

صج والله في حديقة الدحل ؟؟ مادريت بصراااحة .. عموماً يعطيج العافية ..

: )

شكراً للي رحبو فيني ^_^

اممم عندي سؤال وليتكم تساعدوني لاني محتاره بصراحه

ووين تنصحوني اخيط فستان الخطوبه؟

ريم ::

اممم مودا ليدي في السد يهبّل ..

السلام عليكم

بنات من تعرف محلات لبيع البدلات والقمصان النوم في تااايلند اشاياء غريبه ظروووووووووري بنات؟