ساعدوووني زوجي يضربني ....كيف أتصرف ؟؟؟

شموخ البحرين:

اختي امل

قبل لااقولج رايي انا مستغربه من البنات اللي قالوا ارجعي له وشوفي اذا تغير

طيب اشلون ترجعين وهو حتى تلفون ماسوى ولاحتى مسج ...

هل يقصدون انج ترجعين بنفسج ؟؟ والا كيف ؟؟

اذا كان هذا قصدهم فأنا ماانصحج قولي ليش ؟؟

هو الحين مب محترمج ولا معبرج هذا وانتي ماسويتي شي وقاعد يضربج اشلون لو انتي اللي تطلعين من بيته بنفسج وترجعين بنفسج

شي اكيد انه راح يحتقرج لانج ماعندج كرامة ولاعزة نفس

انا متزوجة وصح الزواج يبيله تنازلات بس طبعا مب في الكرامه لان الزوج لو حس ان زوجته ماعندها

كرامة ماراح يحترمها خلج عند اهلج لما هو يرجع لج

واذا رجع اخذي عليه تعهد جدام ابوج وابوه واخوانج واخوانه انه مايمد يده عليج

ليش انتي شمسويه عشان يمدها لو شنو مايمد يده هذا زواج عشرة عمر مب لعبه

واذا ضربج مرة ثانية انا من رايي تطلبين الطلاق حتى لو بس قصدج تخوفينه واذا مايبيج بيطلقج

واذا يبيج بيستعدل هذي نصيحتي لج

بس تحملي ترجعين له بنفسج او تتصلين فيه

الكرامه الكرامه الكرامه

تنازلي عن كل شي الا الكرامة

هذا رايي ولج التحيه

طمنينا عليج حبيبتي

الله يهديه ويسعدج ويسخره لج

أنا أأيد كلام الأخت شموخ البحرين، إذا هو أصلا ما يحترمها، كيف بيحترمها إذا رجعت من نفسها بدون حتى ما يكلمها؟؟؟؟!!! بالعكس بيذلها زيادة وبيكون دايما حاط في باله أنها لو زعلت وتركت البيت أكيد بترد ترجع بروحها.....
وع احترامي لراي كل الخوات......أنا مب مع المقارنه في الحياة الزوجية، مثل اللي يقولون فلانه ريلها أخس عن جذي أو فلان سكير وراعي بنات و....و....و......كل حياة تختلف عن الثانية،، صح أن اللي يغازل أهون من اللي يزني..بس في النهاية اللي هذا ما يعني أن الوحدة تتحمل ريلها اللي يغازل لأن في أخس منه...كلام مب منطقي......
نصيحة أبدا لا ترجعييييين من نفسج....
والله يوفقج

["]اختي العزيزة الحياة الزوجية يجب ان تكون مودة و رحمة فإن كانت مجرد ضرب و إهانة وخالية من حب من طرف الزوج فلماذا يجب عليك تحمل هذا كل????????:sad: استخيري الله و فكري في مصلحتك الصبر حلووووو لكن مو [/SIZE]كلشي نصبر عليه فلا تضيعين عمرج ..وصلي وادعي رب العالمين يعوضج باحسن عنه(f)

نفاد ينفده

الله بيرزقج اللي احسن عنه

عنبوه عق البيبي مالج و انتي ساكته و عادي عندج؟؟

حبيبتي الزوجة لها احترام يضربج ويمد ايدة عليج وانتي ساكتة ويطيج الجنين هو المفروض من اولها تقولين لاهلك لانة هوتعلم عليك شافج ساكتة وراضية انا اقولك انك تطلبين الطلاق

عزيزتي

انتي متأكده انك مب غلطانه،، اتوقع الزوج ما يضرب الا اذا كان الموضوع خطير

جزااااااااااااااااكم الله خيييييير حبيباتي على كل ردووودكم المريحه وعلى مشاعركم الطيبه واحساسكم بلي فيني من قهر وضيق ونفسيه تعبانه ....

أحب أقولكم آخر أخباري وللأسف كنت أبغي أكتبلكم أخبار حلوه عني ....لكـــــــن ................

بعد استخاره طويييييييله.. وبعد ضغط من أهلي وأهله ... وضغط من كل من عرف بمشكلتي من الاهل ... خيروني اني ارجعله اعطيه فرصه أخيييره .... فعلا رجعت ... والقهر انه ابوه اللي رجعني وهو ماطاع او ماتنزل انه اييني .. لكن انا ماطعت وبعد ضغط من ابوي وهو يقولي ( خلاص يابنتي هاذي المره ارجعي على شاني واذا حصل ومد ايده مره ثانيه بيصير كلام ثاني ) ... رجعت عشان خاطر ابوي الشيبه المريض اللي عل الفراش ... رديت مع ابو زوجي .... والمصيبه انه ولا كأن شي تغير ... مااعترف بغلطه وتم يقنعني اني انا دوووم الغلطانه واستاهل الضرب ..قلتله ياحبيبي كل شي يتفاهم ينحل وانا حرمه ماتحمل على كل شي تضربني, الرسول صلى الله عليه وسلم أمر بحسن العشره للمرأه وأوصى بالرفق معها وماأكرمها إلا كريم وما اهانها إلا لئيم !!!! ........ماتكلم وسكت

إلا أثاريه استوى بعد اسبوعين من رجوعي له موقف ولا اتفه منه.... والله جدا جدا تافه ياخواتي اتخيلوا قام صفعني وضربني الين ماعلّـــم في جسمي ضربه ... هذيك الساعه انهرت وصرخت بكل صوتي وقلتله ((( خلااااااااااص كرهتك طلقنيييييي )))... هد البيت وطلع .. وماياني إلا اليوم الثاني .. سار يرقد عند أهله .. عقبها ردلي وقالي انا آسف وخلاص وعد ماراح أمد ايدي ... بس ياخواتي صح استوى مايمد يده بس تغير صار ولاكأني موجوده في البيت .. يطلع العصر مايرد إلا بعد صلاة الفجر .. وكل ما أكلمه وانا ميته صياح يقولي خلي عنج الفلم الهندي انا مو متفيج لسخافات حريم ... مايكلمني مايلمسني مايعبرني .. حارمني وهاجرني وماني عارفه شو السبب ؟؟!!! كل ما أكلمه مايعطيني ويه يعصب علي ... خاطري اطلع أتمشى معاه .. خاطري وخاطري ... تعبت والله من اكثر ما أصيييح..نفسيتي ادهورت ... أهلي وخواتي ملوا مني من أكثر من أشكيلهم ... ياربي شو أسوي ؟؟ لين متى ؟ ... فكرت وااايد بالطلاق .. بس أحس نفسي ضعيفه قدام هالكلمه اذا صارتلي صدق .... طووول عمري كنت أحلم بريال يحترمني ويعاملني معامله طيبه ... وفوق هذا كل أرد إساءة زوجي بالحسنه والشتايم بالسكووت والصبر وأخدم أهله وربعه عشان ارضيه ويتغير معاي بس مافي فايده ... جاااف وعصبي ومايلين ولايتسامح ....

أنا الحين رديت عند اهلي عساس ارتاح اشوي لان نفسيتي تعبت وااايد ... وماخبرت أهلي بشي ويفكرونها زياره عاديه ... استوالي 3 ايام عندهم كل مااتصل في ريلي وأحن واشتاق مايرد علي واذا رد يقولي شو عندج خلصي بسرعه !!! ....

ما أبغي أطول عليكم أكثر من جيه بس إلي أطلبه منكم ... الدعــــــــاء ... ارجوووكم ياخواتي لاتنسوني من الدعاء .. والله انا في كرب وضيق مالله به عليم ....وما أقول إلا حسبي الله ونعم الوكيل, وانا متأكده ان ربي مابيضيعني ...

أشكر كل من رد علي ... وأرجوووكم لاتقطعوني من ردوووكم إلي تصبرني على اللي انا فيه ....


آآآآآآآآسفه على الاطاله

تحياتي الحاره لكم
اختكم في الله / المحتاجه للدعاء
أمـــــــل

حبيبتي هذا ما يستاااااااااهل انج تقعدييييييين دقيقه وحده عنده وهووو الخسران
انا من رائي تطلبين الطلاق وماعليييييييج من حد اهم شي راحتج ونفسييييتج اصلا لازم ابدا
ما تفكرين فيه لانه لو كان ف قلبه ذره حب لج ...جان اتصل مب مخلنج شهرين
تخيلي انج جعتي وحملتي والنونو كبر ...وشاف ابوووه يضربج شو بيكون موقفه اكيييد بيتعقد هذا هو الحل ..........


لو انه ع الاقل اتصل كنت بقووولج عطيييفه فرصه اخيره وخليه يوعدج جدام اهلج واهله ......
بس لانه هو مب سائل عنج لا تسألين ..........ولا تقووولين يمكن ما توفق مره ثانيه .......
يمكن يسلتج في البيت اتكووون ارحم لج وحاولي تشغلين نفسج باي شي ..خذي دورات او اشتغلي لو حتى تطوع ............





والله يهون عليج

لا حولة ولا قوة الا بالله ليش هيجي يسوي ؟؟؟؟؟؟؟؟؟؟؟؟؟؟؟؟ شنو السبب حتى يضربج مالة حق لانة رجال يستقوي عليج
الله يهدي يا رب امين ما يصير هيجي المرة كل شي تتحمل الا الضرب اهانه ادعي من الله ان الله يهدي بس انا لو منج مستحيل اسكت ورجال يضربني ما عاش الي يضربني اكبر اهانة اختي لازم توكفينة عند حدة او استعيني بناس اهلج اي واحد مقرب الج وهو يسمع كلامهم لاتسكتين بعدين يستقوي عليج اختي واللة
الله يساعدج من كل كلبي اكولج الله معاج اختي :angry: :angry: :angry: :angry:

اختي انتي صليتي من قبل استخاره صلينها الان بعد اختي المراه ماعندها غير كرامتها انتي صلي تعبنا واحنا نسمع كل يوم زوج يضرب زوجته ضرب الحمير وانتي بكرامه وكل من يقراه
صلي استخاره ولاااااااااااااااااااا عليك من احد ابوك مريض وهو قال لك اذا حصل خلاف مره ثانيه له كلام ثااااااااني

اختي بقول اللي في قلبي انا طووووول عمري اكره الانسان اللي يضرب زوجته اكرهه اكرهه بدرجه ماتتخيلينها
اختي صلاة الاستخاره هو حلك الوحيد ...

الله يعينج انشاءالله،،، وكنت أدعي دايما أني أقرأ أخبار حلوة عنج.....
المهم، أنتي بصراحة ما قصرتي،، لكن هو اللي ما يستاهل، وشكله وايد شايف نفسه وأنتي مب هامتنه، عشان جي كلما عبرتي بيشوف نفسه زيادة.......
خلي يشوف أنك بايعتنه ومب ساءلة فيه، ولا تضيعين عمرج وحياتج في نكد، لين إيي اليوم اللي تكتشفين أنج كبرتي وما عشتي أيام شبابج مرتاحة.....في النهايه هو ريال ولا يهمه شي...
استخيري مثل ما قالوا البنات...والله يوفقج، ويهدي كل الرياييل لحريمهم

مع احترامي لكل اللى قاللولج لا اتطلقين ورجعيله وعطيه فرصه ثانيه ......الحين رجعتى وشفتى جيف ايعاملج ... بعدج متردده فسالفه الطلاق .؟؟؟؟ والله انا وياكم الطلاق صعب وابغض الحلال عند الله ... بس فالنهايه حلالالال ....انا لو مكانج اخذها بهالطريقه ريال ما يحترمنى وايمد ايده عليه ولا يعتذر ولالالالا بعد ما تنزل ايزورنى فبيت اهلي ويستسمح منى على فعايله ... وبعد رديت واتحاملت على نفسي .. وما يشكر و يتجاهلنى ولا يحترم مشاعري ..؟؟؟؟ اشو اتريا منه؟؟ شو يتم بين الزوجين عقب ما يرفع الريال ايده عالحرمه وبفعايله ايسقط جنينها ... شو يتم ... والوحده تصبر على اشوووووووووووووووو ....الوحده تصبر صح بس مب عالمذله وعدم الاحترام .... انا متزوجه والحمدالله وصح الوحده اتقدم تنازلالالات بس بالمعقول ....فيه شي اسمه الاحترام بين الزوجين ...... واصلا عيب والله عيب ايمد الريال ايده عالحرمه ....مب من المرايل ...ما ايمدها الا ضعيف الشخصيه ... وجيه هو ماخذج من بيت اهلج عسب يضربج ..... حتى ما احترم صله القرابه من بينكم .....وقالوها من زمان بو طبيع ما ايوز عن طبعه ... جان بعده باجى عالشي جان اعتذر لها عن اول مره والا ثانى مره .... بس هو بيتم جذه يتحرا هذى الحرمه ملكه وايسويبها اللى يباه ... اليوم ضربها بينهم ... باجر حتى جدام الناس بيضرها وان كملتى وياه باجر بعد بيضربج جدام عيالج وهالاشكال تراها تتفاخر بهالفعايل ..... يتحرونها من المرايل ...والله انا وحده اعرفها متزوجه من 14 سنه ومن اول شهر يضربها واهلها نفس الشي اصبري واستحملي وعدت اول سنه ويابت الاول ونفس الكلام شرب وضرب وترفيس ويوم لجات الاهلها قالوا لها اصبري انتى اليوم عندج ياهل لازم بيتغير ... واليوم عندها منه 8 والى اليوم يضربها جدام عيالها ويرفسها ولما يدخلون العيال يضربهم .... ما تغير... كل هالفتره وما تغير ... والله لو تيلسين ويا حد من عياله ايقول انا ما احبه ولا يقول بابا لالالالا يناونه بالاسم ... انا ما احب فلان لانه يضرب ماما ودوووم اتصيح .....ولده الكبير عمره 13 والله متعقد ولا يرمس ويا حد دومه بروحه .... و نفس كلام ريلج لما يكلمونه وينصحونه ايقولهم انا ريال واشو ما اسوى بحرمتى كيفي !!!!!!!

مادري شاااقولج اقرا موضووووعج وانا مقهوووره عليج والله العظيم مااايستاااااهلج تميتي عند هلج شهرين ماسال فيج ولاشي ويوم رديتي سهر للفجر واذا تبين تكلمينه يرد عليج ويقول اشتبييييين ياختي اشتري راحتج والله مايستاااهل وليش انتي ساااكته حرام عليج نفسج الوالد قالج اذا صار شي قولى لى ولى كلام ثاني معاه انزين تكلمي قولى اش تنطريييين والحين تامه في بيت هلج لايسال ولاشي لا وبعد تبين تردين انتي والله ماقصرتي رديتي وساكته طول هافتره اش تنطرين ابي اعرف؟؟؟؟؟؟
زين منج ماحملتي والحمدلله انصحج تكلمين هلج ويقعدون معاه ويحددون يوم وياه من غير ماتكونين موجوده ويشوفوا رده .....والله يعوضج خير ولاتقولين انتي كبيره وعقب من بياخذج ترى كل شي نصيب وموفقه ياااختي وابي اعرف عقب اش صاير معاج (f)

طيب ذكري لنا ولو سب واحد من بعدها يضربك

انتي دائما تقولين ان عشان سبب تافه تافه شنو هالسبب وكيف يكون الحوار معه...

يمكن انتي من النوع المستفز إلي تخلين الرجال يطلع عن طورة ويضربك

او يمكن هو ماعندة اسلوب ولا حوار ويحب يعبر عن ما بداخلة بالضرب

المهم

انتوا الأثنين محتاجين توجيه اسري

هو عن العنف

وانتي عن طريقة التصرف والكلام

لأنه بصراحة اصبحت حياتكم مع بعض خطر

انتي ممكن تتعرضين لعاهة لو سمح الله

وهو ممكن يتعرض لمسائلة قانونية من قبل الشرطة في حالة لو ضربك ضرب مبرح

انا اقول رفعي التلفون لأي مكتب ارشادي اسري واخذي منهم التفاصيل وهم بمعرفتهم راح يحلون الموضوع بينكم

اختي مثل ماقالوا الخوات
استخيري
حاولي تقعدين وياه وتقولين لنه
وتناقشينه في الوضع الي صاير بينكم
هل الطلاق وكل واحد يروح في طريجه الحل الامثل

والله يمسح على قلبج اختي

احمدي ربج انج صقتي لو انج لين اللحين معاه وعندج ياهل منه عقبها صعبه انج تطلقين لأنه طفلج

هو اللي راح يتأثر اكثر منج فحمدي ربج انه يات على هالشيء يمكن خير لج انج تصقطين

والله يعوضج خير ان شاء الله

السلام عليكم ورحمة الله
خواتي في الله الي معارضين الطلاق أبا أعرف ليش الاعتراض المسكينه تقول اني زوجها موت ضناها ويعصب على طول ويضربها وهي ساكته وصابره وبعد مايعتذر لها هذا انسان مستحيل حد يعيش وياه وا ختي الله حلل الطلاق بس كلنا نعرف ان الطلاق ابغض الحلال عند الله واختي الحبيبه الريال الي مايحترمج انت مب مجبوره انج تعيشي وياه وخاصه ان ماعندج منه اولاد يعني لو كان عندج منه أولاد بيكون لازم عليج تصبرين ولا تضيعي حياتج كلها وياه واذا تم على هالحال لا انت بترتاحي وياه ولا عيالج والساكت عن الحق شيطان أخرس وتخيلي الانسان يقدر يصبر بس لين متى حتى الصبر له حدود أصلا اذا أنا ريلي ضربني بصبر واذا عصب علي بصبر لكن يموت ولدي لا وألف لا ما بصبر بس انت ما ادري كيف ساكته اختي الحقي على نفسج لان ما حد بينفعج وصح مثل ماقالو خواتي الدعاء ويمكن الله يهديه بس الي مايبه الهدايه لنفسه الله كيف يهديه هذا رأيي الشخصي والله يعينج حبيبتي ويوفقج الى الطريق الصحيح

الله يكون بعونج حبيبتي وطبعا كل واحد وله رأيه الشخصي وأنا من رأيي الطلاق لا غير لان انا اذا كنت مكانج بطلق اذا زوجي ضربني يمكن اصبر واذا عصب فيني بعد يمكن اصبر يمكن اصبر على كل شي لكن يموت ولدي وهو في بطني مستحيل اسكت له والساكت عن الحق شيطان أخرس ولين متى بتصبرين انت ماعندج ولد منه عشان تصبرين عليه والطلاق مب دايما الحل ولكن أحيانا يكون الحل وعمرج 25يعني مب كبيره ويمكن الله ييب لج الي فيه خير وصح ان الدعاء منه فايده بس أنا خايفه عليج حبيبتي انج تصبرين وماتحصلين فايده وينتهي العمر وبعدها اذا فات اافوت ما ينفع الصوتوالله يكون بعونج حبيبتي ويوفقج للأحسن

الله يكون بالعون