لشعر غليظ تفضلي نصائحي..

مشكووووووورة اخواتي على النصائح

أختي عطاء

تسلمين عالنصائح المفيده والرائعه

الله يعطيج العافيه وعساج عالقوه دوم

ننتظر منج المزيد

أختج الـدانـه

:clap: :clap: :clap: :clap:

[grade="800080 FF1493 FF1493 800080"]مرحبـا اختي عطاء
تسلمين على الموضوع و النصايح الرووعه اللي تقدمينها

و انشالله انا بتبع نصايحج خطوه بـ خطوه

و انا بقول لج عني شوي .. و ابيج تفيديني

انا شعري اصلآ غليط بس مشكلته انه جــاف ..
يعني شكثر اقص اطرافه << ومايهون علي لاني ابي اطوله
و بس يرد يطول تصير الاطراف جافه كانها ليفه اهىء اهىء
صرت استعمل زيت الثوم اصخنه و احطه على شعري و على الأطراف واسوي مساج للفروه..
و حق اللمعه استخدم الزبده مع البلسم و المايونيـز ..
بس اذا عندج حل مضمون افيدينــي..
والمشكله الثانيه ..
ان شعري صعب يطـول يعني دايمآ يوصل نص ظهري ويوقف =(

وووو

فيه حل فوري لتقصف وفيه زيوت خاصة لوضعها قبل التصفيف ع الشعر ,,,!!
بالإمارات متوفره بالبحرين متوفره بس لكويت ما دري عنها لأني شفت المنتج هني (يعني دوري ع الزيوت إلي فيها كتابة يوضع ع الشعر قبل التصفيف وبعده)

وانا استخدمه لزبايني ...!

وهو عبارة عن زيت فيه لفته طبيعيه

هم يمنع التقصف ويساعد ع هيكلة الشعر يعني يرد له قوامه ...!!

أتمنى أكون أفدتج ..

تحياتي وسلام


"ممكن توضحين عن الي كاتبته شوي "

ولج ألف شكر مقدمآ (f) (f)

اختج

][(حصابي)][[/grade]

مشكورة اختي على النصائح

موضوعج وااايد مميز ومفيد


الله يعطيج العافيه

وفي انتظار الباقي

اختي لو ممكن

عندي سؤالين

شامبو همالايا قلتي ان زين بس ابا اعرف هم اللي مافيها قشره تستخدم الشامبو الخاص بالقشره؟؟


ثاني سؤال

انا سانعه ان الثوم مفيد جدا والوحدا اذا تبا تغلظ شعرها
تيب فص الثوم وتفرك فروة راسها

مرتين في الاسبوع

هل هالكلام صحيح والا؟؟

يعطيك العافية...ومنكم نستفيد

تسلمين علي النصائح الحلوه

"حصابي " أهلا" خيتووو...الأبر "إبر الفيتامين "راح تفيدج وايد
وفيه زيوت مغربية خاصة ......جيده جدا" لتغليظ الشعر ولتقصف يعني أبحثي عن الزيوت إلي تستخدم للجسم هي نفسها لشعر!!!

ثانيا" خلج من المايونيز والزبده ومن ها السوالف
زيت البابونج عجيب لإعطاء الشعر لمعة ممتازه ...!!!

ويجعل الشعر يفرز لونه بشكل فعال ..!!

فيه زيوت خاصة قبل إستخدم الإستشوار مكتوب عليها قبل الإستشوار او تصفيف الشعر !! هذي ممتازه للي سشور شعرها ع طول ...

وهم مفيده لتقصف لأن يكتوبون عليها فعاله لتقصف ...!!

أتمنى أفدتج خيتووووو


"شوق قلبي" تقدرين تستخدمينهم إلي بلا قشره بس إلي ضد القشره فيه مواد تفعل أكثر وأقوى أكثر تفيد الشعر !!!

إنتي جربي وتوكلي ع الله ...

تحياتي للجميع وأتمنى أفدتكم
سلام

نعم الثوم مفيد لنمو الشعر وكذلك حتى لمرض الثعلبه إلي تصيب الشعر لكن الحين فيه زيت الثوم خيتوو بدل ما تعبين روحج فيه


تحياتي وسلام

معلـــومة مهمـــة...:-

لاتستخدم الزيوت أكثر من 3 مرات بالإسبوع فهي بهذه الفتره تعطي الشعر ما يحتاج

تحياتي وسلام ...

أختي العطاء

جزاج الله خيرا عالمعلومات والنصائح الطيبة

بس أنت فهمتيني غلط أنا استخدم كريم التصفيف والحماية دائــــــــــــــــــــــــــــــــــــــــم حتى بدون ما استشور شعري

وأنا ما استشوره الا بالمناسبات..

هل استخدامي لكريم التصفيف والحماية بهالطريقة بيضر؟؟؟

إي.... خليه 3 ايام في الاسبوع خيتو حبر وورق ..... ومثل ما قلت لج إستخدمي بيبي جونسن للاطفال ترى وايد زين لشعرج ...وش بتخسرين جربيه وقولي لي وش طلعت عندج النتيجه بعدها ما بتحتاجين للكريم حتى

شكرا على اخلاصك وتفانيك في عملك . ترى الدين نصيحة. منذ حوالي شهر اشتريت زيت ب "150" درهم اماراتي غرشة واحدة ولحد الحين ما رأيت نتيجة ابدا سوى ان شعري يتساقط بسرعة.
وشكرا لك.
izdehar

تسلمييييييين أختي عطاء على الموضوع المفيد جدا
بس عني سؤاااااااال
أنا أعاني من تساقط الشعر؟؟ شعري الحينة وايد خفيف واطرافه دايما متقصفه؟؟
ما أعرف شو أسوي؟؟

مشكووورة
ويعطيج العافية

izdehar خيتوو أحيانا" السعر مب مهم احيانا" زيت رخيص يعطي نتايج أكثر فاعليه من الزيت الغالي! والعكس

يعتمد شعرج تحمل أي نوع من الزيوت ؟

هل خصلتج قويه جافة جيده متقصفه إلخ ...!!!

أنا بيت زبونه ناسبها زيت البابونج بينما الوالده ماناسبها !!!

يعني سوي عمليه تجربه بالبداية هل يتناسب معك أم لا ..!!! ؟

blackeyes زيت اللوز تمام ... وإستخدمي شامبو همالايا..... وهم بعد الإبر الفايتامينات زينه

(مـــــــــــلاحظـــة : إبر الفيتامينات لا تستخدم إلا بعد وضع الشامبوا يعني يكون شعرج غاسلته بشامبو ورطب ..) أفضل .تحياتي وسلام

اختي عطاء
مشكوره و بارك الله فيج ع المعلومات القيمه هذي

لما اتكلمتي عن الماي... هل ينفع لو نركب فلتر حق ماي الشاور ولا بس الشطفه الأخيره تكون بماي معدني؟

و الثوم... انا من فتره صارتلي ثعلبه و استعملت الثوم بس الصراحه ريحته تعقد الواحد لأنه كل ما تعرقين و شعرج يتبلل تشمين ريحة الثوم.. الحمدلله الشعر طلع لكن بالأساس شعري صاير واايد يتساقط... فهل زيت الثوم يسوي نفس الريحه؟! و هو ينباع عند العطارين ولا كيف؟

و هل كبسولات الشعر ممكن تسوي حساسيه ؟ لأني جربت وحده و اول مره احس بحكه في راسي و اليوم صارتلي قشره :|

اختي عطاء ممكن توضحين لي اكثر عن ابر الفيتامينات، اذا عندج فكره عن اسم شركه او وين ممكن احصلها وهل تقصدين العلب الصغار الي فيها سائل. ونحطه عالشعر.
ومشكورة وماقصرتي

serenity هلا خيووو... قصدي الشعر ينغسل بماااي مقطر يعني مافيه ملوحه بالمره راح يتغير شعرك باول إسبوع ملمسه وبتحسين انه صاير ناعم!!

بالنسبة لثوم صحيح يطلع شعر الثعلبة لكن قد لا يقضي عليها تماما" لازم تروحين الطبيب يضرب شعرج إبره خاصة بالثعلبه ..!!

بالنسبه لزيت الثوم إي المفروض موجود عند العطاري

وأنا اقول لج لو تبحثين بالزيوت المغربيه بتلاقين فيها زيت الثوم..!!!
يتساقط وقشرة..!!! الإبر ماتسبب حساسية ولكنها تحفز الشعره ع إنها تطلع طيب مادام استخدمتي وحده ع الشعر وشفتي ما فادت غيري الماركة!!!

_____________________________


بالنسبة لج خيتووو
بالنسبه للأخت بنوتة صغنونة إي إهي الكبسولات إلي فيها سائل ...!!!
تنباع بالمحلات تبع الصالونات

وقد تكون بمحلات الفنادق احيانا" مثل الريجنسي
تحياتي وسلام

يعطيك ألف عااااااافيه

عن جد استفدت

أختي عطاء
حبيبتي ممكن تقوليلي اسم ابر القيتامينات اللي بتقولي عليها مفيدة للشعر و ممكن احصلها في الصيدليات ؟؟

انا بعاني من تساقط و خفة الشعر في مقدمة الرأس
و عاوزة شعري يطول و يكون كثيف :(
ياريت اذا ما فيها ازعاج لك تقوليلي طريقة تكثف الشعر و تطولة

و ينفع اغسل الشعر بماء معدني ( بركة - سيوة - و غيرهم ؟؟ تقصدي هذا ؟؟ )

الزيوت الهندية اذا كان تاريخها منتهي ينفع استخدمها للشعر ولا بيكون فيها خطورة ؟
و الزيوت الطبيعية كذلك ؟؟


و جزاكي الله كل خير و ربنا يناولك كل اللي ببالك ياااااااااااااااارب و يصير عندك مركز تجميل عالمي :)