تجمع لبنـــــــات الكويـــــــت ((حياكم الله))

لحظة وداع توكلي على الله
وان شاللة ولادتج بتكون سهلة
لا تنسين الأدعية

حبيبتي أورد 3
آنا متوكله على رب العالمين إن شاءالله وربي يسهل لاعلي وعلى كل البنات إن شاءالله ،،،

حبيبتي أورد 3
آنا متوكله على رب العالمين إن شاءالله وربي يسهل علي وعلى كل البنات إن شاءالله ،،،

مشكوره اوراد :)

لجظة وداع..ربج يسهل ان شاء الله..

اذا وايد خايفه تقدرين تاخذين ابرة الظهر..و مثل ما قالتلج اوراد لا تنسين الدعاء..

صج تعالي نسيتي تعرفينا على نفسج..

يله نبي العمر و الوظيفه و الخخخخ

البندري الحربي شخبارج؟؟ :)

هههههه اول وحده اشوفها تقرا و ما شاركت و تحرشت فيها..

خلاص اللي اطيح عليها عيوني و ماتشارك بيكون التحرش مصيرها ^_^

ماشاء الله تعدينا الف رد :):)

ماتلاحظون اكو وايد بنات مفقودين كل شوي بكتبلكم ثلاثه !!؟؟

الكاسكو-نوضه-لبى قلب وليدي

وينكم؟؟

أم فروحة لا إبرة الظهر سمعت إن لها أضرار ماتسوى ،،،
وآنا عمري 22وشهر بالضبط وآنا سكرتيرة في مدرسة الله يعين موباقي إلا إسبوعين على المدرسة

انيم و عصفورة الجنة و احلى ملح..هذيلي من المشاركات القدامى و اختفوا!!! وينكم؟؟

ام عسوله اتوقع منزمان والده و معذوره..

لحظة وداع..اي والله ذكرتيني بالدوام :(

يعني معانا بالسلك التربوي ههه ماشاء الله اغلبنا بمدارس يا مدرسات ولا اداريات :)

لا لا و هدوي و سمبتييييييكا

مختفين :(

العفو يا أم فروحة

الشووق80 و لولوووه و كاكاوه...؟؟؟!!!

البندري و سكون كويتيه و افتخر هيل و زعفران؟؟

عسى ماشر الغيبه؟؟




احس لو بكتب كل البنات اللي اختفوا و اللي من فترة ماشاركوا ماراح اخلص..


يله الغايب عذره معاه..و لعل المانع خير ان شاء الله :)

فعلا فيه بنات مختفين إنتي أم فروحة مدرسة

انا اي الله يسلمج..90% من البنات اهني مدرسات و اداريات..

5 % طالبات و 5% بانتظار الوظيفه :)

على هالنسب أتوقع أغلب الكويتيات في التربية بس آنا اتمنى إني لي اللحين طالبه أحسن بوايد

هلا والله ام فرووحه

انا موجوده بس شويه لاهيه مع عروس عزيزه على قلبي قاعده اشاركها بعض تجهيزاتها


اشلونكم انتوا شاخباركم؟.
قرب الدوام الله يعينا عليه
ها فصلتوا مانتوات اشتريتوا بدل شسويتوا

انا فصلت خمس مانتوات
وبروح بعد جم يوم اشتري لي جم بدله للدوام
لاني انا ما احب على طول مانتو
مره بدله مره مانتو على حسب المزاج

بنات ودي اعرف شنو كريم تستخدمونه للدوام سواء كريم حمايه او كريم اساس
انا كريم اساسي من كنيبو اشرااايكم؟

توني انتبه لسؤالج ام فروحه عن الاكل للنفاس
صج مو ساأتني بس شتسوين عاد باللقافه

ما اوصيج لازم لازم تاكلين ادويه النفاس بنفاااسج
انا كنت بنفاسي حيل مهتمه بها الشغله والحمد لله

واذا تعرفين تسوين سويهم من الشهر الثامن
واذا ما تعرفين خذيهم من وحده ثقه
انا عني خذيتهم من وحده ثقه والله ما شاء الله شغلها ماكو عليه


المهم على النفاس عندي نصايح شكثر لي قربت ولادتج ذكريني اقووولج

اهلين بنات ام فروحة الله يهون عليج وانا استخدمت ابرة الظهر والحمدالله زينه ومافي مضاعفات

اهلا لحظة وداع..والله حتى انا احن حق ايام الدراسه واااااااااايد..

بس لم يتني فرصه اني اكمل دراستي حسيت جنه مالي خلق هههههه..



لبى قلب وليدي..هلا بالغالية شخبارجفقدناج ؟؟ مبروك مقدما حق العروسه وصليلها التبريكات :):)

اي والله قرب الدوام :(

ويييييييه بسرعه طارت العطله..بس اهم شي ان الحمدلله مالاعت جبدي من الحر مثل كل صيف..احس يكون لاهوب اكثر!!


مع الاسف من متى و انا اقول بروح افصلي..ولم الحين ماسويت شي..:(

بس ماصارت هالكسل..ان شاء الله بروح بالكثير الاسبوع الياي بسويلي جم عبايه حق الدوام..

لأن البدلات يبيله فراره بسوق الاقمشه و تعالي طلعي حق كل قطعه موديل..و ماعندي وقت..حق العباية مولاقيه موديلات فشلون البدلات..!! :/



لبى قلب وليدي انا استخدم كريم اساس ماركته سوشيدو..قايلي عليه الدكتور احمد رشيد مال الجلديه اللي في بوشهري كلنك انه طبي..و صج عجبني..

بس ما احب استخدم مكياج حق الدوام..كحل و بس..لأن احس هالسوالف عباله و ادمر الشيله و كل يوم كل يوم احس البشره مسكينه تروح فيها..عاد اهي من اول موناقصه!!

لبى قلب وليدي..اي والله محتاجه نصايح حلوه حق النفاس ان شاء الله..

تدرين شنو اكثر شي احاتيه؟؟

اول شي الكآبه اللي اسمع عنها :(

ثاني شي هالاكل استغفرالله ما احب اكل جذي..

و ان شاء الله لي قربت بقولج..




هلا والله بوردة العتبان..صراحه ما افكر استخدمها..لان في ناس الحمدلله تضبط معاهم و في ناس يعانون منها مده طويييييييييييله..

و انا ما ادري من اي نوع..و ضيفي على ذلك اني خوافه درجة اولى هههه

لكن من لحظة الولاده ان شاء الله ياربي يروح الخوف احس بس ابي افتك من الثقل..