الجزء السابــــ7ـــع من تجهيزات عرايس قطر 2006

هلا دلووعهـ

هالمصممه بحدود كم تصمم فساتين السهره
يعني تبدا من كم ؟!!


واللهـ جوفي إذا كان الفستان راااااقي وفخم تضررررب لج بالسعر ،،

يعني مثلا فستان شيفون أو اي نوع من القماش وتشك لج إياه بشك بسيييييييييييط تحسب لج

على 1700 أو 2000 وفوووق ، تقولج عشان الشك وتعبت عليه...

أنا صممت فستان خطوبتي عندها وكان الكرستال والسوالف والشغلات كلها أنا يبتها

من عندي يعني هي بس صممت لي وخيطت الفستان ، حسبت علي بـ 5 ،،

بس تبين الصراحه المسكينه تعبت تعبت تعبت عالفستان بشكل ماتتصورين وطبعا غير البرووفه

يمكن فوق الـ 10 مرات أروح وأرجع لها ...


بس والله يادلوعه بقولج شغله مجرد انها تساااعدج بالأفكار وتقترح عليج مليون أقتراح

وتقوولج عن الألوان الدارجه وغير القياس اللي تاخذه منج وغير البروفه بتقولين حلااال عليها

اللي تااااخذه يعني ترييييحج من قلب ...

بناااات باخذ رايكم بشغله منو تأيدوون بخصوص اللي تنظف الجسم كامل


الصـــراحهـ أنا سمعت أكثر من وحدهـ يمدحونها وأحترت


فبغيت أخذ رايكم إذا ماعليكم امر



أم ياسر _ أم أحمد مدري حمد _ أم باسم



أنتوا من رايكم أي وحده تنفع حق عروس ؟!!

اليازي نفس سؤالج

اللي تعرف تجاوبنا


رحت حق سمر وانا راجعه من الدوام لانها قالت بتسافر بكره


وابوي عند الباب وهي طلعت لي كل اغراضها

وكل نص دقيقه ابوي يتصل اقول له اختار مكياج يقول هالكثر مكياج ؟؟؟ يفكر بس اخذ واطلع

بس صجت استعجلت وخذت على السريع حق السهره وحق الاستخدام اليومي

هي تقول الالوان تناسبني بس مادري اشوفها غامجه علي

يوم ركبت السياره في الشمس اشوفها غامجه


فراشتكم يمكن اخليج تجيبين لي
:)

الليازي

عندج سميرة ممتازة تنظيف الجسم

شخباركم بنااااااات

كلاسيك وبنت الغالي وبعد والبنفسج شكرا لانكم عبرتوني

طيوبه العفو حبوبه احنا في الخدمه



مملكة النحل لو عرس رفيجتج بعدي بأسبوع شان عطيتها فستاني مايغلى عليها

حطي موضوع في ركن التسوق وان شاء الله بتحصلون

السلام عليكم بنات

اشحالكم؟

بصراحه انا معاكم واتابعكم من فتره ودوم اقول بسجل وبشاركم بس اتردد بس الحين وبعد مانخطبت قلت لازم افيد واستفيد منكم

بصراحه انا تو الناس علي للحين ماتحدد عرسي يمكن بعد سنه او اقل مادري

بس قلت ببدا معاكم واستفيد من تجاربكم

واتمنى اكون خفيفه عليكم

بنات اشرايكم اعطي زفتي حق مالت الديجه قبل العرس والا نفس يوم العرس
اخاف اعطيها اياها قبل ويحفظونها عندهم ويغيرون عقب الاسامي وتنحط قبل عرسي وانا الصراحه تعبت عليها وخسرت لاني مسويتها برع

هلا وردة العشاق اختي عطيهم خبر ان عندج زفه خاصه بس لاتعطينهم الزفه الا بنفس اليوم وقبل لا تدخلين بنص ساعه خلها عند حد من هلج او خواتج وخلهم هم يعطونها مالت الدي جي احنا مسوين جي في عرس بنت عمتي

الله يوفقج

السلام عليكم ورحمة الله وبركاته

تايم اوت
يا هلا فيج حبيبتي
نورتي موضوعنا

وردة العشاق
انا رايي من راي تايم اوت
بس روحي لهم قبل وشوفي تشتغل الزفة على اجهزتهم ولا لا
لأني انحرجت يوم حفلة تخرجي ما اشتغلت عندي الا نشيدة وحده

أنا رجعت ..
الله يسلم كل وحدة اذكرتني و ما اذكرتني ^_^ و تابعوني باقول لكم التفاصيل ,,


البنفسج ..

انا حضرت دورة المقبلات على الزواج .. بصراحة استفدت منها واااايد .. صحيح انا كنت اقرا لكن في معلومات وايد تصححت لي .. و إن شاء الله باحضر يوم الثلاثا ..

..

نور الدووحة ..
افااا عليج يا غالية .. هذا وانا موجودة << انها مهمة يعني ..
قولي شقاصرج ؟ غير الشعر ؟
إذا تبين رقم حد معين قولي لي ..
شوفي لبنى .. أو نجوى أو مرسيدس ..
و منى السودانية نتصل لها و ما ترد علينا >_<

..

دلوعة قطرية ..
جاك ديسانغ حلو شغلهم و كل شي .. سشوارهم و تسريحاتهم حلوة لكن إذا في الصالون غالي اشلون في البيت اشكثر بياخذون ..

..

عمري قطر = قطر عمري ^_^ اختاري اللي تبينه ..
فديت سوالفج الحلوة والله ..
خلج جذي طلي علينا بين الفترة و الثانية ..

..

طيف قطر ..
فضي صندوق رسايلج شوي ..

,,,



** مبروك حبيبتي برنسيسة قطر .. الله يوفقها يارب و يسعدها : )


** بنات اللي يتكلمون عن سلوى التونسية اللي في الاء .. عن تجربة لتهتنا تلته يوم كنا نجهز حق عرس أخوي .. لوعت بجبدي آآآخر شي سحبت القطع من عندها وديتها مصمم ثاني ..
وشكثر تطلب خللللق يعني صج ما حبيتها ..

***

نجي للتفاصيل :

البحرين :
الصراحة اللي تبي ذهب حلو و أطقم حلوة بتلقاها في المجمعات أما الأسواق الشعبية اللي مثل سوق الذهب .. مضيعة وقت و يمكن تلقين و يمكن لا .
سوق باب البحرين :.. يبي له وقت و دوارة .. خذت طقم واحد من عندهم ..
مجمع السيف : محلات الذهب عندهم فيها أشيا تهبل .. في محل ناسية اسمه عنده أطقم تجنن صج حق عرايس .. هو بجنب سيد جنيد .. لكن أسعاره شوي في حدود الـ5 تقريباً لكن صج شي حلو .. و على ضمانتي .. خذت طقم واحد و خاتم ..
مدينة الذهب : نصيحة لحد يروح لها .. اسمها مدينة و هي ....

و خذت لي كم قطعة من الملابس من السيف ..
و عندهم تنزيلات في معظم المحلات ..

مجمع العالي : كله ماركات و ما يسوى .. يعني صج غااالي ..

اللي تبي جلابيات كشخة عندهم في أغلب المحلات في المجمعات و برى المجمعات .. خذت من شيتل ثنتين لأني أساسا ماخذة من الدوحة .. و لقيت في أغلب المحلات الجلابيات حلوة حلوة حلوة و اسعارها في المتناول و ارخص بوايد من الدوحة و شغل معتبر ..


..

الظهران مول :
كبير كبير كبير و يوم واحد ما يكفيج ..
خذت كم توب من هناك .. و الحين عندهم عروض حلوة و تنزيلات ..

الجمعة سنتر :
اللي تبي فساتين و صنادل و شنط سهرات .. تلقى عندهم و الأسعار ما في مجال للمقارنة ..
في محل اسمه feel free عنده ملابس حلوة ..
و محل ثاني اسمه رادا عنده بوديات و تنانير و بلايز ..
ما أمداني أدوره كله .. بسرعة بسرعة لأن الوقت كان ضيق ..
خذت تنورة مع البودي ماله كله شيفون و شغل راقي ماخذته للصباحية و يصلح للمناسبات عزايم ما عزايم أو أعراس ..

و هالمجمعين أحلى شي و أحسن شي يعني أضمن لكم تلقون فيهم اللي تبونه .. أما الراشد لا تروحون له و لا الخبر بلازا ..

..

هاذي قائمة يمكن تفيد اللي بتروح قريب للخبر أو الرياض أو البحرين ,, كنت مجمعتها من قبل :shy:

الخبر :
الظهران مول كل شي .
مارينا مول كل شي .
الجمعة سنتر :فساتين / فساتين جاهزة / محل رادا و فيل فري للملابس أحلى شي ..
الخبر مول الأقمشة / الأحذية / ملابس جاهزة .
شارع سويكت فساتين / عبايات / مفارش عرايس ( محل الباهبري - الحسن - المتجر العام ) .

الرياض :
الأندلس : أحذية / شنط / مفارش / فوط / محل اسمه السجلاء للشنط / المزيونة للملابس .
أسواق طيبة ذهب / ملابس النوم / ملابس سبورات .
العُليّا مول أقمشة / فساتين .
أسواق مكة فساتين عرايس .
الرياض مول قمصان نوم /أقمشة / ملابس جاهزة .
المجد : مفارش - شنط سفر الـ set .
المتنبي : جلابيات / قمصان نوم / ملابس جاهزة .

البحرين :
مجمع السيف : كل شي
بوابة البحرين الذهب الأصفر أما الأبيض نادر ما تلقون / الجلابيات .
مجمع يتيم .
مجمع اللولو : ملابس جاهزة و الأسعار حلوة .
مركز الدانة قمصان النوم / شنط و صنادل سهرات ..

,
,

نصايح هامة للي بتسافر للتجهيز : سواء بتتجهز كامل من برى أو اللي بتاخذ لها أشيا ناقصتها :

** الذهب : قبل لا تروحون اسألوا عن الغرام عندنا بكم , و هناك بعد أسألوا إذا شفتوا إن الفرق كبير بينهم اشتروا أما إذا الفرق شي بسيط أقل من 5 ريالات لا تاخذون .. إذا عجبكم شي لا تقولون جدام اللي يبيع واااااو حلووو و يجنن ... الخ لأنهم بيضربونكم في السعر أو ما راح ينزلون لكم ..

** الملابس : نوعي فيهم لا تاخذين موديلات وحدة .. نوعي قد ما تقدرين ..

** الصنادل : للسهرات :: اخذي اللي يناسب فساتينج ولا تنسين تاخذين اشناط مناسبة و إذا لقيتي أطقم بعد أحلى و أحلى ..// للإستخدام العادي :: اخذي ألوان محايدة بحيث إنج تقدرين تلبسين الصندل أو الجوتي الواحد مع أكثر من لبسة .

** الشنط : اخذي ألوان محايدة ..و مكن تاخذين كم وحدة لونها فارق يعني من الألوان الصارخة .

** الفلوس : حطيها في ظرف و خليها معاج وين ما تروحين خذتي الشغلة حاسبتي عليها رجعي الخردة في نفس الظرف مو تقطينها برىىى و تضيعين فلوسج ..

و بادور لكم قائمة المشتريات و باحطها لكم ..


دعواتكم في ظهر الغيب :)

البنفسج مشكوره عالترحيب والنور نورج ونور البقيه حبيبتي

هلا دوحانيه يعطيج العافيه عالمجهود والمعلومات الحلوه

وانتظر قائمة المشتريات لاني ناويه اسويلي وحده قبل لا ابدا اتجهز عشان ما اتلعوز واضيع فلوسي عالفاضي

السلام عليكم ورحمة الله وبركاته

دوحانيه
الحمدلله على سلامتج حبيبتي
والله لج فريه
ان شاء الله بروح بكرة الدورة واشوفج هناك
وجزاج الله خير على تفاصيل السفره

السلام عليكم ورحمة الله وبركاته

بنات ترا في دورة ثانيه للمقبلات على الزواج

همسات للعروس

تبدا من 1/7 لين 6/7
من الساعة 4 ونص لين الساعة 6 ونص

للاستفسار والتسجيل
4878337

هلا أختي تايم آوت ,,,
و حياج الله بينّا عروس جديدة تنضم لنا ..
اممم توج بتجهزين ,,. شوفي هالموضوع و إن شاء الله يفيدج :
طريقتي في تقسيم و صرف المهر
( من تجارب البنات اللي طبقوا هالطريقة قالوا إنها وايد فادتهم ) ..

...

هلا البنفسج ..
الله يسلمج من الشر يا قلبي .. تسلمين : )
و بخصوص الدورة الثانية إذا الله كتب لي باحضرها ..
و يا بنات ترى الدورات مفيدة ..

..
.

والله انا احس اني ما احاسب على فلوسي


اشياء وايد ما خذتها واحس ضيعت شكثر

في نفس الوقت احس ما شريت شي:(

؛!؛ دوحانية ؛!؛



بنات اللي يتكلمون عن سلوى التونسية اللي في الاء .. عن تجربة لتهتنا تلته يوم كنا نجهز حق عرس أخوي .. لوعت بجبدي آآآخر شي سحبت القطع من عندها وديتها مصمم ثاني ..
وشكثر تطلب خللللق يعني صج ما حبيتها ..



هلا عزيزتي دوحانيه ،، بالعكس والله أنا ماجفت منها إلا كل خير

وبخصوص إنها تطلب إيييي أنا معاج في هالنقطه لكن ياعزيزتي إذا تبين فستانج يطلع أوكي
لازم بتطلب منج وبتصرفين عليه بعد ،، عيل تبين يطلع فستانج اي كلام ؟

لكن بخصوص إنها تلته الواحد الصــــراحه أنا ماجفت منها شي

وسبحان الله كل وحده وحضها ... وعلى فكره حبيبتي دوحانيه ترى حتى أختي ماتطيقها

بعييييييييييشة الله لكن انا وااااااايد أرتاح لها



على العموم كل وحده تختار اللي يريحها

تايم آوت


حياج الله ويانا حبيبتي وإن شاء الله تستفيدين

تايم اوت....

هلا وغلا فيج حبيبتي ونسعد دوووووووووم بمشاركتج معانا ياهلا ومرحبا فيج والف مبرووك على الخطوبة .............

دوحااانية حبيبتي

الحمدلله على السلامة
ماجبتي لي حلوى حمرا؟ ^_*

بخصوص الشعر اقولج تووووهقت
اليوم كلمت شكثر وكلهم محجوزين
واكثرهم مايبون يجون حق شعر بس لازم نسوي مكياج
ونجوى مصكرة الجوال
ومرسيدس مشغولة بس عطتني ارقام ناس غير

الحين توني من شوي لقيت حجز عند وحده اسمها ام محمد
حد يعرفها؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اول مرة اجربها ويارب تطلع تسريحاتها حلوة :(
الصراحه اسلوبها يريح حبيتها

وان شاء الله احب تسريحاتها بعد ^_^

اليازي

مملكة النحل
الله يحيكم والله يبارك فيكم حبايبي

تسلمون عالترحيب

نور الدوحه حبيبتي عندج هناء ممتازه وتسريحاتها حلوه خاصة للعرايس تسريحاتها الرفع خاصه رووووعه وانا جربتها اكثر من مناسبه وهي طيوبه وحليوه ماشالله عليها

واذا تبين رقمها بحاول ارسله لج عالخاص انشالله