لشعر غليظ تفضلي نصائحي..

اخت عطاء انا شعري متقصف وجاف ويتساقط بالذات من الامام بايش تنصحيني

بالنسبه للزيوت والشامبو وكيف اعالجه وحتى لم اسشوره واكون بمناسبه شوي الا وهو زي اول

وناشف مره وايش رايك بماء البير لان مويتنا نجيبها عن طريق بير هل هي مناسبه للشعر.:salam: :salam: :salam: :shy: :shy:

موادع99 :- خيتو خلينا نستخدم الماء المقطر المعدني سواء ماي بير أو ماي من زجاجات الماء الطبيعية المنقاة المصفاة من الأأملاح ...إنتي إستخدميه فتره وغيري نوع الشامبو ل بيبي جونسن وتوكلي ع الله او الهمالايا... ويسهلها ربنا ! وإستخدمي بعد الإبر الفيتامينات وبيكون تمام بعد ما تحطين الشامبو تدليكينه بالسائل تبع الزجاجة الابرة


خيتو غــلا السعوديه اي يصير وتمام التمامممم وبيفيدج انصحج مثل إختي السابقة

تحياتي وسلام

عطاء قريت موضوعج كاااامل والله عيبني اسلوبج

وكيف اتردين على البنات


المهم



انا ورايه عرس

وشعري يعني يالله بشهرين يمكن يطول نص سم


مع انه يته فتره كان شعري اوكي


بس رجع يتساقط...

انزين تنصحيني اسوي حمامات زيت لشعري في الصالون مع ابرة الفيتامينات؟؟؟

يعني كل اسبوع اسوي

انا اقصد الكريم مب الزيت^_^

مرحبا اختي عطا ..
انا طبيعة شعري ناعم و خفيف اقصد نفس الشعره خفيفه ..
لكنه كثيف بمعنى مافيه فراغات في فروة راسي ..
هذي طبيعة شعري قبل ..
لكنه الان صار خفيف وفيه فراغات في فروه راسي والسبب
اني اخذت كم كورس علاجي وصرت العب مره استخدمه ومره لا ومن ضمن العلاجات اللي دمرت راسي ريجين ..

الان انا اخذ فيتامينات وزنك وحديد ..
واستعمل علاج وصفه الدكتور ..

اللي ابي اسألك عنه ..
هل الحنه تفيد شعري ؟؟ ( لما استخدمها الاحظ لمعه ونعومه وصحه وثقل لشعري .. ونظافه لفروه راسي .. ..

الشي الثاني اللي ابي اسألك عنه
الجرجير ..
يوميا استخدمه صار لي اسبوعين لاحظت التساقط خف مره ..
استخدم عصير الجرجير ..

ومره بالاسبوع ازيت شعري ..
بزيت عافيه مع حلبه ومعاهم خروع ..

اللي الاحظه ان التساقط يخف لما ابتعد عن الزيوت
عشان كذا خففتها .لمره بالاسبوع ولمده ساعه بس ..

بالنسبه للتقصف والجفاف الحمد لله ما اعاني منه
الشي الوحيد اللي ذابحني هو الفراغات ..

علاج الدكتور والفيتامينات والجرجير ..
خففت التساقط بس ..


ياليت اذا تنصحيني باي شي زياده على نظامي اكون شاكره لك ..

وياليت تعلميني اذا الجرجير فعلا مفيد ..
لاني لاحظت انه يخفف التساقط مره ..

يعطيج الف عافية اختي عطاء بس حابة استفسر اشوي ... وابا منج النصايح

انا شعري ناعم بس وايد خفيف ومتقصف وفيه قشرة من النوع اللي ما يطول بسرعه .... قبل كان شعري طويل تقريبا لين الركبة بس انا قصيته لانه خفيف وايد والكل تم ينصحني ويقول لي قصيه شو هذا ذايل عصفور :sad: ..... اضطريت اني اقصه وخصوصا جريب عرسي .. طبعا امي وريلي هزبوني بس مع مرور الايام تعودوا ..... المهم شو اسوي بهاي الطريقه ؟؟؟ وحاليا انا استخدم شامبو بانتين ضد القشرة ... بس موووول احس انه ما يسوي شي ...... وعلى فكرة الغالية !!!! فبل شعري الحمد لله بدون سشوار كان مرة سايح بس عقب نوعيته تغيرت استوى كيرلي .... روحي مستغربة ليش يا ترى ؟؟؟؟ مع اني استخدم نفس الشامبو بانتين وما غيرته ....... بليييييييييييز حبوبة شورتج وهداية الله .... لاني وايد اعاني .... حتى شعر ولدي علاوي طالع خفيف مثلي ...... وتسلمين على جهودج حبوبة


اختج : رووووووووووووووووووووووز

شكرا لي أخت عطاء على معلوماتك القيمة

أنا عندي زيت لوز مكتوب عليه للإستخدام الخارجي فقط

هل هذا ما تقصدينه؟؟
وماهي أحسن طريقة لوضع الزيت على الشعر
سمعت إنو وضع الزيت على الشعر وتسليط السشوار عليه مفيد جدا ويساعد على تدفئة فروة الرأس وبالتالي تمتص الزيت أسرع
ويوضع الزيت على الشعر مابين ثلث لنص ساعة

ياترى معلومات صح ولا لأ؟ :)

تحياتي لك

صلصوحهحبيبتي يا هلا ومرحبا فيج ولووو..تستاهلون..!!

أولا":- سوي حمامت زيت في البيت شلون :- إخذي زيت وحمية عن طريق الماي يعني إخذي لج (طاسة أو زبدية أو شي )مادري شو تسمونها وحطي فيها ماي وحطيها ع الفرن وحطي الزيت في وعاء يقاوم الحرارة وحطيه وسطها وخليه يسخن مع التدوير مب يسخن وايد يعني زين وحركيه عشان ما يحترك الزيت (لان فيه زيوت خفيفة بسرعة تحترق)

ودلكي فيها شعرج أنصحج كثري الزيت ع فروة الرأس لأنها تحتاجه أكثر من أي مكان آخر ....

الإبر ليش ما تشترينهم بدل ما تروحين الصالون أوفر لج !!!
اي بلسبوع مره وايد تمام ....وإن كان متقصف لا مرتين بالإسبوع خيتووو ....وإستخدمي الماي المقطر لشعرج بينمو بشكل اسرع يعني الماي المعدني المنقى من الاملاح...... وغيري الشامبو إستخدمي يا دوف او هملايا او بيبي جونسن.....وبالتوفيق حيبتي

خلاص حبيبتي بتبع نصايحج


بس ياليت تكتبين لنا اسم هاي الابر ^_^


او شو اقول حق الصيدليه لو بشتريها؟؟؟

فـــرح حيبتي فرح .....أنا أعتقد شعرتج من النوع المخملي الحساس ..إلي تتأثر بأقل عارض .. نصيحتي لج أولا" غيري الشامبو..والحنا فعلا" مفيد ليها مادم تركت ها الاثر الجيد والعلاجات الطبيعية هي إلي تفيدج أكثر من أي شيء آخر

ومــــــــــــــــــادااااااااااااام الزيــــــــــــــوت ما فـــــــــــــــــــادتج ما عرفـــــــــــــــتي إنـــــــــها مــــــــــــــــــاناسبتـــــــــــــــــــــج؟؟؟؟(ليش مصرة تستخدمينها ؟) غيريها عمري ... إخذي زيت اللوز تمام .....الطبيعي المنقى 100% بيفيد شعرج وبينميه إن شاء الله ...
ولا تمشين ورى نصيحة أحد إلا لمن تجربين بألأاول فاد أو ما فاد !!! لأن فيه شعر ما يتحمل شدة أو قوة الزيت مثل شعرج ..!!


وإستخدمي إبر الفيتامينات إلي قلت عليها ترى إهي تساعد وايد ... .....والجرير بما إنه ترك الأثر الجيد أيضا" ما منه خوف ولا خلاف بس تركي الزيوت وغيريها خيتووو

تحياتي وسلام

rose_rose7788 حبيبتي غيري الشامبو ما ادري ويش فيكم شفتوا إنه ما سوى لكم نتايج غيرررررررررررررروه !!!
إستخدمي سامبو الهمالايا ضد القشرة بيغذي شعرج وإن شاء الله بيكون تمام إن ما ناسبج غيريه بعد وإستخدمي دوف ....

وإستخدمي زيت اللوز وزيت السمسم لشعرج تمام بس إستخدمي مال الشعر مب تستخدمين مال الطباااااخ!!!

ولازم تعرفين شو المفيد لج جربي قبل الإستخدام(خلو عندكم ثقافة التجريب قبل الإستخدام ) والإبر مفيده بعد وضع الشامبو وتغسيلة توضع الإبر ....وتظل بالشعر ع كيفيج يوم يومين قد إلي تبين الزبده إنها تغذي الشعر ومده طول بقائها تفيد بعد

سلام وبالتوفيق

Flowerهلا عمري ...صحيح بدل ما تعرضيه للإستشوار سخنية قبل وضعه ع الرأس ...
ودلكي شعرج وخلي ع الفروة أكثر من أي منطقة أخرى ...

ثانيا": إي هذا الزيت إلي أقصده للإستعمال الخارجي .....

وبالتوفيق حبيبتي وتوضع الزيوت 3 ساعات ع الشعر وقبل الإستحمام يكون أفضل .....

عشان يتغذى أكثر
تحياتي وسلام

صلصوحة إنا نسيت ما جبت إسم الإبر بس إن شاء الله بشيك وبجيب لكم أسماء..!!

ما أعتقد الصيدليه عندهم ولكن روحي للأماكن إلي تبيع أغراض الصالونات فيه عندهم أكيد...

تحياتي وسلام

ألف شكر لج على المعلومات والنصائح المفيده وجزاك الله ألف خير .. سؤالي هو عن زيت اللوز للشعر ( الحلو أو المر ) .. أنا عندي في البيت جهاز البخار للشعر مثل الي في الصالونات .. ياريت ترشديني لاستعماله بصوره صحيحه مع ان شعري من النوع الخفيف وخصوصا في مقدمة الشعر ...

انتظر اسم الفيتامينات........^_^

تسلمين اختي عطاء على نصايحج الغالية .....

وان شاء الله بنجرب وصفاتج السحرية

رووووووووووووز

شكرا لك أخت عطاء

ممكن تشرحيللي طريقة وضع الزيت على الشعر كيف؟؟
يعني غمر أصابع اليد بالزيت وبعدين وضعه على الشعر
ولا في طرق ثانية

تحياتي لكي

شكرا لك أخت عطاء

ممكن تشرحيللي طريقة وضع الزيت على الشعر كيف؟؟
يعني غمر أصابع اليد بالزيت وبعدين وضعه على الشعر
ولا في طرق ثانية

تحياتي لكي

حبيبتي إرجوانية دبي ..... أهم شيء ما تهلكين شعرج بالبخار مره وحده بالشهر تكفي لشعرج ... لا تزيدين عليها لأن شعرج خفيف !!!
وبالنسبة لزيت اللوز مو مهم حلو او مر .. المهم نتيجته ع شعرج شوف اي نوع يناسبج منهم !!!



- - - -- - -- - - -- - - -

إختي flowerحبيبتي عادي تحطين جزء براحة اليد وتمسحينه باليد الثانية ع الشعر ولكن إنتبهي فروة الشعر تحتاج أكثر كمية من أي منطقة أخرى

تحياتي وسلام للكل ..
سامحوني لين تأخرت بالرد لأني بالعمل

اختي العزيزة عطاء ..... اود ان اشكرك من كل قلبي على هذه النصائح المفيدة
ولكن اريد ان اطرح عليكي مشكلة اختي المسكينة ومعاناتها مع شعرها
وهي انها تعاني من بعض الحبوب والبثور في فروة الرأس مما جعل شعرها خفيف وله مثل الرائحة
فمااااااااا السبب وماهو العلاج برأيك ؟؟؟؟؟؟ مع العلم بان شعرها دهني
افيدني افادك الله وحفظك وارجو ان تردي في اسرع وقت