دوامه الحموات .. ياليت احد يناقشني...

السلام عليكم ورحمة الله وبركاته

أهم شيء يا Noor1979 ما تتأثر علاقتك بزوجك...و ما تقعد والدته كل شويه تزن عليه في هذا الموضوع...

و ديري بالك...الضغط العصبي و الصراخ مش كويس على الحامل أبدا...بيطلع البيبي عصبي و علطول يبكي ...

الله ييسر بس...و بعد الولادة ما يصير مشاكل على البيبي...

مرموم:

السلام عليكم ورحمة الله وبركاته

أهم شيء يا Noor1979 ما تتأثر علاقتك بزوجك...و ما تقعد والدته كل شويه تزن عليه في هذا الموضوع...

و ديري بالك...الضغط العصبي و الصراخ مش كويس على الحامل أبدا...بيطلع البيبي عصبي و علطول يبكي ...

الله ييسر بس...و بعد الولادة ما يصير مشاكل على البيبي...

وعليكم السلام اختي مرموم ..

بقولج شي بس من قلبي والله .... تدرين سواء كنتي معاي او ضدي في اي نقاش ... بس الصراحه احسك تنحبين على الطبيعه وان شخصيتك مره حلوه ...... وعلى فكره احترم وافرح لمشاركاتك كثير ...... والله يسعدك امين ...

تحياتي

Noor1979:
وعليكم السلام اختي مرموم ..

بقولج شي بس من قلبي والله .... تدرين سواء كنتي معاي او ضدي في اي نقاش ... بس الصراحه احسك تنحبين على الطبيعه وان شخصيتك مره حلوه ...... وعلى فكره احترم وافرح لمشاركاتك كثير ...... والله يسعدك امين ...

تحياتي

السلام عليكم ورحمة الله وبركاته

تسلميلي يا Noor1979 و الله...و عمره ما كان الخلاف يخلينا نزعل من بعض...

بالعكس آخذ كتير من أفكاركم...و وجهات نظركم...

و عن نفسي...أحسك شخصية قوية...متمسكة برأيك...و هذا شيء حلو فعلا في هذا الزمن (f)

بصراحة يا نور لما جربت مرة واتكلمت انذليت من يومها حسيت إنو الوحدة في هالدنيا ما ينفعها لا زوج ولا أخت ولا أخ ولا أم ولا حد ما لك غير الدعاء واللجوء إلى الله

الله يعينك اختي
هذة الدوامه ما تنتهي
انا الحمد لله ما عندي مثل هذة المشاكل لانني بعيده عن بيت حماي واهلي من النوع اللي ما بيدخلوا بحياتي
بس الا ما تحكي حماتي (الحماه بضل حماه)
فأنا بسمع من هون وبطنش من هون
اذن من طين واذن من عجين (والا ما يصير مشاكل بين الحماه والكنه )بس انا بختصر وبحتسب عند ربنا

الله يهدي النفوس إنشالله، وها المشاكل تصير في معظم البيوت بدرجات متفاوته..أحسن شي أنج تطنشيييييين......في النهاية عزيزتي محد ينظر إلا أنتي وريلج،هم كل واحد بيتكلم وبيقول اللي في خاطره وبينسى، أما أنتي وريلج إذا بدت بينكم المشاكل ما بتنتهي،،واللي ساعد أن المشاكل تبدأ (سواء من أهلج أو أهله) ما بيساعدج أبدا أنها تنتهي....اللي يكلمج عن الثاني قولي أنا ما لي شغل بحد...كل حد عنده لسان يتكلم فيه،،حماتج قولي لها تعرفين رقم أمي قولي لها اللي في خاطرج وأمج نفس الشي.......وبالنسبه لموضوع الخاتم، اسمحي لي الموضوع ما يسوى...في النهاية أختي هذي هدية وكل إنسان يهدي على كيفه مب على كيف الشخص اللي بتروح له الهدية..أنا لما عرست وحتى لما ولدت يتني هدايا بمختلف المستويات،وكانوا أهل زوجي يشوفون وينتقدون الهدايا اللي مب لهناك، وضحت لهم مبدإي من البداية، أنا ما أحب أنتقد أي هدية شو ما كانت،لدرجة أنهم صاروا ما ينتقدون أي هدية جدامي، أنا ما أقدر أفرض ذوقي على حد سواء أهلي أو أهله أو الناس، لكن في المقابل لما برد الهدية بهدي كل شخص على المستوى اللي هو هداني فيه.......
اللي لازم نفكر فيه الغالية أن في النهاية الدنيا ما تسوى ونحن ما بناخذ شي ويانا،، لا ذهب ولا ألماس ولا غيره،، مشكلتنا الحريم نعرف الصح من الغلط ونقول بنطنش وكل واحد ماله إلا عمله بس شو نسوي، الشيطان ورانا ورانا.. :)
الله لا يفرق بينج وبين ريلج ويبعد عنكم المشاكل

انا اتفق مع الغالية ام مريم

السلام عليكم ورحمه الله وبركاته
اختي مرموم اشكرك على ردك ... انا اتمسك برأي فقط اذا حسيت اني صح .... وفي مجال اغيره لو انا غلطانه :shy:
واخواتي الي شاركو اشكركم جزيل الشكر على قرأتكم وتعاطفكم ...

اختي أريام .. كان لاحظتي .... انا ماعلقت على اهميه الخاتم والهديه ... وعموما انا ما احب اتكلم في الموضوع او اكرره لأن مثل ما قلتي مب مهم ... الطريقه الي تقدمت فيه الهديه .... كانت في حفله وقدام الناس ... ومادري اذا قريتي الردود او لا ... انا مثل ما قلت ماكنت ادري اذا الخاتم ذهب او لا .. لأني غشيمه في السوالف هذي ... والخاتم كان باين عليه ذهب .. والهديه ما همتني حتى لو والدته ما يابت شي ... لكن الوالده الله يهداها اعتبرتها شخصيه .... عموما ما بطول الموضوع ..
الحين الكهربا موجوده وانا مطنشة .. وهم كيفهم .. تصالحو تضاربو كيفهم .....
لأن مابي ااتخانق مع زوجي .. بسبب والدته او بسبب والدتي ... وانا في اقرب فرصه بحاول مع زوجي ان نطلق في شقه بروحنا ...
الله يسهل الامور

السلام عليكم اختي noor1979 الصراحه وانا اقرا مشكلتج

الصراحه هذي موب بس انتي عايشه الوضع في غيرج اخص واخص بس بعد قولي الحمدلله على كل

على كل حال تعرفين هذي المشاكل الي تصير باعتقادي سببها شي واحد وهو السكن في بيت

واحد صدقيني .والام من شدة تعلقها ببنتها تلقائيا تتدخل بامورها وتصير المستشاره والموجهه و

المدبره ولازم الزوج يتفهم خصوصا بداية الزواج..وعندج ام الزوج تبي ولدها مثل ماكان على ايام

العزوبيه ان يهتم فيها ويراعيها وان مايعتمد على احد غيرها فتبدأ المشاكل ونزاعات وتتطور و

الزوج يحاول يصلح بين الطرفين ولا يزيد الطين بله..فمالج غير الصبر والحكمه والدعاء صدقيني

واعتبريها امج وشاوريها وقدريها واحترميها عشان زوجج ومها تسوي فيج اعتبري سكوتج

اجر عند رب العالمين .......وسلامتكم:salam: :

بحرينيه مغتربه:
السلام عليكم اختي noor1979 الصراحه وانا اقرا مشكلتج

الصراحه هذي موب بس انتي عايشه الوضع في غيرج اخص واخص بس بعد قولي الحمدلله على كل

على كل حال تعرفين هذي المشاكل الي تصير باعتقادي سببها شي واحد وهو السكن في بيت

واحد صدقيني .والام من شدة تعلقها ببنتها تلقائيا تتدخل بامورها وتصير المستشاره والموجهه و

المدبره ولازم الزوج يتفهم خصوصا بداية الزواج..وعندج ام الزوج تبي ولدها مثل ماكان على ايام

العزوبيه ان يهتم فيها ويراعيها وان مايعتمد على احد غيرها فتبدأ المشاكل ونزاعات وتتطور و

الزوج يحاول يصلح بين الطرفين ولا يزيد الطين بله..فمالج غير الصبر والحكمه والدعاء صدقيني

واعتبريها امج وشاوريها وقدريها واحترميها عشان زوجج ومها تسوي فيج اعتبري سكوتج

اجر عند رب العالمين .......وسلامتكم:salam: :

[grade="DEB887 D2691E A0522D"]السلام عليكم ورحمه الله وبركاته ....

والله يا اختي بحرينيه مغتربه ... انتي كلامج ما عليه غبار ....
بس الحين الصراحه انا شوي نفسيا متضايقه وايد .... لأن امي قاعده تنتظر اقول كلمه او شي .. عشان بس تعلق على زوجي ,,,ومدى اهماله لي ..... يعني امس مثلا ... كان المفروض السرير حق الياهل يوصل الساعه سبع ..... بس الظاهر وصلوا السرير من وقت ومحد كان موجود بالبيت ... غير ام زوجي .... المهم انا كنت اخذ شور .... وما سمعت التليفون .. وبعدين لمن شلته زوجي قعد يقولي شنو صار بخصوص السرير .... من غير ما اقول الموضوع .. بس لأنه والدتي سمعت تناتيش كلام .. مع اختي ....... وهات يا كلام ,,, اي زوجك كله لاهي مع اصدقائه ولا هي مع حيواناته ... وين يقعد بالبيت وين يشوف الاغراض وين وين ........ الصراحه ,, قلت له حرام عليك يا يمه الموضوع انتي ما تعرفين شنو اصله ,, على طول حكمتي ,, زوجي استلم السرير وهو مجرد قاعد يقولي شصار ,,,,,
وحتى اختي نفس شي ... الكل يا ربي صاير متحيز ومتسرع بالحكم ........ ويتصيدون الغلطه ... وايد متضايقه ,,, صرت اتجنب افتح اي موضوع يخصني ويخص زوجي ,, عشان .... عشان اتجنب اي نوع من التعليق ... لأن ما تحمل احد الصراحه يهين زوجي جدامي او يعلق عليه ,,, وهو ما سوى شي ..[/grade]