الجزء السابــــ7ـــع من تجهيزات عرايس قطر 2006

وهذا من رد اختنا الغاليه قطر ........عن تجهيزات يوم العرس وتاكيد الحجوزات ..


[frame="7 80"]القاعة ( الفندق ) :
الكوشه ( تدفعين المبلغ كامل قبل العرس ب10 أيام أو أسبوعين ) وتراجعين معاهم كل شي طلبتيه وتأكدين على نوع الورد ولونه .
الإضاءه ( أقصد إضاء القاعه وتكلمين يوم العرس مسؤول القاعه وتقولين لهم شلون تبين الإضاءه أول مايزفونج )
الفرقة ( اكدي عليهم الحجز ودفعي فلوسهم ، بس اذا يعتمدون على النقوط لاتشيلين هم ، بس اهم شي اتأكدين وقت جيتهم ) .
الشاشات ( تتأكدين من المحل اذا جاب نفس اللي طلبتي ولا وتختارين مكانهم ، واذا عرسكم فالرتز دفعوا قبلها بفتره للشاشه عشان ينزلونها لكم ، انا يوم عرسي كانت ب750 ريال )
التصوير ( عادي + فيديو حددي عدد الكاميرات واذا تبين تصوير عادي ولا دجيتال ، وفهميها لو كامرتين ابي وحده ثابته عالمسرح ووحده متحركه تكون معاي اول مادخل القاعه )
العطورات ( المخلطات اللي تكون عند الباب عشان يتعطرون الناس ، لاتخلون حد يدور بالعطورات تصير ربكه وحوسه كفايه التضييف اللي بيدور عليهم وبيفر راسهم .
المدخن ( هذا يكون كبير تحصلونه عند سيد جنيد ( خلوا وحده مسؤوله عنه كل ماحترقت قطعة العود تحط وحده غيرها )
ترى هذا نوع من الذرابه والسنع في استقبال الناس واكيد كلكم عارفين هالشي يابنات قطر
انا كنت مخليه المناسبات يجهز لي طاولتين نفس ديكور طاولات القاعه وحده عاليميين للعطور ووحده عاليسار للمدخن .
بطاقة عرس الرجاجيل + الحريم ( عطوها المصورة في نفس اليوم مالة التصوير العادي وقولوا لها تحطها في البوم العرس فالبدايه ، او تقدرين تودينهم لها المحل بس اتأكدين عليها هالشي عشان ماتنسى .
إضاءة المكياج ( إذا كان عرسكم فالرتز كلموا الرسبشن يجيب لكم إضاءه زياده عشان تتمكيجون لان اضائتهم خافته )
المظله ( هذي تغطيت فيها وقت مادخل المعرس ، عاد كل وحده تجهز الشي اللي بتتغطى فيه قبل ولاتنسونه فالبيت )
مسؤولة الفندق ( خلي رقمج عندها اي وقت تحتاجينها كلميها ، واذا فالرتز تكون معاج على طول وقت نزلتج ووقت طلعتج انتي وزوجج للسويت ، ووقت مشيتج عالستيج هي تعلمج كل شي )
التضيييف ( حطوه من الصبح فالفندق )
صينية العصير ( هههههههههههههه احس مالها داعي كفايه سوينا الحركه فالخطوبه ، بس عاد وقتها بنت خالتي مسويتها لي ومايصير اقول لها لا فديتها )
المسكه ( تطلبين منه يجيبها عالساعه 6 ونص الفندق او 7 ونص المغرب ) عشان اول ماتوصل تكون جاهزه للتصوير الفوتوغرافي ، اي على طاري التصوير اول ماتاخذين رقم الغرفه اللي بتجهزين فيها اتصلي حق الاستوديو عطيهم رقم غرفتج ، عشان تجيج البنت اللي بتصور عالوقت اللي تبينه ، بس يفضل اتنقعينها عندج ولا هي اتنقعج ههههههههههههه
الدي جي ( روحي لها قبل بفتره واتفقي عالزفه وعالوقت وعلى كل شي ، وقولي لها ابي الاغاني تشتغل من بعد صلا ةالعشا لين ماتبتدي الفرقه تغني ههههههههههههه خبركم بفلوس خل اتحلل الفلوس اللي بتاخذها )
الليزر ( اذا كنتي طالبه منه اتفقي مع اللي يضبط الليزر يوم العرس فالقاعه على توزيع الليزر شلون تبينه ، وشلون الإضاءات واشرطي عليه ابي الليزر مايوقف طول العرس يشتتتتتتتتتتتتتتتتتتتتتتتتتتتتتغل )[/frame]

الف مبروك الجزء السابع
وانتظروا رد مطول مني
بقول لكم عن خطوبة رفيجتي
الحمدلله كل شي طلع مثل ماتوقعنا واحلى
والكل انبهر بالتجهيز اللي صار بأقل من اسبوع

ننتظر التجهيزات بفارغ الصبر دلووووووووووووعه

بنت الغالي حلو انج جمعتي النصايح بمكان واحد
اممممم شرايج تجمعين هل النصايح من الاجزاء القديمة وتنزلينها بموضوع واحد ؟
يسهل على البنات جي ؟
يعطيج العافية



دلوعة قطرية
يله ننظر التفاصيل بفارغ الصبر :)


توني راجعة من بروفة فستاني .. فستاني وايد بسيط وناعم يعني نفس موديلات الاجانب تقريبا
معنه مكلفني وايد
ومحتارة ازيد الشغل اللي فيه ولا لا
شرايكم
وولا اخلي المسكة فيها شغل وايد عشان اعوض

كلاسيك :) بالعكس حلاته ناعم مدري بس احس ماله داعي الدفاشه او الشغل الوايد

وعلى قولتج بتزيدين الشغل في المسكه وهذا حلو جدا

مبروك اللي تزوجوا واللي انضموا جديد :)

اي صح كلاسيك انا مع الحلم الهادي لاتزيدين دامه ناعم اصلا حلااااااااااااته ناعم وسويلج حركه في مسكتج ............ وانشالله اقتراحج اذا فضيت قبل السفر بنفذه ولايهمج ...............

الف مبروك للبنات الي تزوجوا ماشاء الله .. =)

سديم هلا فيج اختي وبانتظار اضافتج للموضوع ..

كلاسيك بالعكس لو كان بسيط وفخم بيكون احلى بس انتبهي للكرستال يكفي أو احلى لو تزيدينه عشان يلمع مع الاضاءه اكثر ..

دلوعه واااو الحمدلله كل شي طلع اوكي وبانتظار التفاصيل ..

بنت الغالي تسلمين والله ع المجهود الروعه .. وحلوه فكرة كلاسيك انه تتجمع كل النصايح بموضوع وانا مستعده اساعدج بتلخيص المواضيع .. =)

الحلم الهادئ
بنت الغالي
روح قطر

امممممممم انا شكلي باخليه جي .. عموما كلمتها قبل شوي وقلت لها على الاقل بازيد الكريستالات عشان تبين اللمعة في الفستان لان خامته شانتون ..
الحمد لله مرتاحة من ناحية الفستان .. على جي باستلمه اول الشهر :)

المسكة بعد مريت الرفيرا وبامر جورج عشان احجز المسكة وبجي اكون خلصت اشياء ليلة العرس
بيبقى التوزيعات وهذي هينه

بالنسبة للنصايح .. ليش ما كل وحدة تمسك موضوع ونجمعها ونطرشها حق بنت الغالي وانتي نزليهم بموضوع واحد ؟
شرايكم ؟

حلا قطر

مشكورة على الملاحظة ..
بصراحة انا ما جربته من قبل .. بس جني سمعت ان نعمات احسن وحدة

فاطمة التميمي وايد حلو مكياجها وناعم ومزجها للالوان حلو

سبيس ام حمد باطرشة لج على الخاص
:)

وااو كلاسيك يوم قلتي شانتون حسيت انه فستانج رااقي ماشاءالله .. عاد انا تخيلته اوف وايت ع كيفي لوول :o

انا موافقه ع اقتراحج نشووف شنو راي باقي البنات .. =)

حلا قطر فديتج ماعرف بس انا بعد سمعت عن نعمات انها اووكي ..
وفاطمه التميمي بعد ماعرف
<< مامنها فايده .. :smile:

حلا قطر........

ماعاش الي ينساج حبيبتي .......... مانسيتج بس لاني ماعرف تاريخ عرسج بس ولايهمج بضيفج في اللسته :)

وبرسل لج سبيس ام حمد


كلاسيك وروح قطر .....

والله خوش فكره بنشوف لنا وقت نفضى ونجمع الافكار لان صج في اشيا روعه رام نضيعها

ظل القمر الله يسلمج حبيبتي :)

اول شي بجاوب بالنسبه لفاطمه التميمي مكيجت رفيجتي الجمعه اللي طافت بملجتها الصراحه مكياجها طلع البنت خيااااااااااليه وااااااااااااايد محليها وااااااااااااااايد ناعم وستايله لبناني ودمج الالوان حلو ومرتب وغريب بعد يعني ماتحسونه مكرر وماقدر اشبهه بستايل وحده ثانيه



اما بالنسبه لخطوبة رفيجتي

الله يسلمكم القاعه كانت بسيطه وحلوه
الطاولات الكللللل سئل عنها واستغربوا انها تجهيز اسبوع واحد بس
كان اللون اوف وايت وذهبي والورد تقريبا اوف وايت او ابيض
الطاولات كانت سمبل وناعمه بس راقيه
سعر الطاوله طلع 350 ريال مع الضيافه وبدون الشاي والقهوه
حجزنا 10 طاولات


الكوشه نااااااااااعمه وفخممممه بنفس الوقت وكان حجمها شوي كبير فطلبنا منه يحذف البارتشنز اللي عالجنبين عشان تصير اصغر
واللي محليها اكثر طريقة الورد فيها كان واااايد راقي مثل ستاندين من الورد كامليييين ورد في ورد الحديد مو مبين كلش (هاي عالجنبين) وعطوا شكل حلو
الكوشه كانت بيج وذهبي والورد اوف وايت


المسكه بسيييييطه وااااااايد ومن نوع واحد من الورد بس شكلها شوي غريب مع ان تنسيقها بسيط جدا


الفستان والجوتي طبعا جاهز لان مافي وقت ابد
بس الحمدلله كان راقي واااايد وكشششششخه يعني يناسب خطوبه
وكان اخر قطعتين يعني حظنااااااا كان وايد حلو
حتى الجوتي لقينا شي مناااااااسب الفستان وموديله يديد


طبعا الكوشه والطاولات من رويال فلاورز والمسكه كانت فري وطلبنا بعد ستاند حق الشبكه كان حلو وبفكره يديده وفخم
الكوشه كانت ب 3400 بس الستاند مادري بكم


الضيافه
خذنا شوكلت وسويت الشوكلت من اوبرا والباقي ام المعرس مادري من وين طلبته
وخذنا سويت من ام حمد الجوزيه و الكب كيك وطلبنا تزين الصينيه كانت حلو واااااااايد


التوزيعات بعد من ام حمد مثل ماقلت لكم
ومشالله كانت راقيه وواااايد سئلوا عنها من وين وماتوقعوا لما قلت لهم وحده قطريه تسويها
مبين عليه جاهز
ومشالله ام حمد تهتم بأدق التفاصيل
يعني التوزيعات كانت اشرطه دعويه مغلفه (احسن للأجر)
واكياس ورد مجفف
الاكياس كانت مادري من أي قماش مثل الشيفون بس يابس اكثر
المهم طرزتها عالجنب مع ان الكميه كبيره بس مراعيه حتى الديتيلز ومزينه السلال بالورد والشرايط
يعني الصراحه مادري شلون اشكرها عالشغل الحلو والنفسيه الاحلى المره وايد حبوبه وطيبببببه

الشاي والقهوه
نتصل في ام فهد يطلع الرقم غلط توهقنا
رفيجتي كلمت ام حمد وانقذتنا
سوت لنا كل شي مع ان كلمناها في اخررررر لحضه بس الله الشاهد انها ماقصرت ابدددد
ومع انها ماتسوي الشاي والقهوه بس يحليلها عشاننا وافقت وطبعا شغل ام حمد كله ماعليه كلام
كفايه انه شغل بيت يعني احلى واحسن من المطاعم وحتى الضيافه لذيذه وعجبت الضيوف


الديجي
كنا حاجزين اميره بس رفيجتي الله يهديها في اخر لحضه كنسلت وعاندت تبي ديجي دريال
المهم الديجي كان ابدا مب حلو والاغاني كلها قديمه ماعجبتنا


المكياج
ميرا
كان طبيعي واااااايد ونااااعم وراقي يعني مرررتب مشالله ودمج الالوان ناعم وحلو
مثل ما رفيجتي تبي بالضبط لانها كانت تبي شي خفيف
بس في شي واحد
البودره ماكانت حلوه
مب من ميرا
ميرا بودرتها مرتبه وااااااااااااااايد
بس لان هي عاندت وليلة الملجه سوت تنظيف بشره (انا نصحتها بس هي لى عاندت عاندت )
المهم ويهها بين متقشر وبشرتها تعبانه
مع ان للعلم ميكب ميرا وبودرتها تغطي العيوب والحبوب واثارها
حتى خذوا مني رقمها


الشعر
ام راتب
طبعا غنيه عن التعريف دايما تروح للعرايس يعني ثقه وسوت لها رفعه خفيفه ونزلت شعرها كان طالع نعوم وبنوتي يعني ماعطاها اكبر من عمرها مثل التسريحات


بعد باقي اقول لكم عن شنو؟


الحنى
الفنون كان زحمه وايد رحنا العروسه كان حلو بس اغلى
الفنون عند نسرين لين الكوع 200
العروسه 250 ومايصبغ مثل حنى نسرين بس عموما كان حلو والنقشات غير عن الصالونات الباقيه لها ستايل مميز


المناكير والبديكير كانت حاجزه في نيلز بس طاف الحجز لان تأخرنا ف رحنا مركز ساره
الصراحه لووووووووووووووووووعه يجيب المرض ومايسوى سعره لو رايحه المول مثل كل مره ابرك


وحتى الفيشل ويهها ماتغير قبل وبعد الفيشل
وفوق هاي عطوها كريمات يقولون من البحر المتوسط بس بصراحه حسيت الصالون تجاري وصاحبة الصالون تمشي وتمدح منتجاتهم والاشيا اللي يبيعونها
تبينا نشتري بالغصصصصصب ماحبيتهم ابدددد


اممممممم هاي كل شي تقريبا


لو نسيت شي ذكروني
واي استفسار انا حاضره


اي تذكرت
التصوير
المعرس حجزه مادري من أي استوديو بس 4 افلام و1 لنا (ربع العروس واهلها ) يعني 5
والفيديو كاميرا وحده من نفس الاستوديو

مرحبا حبيباتي ..

عرسي قبل كلاسيك بـ 3 أيام .. هي 29 و أنا 26 : )

الله يبارك للي عرسوا و يبعد عنهم عيون الناس .. و الله يتمم على خير للباقي ..

..

أصدق إحساس ..
تسلمين حبيبتي على الدعوة .. اي والله لا تنسوني ^_^

..

حلا قطر ..
اي شكلي باروح حق رويال فلاورز باجر إن الله أراد .. أما ماسيس مستبعدتهم .. لأني أدري بهم غلايا وايد ..
و ترى زينة اوكي شغلها ما شاء الله .. قص .. سشوار .. صبغة .. تطمني ..
في وحدة ثانية بس ناسية اسمها بعد شغلها حلو ..

..

مملكة النحل ..
الله يوفقج حبيبتي ..

..

سديم
حياج الله حبيبتي .. و بخصوص المفارش لا والله ما عندي خبر ..

..

بنت الغالي ..
تسلمين فديتج على الإضافات .. و فيها الفايدة للكل ..

..

كلاسيك ..
سوي مثل ما قالوا لج البنات .. خلي فستانج ناعم و خلي الشغل في المسكة .. تتهنين يا رب ..

..

دلوعة ..
ما شاء الله عليج .. مبين من الترتيبات إنها واااو و سمبل ..
بس نصيحة انتبهوا للأخطاء اللي صارت في الخطوبة لا تتكرر في العرس ..
يعني الفيشل ما فيشل .. الحنا ... الخ .. و قولي حق رفيجتج تقول لج دوحانية عن النحاسة و العناد خخخخخ خل تسمع كلامج ^_^
الله يوفقها و يهنيها .. و الفال لج ..

بخصوص التوزيعات .. قلتي وزعتوا ورد مجفف في أكياس .. في شي معاها ؟ ولا لا ؟
و شكلي باكلم أم حمد عشان توزيعاتي و الضيافة .. حمستينا ..
و الله يعطيها العافية ما قصرت ما شاء الله ..

..

هلا أختي البنفسج ..
و الحمد لله على السلامة ..
و الله يوفقج ..
جزاج الله خير ..
هالصفحات اللي فيها النصايح و الأدعية حطيتها في المفضلة عندي عشان أرجع لها متى ما بغيت ..

..

أختي أم حمد ..
هذا اللي في الصورة وشو ..
و باسألج صج .. متى أقدر أحجز و شكثر تاخذ الطلبات لحد ما تجهز ؟
لين الحين ما فكرت شباخذ بس قلت باسألج قبل ..

بنت الغالي
زعلانه عليج وايد :(
شلون نسيتيني ماحطيتيني باللستة العرايس :(
المهم
مبروكين عالجزء ال7
وكلاسيك زين طلع فستانج حلو واللي محليه اكيد الشانتون لان فستاني قطعته شانتون وحطيت معاه شوي تور ودانتيل ولحد الحين ماشفته تصدقين :)