دوامه الحموات .. ياليت احد يناقشني...

السلام عليكم ورحمة الله وبركاته

يا هلا بيكي أختي Noor1979...

شوفي...كل الأمهات يشعروا بهذا الشعور...و اول شيء يراقبوه بعد الزواج كيف تغيرت تصرفات عيالهم...بعدين شوية شوية بيبدأوا يتعودوا...

و تعبير الأمهات بختلف...في أمهات تسكت...و في أمهات تصرح...و في أمهات تجرح...

لكن مع مرور الوقت التصرفات هذه كلها بتقل...و بكره تجيبي عيال و ينشغلوا بهم عنك و عن زوجك...و راح تكون المشكلة كلها...ليش ما جبتي ابنك أشوفه اليوم :)

خليكي كويسة مع والدتك...و مع والدة زوجك...بكرة تجربي معنى الأمومة و تحسي بإحساسهم...

والله انا فاهمه وحاسه ..... بس صدقوني احس ان هالشي ممكن يخلق مشكله اوزعل بيني وبينه بس العمليه متعبه ,,, جداً لابعد الحدود .... خاطري اعيش شهر ياناس من غير هالغيره ...

ياختية كلنا عايشين في نفس المشكلة بس مع الوقت صدقيني بتتعودين على الأموار وبيصير روتين عادي في حياتج .....................

خليني اقولكم أخر التطورات ....

اليوم صار شي ماكنت متوقعته ... او يمكن متوقعته بس ماكنت متخيله ان ممكن يحصل ... بالسرعه
المهم انا اعتقد خبرتكم من قبل ان ام زوجي طبعا اهدتني خاتم مصبوغ ذهب على اساس انو ذهب وصار فيها السالفه زعل ,, وخوصوصا من صوب والدتي .... والمشكله انها حتى ماعتذرت لأمي على الي صار ... بس قلت يله معلش .. ولمه كلمت زوجي قالي هالموضوع بين الحموات خليه بينهم ...

المهم تركت الموضوع وكالعاده انا تناسيته وامي ما نسيته .... وطبعا ام زوجي ظلت تتهرب من امي .. وتحاول ما تتلقي فيهااو شي .. زين...صادف اليوم ان والدتي تلاقت مع ام زوجي في المستشفى ... وأمي راحت وسلمت عليها وحبتها ووأنوه ان امي هي الي راحت تسلم عليها مع ان هي كانت تتهرب منها .. .. وامي طلعت الخاتم من شنطتها ,,, وكانت حالفه انها ترد لهاالخاتم .. لو شافتها .... بس ردته لها بكل ادب ,, وحتىالخاتم كان مغلف ..... يعني محد درى .... جان امي زوجي تروح وتعطي الممرضه الي مع امي وتقولها عطي فلانه وقولي لها بلا هالحركات وقطي الخاتم في الزباله ... وبدل ماتروح وتعتذر وتقول لها لا تاخذين بخاطرج ... عموما راحت البيت عند زوجي وقعدت تتبجبج ,,,, تقول ام نور اهانتني ومادري ايش ... المهم امي رجعت بيت ام زوجي وعطتها الخاتم مره ثانيه وقالت حق بنتها عيب تعطين احد غريب وتدخليهم بالموضوع .... ومشت

وزوجي لأن قال من الاول انا مالي دخل .... حضرته لمه شاف دموع التماسيح مالت والدته طلع يصارخ على امي بالشارع ,,,,, وامي وايد زعلت .... وقالت لي بالموضوع كامل وحلفت انها لمه كلمت والدته ما غلطت عليها .... وان زوجي عيب يصارخ عليها ....

كلمت زوجي وفهتمه وقعد يقولي هذي امي ومادري شنو .. قلته وبعد هذي امي وانت قلت انك ما تبي تتدخل ... الحين شنو صار ... جديد ,,, يوم امك اغلطت علي وعلى والدتي قلت اهنا ما ابي ادش بين سوالف الحريم والحين عشان شفت دمعتين من امك صارت ما ابي اغالط على امي ....
الله كريم
طلبت من زوجي ان يعتذر على تصرفه طبعا بكل هدوء وقلت له اذا ما لحقنا الموضوع حار بحار .. ترى امي بتم زعلانه ,,, وبشيل بخاطرها اكثر ,,,,

قولولي شـــــــــــــاسوي ... خلاص اي رابطه الحين بين اهل زوجي واهلي انقطعت ,, طبعا السبب الحموات .........................

:sad:

http://www.3roos.com/forums/showthread.php?t=177939

ياليت بنات تساعدوني في حل المشكله لأني اظن ان حب الوصل انقطع خلاص ,,ما منه رجعه ...

اول شي حبيبتي لاتزعلين من كلامي ...

الخاتم مهديته ام زوجك لك صح ؟؟ وش دخل امك تروح ترجعه له حتى لو انها قايله لك انه خاتم ذهب وماطلع ذهب الهديه لك انتي وش لقف امك (اسمحي لي على هالكلمه )

ثانيا مهما صار بينك انتي واهل رجلك من مشاكل اقصد مشاكل العاديه مو مشكله كبيره المفروض امك ماتتدخل فيها ابد

والله اختي حتى لو ام زوجك لسانها طويل لقت اللي يرادها يعني بالعربي انتي اللي جايبه المشاكل لنفسك

جربي انك ماتقولين لامك عن اي شي يصير بيت زوجك واهله وبرضوا ماتقولين لزوجك وامه عن مشاكل اهلك وشوفي وش النتيجه

أم سليمان:
اول شي حبيبتي لاتزعلين من كلامي ...

الخاتم مهديته ام زوجك لك صح ؟؟ وش دخل امك تروح ترجعه له حتى لو انها قايله لك انه خاتم ذهب وماطلع ذهب الهديه لك انتي وش لقف امك (اسمحي لي على هالكلمه )

ثانيا مهما صار بينك انتي واهل رجلك من مشاكل اقصد مشاكل العاديه مو مشكله كبيره المفروض امك ماتتدخل فيها ابد

والله اختي حتى لو ام زوجك لسانها طويل لقت اللي يرادها يعني بالعربي انتي اللي جايبه المشاكل لنفسك

جربي انك ماتقولين لامك عن اي شي يصير بيت زوجك واهله وبرضوا ماتقولين لزوجك وامه عن مشاكل اهلك وشوفي وش النتيجه

السلام عليكم ورحمة الله وبركاته

بصراحة...أنا مع كلام الأخت أم سليمان...

هذا شيء بينك و بين زوجك و حماتك...ليش الوالدة تتدخل فيه و تجيب لنفسها المشاكل..

زوجك و والدته أول شيء بيزعلوا إن والدتك عرفت بالموضوع...

كان ممكن الموضوع يتم بينك و بين زوجك...و هو يكلم والدته على حكاية الخاتم...لكنك دخلتي والدتك...و أعطيتيها الخاتم... و صار اللي صار...

أختي مشاكلك مع أهل زوجك...ما تخلي والدتك و لا أختك يعرفوها...لأنه إنتي الخسرانة بالآخر...و العلاقات راح تتطور بشدة...

بالعكس إنقلي لوالدتك الصورة الأفضل دايما...و قولي لها إنهم يعاملوكي كويس...و ما تزيدي همها عليكي...

الله يوفقك إن شاء الله..

السلام عليكم ورحمه الله وبركاته خلوني اخذ كلامكم حبه حبه ..

اول شي ياام سليمان واختي مرموم ......... انا ما وديت الخاتم لأم ... انا نسيت الخاتم في بيتها ... واصلا ما عندي علم اذا هو ذهب او لأ........ولا حتى امي تدري........ ثانيا امي اخذت الخاتم وطاح من ايديها وطاح منه فص ,,, وودته حق الصايق يصلحه وو وقالها الصايغ ليش تصلحينه هذا الخاتم فالصو ما يسوى .. بس قطيه .........

امي حست بالاهانه لأن هديه الزواج ... الي ام الزوج تعطي الزوجه... امي اعتبرتها هي هديه تقدير لبنتها ووامي حست بالاهانه لي انا وانا ما اخفي عليكم تضايقت بس ما بيت حق والدتي ان الموضوع مهم اصلا .. عشان ما تاخذ في خاطرها ...ويوم خبرت زوجي عن الموضوع .. وكلم امه امي جاتني وقالت انها بتتصل في والدتي تعتذر لها لأنها على كلامها ما تدري ان الخاتم مو ذهب:qaq: ومرت 3 شهور لا اتصلت ولا شي وو وتمت العلاقه مكهربه زز

بالنسبه لنقل المشاكل لو انا كنت انقل كل شي ام زوجي تسويه فيني كنت اليوم في بيت اهلي انتظر الطلاق ...... وانا مو صغيره عشان انقل اي شي يصير حق اهلي عندي زوجي لو احتجت شي هو بيسوي لي على طول

ثاني شي لمه صار موضوع الخاتم طلبت من زوجي ان يتدخل ... قال هذا موضوع حريم انا مالي شغل فيه ... مع اني دافعت عن ام زوجي وزوجي ,, وقلت حق امي انها ماتدري وحاولت اصلح الموضوع بس الصراحه مافي فايده ظلت امي زعلانه لأن محد فيهم راح كلمها ... وبعدين امي مره عوده مومثلنا ... ممكن تمشي اي شي ..

واخيرا ..مهما الي صار وكان هو بين امي ووالدته ... ومثل هو ما قال ان ما يبي يدخل ... شمعني لمه امه دخلت عليه بدمعتين وكم كلمه كذب .. طلع يصارخ على والدتي في الشارع ....
انا الي قاهرني الحين وساكته لأني ما عرف كيف اتصرف بالضبط .. انو هو ليش حشر نفسه بالموضوع دام هوخلاه معلق 3 شهور..... مهما كان ياناس هذي امي وما أرضى عليها ...

اتمنى وضحت الصوره

السلام عليكم ورحمة الله وبركاته

حبيبتي ما ادري شو اقولك

انا كذا مشكلة قراتها لك وما احب أرد لاني أحسك تتضايقين

مشكلتك مع زميلتك لما امك رجعت لها الهديه بزواجك

ومشكلتك الي كتبتيها بعد عن امك لما بداية زواجك

والحين ها المشكلة

انا ما ابغي أعصبك على امك الجنة تحت اقدام الامهات

غاليتي امك حرمة كبيرة صح وما تتقبل ها السوالف الي تحس انها من كرامة بنتها

بس انتي بعد بصراحة وايد تكبرين المواضيع وتضايقين روحك وتبغي تمسكي على ام زوجك اي حركة

يعني لما على سالفة ان ام زوجك تبغي خطاب بنتها يجون لملحقك سويتي سالفة طووووووووووووويلة عريضة مع انها و الله مو مستاهله الرجال بيجون عندكم وبتخلص السالفة

لا ركزتي ليش هي ما طلبته مني مع انه على فكرة ملحقك ببيتها فالمفروض مثل ما هي قدرتك وسمحت انكم تبنون ببيتها ومملكتها اني تتنازلين شوي وتسويلها الي خاطرها فيه

وحتى لو كلمت زوجك وما كلمتك حسبيها حرمه كبيره وما تفهم للأتيكيت وغيره

على فكرة كل ها التصرفات والحركات الي تصير بتأثر على علاقتك بزوجك كل ما بيشوف انك كل مره تحبي تمسكي على امه شي وبالاخير هذي امه الي ربته

تخيلي لو انتي وافقتي ان الخاطب يجون ملحقك وزوجك شاف ها الموقف الحلو منك وبالاخير ما جو ؟؟؟؟؟؟؟؟؟؟؟ كان اكيد بيستانس منك زوجك

وهذي ترى مواقف بسيطة تبقى بقلبه على امه

غاليتي

خلي علاقتك بالجميع حلوه امك وامه وحاولي تقربيهم من بعض عشان انتي ترتاحي ولا تضايقي نفسك على اشياء ما تسوى ترى كلها امور زائلة وما يبقى منا غير اخلاقنا الزينة وذكرنا الطيب

فلا تركزي على اشياء ما تسوى خاتم تقليد او مجلس بملحق كلها امور بتروح

والله يوفقك بحياتك ويهدي سرك

مرحبا أم نور ....

أنا ما أعتبر هذي مشكلة .... هذي ظاهرة منتشرة بين الكل ..لا إنتي أول وحدة ولا آخر وحدة
يصيرلها هالشي ...

إنتي كبري عقلج أكثر من جذي وحاولي قد ماتقدرين إن حياتج الخاصة ما ظهرينها لأي شخص يعني بينج وبين زوووجج بسسسسسسسسسسسس.

[grade="00008B FF6347 008000 4B0082"]( حياتج مع زوجج شي وعلاقتج مع أمه شي وعلاقتج مع أمج شي ثاني ) خلي هالشي في بالج عدل وانتي الربحانة ..[/grade]
إذا أمج يت وعايرتج بعدم إهتمام ريلج فيها طنشي .... وإذا أمه حاولت تختلق المشكلات بينج وبين أهلج أو ريلج بعد طنشي وكبري عقلج وخذيها ع قد عقلها ...واللي حاب ايسوي فيلم أكشن خله يسوي بعيد عن حياتج وحياة زوجج ...

وعلى فكرة أنا عانيت من هالمشاكل قبل أيام الملجة طبعا لقلة خبرتي ودااااااااااااايما كنت أقول كل شي لأمي بس بعد ماعرست وتحديدا ثاني يوم العرس صارت اخناقة كبيييييييييييييييييييييرة بين أمي وحماتي وبين الوالد وعمي اللي هو والد زوجي ... لدرجة إن حماتي سبت أمي وسبتني وما خلت كلمة ما قالتها

اشلون اتصرفت ؟؟؟؟
غلقت موبايلي أنا وزجي يوم العرس إلين ثاني يوم وسافرت ماليزيا معاه ماكلمت هلي غير خمس دقايق قبل لا طير الطيارة ...

ولما رجعت وكل واحد ماسك في الثاني يقوله ع اللي صار طنشت أنا، وريلي لاحظ إني مو مهتمة اللى فيه ومطنشة المشاكل جان يستانس واااايد ، محد يقدر يدخل في حياتي لأني ما أسمح لحد يعكر صفو حياتي سواء أمي أو أمه ... محد راح يخسر غيرنا .. وأنا ما ريد أخسر أغلى إنسان عندي عسب مشاكل مالها أول ولاتالي ...
حبيت أقولج قصتي عشان تتعلمين ،أمج على عيني وراسي لكن ماااااااااااااتدخل أبد في حياتج أمه عليج واجب الإحترام مهما غلطت عليج طنشييييييييييييييييييي وإضحكي مثل ما أنا أسوي
لأنهم والله يضحكون :dd: :dd: :dd:

خلي اللي يضارب يضارب واللي يسب يسب
أتمنى أكون قدرت ولوبشي بسييييييييييط إني أساعدج وتحياتي لج

والله قبل ما اقرى موضوعك كنت متضايقة افكر اني انا لحالي كذه ... الله يعينك .. لا امي راضية ولا حمواتي راضيين ...ز لان انا عندي غير حماتي خالات زوجي ..... الله يهديهم ... تلاقي حماتي ساكتة وهم اللي يعبوها ... وامي متضايقة من زوجي ومن اهله ما ادري ليش احيانا نفسي اقولها ليه زوجتيني .. واهله ايش ما سويت لازم برضة انا مقصرة ... ايش اعمل والله طلبت من زوجي يحاول ينقل لو اروح اي بلد بعيدة لكن ابغى ارتاح .. والنهاية انا زوجي محنا عارفين نجلس مع بعض لوحدنا مع اني دوبي مكملة سنة والله تعبت اشك اني اقدر اتحمل ... احيانا اقول اشلي واشل الزواج ما جاني الا الهم ززز الله يعينا

malaak:
السلام عليكم ورحمة الله وبركاته

حبيبتي ما ادري شو اقولك

انا كذا مشكلة قراتها لك وما احب أرد لاني أحسك تتضايقين

مشكلتك مع زميلتك لما امك رجعت لها الهديه بزواجك

ومشكلتك الي كتبتيها بعد عن امك لما بداية زواجك

والحين ها المشكلة

انا ما ابغي أعصبك على امك الجنة تحت اقدام الامهات

غاليتي امك حرمة كبيرة صح وما تتقبل ها السوالف الي تحس انها من كرامة بنتها

بس انتي بعد بصراحة وايد تكبرين المواضيع وتضايقين روحك وتبغي تمسكي على ام زوجك اي حركة

يعني لما على سالفة ان ام زوجك تبغي خطاب بنتها يجون لملحقك سويتي سالفة طووووووووووووويلة عريضة مع انها و الله مو مستاهله الرجال بيجون عندكم وبتخلص السالفة

لا ركزتي ليش هي ما طلبته مني مع انه على فكرة ملحقك ببيتها فالمفروض مثل ما هي قدرتك وسمحت انكم تبنون ببيتها ومملكتها اني تتنازلين شوي وتسويلها الي خاطرها فيه

وحتى لو كلمت زوجك وما كلمتك حسبيها حرمه كبيره وما تفهم للأتيكيت وغيره

على فكرة كل ها التصرفات والحركات الي تصير بتأثر على علاقتك بزوجك كل ما بيشوف انك كل مره تحبي تمسكي على امه شي وبالاخير هذي امه الي ربته

تخيلي لو انتي وافقتي ان الخاطب يجون ملحقك وزوجك شاف ها الموقف الحلو منك وبالاخير ما جو ؟؟؟؟؟؟؟؟؟؟؟ كان اكيد بيستانس منك زوجك

وهذي ترى مواقف بسيطة تبقى بقلبه على امه

غاليتي

خلي علاقتك بالجميع حلوه امك وامه وحاولي تقربيهم من بعض عشان انتي ترتاحي ولا تضايقي نفسك على اشياء ما تسوى ترى كلها امور زائلة وما يبقى منا غير اخلاقنا الزينة وذكرنا الطيب

فلا تركزي على اشياء ما تسوى خاتم تقليد او مجلس بملحق كلها امور بتروح

والله يوفقك بحياتك ويهدي سرك

مرحبا أختي اول شي حبيت اشكرك على ردك ...... ومشاركتك ومتابعتك بعد ..وحطي في بالك اختلاف الرأي لا يفسد للود قضيه حتى لو ردك ضايقني.

اول شي بالنسبه لموضوع الهديه الي امي رجعتها لزميليتي بالعمل هذا تصرف انا اصلا ماكنت ادري فيه ...... وتفاجئت فيه بعد ما صار وشلون عرفت ... عرفت لمن رجعت البيت كان في كرت مكتوب فيه الاسامي الي حطو في الهديه .... وعموما انا ماعز على امي تاخذ شي من شنطتي او حتى تفتح المحفظه ......وما لومها لأنها مره كبيره مثل ما قلتي .... ولكن ما يمنع اني خبرتها ان هالشي يخرب علاقتي وان تدخلها مو في صالحي ....

هذي نقطه

مشكلتي مع امي في بدايه زواجي ... اتوقع الكل عانه منها .... وانا قليله خبره ,,, وماكنت اتوقع ان الأهل راح يتدخل بالصوره هذي ,,, وانا عاذره امي .. لأن كانت تبي توفر لي كل وسائل الراحه قبل لا انتقل حق ملحق زوجي .... والمشكله انحلت والحمدالله ... بس لا كنت انقل مشاكلي لها ولا شي بس الوالده الله يحفظها كانت متابعه معاي موضوع التأثيث ,,,,, لأن كنا بنسافر .. بعدها على طول...... اول ما نخلص ..

بالنسبه لعلاقتي مع ام زوجي ,, فالله الشاهد علي ,, ان علاقتي معاها كانت اطيب مايكون في الخطوبه ,,,والسبب ان ماكنت احتك فيها كل يوم بالعكس كنت اتغدى واتعشى معاهم ..... لمه تناسب الظروف .... بس لمن انتقلت في امور صارت بدت تتطور شوي شوي ,, وانا بالبدايه كنت اخذها عن طيب خاطر .... والي ما تعرفينه اختي ان ام زوجي مو مره عوده اصغر من والدتي بكثير ...يعني في الاربعينات وانا والدتي في اواخر الخمسينات ... شفتي الفرق ... ولو انها ما تعرف كنت بقدر هالشي .. لكن اشوفها تعرف تتصرف مع الغير ........ طنشت امور كثيره على حساب راحتي منها اتصالاتها بوالدها لمن نطلع ,, وتطفلها على كل كبيره وصغيره ,, وكنت اعوز هالشي إلى الغيره ... لأني اعرف ان الام تغير لمن الولد يتزوج وينشغل عن امه ....

بالنسبه للمجلس اختي .. انا مابيكون عندي ما نع لو انها طلبت مني من باب ا لاحترام .. انها تستخدم المكان الي انا قاعده فيه حتى لو كان بيتها .. البنت منا لو ما حست بخصوصيتها ما راح تعيش مرتاحه ... وثاني شي انا ما عندي اعتراض على انو بيتها .... والحمدالله انا وزوجي نقدر نطلع في شقه .... بس زوجي اقترح نجلس عند اهله لأن الشقه راح تكون نفس حجم الملحق ومنها نوفر ايجار الشقه في شي ثاني ...... ولا احب اتصيد على امه اقل حركه مثل ما تقولين عشان ازعل او شي ...

انا من زود القهر الي فيني اكتب وافضفض في المنتدى .... وامور كثيره اسكت عنها وامشيها لا انقلها حق امي ولا اقولها حق زوجي ...... افضل اني يا اطرحها في المنتدى او اشكي الحال مع اعز صديقه عندي .... وبالرغم من اي مشكله تصير اضل اسلم على امه و ابوه وخواته ,,, وابتسامه عريضه ولا كأن صاير شي .. ولا عمري تخانقت معاهم ولا حتى صار مشاده في الكلام ... معاهم ...

بالنسبه لأخر موضوع لو قريتيه اخر التطورات ,, امي الله يهديها الظاهر كانت شايله في قلبها سالفه الخاتم مع اني انا نسيتها .. وخليتها تولي ... بس والدتي يوم شافت امه بالمستشفى سلمت عليها ورجعته والباقي انتو تعرفونه .. يعني انا مالي دخل بالموضوع .... وشلون وصل الخاتم لأمي انا ذكرته كامل في نفس الموضوع الحالي ... وسوالف حريم ما تخلص ..... لكن الي ضايقني ان زوجي رفع صوته على والدتي ,,, وتدخل بالموضوع .... وهذا الي ضايقني وحلينا المشكله حالياً

العلاقه مع الجميع مستقره ,, ولكن متوتره ,,,, يعني انا وزوجي قاعدين نجامل الطرفين على حساب راحتنا ..... ودوامه الحموات ما تخلص ...... والوضع الحال مكهرب جداً لكن ما في يدي شي اسويه ... وخلينا الامور مثل ما هي بس انا متضايقه لأن امي شايله على زوجي وكارهته من ذيك الحركه .... وحاولت اصلح الوضع ومافي فايده .... وحاليا انا ساكته ,, اقول يمكن تهدى النفوس بعد الولاده ,,,,

اتمنى وضحت لك الصوره اختي والسموحه على الاطاله

شكلوتو:
والله قبل ما اقرى موضوعك كنت متضايقة افكر اني انا لحالي كذه ... الله يعينك .. لا امي راضية ولا حمواتي راضيين ...ز لان انا عندي غير حماتي خالات زوجي ..... الله يهديهم ... تلاقي حماتي ساكتة وهم اللي يعبوها ... وامي متضايقة من زوجي ومن اهله ما ادري ليش احيانا نفسي اقولها ليه زوجتيني .. واهله ايش ما سويت لازم برضة انا مقصرة ... ايش اعمل والله طلبت من زوجي يحاول ينقل لو اروح اي بلد بعيدة لكن ابغى ارتاح .. والنهاية انا زوجي محنا عارفين نجلس مع بعض لوحدنا مع اني دوبي مكملة سنة والله تعبت اشك اني اقدر اتحمل ... احيانا اقول اشلي واشل الزواج ما جاني الا الهم ززز الله يعينا

والله يا اختي انا مثلك جاتني ايام اقول القعده بالبيت ابرك واحسن .. لأن احيانا اتصير مواقف تقعدين تفكرين هم ليش وافقوا على الزواج دام بيكرهون بعض بعدين وبتخانقون .... وكل واحد ينهش في الثاني .... والحل مثل ما قلتي ان نبتعد عن الطرفين ... بس انا لو سيت هالشي راح اذبح زوجي من الديون لأن تقريبا أثثنا الشقه وسوينا فيها ديكورات والاثاث وغير على الاقل يبي لي سنتين ثلاث ,,, عشان نطلع من المكان الي احنا فيه ... الي يهون الموضوع ان انا وزوجي متفاهمين وندري ان هالسوالف ما بتخلص ,, وان لازم نتحملهم .. بس اهم شي ان ما تأثر على علاقتنا .... مع بعض ..... واتمنى انك انتي وزوجك متفاهمين بخصوص هالشي بعد .....

وشاكره مرورك

أم عزوووزي الحلو:
مرحبا أم نور ....

أنا ما أعتبر هذي مشكلة .... هذي ظاهرة منتشرة بين الكل ..لا إنتي أول وحدة ولا آخر وحدة
يصيرلها هالشي ...

إنتي كبري عقلج أكثر من جذي وحاولي قد ماتقدرين إن حياتج الخاصة ما ظهرينها لأي شخص يعني بينج وبين زوووجج بسسسسسسسسسسسس.

[grade="00008B FF6347 008000 4B0082"]( حياتج مع زوجج شي وعلاقتج مع أمه شي وعلاقتج مع أمج شي ثاني ) خلي هالشي في بالج عدل وانتي الربحانة ..[/grade]
إذا أمج يت وعايرتج بعدم إهتمام ريلج فيها طنشي .... وإذا أمه حاولت تختلق المشكلات بينج وبين أهلج أو ريلج بعد طنشي وكبري عقلج وخذيها ع قد عقلها ...واللي حاب ايسوي فيلم أكشن خله يسوي بعيد عن حياتج وحياة زوجج ...

وعلى فكرة أنا عانيت من هالمشاكل قبل أيام الملجة طبعا لقلة خبرتي ودااااااااااااايما كنت أقول كل شي لأمي بس بعد ماعرست وتحديدا ثاني يوم العرس صارت اخناقة كبيييييييييييييييييييييرة بين أمي وحماتي وبين الوالد وعمي اللي هو والد زوجي ... لدرجة إن حماتي سبت أمي وسبتني وما خلت كلمة ما قالتها

اشلون اتصرفت ؟؟؟؟
غلقت موبايلي أنا وزجي يوم العرس إلين ثاني يوم وسافرت ماليزيا معاه ماكلمت هلي غير خمس دقايق قبل لا طير الطيارة ...

ولما رجعت وكل واحد ماسك في الثاني يقوله ع اللي صار طنشت أنا، وريلي لاحظ إني مو مهتمة اللى فيه ومطنشة المشاكل جان يستانس واااايد ، محد يقدر يدخل في حياتي لأني ما أسمح لحد يعكر صفو حياتي سواء أمي أو أمه ... محد راح يخسر غيرنا .. وأنا ما ريد أخسر أغلى إنسان عندي عسب مشاكل مالها أول ولاتالي ...
حبيت أقولج قصتي عشان تتعلمين ،أمج على عيني وراسي لكن ماااااااااااااتدخل أبد في حياتج أمه عليج واجب الإحترام مهما غلطت عليج طنشييييييييييييييييييي وإضحكي مثل ما أنا أسوي
لأنهم والله يضحكون :dd: :dd: :dd:

خلي اللي يضارب يضارب واللي يسب يسب
أتمنى أكون قدرت ولوبشي بسييييييييييط إني أساعدج وتحياتي لج

اهلين حبوبه

والله وانتي الصاجه .. الظاهر هذا الي بيصير ..... احسن شي اطنشين ... بس شتسوين لو تروحين البيت وتقعدين تسمعين الا اهل زوجك سوا وفعلو الا زوجك ما يسوي ولا يفعل ... الا هذا زين الا هذا شين .... ترى الواحد يتعب .... وان سكتي بيقولون كلامهم صح ,,, وان تكلمتي بيقولون تدافع عنهم ..... وهذا الي حاصل معاي ... مهما كان هذا زوجي انا ماحب احد يتكلم عليه بسوء ...حتى لو هلي ..لو اروح البيت اقعد افكر في الطريق ان شاء الله ما ينفتح اي موضوع بخصوص زوجي ...
او هله لأني مليت ..:sad: ....
بس بجرب والله كريم ....

السلام عليكم ورحمة الله وبركاته

تدرين حبوبة لا تلجإي إلى بنات المنتدى لحل مشاكلك الزوجية مع احترامي للجميع ،، عندما يتعلق الموضوع بوالدة زوجك أو بوالدتك كل البنات بيوقفون ضدك وهذا واضح من ردود البنات ،، انظلمت من أهل زوجي أشنع ظلم وتدرين شو اللي سويته طنشــــــــــت ولجأت إلى الله ما لك غير الله هو بياخذ حقك 0000 في حالة واحدة فقط إنك مظلومة وما تتغيري لا مع حماتك ولا مع أمك وخلي علاقتك معهم عادية وطبيعية جداً ولا كإنو شي صار

إدعي الله أن ييسر لك أمرك مع أمك وحماتك وأكثري الدعاء خاصة في جوف الليل وأوقات الدعاء المستجاب ويوم تصير معك مشكلة ما تحكيها لا لزوجك ولا لأمك ولا لبنات المنتدى ولا لحماتك ولا لأختك ولا لأحد في هالدنيا ،،، اجلسي مع نفسك واحكيها ل الله وشوفي إنك رح تشعري براحة لا توصف

وربنا يهدي سرك وييسرلك أمرك

علق عندي الكمبيوتر آسفة أرسلت المشاركة مرتين

حبيبتي ما ادري شو أقولك أحسك بين ناريين لو تهدا وحده فيهم بترتاحين

طيب لو تقدرين تطلعين بشقة بروحك افضل تكوني أبعد عن ام زوجك وتشوفينها وقت ما تحبين

يعني عشان ما تطفل عليك وتضايقك

والله يحفظهم لك وييسر ولادتك

وتجاهلي أشياء وغضي البصر عنها والله يريح بالك

مرمورة الأمورة:
السلام عليكم ورحمة الله وبركاته

تدرين حبوبة لا تلجإي إلى بنات المنتدى لحل مشاكلك الزوجية مع احترامي للجميع ،، عندما يتعلق الموضوع بوالدة زوجك أو بوالدتك كل البنات بيوقفون ضدك وهذا واضح من ردود البنات ،، انظلمت من أهل زوجي أشنع ظلم وتدرين شو اللي سويته طنشــــــــــت ولجأت إلى الله ما لك غير الله هو بياخذ حقك 0000 في حالة واحدة فقط إنك مظلومة وما تتغيري لا مع حماتك ولا مع أمك وخلي علاقتك معهم عادية وطبيعية جداً ولا كإنو شي صار

إدعي الله أن ييسر لك أمرك مع أمك وحماتك وأكثري الدعاء خاصة في جوف الليل وأوقات الدعاء المستجاب ويوم تصير معك مشكلة ما تحكيها لا لزوجك ولا لأمك ولا لبنات المنتدى ولا لحماتك ولا لأختك ولا لأحد في هالدنيا ،،، اجلسي مع نفسك واحكيها ل الله وشوفي إنك رح تشعري براحة لا توصف

وربنا يهدي سرك وييسرلك أمرك

[mark=3333FF]اختي مرمورة ..... وعليكم السلام ورحمه الله وبركاته
صدقيني ان كلامك ما في عليه ذرة غبار ... وانا ادري ان الشكوى لغير الله مذله ,, وانا من البدايه ذكرت في موضوع .. اني ما عتبرها مشكله بقدر ما عتبرها فضفضه ,, او ضيقه يمكن احد يفيدني من خبرته .. وسواء البنات كانو معي او ضدي وهو الاغلب :shy: بس صدقيني احيانا الواحد يتكلم حتى لو ما لقى حل بس مجرد يحس ان في ناس تدعو له وتتعاطف معاه يرتاح .... ومن قال اني ما اكلم نفسي احيانا اكلم نفسي من القهر ,,, حتى احيانا زوجي يدخل علي ويستغرب ....
وصدقيني البنات ما يبغون الا المصلحه وما يحبون الوحده تهدم بيتها وهم ما يحبون يشجعون اي تصرف ينتج عنه خلاف ...ويمكن الخاسر الوحيد يكون الزوجه ...

والله اني حسيتك حابه فعلا تساعديني ... تسلمين حبوبه وايد :yes: [/mark]

malaak:
حبيبتي ما ادري شو أقولك أحسك بين ناريين لو تهدا وحده فيهم بترتاحين

طيب لو تقدرين تطلعين بشقة بروحك افضل تكوني أبعد عن ام زوجك وتشوفينها وقت ما تحبين

يعني عشان ما تطفل عليك وتضايقك

والله يحفظهم لك وييسر ولادتك

وتجاهلي أشياء وغضي البصر عنها والله يريح بالك

ان شاء الله اختي الله يفرجها ,, بس انا ما احب اضغط على زوجي في هالشي وخصوصا بعد المصاريف الي صرفناها على الشقه .. ان شاء الله بعد سنتين ثلاث نشوف حل ,,,,,

ومشكوره على تفهمك