الجزء الثامــــ8ـــــــــــــن من تجهيزات عرايس قطر 2006

السلام عليكم ورحمة الله وبركاته

فراشة ابوظبي
هلا والله بأهل الامارات
فديتكم والله
مشكورة حبيبتي على الرد
اتوقعين شنهي احسن ماركة للشدو للاستخدام اليومي والطلعات العاديه

هااااااااي بنوتات .........


فديتكم والله بكره انشالله بدخل وبقرا الردوود ...........

امس كان عرس حلا قطر الله يحفظها وبكره عرس احلام صغيره 7-7.....ادعوا لاحلام صغيره بنات ........

سي يو

دوحانيه

مااقدر ارسل رساله خاص ومحتاجه رقم دلال ومريم الفلبينيه

ضرورررررري

البنفسج ..
أغراضج حلوة تتهنين فيهم ..
بخصوص كرايولان .. امممم يمكن تلقينها في مركز الأسوار ..
بس شوفي إذا ما تعرفين للمكياج المائي لا تاخذينه خسارة .. و بعدين هو حلو للمناسبات بس ..

بخصوص الشدو اليومي .. انا وايد أحب الباليتات اللي تنباع في فت ول و هالأماكن .. لأنها تعمر ثاني شي تنفع للزيارات و الإستخدام اليومي إذا كنتي تحطين كل يوم .. عندج كانيبو العلبة السودا وايد حلوة .. و عندج ماركة اسمه جست جولد تجي باليتات صغيرة بو خمس الوان درجات .. واااايد حلوة .. و شوفي ماركة برجوا صج حلوة و عندج نوبا ..

أما بنيفت ما قد شفت هالماركة هني ..

::

و أنا باقول شخذت من مكياج :
باليتة أرواج بودرة من بن ناي ..
باليتة شادو أو ثنتين من كرايولان و بن ناي
كيك لاينر من بن ناي و كرايولان ..
كونسيلر دائري من بن ناي ..
كونسيلر الباليته + بودرة + مثبت مكياج + منظف الفرش من ميك آب فور ايفر ..
بودرة إضاءة من ريفلون ..
بيس من كرايولان ..
الفرش من بودي شوب + ماك + فرش عادية ..

::

باشتري ..
بودرة غيرلان ..
ماسكرا ايف سان لوران ..
أساس كانيبو للمناسبات ..
أساس ماكس فاكتور السائل خفيف للإستخدام اليومي ..
بلاشرز وردي + مشمشي ( مادري من وين آخذهم )
بودرة ريفلون
قلم كحل ( مادري من وين )
إحتمال كحل سائل من لانكوم ..
ماسكرا الشفافة من البودي شوب ..

.
.
قاصرني شي ؟

باركوا لي تقريباً خلصت أغراااااضي .. باقي آخذ لي المكياج + أغراض الجمعية و ترتيب الشناط و تجهيزها .. ادعوا لي بنات ^_^

البنفسج
ميك اب بنفيت بتلقينه في فيسز وفور يو

كرايولان في قنطار بمركز البستان

السلام عليكم رحمة الله وبركاته

دوحانيه
مشكوره على الرد
والله يوفقج وييسر امورج كلها

عمري انت
جزاج الله كل خير

البنفسج

ماركة بينيفيت في الاندمارك في محل وجوه

والستي سنتر محل فور يو

^_^

مشكوره فراشتكم وجزاج الله الف خير

السلام عليكم ورحمة الله وبركاته

ياليت وحده من المتزوجات والعرايس الجدد تقولنا
سيناريو يوم العرس
متى طلعت من البيت ومتى ياتها مالت المكياج والتسريحة
وقبل ما ييون شسوت "شلون تعطرت وشحطت على جسمها كريم ولا عطر ولا بودره ولا شنو"
وهل الوحده تركب لها اظافر تركيب ولا تربيهم وشلون تعتني فيهم

ومن طلعت مع المعرس شلون انتقلوا للفندق باي سياره ومن كان اللي يسوقها
وهل تغطت بعبايه عاديه ولا يفصلون عبايه خاصة للعروس
ويوم اوصلت هل ردت اتسبح وتحط ميك اب ولا تمت بالمكياج
فيدوني يا بنات تراني ما اعرف شي
ولا عندي حد اساله غيركم

ولا تنسون تعلقون بعد على ردي اللي فوق عن المكياج هل هو مناسب ولا لا
ادري اني مسختها بالاسئله
بس عذروني

وجزاكم الله خير

الله يوفقكم بنوتات

دوحانيه والبنفسج :
تتهنون بالميك أب إن شاء الله ، بس دوحانيه كانج ماذكرتي كحل داخل العين ؟؟

مدري اذا تستخدمينه ولا ، بس انا افضل ريفلون اللي يتبرى أو لانكوم ، حلوين لداخل العين ، وبرا العين استخدم لورد اند بري اللي يتبرى أو ريفلون اللي ذكرته فوق .

ممممم ولوس باودر حق الشادو اللي يتناثر تحت العييين ، خذي افتح درجه ، تلقينه في ماك أو فور إيفر .

بلاشرات ، يمدحون بلشرات مااااك وايد ، عاد انا خاطري اتعلم شلون :( أحس اني احط اي كلام عشان جذي استخدم الوان فاااااااااااااااتحه من برجوا عشان مايبين التخبص في فيسي .

إضاءة الحواجب أحب اللي عند بادي شوووب حلوه تعطي على ذههههبي بلمعه وحلووو على كل الألوان ، وحق الشادو الأزرق تصلح إضاءة نايلون من ماك .

وبعد باليتات نيبووووو حلوه انا خذت لي وحده منها وكملت الألوان اللي ناقصتني من ماك .

والتحديد بس شريت لي اربع ألوان وردي فاتح وبيج (( واحمر وماروني )) هههههههههههه شمدخلهم فالسالفه مادري ماستعملهم كلللللللش الا مره أو مرتيين وحق اللعبه :)

وخذت التحديدات الفواتح من بودي شوووووووووب .


سديييم :
وانتي بخخخير حبيبتي ، والله يسمع منج وأقوم بالسلامه .
وبخصوص التوزيعات ، أنا أشوفها قديمه قدم التاريخ لوووول
لأني بصراحه أتضايق اذا اروح مكان ويعطوني توزيعات ماعرف شسوي فيهم خاصه إذا أصنام كفايه الأغراض اللي فالبيت بعد ازيدهم اشياء صغيره وماعرف وين أحطهم .

عشان جذي فالعرس ماسويت بس فالحنه ، والحين فالولاده انجبرت أسوي قالوا لي مايصير أول فرحه وسوي وخاطرنا ومادري شنو فسويت ، لكن عاد ماخليت شي ماسويته ، وبصوره لكم إن شاء الله .

واعتمدت أكثر شي عالأشياء اللي يستفيدون منها الناس مثل الصناديق ، وبتعدت عن الأصنام ، اللهم توزيعات اليهال خذت لي اشكال على أرانب ودبادييب .

البنفسج :

بتكلم عن نفسي ، ونبي نشوف باقي العرايس إيش سووا .

أول شي اتفقت مع زوجي وقلت له نزل شنطتك عندنا مع الثياب والغتر وخلهم مكيسيين ، لأن هو وعليه ماعنده لا اخوان ولا خوات :( وبحكم صلة القرابه فمانحرج لما خلى ثيابه عندنا ، وعن ملابسي وفساتيني خليتهم في أكياس بيضه تبع اللاندري ، وقمصان النوم حطيتهم في كيس أسود اللي فيه سحاب يجي مع الفساتييين بعد مابخرتهم وعطرتهم .

وجهزنا الشناط من فالليل عند باب الصاله :( تذكرت الموقف يصييييح .

وثاني يوم قمت من الصبح ، اصلا مانمت عشان اقوم لووووول كله احلام وكوابيس :(

وتنقعت في خلطة سميره وغسلت جسمي ولبست ثيابي وطيران عالفندق .

عاد ماوصيكم هالله هالله بالقفازات من الصيدليه عشان لي تسبحتوا ماتروح الحنه :)

ورحت الفندق عالساعه 11 (( وضروري لازم تودين ورقة الملجه وبطاقة الزوج الشخصيه والجواز وبطاقتج وجوازج ، عشان يعطونج الغرفه ويطابقون كل شي عندهم )) هالأشياء جهزوها من قبل .

وطلعت الغرفه وتسبحت واتصلت حق مالة الميك أب والشعر والمسكه والفستان والمصوره وعطيتهم رقم الغرفه .

والميك أب كنت متفقه معاها عالساعه 5 لأني كنت أبي اخلص بسرعه واكون فالقاعه الساعه 9 ونص ، والحمدلله حطيت رجلي فالقاعه عالوقت :)

والخله الوالده رتبتها مع رفيجاتها ، بس ماحركوا ملابس زوجي ، وهذي نقطه انحرجت منها انا ثيابي مرتبه وهو لا :( بس غلطه مني كان مفروض ادخل ورتبهم لكن لهييييييت مع الكوشه والطاولات .

ولاتنسون تطلبون لكم وجبه خفيفه عشان الطاقه :)

وبعد ماخلصت تصوير وكل شي كلمت بنت خالتي والمسؤوله عن القاعه عشان يجون يوصلوني لين تحت .

وبعد ماخلصت فقرتنا فالعرس انا وزوجي هههههههه طلعت فوق وخبركم المصوره واذيتها بعد ماخلصنا منها كلمت بنت خالتي وزوجة خالي عشان يجون يساعدوني فالفستان والطرحه .

والحمدلله تم كل شي بسلاااااااام :)

عاد لاتستغربون تقولون شفيها قطر رازه بنت خالتها وزوجة خالها ، ترى ماعندي خوات ومب عدله امي تهد المعازيم لازم تقعد معاهم لين اخر لحظه وتقوم بالواجب ، وبنت خالتي تقرب لزوجي بنت خالته ، وزوجة خالي مثل أخته الكبيييره يعني عادي ستر وغطى ، من غيرهم مادري شبسوي :(


وفي شي سويته يمكن ودكم تسونه ، بنت عمتي كلفتها تصور ممرات الفندق وهي طالعه فوق من الأصنصيير وتصور الممر لين الغرفه والسويت وصورت رقم السويت (( الخله )) والغرفه اللي تجهزت فيها ، وبعدها نزلت القاعه وصورت التجهيزات من كوشه وطاولات و إضاءه أول بأول .

وصورتني بالتنوره والبادي والشعر المبلل ، لين مالبست الفستان والطرحه خطوه بخطوه ، واستأذنت من عبير تصورني وهي تحط الميك أب لكن ماصورت وايد يدوب رتتتوش .

يعني ماقصرت مسكينه ، حتى فالبيت صورت تجهيزي كللللللله وصورت بيتنا من برا واحنا نلف توزيعات الحنه ، وكوشة الحنا وهم يرتبونها .

ذكرى حلوه والله

اي وشعري فتحته عاد صاير مثل الكيرلي من تحت بالفير ، والميك أب مسحته فقط لاغير وحطيت بودره بريحه للجسم وتعطرت .

وللعرس بخرت الطرحه بعووود وعطرتها وحطيت دهن عود وعطرت جسمي ، بس مادري لاحظت شي اي عروس اسلم عليها ماشم فيها ريحة عطر ههههههههههه لاحظتوا هالنقطه ؟؟؟

يعني كثروا دهن العووود أحسن شي .

وحلاوة البولو الصغيره كلش خلوا وحده من أهلكم تجيكم كل مره وتعطيكم وحده :) جربتها مره بس اللي قامت بالمهمه نستننني :( ولهت بالرقص .

<----- بس خلاص وايد هذرتي ، يالله مع السلامه

هلا قطر ..
الله يسلمج : )
بخصوص الكحل داخل العين .. استخدمت ريفلون القلم بس مشكلته يسيح بعد فترة ما عجبني ..
يمكن مال ماكس فاكتور يفي بالغرض .. و بخصوص لورد أند بيري جربت الكحل السائل اللي كأنه قلم اممم حلو بس يجف ..

أما البلاشرات .. امممم ماك ؟ <<-- مشكلتي ما أحب اروح السيتي و لا وايد أشيا تنوخذ من ماك !!! ما صدقت يوم لقيته في البحرين .. بس ما تحسين مكياجهم قوي نوعاً ما .. حلاة البلاشر يجي خفيف عشان ما يطلع كأنه تلطع في الفيس ^_^

و ذكرتيني بالمحددات و الغلوسات .. الله يذكرج بالشهادة ..

ما شاء الله عليج أفدتينا بتجربتج .. و حلوة حركة تصوير كل شي ..

واااي باموووت من الخرعة ..

الســــــــــــــــــــلام عليـــــــــــــــــــــــــــكم جميعا

كللللللللللللللللوش رجعت لكم:gum:

هلا بج بنت الغالي والله يخلي لج ابوج ويطول عمره

ولكل العرايس

1_ ابغي اسالكم انا ابغي حد يسوي حمام زيت للشعر او زيوت يعني عنايه للشعر غير

سميره لان مواعيدها وثانيا بصراحه وايد شعري اخترب وخفففففف لماخذتها والكل

مستغرب :confused: انا سمعت عن صالون ( (جاك دسياج)) ان يسوي كورسات

ومادري اذا حد جربه؟؟ او تعرفون حد ثاني؟؟


2_ وابغي حد يفرك الجسم خخخخخخخخخخ بالكركم وخلطات زينه؟؟
نفس شغل سميره <<<<<<<<

3_اممممممممم حد من العرايس جرب ليزر للجسم ؟؟ وشرايكم عند من اسوي


<<<<<<<<< مرتبه تعدد خخخخخخخخخ

انتظر ردودكم :shy:

مساء الخير بنات ديرتي

مبروك حق كل وحده عرسها اليوم والله يوفقها ان شاء الله

انا ان شاء الله بروح الرياض وبجهز من هناك بس حبيت أسألكم عن المحلات والمجمعات اللي عندهم

وحق شغلات العرايس لأن في الرياض مهرجان التسوق وفرصه اجهز من هناك

اممممم اي صح تذكرت حتى انا ابي اسوي كورسات حق الشعر <<< شافت كلام اميره فوق خخخخ

وبسوي عند سميره لكن ماادري اذا كان زين ولا لا بس بجرب اول مره وبشوف :)

بنات حد جرب منكم التمليس الياباني ( اليوكو) خاطري اسوي الصراحه لاعت جبدي من هالستشوار

الله يعين عقب العرس خخخخ وابي اسويه في الدوحه ابيكم تقولولي اي صالون يضبطه عدل

ومشكورين فديتكم ماقصرتوا :)

فديت الدوحه

الصالون الوحيد المعتمد لليوكو هو (جاك ديسانج)
والسعر على حسب طول الشعر

انا عن نفسي الصراحه ماجربته بس اقرا عنه هني في المنتدى

^_^

والرياض
انا توني رايحه من فترة
الصراحه ماحبيت سوقهم مادري ماحس في شي مميز
مع ان الكل يمدح الرياض
بس انصدمت يوم رحت وشفت ^_^

[QUOTE=دوحانية]هلا قطر ..

أما البلاشرات .. امممم ماك ؟ <<-- مشكلتي ما أحب اروح السيتي و لا وايد أشيا تنوخذ من ماك !!! ما صدقت يوم لقيته في البحرين .. بس ما تحسين مكياجهم قوي نوعاً ما .. حلاة البلاشر يجي خفيف عشان ما يطلع كأنه تلطع في الفيس ^_^
QUOTE]

بخصوص بلاشراتهم ماجربتهم كلش ، انا بس جربت بورجوا وماخذه الفواتح كلش من ايام العرس ، وخلاص قطيتهم بعد صار لهم سنتيين ونص (n)
بس اشوف الكل يمدحهم .
شوفي سألي عن ماركه ألوانها خفيفه .

ممممم شوفي ماركة بنفيت فالستي واعتقد اعتقد موجوده في وجوه ( لاند مارك ) عندهم بلاشرين مشهورين مشمشي اشوف الكل ميت عليه ووردي علبهم مثل الكرتون المربع .

البنفسج*:
السلام عليكم ورحمة الله وبركاته

فراشة ابوظبي
هلا والله بأهل الامارات
فديتكم والله
مشكورة حبيبتي على الرد
اتوقعين شنهي احسن ماركة للشدو للاستخدام اليومي والطلعات العاديه

هلا باهل الدوحه
الله يسلمج غناتي

انا جربت اي شدو (( معروف)) وصج خطير والوانه حلوة
وينفع للاستخدام اليومي .... علبته فضية
ويقولون ينباع في الاماكن العادية شرات فتول وغيره

وبعد اي شدو ((نيبو)) اييج علبة سودة
بس ماادري وين ينباع .....

هاااااااااي بناااااااات كيفكم ؟؟

كحح الحمدلله فندقنا فيه نت جان بموت لوول

رحنا اليوم تسوقنا فتايلند :( بس وين البضاعه اللي يتكلمون عنها اللي عندهم عندنا بس بعد بنشوف اليوم <<< الوقت تره عندنا قبلكم

محــــــد يحبنـــــــي :confused:

محـــــــــد رد علـــــــــــــــــــــــــيي:angry:

هلا بنات

اميرة..عندج مدام تونس كورسات الشعر عندها وايد يمدحونها..انا ماسمعت عن جاك ديسانج بهالموضوع بس مدري بروحي ادور لي حد شاطر لاني ابي اعتني بشعري بعد وايد يطيح وحالته حاله مب عاجبني بس المشكله صالون مدام تونس وااااااااايد بعيد علي يعني مشوار طويل

بالنسبة للخلطات والتفرك والله احس مافيه وايد يسوون هالشغلات ..ماعرف الا سميرة و نور الهندية بطرش لج رقمها...بنت الغالي ودلوعه قطرية جربوها ويقولون ان شغلها زين وتسوي الحمام على 350 ريال اعتقد فيه كركم وتحف بعد

بالنسبة لليزر...سوي بحث وبتطلع لج كل سوالفنا عن الليزر...انا عن نفسي جربته عند عايده الصالح وناوية اروح اسوي جسمي كامل اخر الشهر باذن الله
فيه اماكن وايد..بس انا اخاف منهم لان اسمع من ربعي ان صادتهم حروق وجسمهم تبقع...بس انا جربت عند عايدهوالحمدلله ماصار لي شى..وراحت لها رفيجتي بعد وماصار لها شىء الحمدلله

بنات...رحت اليوم فيسيس وشريت الجلوس مال الشفايف وهذاني حاطه منه صارلي نص ساعه ولا اشوف شىء خخخخخخخخخ احس خرابيط والله لا يكبر ولا ينفخ <<<<< راحت تتاكد وتطل بالمنظره الحين

ايه والله لا انتفخوا ولا كبروا خخخخخخخخ والقهر ان المحل مايبيعونه عليج بروحه ! تقول لج لازم تاخذين المجموعه اذا تبغينه والمجموعه فيها ( مسكرا عادية ، شدو اضاءه لتحت الحاجب باللون الابيض وهذا صج حلو ، ستك حق البلاشر لونه وردي حلو ، وكريم اضاءة للوجه عقب ماتخلصين من الاساس تحطين منه وعقب تحطين البورده ...يابلفيت يعطي اضاءه بس للحين ماجربته)

ويطلع عليح كل شىء ب 300 وشوي اعتقد 360 تقريبا

بس الشنطة اللي يحطون لج فيها الاغراض حلوه ...بسحاب..يعني حلوه حق مكياجج اليومي تستخدمينها في شنطة اليد عشان ماتتلعوز الشنطة

وخذت من عندهم كحل قلم اسود ماركة "Benefit" اللي يمدحونه هنيه ..قيمته 70 ريال وشكله فعلا فاااااااحم بس للحين ماجربته

وعندكم بعد كريم للصدر يشده ويعطيه شكل حلو يستعمل يوميا قبل النوم شريته بعد لان "روح البحرين" مادحته ...وتقولي البياعه ان البنات طايحين فيه بالثلاث علب يشترون...قلت لها يبه عيزنا واحنا نكود بالكريمات باخذ وحده بس وبجرب اذا زين خير وبركة واذا لا ماكون خسرت فلوسي على بلاش

بس حبيت اقول لكم جولتي اليوم :)