من جديد ،،، وبإطلاله جديدة ،،، تجمع حوامل سبتمبر وأكتوبر(شهر رمضان )

السلام عليكن،،،

روز قطر،، الحمدلله الامن مستتب كان والبيبي بخير اليوم بسير اسوي التصوير الرباعي مب قادره اتريا لين العصر

مراايم،، جربت هالمعجون ولاعت جبدي منه اليوم بسال الدكتورة

ام فطامي ،، وايد بنات مختفيات عسى المانع خير ^_^

رووعه،، الكل يحاول يرعبني بحجم بطني الصغير بس انا متوكله على ربي

حبيبتي مرايم السعودية

انتي نفسي انا كان النونو راسه لفوق وحتى اني كنت خايفة موت لانه اذا ما تعدل فمعناتها انهم راح يسونلي عملية قيصرية

بس يوم رحت العيادة المرة الاخيرة الدكتورة طمنتني بان راس البيبي نزل يعني يوم كنت بنص السابع تقريبا
فانتي لا تستعجلي ولا تحاتي لانه راح ينزل ان شاء الله


باقي البنات شخباركم وعسى الحمل ما متعبنكم؟؟؟؟؟؟؟؟؟

مرايم السعودية

الحمدلله ان الوضع زين ووضع البيبي ووزنه زين الحمدلله .. بس دام قالت لج الدكتورة اكلي يعني

لازم تهتمين وتاكلين :) الله يهون عليج يارب .. وتسوين تحاليلج وتطلع كلها زينه ..



اام فطامي

هلا وغلا حبيبتي .. الله يخليهم لج يارب ويرزقج ولد صالح لج ولهم ان شاءالله ..

وبالنسبة للتلفزيون يطلع لج متى الولاده بس لازم تكونين متذكرة تاريخ اخر دورة عدل يعني مش

تكونين شاكه ومرات الدكتورة تعطيج موعد والتلفزيون يعطيج موعد ثاني بس يكون الفرق يمكن 5

ايام بس ..

الله يهون عليج يارب


ام نيلا

اي والله المستشفى ملل بس اذا شي ضروري وبيأثر على صحتج لازم تروحين وامرج لله

ماتشوفين شر يالغالية ان شاءالله



endless hope

الحمدلله ان كل شي اوكي :) .. يالله بننتظر نتيجة التحليل الرباعي ونبي تقولين لنا شصار معاج



غدورة

شلونج شنو آخر اخبار البيبي :)

صباح الخير يا صبايا

انشاء الله تكونوا والبيبي بخير

انا عملت السونار رباعي الابعاد

كان البيبي الحمد لله كويس وكان عم بمص باصبعه وبعدين حط ايده تحت وجهه ناحية اليمين وقلب ونام

بصراحة روعه السونار بتشوفي كل شي وبيقعد البيبي يتحرك وانتى تشوفيه قدامك

بالنسبة لصغر حجم البطن هادا شي عادي المهم يكوت صحة البيبي كويسة انا نفس الشي هادا البيبي رقم (3) والمرة بطني اصغر من كل مرة يعنى اللى بشوفنى بفكرني بالرابع او الخامس فعادي حجم البطن المهم تكوني بتتغي كويس والبيبي بصحة كويسة

وبالنسبة لنزيف اللثه فهادا امر طبيعي اثناء الحمل بيحدث للحوامل وبيتوقف بعد الولادة انشاء الله

الله يتمم للجميع على خير يا رب

اندلس هوب
.. روحي صوري وقولي لنا شنو يسوي البيبي . تحمست مثلج

غدورة .. شخبارج اختي والله يسهل عليج وزين اللي قلتي لي لأن من أمس قاعدة أحاتي
مع ان الدكتورة مطمنتني

روز قطر .. هلا وغلا
والحمد الله دام البيبي زين وكل شي تمام أما عن الأكل أحسه قاعد على معدتي فما اقدر آكل وايد
بس بحاول قد ما اقدر ..
وشخبار البيبي اللي حقج ؟؟


سندريلا .. احنا بخير وشخبارج انتي ..
والحمد لله تطمنتي على البيبي وعقبال ما تحملينه بين يدينج ..



يـــــــــــــــــــــــــــــارب يسهل علينا كلنا وينصر المسلمين

بصيييييييييييييح سرت اليوم مثل ما قلت لكم للتصوير للاسف البيبي كان مجابل ظهري يعني في التصوير ما اشوف غير ظهر البيبي قالت لي الدكتورة تعالي عقب كم يوم،، اما الاشياء الثانيه الحمدلله اوكي

لا تنسون الفيتامينات + كالسيوم + حديد اذا ما تاخذونهم كلموا الدكتورة علشان تكتبهم لكم

روز قطر ومراايم شكلي بتريا بعد ،، الا بسالكم متى تستوي المواعيد كل اسبوعين؟

تحياتي،،، ^_^

السلام عليكم

هلا أندلس هووووووب

أفا هذا البيبي يبي يسوي حركات من الحين

يالله بعد جم يوم روحي وشوفيه بس لا تقولين له .. لا يرجع يعطيكم ظهرة ..

المهم,, المواعيد من السابع تصير كل اسبوعين

أنا الحين دخلت السابع وصارت مواعيدي كل اسبوعين مع تحاليل جديدة دم وبول

بس بسألج فيتامينات شنو ؟؟

لأني ما آخذ غير الحديد والكالسيوم والدكتورة موصيتني على الأكل بس ما كتبت لي غيرهم

endless hope

بيبيج راعي حركات ودلع فديته


هالمره روحي بدون مايسمعج


وتشوفينه وتفرحين بشوفته


وانا ماعطيني كالسيوم وحديد بس ماكله ماادري ليش

مع ان عظامي ذابحتني

ومعاي انيميا

بس عجز فيني ههههههههههههه





مرايم

احنا مواعيدنا كل شهر مره وفي الشهر التاسع تصير كل اسبوع


ليتنا مثلكم والله احسن

الله يتمم علينا ياااااااااااارب

ااااااااااااااااه تصدقون حلمة صدري ذابحتني


متشققه وتالمني ماخليت كريم ماسعملته طبعا من وصف الدكاتره


ولا جاب لي نتيجــــــــه

الله كريم

شكلي اسولف بروحي بنات وينكم


ولوليتا

وام نتالي

واغتراب

وغدوره

وقوارير ايه صح ام شفتها في المنتدى بس مادخلت تطمنا

عليها:(

والباقي وووووووينكم

بنات


مو يبيلنـــــــا رابطه جديده هذي احسها مليانه


شرااااااااااااااااااااايكم؟

[grade="00008B FF6347 008000 8B0000"]السلام عليكم كيفكم يا حوامل ان شاء الله طيبين
الحمدلله اختنا قوارير طيبه
أم فطـــــــامي(f) (f)
هـــــــــــلا فيك حبيبتي نورتي ملفنا وينك طولتي الغيبه والله خوفتينى عليك
والف مبروك على المعرس يتربى في عزك انتي وأبوه
اما عن اختلاف الحساب انا مثلك على حسابيوحساب الدوره فأن في نهاية الشهر السادس وعلى حساب الاتر ساوند انا في نص السابع لكن بمشي على حسابي

أم نيلا
لازم تروحين المستشفى وفالك العافيه

endless hope
شفتي كيف يتغلون علينا البيبيات والله آخر زمن خسرونا الله يهديهم انا امس رحت المستشفى عشان اعمل تصوير لكن ماوضح شي لان البيبي ماخذ وضع السجود ماشاء الله يصلي من الآن:dd: المهم قالتلي الدكتوره تعالي بعد اسبوع وبنعيد التصوير

سندريلا71
ماشاء الله عملتي الرباعي الله يخلي لكي وشوفينه بين إيديك وهو بصحه وعافيه

مرايم السعودية
غريبه ليش في الشهر السابع تراجعون مرتين احنا فقط في الشهر التاسع

اخـباري
امس رحت عند الدكتوره والحمدلله كل شي تمام وخبرتها عن الم الورك قالتلي خذي فيتامين الحديد والكالسيوم بنتظام +علبتين لبن زبادي (روب) قليل الدسم كل يوم + حليب دافئ قبل النوم وان شاء الله يروح عنك ألم الورك

لكن بسألكم انا خايفه يطلع فيني كلف في كريمات تمنع من ظهوره[/grade]

انا عن نفسي خايفة كثير
ومن دخلت السابع احس نفسي ما قادرة انام
كله اتقلب وبصعوبة بعد
موعدي باذن الله 4/10 بس احساسي يقول ان ياولد قبل

انا عن نفسي خايفة كثير
ومن دخلت السابع احس نفسي ما قادرة انام
كله اتقلب وبصعوبة بعد
موعدي باذن الله 4/10 بس احساسي يقول اني اولد قبل

(f) هــــــــــــــــلا وغــــــــــــــلا بضيفتنا @happystar@
الحمدلله حبيبتي هانت ماباقي الا شهرين وهذا هو الحمل تعب في تعب لكن كله بأجره
وان شاء الله ولادتك قبل رمضان لكن ماقلتي ليش حاسة انك بتولدين قبل

السلام عليكم

هلا غدورة شخبارج ؟؟

تصدقين المواعيد لما صارت بالشهر مرتين استانست عشان كل اسبوعين اروح اشوف البيبي

وعلى التشققات سلامتج بس ما عندي خبرة وبعدني سليمة للحين ,, بس أهم شي واصلي على العلاج لا يتعبونج بعد ما تربين ...




نورهان شخبارج ؟؟
صار لي جم يوم ما اشوفج
وزين اللي طمنتينا على قوارير

بسألج الحين الماعيد عندج بالتاسع مرتين لأن من التاسع تصير كل اسبوع ..

المهم لا تهملين روحج على سالفة الكالسيوم ترى البيبي يتأثر ويبين على اسنانه لما يكبر

أما الكريمات حق الكلف ما اتوقع انها راح تنفع لأن كل هذا الكلف يروح بس تولدين

أنا للحين ما احس تغير بببشرتي شي غير الحبوب اللي ذابحتني بصدري وبظهري وبرقبتي وويهي

وكلها حبوب صغييييييييييييرة وحمرا شوي ..

@happystar@
هلا وغلا حبيبتي
ليش قاعدة تحاتين المفروض انج تستانسين لأن بيصير عندج بيبي زي القمر
وهذي قاعدة عندي ليش افكر بالولادة والتعب والألم واتعب روحي نفسيا
بالعكس أفكر كيف بيكون احساسي لما بنتي أو ولدي بيمسك صبعي بيدينه
بصراحة كلما أفكر جديه أنسى الحاجات الثانيه

يالله بنات نبي تشجيع ما نبي نكون خوافات ..

مرااااايم،،، شكلي بسوي مفاجاه له الفيتامينات عباره عن حبوب ورديه اسمها متيرنا عاد ما ادري اذا عندكم انواع ثانيه بس انتي اسالي الدكتورة

رووعه،،، ما ابا اخوفج بس يوم كنت في المستشفى النيرس تقول للحامل شو تفضلين تاخذين فيتامينات ولا ينقلون لج دم قالت لها الحبوب طبعا شكلها هالحامل ما تاخذ الحبوب،، خذيهن يا رووعه محد بيتعب غيرج ومحد بيحس بالالم غيرج. تعرفين انا مخصصه وقت بس للحبوب بعد ما اتغدا انعزل عن العالم في غرفتي واخذ الحبوب واشرب كميه من الماء وبعدين اطلع :)

نورهااان،،، جعله ربي من الصالحين. الم الورك كنت اعاني منه بس من داومت على الكالسيوم الحمدلله افتكيت وبالنسبه للكلف مثل ما قالت لج مرايم بعد الولاده ان شاء الله بيروح بس لا تزيدين من الادويه اتوكلي على ربج ^_^

روعة

خلينا على الرابطة هذي على زحمتها بس حلوة

اندلس هوب

خلاص انشالله على الموعد الجاي بتطلع نتيجة تحاليل الشهر السابع يعني الدكتورة بتشوف اذا احتاج زيادة فيتامينات او لا


بنات ... كل وحدة تقول متى نبداء نمشي ؟؟

يعني خبرة اللي ربو قبل ,, واللي أول مرة مثلي متى قالت لج الدكتورة تمشين ؟؟

لأني أخاف أمشي من الحين وأولد قبل اواني

هلا بالحوامل شخباركم وشخبار النونو

مرايم السعودية
حبيبتي مشكورة على سؤالك عني اما عن المشي فالدكتورة الاول كانت تقولي ان المشي من بداية التاسع وايد مفيد بس اذا كنتي من النوع اللي ما كنتي تمشي قبل الحمل فالافضل انك تبداي تمشي من نص الثامن
وطبعا تبداي مسافة قصيرة وكل اسبوع تزيدي المسافة علشان لما تدخاين التاسع ما تتعبين من الثقل وتكوني خلاص عودتي جسمك على المشي

اما انا فالدكتورة مانعتني من المشي او اي مجهود عضلي لان المشيمة بعدها نازلة عندي وقالتلي ان في موعدي الجاي بتشوف المشيمة كيف صايرة وبتخبرني اذا ممكن ابدا امشي او لا

هلا حبيبتي روز قطر
شخبار البيبي عندك-----انا الصراحة هذي الايام احس لما النونو يتحرك يسببلي الم من قوة الحركة
احسه يتباعص داخل بطني واحيانا احس بضيق من حركاته خصوصا وان الرفس والتقلب ما يحلاله غير وقت النوم وانا اتم جالسة على السرير الى الساعة 3 او 4 بدون نوم لحد ما اطبب عليه وينام حضرته وبعدين انا انام

حبيبتي روعة شخبارك وشخبار البيبي طمنينا عليك

الا سندريلا 71 شخبارها احس كانها ما دخلت النت من كم يوم ولا انا غلطانة ؟؟؟؟؟؟؟؟؟

مسااااااااااااااء الخيييييييييييييييير
على احلى كرووووووووووشات
كيف حالكم ان شاء الله تمام

السبت كان عندي موعد وضيقة صدري الدكتوره قالتلي عندك نزول في المشيمه
بس ان شاء الله ترتفع قبل الولاده

وفرحتني يوم قالت اني حامل ببنوته الله يتمم علي وعليكم ان شاء الله