تجمع لبنـــــــات الكويـــــــت ((حياكم الله))

لا والله لمن الحين صامدة ما ولدت

بس بطني حيل نازلة لي تحت اكثر من قبل

خلاص لولو ولادتج باجر ولا بعده بالكثير
يالله عقبالنا :)

الله يسمع منج و يسهل عليج يارب

مسسسسسساكممممممم الله بالخيييييييير :)

شلونكم بنات؟؟ :shy:



الورده المكنونه كلامج انتي و ليدي عسل مقنع والله..جني بسوي الاستقبال بالبيت..

لا كفرات ولا ديكورات حق الغرفه ولاهم يحزنون..عاد صج احس اوفر ان شاء الله..


اخيلوا اليوم بس تقريبا قاطه 100 دينار حق البيبي تفاجأت بالمبلغ :eek2:

و المشكله ان بس بجامات هذيلي اللي فيهم طباقي و بدلتين و جاكيت حق الشتا بسسس يعني بعدي ماشريت بدلات ولا فرش السرير و الكفر و الخخخ :confuse:


ترى بنات ما ادري زين المبلغ يعني طبيعي انتوا جذي لم تروحون تشترون حق عيالكم؟؟


ملاحظه: السعر بعد التنزيلات من مذركير :qaq:


عطوني فكره عشان ما اتفاجأ مره ثانيه :shy:

عاد اعرف وحده..ماشاء الله عليها ما تشتري حق بنتها الا من بيبي ديور اللي تلقين البدله الوحده على 30 و 40 !!!




اهليييييييييين خاص مرااااحب..انتي شخبارج؟؟

عاد لم تقولين مرحبتين كبار اتذكريني بهذاك المذيع ههههههه ما ادري شسمه اللي مره غنى اغنية هم ما ادري شسمها لووووووول..

شكلي فقدت الذاكره :sad: :dd:




لبى قلب وليدي في واحد اسمه سعد الدواس..الحمدلله تذكرت اسمه هههههه

هذا يصمم لج و عنده افكار..كان بالمزيونه اللي بالجابرية بس الحين صراحه ما ادري وين راح..بس اظنه غالي!




هلا لولو شخبارج؟؟ :shy: كل يوم قبل لا ادخل النت اقول ما ادري اليوم ويانا ولا ولدت :) الله يهون عليج يا رب..

الحمدلله ان بس انا اللي موصيتج عشان آخذ نصيبي عدل من الدعاء.. ( اهم شي ان ربي يتمم علي حملي و اولد طبيعي و ان يكون البيبي بصحه و عافيه ) .. يارب ما تسنسين (f) :)

عاد تدرين انا و جدامي جم شهر عندي لسته من بنات بالادعية :))) حتى قبل ما اروح الحج هم عطوني لسته..و الحمدلله ما نسيت احد :) اذكر وحده كانت كاتبتلي ورقه بالادعية..و طلعتها يوم عرفه و قعدت ادعي لها..

لان الدعاء للغير بظهر الغيب مستجاب ان شاء الله..و انا بدعيلج ان ربي يسهل عليج ولادتج و تيبين بيبي قمر و بصحة و عافية يا رب :)


و مشكوره على الاسم..متوقعه من الحين كل ما اقوله اسم ما يعجبه يبي اللي في باله و بس...الله كريم..




اوراااااااد شلونج و شخبارج؟؟؟؟؟

اي والله صدقتي البيبي اولى بفلوس الغرفه..

شكلي باخذ غرفه عاديه بالسلام..بس ايهو احسن الغرف العاديه اللي بالشفا ولا بالسلام لم رحتي تشوفين؟؟

أختي لولو
عشان تسهلين ولادتج وتسرعينها
أمشي حافية على الرمل على البحر
خلي ريولج تغوص بالرمل
واللة يسهل

مشكورة على النصيحة حبيبتي اوراد

ام فروحة بصراحة بدعتي بالمبلغ احسه حييييييييييل وايد
ترى مذركير بجاماته اغلى شوفي ماركس سبنسر الثلاثة بستة و نص و مذركير يبيهم بثمانية و نص

انا بعد اليوم رحت مذركير و خذيت جم شغلة

الكفر و الفرشة مالت البيبي خذيت الطقم من صفاة الغانم عندهم موديلات روعة و خصوصا حق البنات

أم فروحة
الغرفتين بنفس المستوى بس بدار الشفا أكبر شوي تروالي
حتى استقبالج خليه بالبيت أريح لج
منن صجج توج والدة وتعبانة بالمستشفى مووقت استقبال
بالبيت تكونين متجهزة وحتى متأقلمة ومستقرة مع الحياة الجديدةو والضيف الجديد
هذا رايي الشخصي

هلا لولو..صج يعني المبلغ وايد؟؟ :(

اي صح بجاماتهم غالين بس ماكنت اعرف اسعار ماركس سبنسر..عبالي انه بيكون اغلى من مذركير!..و ادري انهم بيسوون تنزيلات لغاية 75% بعد جم يوم..بس خفت ما احصل مقاسات..!

المشكله ان يشووقوون بالذات هدوم البنات يخلونج غصب تشترين..حتى من كثرهم خذيت اثنين متكررين هههههه!!



اتصدقين اول مره ادري ان صفاة الغانم عنده حق يهال..خلاص بروحلهم ان شاء الله..جان زين تقوليلي على جم خذيتي الطقم؟؟ لاني شايفه طقم ثاني في الرحاب فوق كله حق يهال..طقم السرير تقريبا بحدود 55 يشمل( الستاند اللي ينحط عالسرير و الشيفون ماله و حاجز للسرير و مخده و الكفر)..




اوراد..كلكم شجعتوني والله ماقصرتوا..صج تعرفون تقنعون ماشاء الله عليكم :)


كل ما اصير محتاره بشي بقولكم لانكم مقنعييييين درجة اولى :up: :up:


و نصيحتج مالت التمشي على الرمل :ok: احس حدها رومانسيييييه (f) :yes:

لولو حاولي تقنعين ريلج باجر بالليل (عشان اليوم نبي نسولف معاج هههه) قوليله مشني على الرمل عشان اولد..قوليله هذا علاج يديد بالعلم الحديث..

عشان اشوف اذا ولدتي بسوي مثلج..

عاد مشكله انا بالشتا مادري شلون بمشي ابهالبرد!!

يله سوي التجربه و قوليلنا :)



بغيت اسألج اوراد انتي سامعه عن هالمعلومه ولا شنو؟؟ :)

لا والله صج نصيحة حلوة ورومانسية وتسهل الولادة بعد
اتبعيها بالتاسع وان شالله تولدين بالسلامة

السلام عليكم

شلونكم بنات وشخباركم أنا كنت متابعة الموضوع من فتره وحبيت أشاركم أنا حامل اللحين في الشهر الثامن (الله يعين ويسهل علي) طبعا أول حمل لي وأنا حييييييييييل محتارة في المستشفى اللي راح اولد فيه كل يوم لي راي

اوراد مشكوره عالنصيحة يا الغالية..:)

شكلي باخذ كفر و بتلحف فيه بدال العباية و بنتمشى على البحر هههههههههه حد الرومانسية..شسوي بعد شهري عز البرد :S



هلا فيج لحظة وداع..الحمدلله انج قررتي تشاركين :) كنت اشوفج تقرين قلت ها اتحرش فيها ولا انطرها تشارك..عاد اشوه شاركتي هههه :)


المهم انا مثلج كنت محتاره بوايد مستشفيات..لكن الحين دام البنات اقنعوني باني اسوي الاستقبال بالبيت..فماراح اكون محتاره وايد يعني اتوقع يا السلام او دار الشفا..

و بروح اشوف الراشد من كثر ما امدحوه البنات شوقوني اشوفه :)

واللة يا أم فروحة أنا سامعة هالنصيحة من الحريم الكبار
ما أدري عاد صج ولا لأ
لأني بولاداتي بس اطلق اولد ماحتاج لمشي ولاشي

هلا حبيبتي أم فروحه ،،،

زين عيل إني شاركت قبل ماتتحرشين ،

آنا محتاره حيل في المستشفى قبل كنت ناوية أولد في دار الشفا خصوصا إن رفيجتي ولدت عندهم وتمدحه حيل وآنا أراجع هناك لكن سمعت من كذا وحده أنهم تعذبوا حيل هناك وبعدين فكرت بالهادي قالو خبرة وكمامهم واايد زين وهم مدحوا المواساة ،،، وآنا مقتنعه إن تسهيل الولاده من الله طبعا والله كريم ماتصورين شلون خايفه حييييييييييييييل

حلوه الفكره اعجبتني :)

بسالج اوراد..بوقت النفاس شنو كنتي تاكلين؟؟

و هل انتوا تسوونه ولا تشترونه من حرمه مثلا؟؟




لولو يا اما راحت تتمشى مع ريلها ولا ياها الطلق؟؟

لولو وينج؟؟

دام ولادتج بالشتا ان شالله ما تحتاجين حق شي
الله يسهل ان شالله جم طلقة وتسمعين صوت البيبي وتهون لحظات الآلام
ا

هههههه اي من اليوم و رايح اللي اشوفها تقرا بدون لا تشارك بتحرش فيها :shy:

لحظة وداع من شنو خايفه بالضبط؟؟

من الولاده نفسها ولا المستشفى و معاملتهم ؟؟

اوراد ليش اشمعنى الشتا؟؟

واي الله يسمع منج ان شاء الله ونستني؟؟

يعني مواليد الشتا ولادتهم سريعه؟؟

والله يا أم فروحة في أدوية خاصة نشتريها من الحواي
تنطحن وتنخلط وتنحط على الأكلات إلي فيها الحسو
مثل العصيدة
وآكل حسو مع البيض
ولا تنسين شاي الدارسين
كل هذا يساعد على تنظيف الرحم

طبعا من الولاده آنا حيييييييييييييل خوافه والله يستر إن شاء الله