من جديد ،،، وبإطلاله جديدة ،،، تجمع حوامل سبتمبر وأكتوبر(شهر رمضان )

بنات....

بنسحب من عندكم بصراحه......

من يوم الاربعا ما شبكت النت....

واحسبكم قالبين الدنيا علي....

اثاري مافقدني الا غدوره يسلم قلبها....

لهالدرجه مالي فقده؟

عموما ابتداء من بكره ماراح ادخل النت الا قليل..

اشوفكم على خير..

اولا اغتراب حبيبتي ما يحتاج كل هذا الزعل
لان احنا اصلا كثير بهالموضوع واكثر من 10 عضوات فاحيانا اذا وحدة ما موجودة ما نلاحظ عليها
حبيبتي ما يحتاج تقولين انك ما راح تدخلين النت من بكرة الا شوي --->اصلا ما راح تقدرين على فراقنا فخلي عنك الدلع

سندريلا 71
حبيبتي مشكورة على سؤالك عني وابشرك اليوم كنت عند الدكتورة وقالتلي ان راس البيبي الحمد لله نزل على تحت
بس المشيمة بعدها نازلة ونصحتني اني ما امشي كثير خوفا علي من اي نزيف حتي اني كنت ناوية اروح دبي نهاية هذا الاسبوع بس هي تقول اذا ما في شيء مهم لا تروحين وتجهدين نفسك من المشي

اميرة العرب
مشكورة عمري على اهتمامك فيني واطمنك ان البيبي بخير بس حجمه اقل من الطبيعي بمعدل اسبوع بس الحمدلله الدكتورة تقول لا تحاتي راح يكون البيبي بخير
وراسة الحمد لله نزل تحت والله ما تصدقين امس طول الليل وانا ما قادرة انام اولا من التفكير في البيبي وثانيا من الحرقة اللي صابتني حتى اني اخذت دواء الحرقة مرتين في اقل من 3 ساعات ولا في فايدة ونمت وانا جالسة على السرير الى الفجر

مرايم السعودية
مشكورة حبيبتي على سؤالك عني وانا الحمد لله بخير والنونو بعد بالف عافية
عسى ربي يحفظك ويخلي النونو مالك بصحة وعافية واطمنك ان ولدي اخيرا استسلم ونزل تحت بعدما كان متربع على بطني بس المشيمة بعدها نازلة شوي والدكتورة مانعتني من المشي نهائيا

نورهان
حبيبتي مشكورة على سؤالك عني والحمد لله ابشرك اني بخير والنونو بخير واخيرا نزل راسه على تحت

لو سمحتوا كلكم اقراو ردي الجاي فيه موضوع للمناقشة

مرحبا،،

اغتراب الله يهديج خلي عنج هالكلام انا اغيب بالايام محد يسال عن ولا ازعل،، مب قصدي شئ بس ما شاء الله نحن وايدين وظروفنا مختلفه وساعات ننشغل في اشياء ولا تنسين ان من اعراض الحمل النسيان وشرود الذهن لووول يعني احنا بس اجسام اما المخ فعليه السلام :)

البنات اللي عندهم نزول الله يحفظ بيبياتكم واتحملوا على عماركم،، الباقيات شدوا الهمه باقي 3 شهور،، ما اوصيكم ارقدوا واتدلعوا

موضوع المناقشة لهذا اليوم هو عن التوزيعات للضيوف بعد الولادة:clap: :clap: :clap:

انا امس كنت افكر كيف راح ابدا اجهز التوزيعات:qaq: :qaq: :qaq:

اولا: اذا رحت على الشهر التاسع عند محل الهدايا واخترت نوعية الشوكلاته والهدية اللي راح تكون معاها مع التغليف هل اخبرهم يجهزولي الهدايا قيل كم يوم من الولادة ؟؟
احس انه ما يصير تدرون ليش؟؟:sad: :sad:
لان اذا الهدايا كانت عندي بالبيت وولدت بس لا سمح الله صار شيء للبيبي او مرض لا سمح الله احس ان ما بيكون في اي فايدة من التوزيعات اللي اخذتهم ودفعت عليهم وانا لسة ما تهنيت في النونو:confused: :confused: :confused:

ثانيا:انا ما اعرف لحد الحين ايش جنس البيبي واريدها مفاجاة فممكن انا اروح المحل واختار مثلا توزيعات للولد وتوزيعات للبنت واخبرهم بالمحل اني اول ما اولد زوجي او احد من اهلي راح يتصلون فيهم عشان يبدوا يجهزوا في التوزيعات حسب اتفاقي معهم بعدما اكون ولدت بالسلامة وتطمنت على النونو وعرفت جنس المولود
بس هم احس انه ما بيصير تدرون ليش؟:sad: :sad: :sad:
لاني احس اني بكون في المستشفى يومين فممكن اني اقضي نفسي هناك بصينية شوكلاته للضيوف لحد ما ارجع البيت واوزع الهدايا للضيوف اللي راح يجون البيت لانكم تعرفون ان في المستشفى ما يجون الا الاقارب بس فيكفيهم الشوكلاته لكن المحل مستحيل يرضى انه يجهزلي كمية التوزيعات في يومين خلال مكوثي في المستشفى:confused: :confused:

ثالثا : --->بعدها ما خلصت
لو كنت اريد اشتري التوزيعات من برى مثلا من دبي على شكل دمى واويدهم المحل علشان يغلفولي اياه مع الحلاوة
كيف اختار وانا ما اعرف جنس المولود ولا اعرف اذا بولد بالسلامة او بتصير هناك معوقات في الولادة؟:sad: :sad:

احس الموضوع شاغل بالي وخصوصا احنا من النوع اللي لازم نسوي هدايا للمعازيم سواء وقت الولادة او حتي وقت الاعراس

اتمنى كل وحدة تعطينا رايها ونفتح الموضوع للنقاش:shy: :shy: :shy: :shy:

غدوورة،، هو يعتمد عليج انتي يعني في بنات يجهزون كل شئ ويخلونه عندهم في البيت ووقت الولاده يودونه المستشفى،،

اقتراحي في القضيه: اذا كنتي ناويه تشترين دمى ومن هالسوالف بدال ما تحطين وياها حلاوة حطي شئ ثاني يتم كذكرى مثلا شمعه حلوة هذا بتحصلينه في سوق الجمله عندنا او بدال الشمعه تحطين عطر عربي نص توله مثلا مثلا ،، بعدين تلفين الدميه ويا الشمعه او العطر وتجهزينهن عندج ولا تختارين الالوان التقليديه وردي او ازرق شكلي في الالوان دخلي الوان غريبه انا ان شاء الله جي بسوي،، عندج اللون البرتقالي والاصفر والاحمر والازرق والاخضر يعني خلي شله التوزيعات فرايحه بالالوان،، ومع هالهديه حطي صينيه حلاوة ياخذون منها المعازيم وهاي بتاخذينها في نفس يوم الولاده ان شاء الله.

شو رايج؟ كان عندي شئ ثاني بس نسيته ^_^

اغتراب

اشدعوة يالغالية والله زي ما خبروج البنات كلن منشغل وعقولنا ما تجمع

والله يردج لنا بالسلامة وعسى المانع خير


غدورة

هلا يقلبي زين قاعدة تفكرين من الحين لأني بعدي ما فكرت ومو حاسة بقيمةالوقت
بس فكرة اندلس هووب حلوة انج تسوين الوااااااااااااااااان للهدايا

وطبعا بالمستشفى ما تاخذين غير صينية الحلاوة اللي حق ضيوفج اللي هم اهلج

وبعدين في البيت على راحتج بتكون توزيعات الضيوف

احس انه ما يصير تدرون ليش؟؟
لان اذا الهدايا كانت عندي بالبيت وولدت بس لا سمح الله صار شيء للبيبي او مرض لا سمح الله احس ان ما بيكون في اي فايدة من التوزيعات اللي اخذتهم ودفعت عليهم وانا لسة ما تهنيت في النونو

شيلي من بالج هذي الأفكار

السلام عليكم
اشحالكم يا حوامل وشو أخبار التجهيزات لاستقبال النونو انا الحمدلله كل شي تمام
من دشيت الشهر السابع زاد خوفي من الولاده وهذا ثاني حمل لي

نيابة عن الاخت lolyta الله يذذكرها بالخير مادري شنو سبب غيبتها لين اليوم ان شاءالله المانع خير

راح احط لكم تواريخ ولاده العضوات مثل ماكانت تسوي في كل صفحه جديده باذن الله

وكل وحده جديده تقول لي تاريخ ولادتها علشان اضمه في الجدول لين ترجع لنا بالسلامة lolyta



حوامل الشهر الثامن

هنوف الامارات 02-09-2006

لاني 3-09-2006

ام ضروس 04-09-2006

جروح الغربه 9-9-2006

عاشقة الرومانسية 10-09-2006 بنت – ان شاء الله

ام لين 11-09-2006

حوامل الشهر السابع

شاعرية 12-09-2006 بنت – ان شاء الله

همباية 13-09-2006

منال الكويت 14-09-2006

اميرة العرب 17-09-2006 بنت – ان شاء الله

فساتين 2006 19-09-2006

غدوورة 21-09-2006

دموع السماء 23-09-2006

بوح الشوق 24-09-2006

ام عزووزي الحلو 25-09-2006 ولد – ان شاء الله

وشحال قلبي 26-09-2006

سندريلا 28-09-2006

اندلس هوب 01-10-2006


دلوعة سيمة 7-10-2006

اسيرة الاه 11-10-2006
بجعه 11-10-2006


حوامل الشهر السادس

بيردي 123 12-10-2006

غادة اليم 13-10-2006
لوليتا 13-10-2006 ولد – ان شاء الله
الوردة 17-10-2006

قوارير 19-10-2006 بنت – ان شاء الله
اغتراب 19-10-2006 بنت – ان شاء الله
روعه 19-10-2006 ولد – ان شاء الله
لب الفؤاد 19-10-2006 ولد – ان شاء الله
مرايم السعودية 19-10-2006

ام فطامي 21-10-2006

مياثي 22-10-2006

نورهان 23-10-2006 بنت – ان شاء الله
نور1979 23-10-2006 بنت – ان شاء الله
المياسة 23-10-2006

ام نتالي 25-10-2006
روز قطر 25-10-2006

ام سعيدة 30-10-2006

هلا منال

شلونج وشلون الحمل معاج

لاتحاتين الولاده .. >>>> تصدقين انا نفسج مرات احاتي لاني مجربتها طبعا الوضع بيكون غير

لان اللي جربت الولاده غير عن اللي ماجربتها :) لكن الحمدلله تذكري انه كله أجر من رب العالمين :)


قوليلنا كم تاريخ ولادتج علشان نضمج في الجدول

بنات الصراحة أنا متلخخخخخخخخخخخخخخخخخبطة

أنا في نهاية الأسبوع الـ 25 يعني في أي شهر بالضبط ؟؟؟؟؟؟؟؟؟

حد يقولي في بداية السادس و حد يقول في نهاية السادس و حد يقول لالالالا انتي في بداية السابع

أنا وين مكاني بالضبط ؟؟؟؟

المياسة حبيبتي


انتي بالشهر السادس

وان شاءالله في يوم 23/7 راح تدخلين الشهر السابع .. والاسبوع الـ 25 يعني الشهر السادس

انا الحين بالشهر السادس وبكره ان شاءالله بكمل 25 اسبوع :)


الله يهون عليج يارب

السلام عليكم


شخبااااااااااااااااركم يااحلى كروشااااااات


واشكر كل اللي سالوا عني فديتهم


اااااااااغتراااب يااتوامي الضايع ههههههههههههههههه

انا مابغيت احصلج تروحين تضيعين مني مره ثانيه ههههههههههههههههه

خلي عنج الدلع احنا كلنا مانستغنا عن بعض


بنااااااااات انا هاليومين احس بثقل فضيع ............................

ســــــــــلام على الكروشات الحلوين
المياسة انتي مثلي كل 23 ندخل شهر وانتي في بداية الاسبوع 25 مونهاية والله يقومك ويقومنا بالسلامة
حبيبتي roseqatar الله يعطيك العافية ويسهل ولادتك على اهتمامك بالبنات
هـــــــــــــلا بضيفتنا الجديدة **منال** نورتي ملفنا (f) يلا سمعينا اخبارك ومتى ولادتك ان شاء الله
حبيبتي همبايه الحمدلله انك تطمنتي وطمنتينا عليك
غدووورة الحمد لله نزل راس البيبي لكن انصحك حبيبتي لالالاتعبين نفسك ورتاحي قد ماتقدرين وعن حجم البيبي ممكن في غلط في الحساب
اما التوزيعات ماعندي خبره فيهم لانها مومن عادتنا احنا عندنا الضيوف هم اللي يجيبون للنفاس الهدايا ونحن فقط نوزع الشكولاته
يـــابنات في اخت معنا اسمها قوارير هي الآن في امس الحاجه لدعائنا لانها تعبانه ومنومه في المستشفى وممكن تولد وهي في الشهر السادس
أسئل الله العظيم رب العرش الكريم أن يشفي اختي قوارير ويقومها بالسلامة هي والبيبي

منال

هلا يالغاليه بما انا هذا ثاني حمل لج المفروض ما تحاتين

يعني عندج تجارب سابقة ..

فما بالج وانا اول تجربة لي ..

روز قطر

هلا اخويتي شخبارج ؟؟

يالله نبي تشجيع عشان الولادة لأني للحين معنوياتي مرتفعة >> مو دارية شنو بيصير

المياسة

مثل مو وضحت لج روز قطر


روعة
وعليكم السلاااام ورحمة الله

احنا بخير .. بس الثقل بداء من الحين وهذي بداية الخير يعني على التاسع شنو بنسوي

نورهان

وعليكم السلام واختنا قوارير ما عليهاشر ا نشاء الله الله يتمم لها بخير وتقوم بالسلامة ..

مع دعواتي للجميع

ههههههههههههههههه بنات كذا اشتهيت اتدلع...

لاالجد تبون الصراحه..

انا فعلا من اليوم ماراح ادخل النت الا القليل جدا...

لان زي مانتو عارفين كنت اقول زوجي مسافر..

واليوم ان شاالله بيرجع..

من الشوق حتى مانمت لاامس ولااليوم الا ساعتين ساعتين..

فبما انه راح يصير هنا ماراح ادخل النت الا اذا جيت بيت اهلي.....

فأشوفكم على خير ان شالله وراح اشتـــــــــــــــــــــــاقلكم..

وألف سلامه عليك قوارير والله يعديك من الشر ويقومك بالسلامه يـــــــــــــــــــــــــــــارب..

سلامي لكل الكروشات الحاضرات والغايبات..

فمان الله

اغتراب

الحمد لله على رجعة ريلج من السفر

وحياج الله دخلتي النت لو ما دخلتي

بس مو مرة تقطعين بس عطينا اخبارج واخبار النونو

وخلاص

والله يهنيج برجعة ريلج

لاحبيبتي مااقدر اقطعكم مره...

بتابع ان شالله اخباركم من فتره لفتره

صباح الخير يا حوامل

انشاء الله يكون الجميع بخير

لوليتا وينك حبيبتى مختفية؟ انشاء الله يكون كل شي بخير

اغتراب زيغتينا المهم لا تقطعينا ،،

أسئل الله العظيم رب العرش الكريم أن يشفي اختي قوارير ويقومها بالسلامة هي والبيبي

اللهم امين