ساعدوووني زوجي يضربني ....كيف أتصرف ؟؟؟

اختي الله يكون بعونك
و يريحك
اختي انا انصحك بالصبر و الاستخاره
و الله يسهل عليج

انا من رايي يجلسون معه اهلك بحضورك ويتفاهمون معه اذا بيتعدل ويشوفون وش بيقول واذا والله حسيتي انه مستحيل يتعدل مافي الا الطلاق والله يوفقك الى ماهو خير لك

أختي الغالية .... سالفة الضرب نفس سالفتي؟؟؟
بس هل فكرت بالطلاق؟؟؟ لالالالالالالالالا أبدا ولا مرة. و آنا صارلي 9 سنوات متزوجة.
السنوات الأولى من الزواج تكون صعبة واجد بتقديري آنا أول 5 سنوات.
ما أظن إن الطلاق هو الحل. آنا من رايي إن الأهل يكلمونه ويشوفون شسالفته ليش مخليك كل هالفترة وما سأل عنك, حتى لو اضطروا أن يسألون عنه من غير ما يدري.يمكن يكون فيه أحد وراه من ربعه ( رفاق السوء والعياذ بالله) يوزونه إنه مايرجع لك و لا يهتم فيك ووووو الخ. ويعطونه أفكار غلط عن معاملة الزوجةز
ثانيا أتمنى إن الله يهديه ويرد لك أحسن من أول. واني يبدأ دورك ..... بالنسبة لي آنا ما حد غير زوجي للأحسن إلا الله سبحانه وتعالى والدعاء الخالص خاصة أثناء السجود في كل صلاة وقيام الليل.
وبعدين لما يكون زوجك معصب خليك باااااااااردة أبرد من الثلج وللا تخلين الابتسامة تفارق وجهك, وخجليه بالكلام الحلو, يعني اهو يعصب وانت قولي انشاءالله, حاضر, ولا يهمك يا حبيبي. ودايما بيني له بطريقة حلوة إنه ما في شي يسوى العصبية هذي كلها وإنك تخافين عليه يصير له شي من العصبية.
استفيدي من الأفكار الحلوة والرومانسية اللي يفيدونا فيها أخواتنا في المنتدى جزاهم الله خير, فهذي السبب الثاني اللي قرب مني زوجي . وخففت بشكل كبير من عصبيته.
ممكن يكون فيه ظرف مر فيه زوجك بطفولته وخلاه يكون عصبي جدا وهذا ما اكتشفته بزوجي. ابحثي إذا كان فيه سبب وحاولي تلاقين الحل.
في طريقة ممكن إنك تسوينها لما يكون في حالة العصبية وهي صعبة شوية آنا بصراحة ما عرفت أطبقها وهي إنك تحاولين تثبتين كاميرا الفيديو أو إذا قدرتي تشغلين كاميرا الموبايل من غير ما يدري وبعدين تورينه إياه في لحظة هدوء وصفاء وتحسين إنك تقدرين تتفاهمين معاه حول الموضوع. والله إنه لما يشوف شكله وهو معصب ماراح يعجبه ودورك هني مهم بحيث إنك تبينين له شكثر تحبينة واشكثر اهو حلو لما يكون هادي وما فيه أحد أحسن منه و كأنه ملاك وإنك تدرين اشكثر قلبه طيب, بس الشيطان اللي يخليه يعصب ويخرب كل شيء بينكم. وما يحتاج أوصيك إنك توصلينه السماء.
عسى الله يوفقك إختي وطمنينا عن أخبارك.

حبيبتتي بنيتي الغالية
هذا الموضوع يبغي تفاهم وجلسه ويكون مع اشخاص كبار وذوا دراية ويكونون من اهلك ومن اهله وينحسم الموضوع
الحين نحن مانعرف منو الغلطان
حبيبتي ترا الريال ماينغي الحرمة تردة ولا تتغالى عليهفي الكلام وحتى في كل شي اذا شافها تتعالى عليه ينزلها في الارض وبعد داسهاواذا شافها نازله رفعها لعندة
وترى هذي من صفات معضم الخايجيين
وبالذات اذا شاف اهله حياتهم حذي
وهذي حبيبتي خذيها قاعد لج وانصحيبها غيرج
تري يقولج سل مجرب والاتسل طبيب
دعولتكم لنا بالتوفيق لمساعدتنالكم

مع احترامي لكل الاخوات ولراي كل وحده فيكم

انا لو مكانج...مستحيييييييييييييييييييييل اتردد في الطلاق...ياختي هذا مد يده عليج وطيح ضناج ولا ارتدع من هالشىء واستمر بطغيانه !! شتترجين منه؟ هذا مافي قبه ذرة رحمه

ارحمي نفسج منه وخليه يولي وتطلقي...ولاتقولين انا كبيرة ويمكن ماتزوج...ترى هالامور بيد المولى عز وجل وانشاء الله ربج يعوضج باللي احسن منه

يعني توقعي اسوء الاحتالات وهو انج ترجعين له...ويستمر بطبعه ولا يتغير....شنهي النتيجه؟ بيتزوج عليج وانتي بتضيعين عمرج وانتي تتحملينه لا والمصيبة شلون بتربين عيالج في جو عائلي كله ضرب واهانات؟؟؟

انقذي نفسج اختي ولا تضيعين دقيقة وحده من عمرج مع شخص اناني عديم الرجوله مثله !

3sooolah:
السلام عليكم ورحمة الله وبركاته
اختي الغاليه كان الله في عونج بس عندي كلمه بوجهها للاخت دلوعة باباتها الغاليه بدون زعل هذا مب كلام ينقال انتي تزيدين النار حطب

نرجع لج يا امالو
الطلاق احلاه مر واتمنى انج ماتجربينه انتي مشكلتج ان زوجك يضربك اوكي غيرك ازواجهم يهينونهم ويشربون و يهينون اهلهم والله سمعت عن وحده انها كانت رابيه وبعدها في الاربعين
وزوجها قدام عينها دخل زوجة ربيعه البيت و دخلها غرفة نوم زوجته وقضى معاها الليل كللللللللللللله وهو يعرف ان زوجته تدري و لا سوالها اعتبار
تدرين الحرمه شو سوت
والله ما قالت ولاااااااااشي بس بدت تدعي لزوجها بالهدايه والستر ولنفسها ولعيالها ال8 وتمت تدعي ليل نهار وكانت تصلي قيام الليل وتصوم عشان الله يهدي زوجها

تم زوجها على حال العربده لييييييييين الله اعلم شو صار عشان ينقلب حاله و يرجع لربه والله احينه تعرفين انه يوم يستلم راتبه يعطي زوجته اكثر من نص راتبه لها بروحها و الباقي يصرفه على عياله وبيته وصدقيني انا شايفتهم واعرف هالعايله واستغربت يوم شفت تعلق الزوج بزوجته بشكل جنووووووووووووني ولما وايد وايد سالت قالتلي زوجة اخويه عن الموضوع وعرفت ان دعوات الزوجه كانت كلها لصالحها

اختي عليج بالصبر والدعااااااااااء لرب العالمين
ولاتيبين طاري الطلاق
الغاليه الريال مايحب تهددينه بحد لانه يحب يبين لج انه هو الاقوى وان له شخصيه غاليتي لاتخلينه يطلع من ايدج و تتهنى فيه وحده ثانيه لاسمح الله

انتي بديتي معاه المشوار كملي معاه
الغاليه هالايام البنات مامحصلين ريل تتوقعين المطلقه بتحصل بهالبساطه ريل يناسبها؟؟!!

السموحه واتمنى ماتزعلين من صراحتي لان والله قلبي عليج

اتمنى باقرب وقت اسمع منج اخبار حلوه
خلي حد يرجعكم لبعض وابدي معاه صفحه جديده

كلاااااااااااااااااااااامج الصراحه وايد مقنع والحرمه الي ذكرتيها الصراحه هاي الي ينقال عنها حرمه لان لجأت لربهاااااا وهي متأكده ان محد بيساعدها غير رب العالمين

ما صار الا الخير ..... اسالي نفسج اذا هذا الانسان حس فيج وقدرج وصانج ردي له وخلج قد المسئولية ....

بس اللي انا اشوفه من كلامج انه ولا سائل فيج ولا يعرف عنج شي .... عل الاقل المفروض يكون في شي اسمه اهتمام ولا سؤال ع الطاير بس للاسف ريلج مب مهتم ولا يخصه فيج ..... فكري عدل شوفي وين مصلحتج .... اذا بيتم جذه يهينج ويضربج على اتفه الاسباب ... ما لج غير الطلاق لانه هذا عايش في غابة يبا يتحكم في كل شي ويتامر على كيف كيفه ... واذا شفتي انه انصلح وسال عنج ومستعد انه يراضيج ... ردييييييييله وعيشي حياتج معاه .... والله يكون في عونج يا رب

اختج : رووووووووووووووووووووز

حبيبتي ماعليج من الي تقولج تطلقي الأرزاق ما يعلم فيها الا الله
لومكتوبلج انجاتعيشين معاه لو مكتوب لج الطلاق لو مكتوب لج زوج ثاني ما بيصير الا الي كاتبه ربج تمسكي فيه وعامليه بالحسنى وادعيله الله يهديه

ولالالالالالالالالالالا تفكري في الطلاق لين تتعبين منه وتفقدي الأمل في أنجتقدرين تسيطرين على عصبيته والأمل بالله كبير

نصيحتي لج انج تصبرين وتلجئين الى الله لان ربج قادر يصلح زوجك وصبري واحتسبي الاجر


والله اعرف وحده ريلها رواها الويل يشرب ويضرب ويطلع مع بنات المهم هي ما صبرت اطلقت لكن والله ان اليوم متحسفة لان تزوجته وحده والله هداه كل سنه عمرة ترك كل شئ انتي ما تدرين يمكن الفرج قريب والعسر دوم يتبعة اليسر واني الحين في عسر فانتظاري فرج الله

والله اذا كنتي فعلا تريدين نصيحتي لالالالالالالا تطلقين وصبري وتذكري دوم ان الصبر مفتاح الفرج


سأل الله بفضلو وكرمة ان يهدي زوجك ويصلحة

اختي قومي الله وتضرعي لخالقك الذي لا يعجزه شئ

معلومة مهمة تعرفين لكل رجل مفتاح منه تستطيعين التعامل معه ودخول قلبة حاويلي ان تعرفي مفتاح قلب زوجك

حبيبتي استخيري ربك في طلاقك منه


وأعذريني عالكلمة اللي بقولها ..

بس هذا واحد من اثنين إما إنه ما يحبك لعّاب يبغى كل شهر

يتزوج وحدة جديدة .. وعشان كذا يضربك لأتفه سبب لين تحسين إنك مجنوووونة

ومو طايقة العيشة معاه .. وبكذا إنتي اللي بتطلبين الطلاق

وبالنسبة له محد يلومه :angry: .. لأنك إنتي اللي طلبتي الطلاق ..

أو الحالة الثانية :

ضعيف شخصية .. وإيمان .. وجبان ... اسمحي لي بالكلمة ذي

مو حاس بالثقة والسيطرة من صغره ..

فلقاك إنت يالمرأة أضعف منه :sad: فقدر عليك ..

وحس بالثقة لمن صار يضربك ويبيك تمشين على أمره



نصيحتي لك ..

ما دام وصلت لحد الضرب لا تفكرين ترجعين له إلا في حالة واحدة

وشرررررط واحد ..


إنه يتعالج عند طبيب نفسي .. ويثبت لك الشيء هذا

بكشف طبي .. ولمن تحسينه صار إنسان طبيعي ممكن تفكرين ترجعين له

غير كذا لو رجعتي له اسمحي لي أقول لك .. إنك بتكونين ذليييييلة :mad2:

وزي الخادمة بيديه .. لأنه راح يحس إن مالك قيمة بدونه عشان كذا رجعتي له

وبالنسبة لكلام أمك وأهلك شيء طبيعي كل الأهل بيقولون لبناتهم الكلام ذا

بس ما عليك فهميهم إن هذي حياتك .. وإنك ما تبين أحد يضغط عليك

وإنك استخرتي ربي واللي كاتبه ربي بيصير

وأهله لا تعطينهم وجه ... المفروض يستحون على وجهم

ويشوفون حل لولدهم مو يغصبوووونك ترجعين لولدهم ( والله حالة ) :mad:

وفي النهاية بأقوووولك كلامي ذا من تجربة عائلية :sad:

صحيح أنا مو متزوجة بس صارت مع أختي صح ما وصلت للضرب بس الكلام

أحيان يجرح أكثر خاصة من أشخاص أصلهم قذر .. الحمد لله هي عايشة معانا

هي وعيالها ومبسووووطة وحرة نفسها ..

وإنتي حبوبة أعز شيء عليك يا حبيبتي نفسك .. محد راح ينفعك لين كسر لك

ضلع ولا يد ولا رجلين .. هذا إنسان عنيف ولازم يتعالج

----------------------------------


ومطلقة بكرامة وعزة نفس وحرية أخير من متزوجة بذل وقهر وإهانات


الله يوفقك حبيبتي :shy:

شخبارك حبيبتي؟؟؟؟

انا ما انصحك بالطلاق لأنه دايما" اول سنين الزواج تكون مشاكل وضرابه .. بس هذا ما يمنع انه ما يمد يده عليج.. لا تتصلين عليه ولا تردين له كلمي اهلج او واحد حكيم من العايلة يا يحترم نفسه او يسرحك بالاحسان ...

والله يوفقج...

اختي هذي انسان مو طبيعي طيح ضناه هذي والله مو طبيعي اشجابرج على انج تصبرين علية تمي في بيت هلج الين يجيج ولما ايي حطي شروطج انتي دارسة ومتعلمة واشلج بانسان يتعامل بالطق وما يتفاهم هذي معناته ما عنده اي ذرة احترام

السلام عليكم ورحمة الله وبركاته

اسمحيلي الغالية الي يتعامل مع زوجته بإيده هذا ما يستاهل الأحترام

يعني ما فيه اسلوب الواحد يقدر يتكلم فيه مع زوجته ويتحاور معاها ضرب وغيره

يعني ضربه وصلك انه ينزل طفلك أي أب يسوي كذا في طفله

لو جا لبيت أهلك وتعهد قدام الجميع انه ما راح يمد يده عليك مره ثانيه ارجعيله

بس اذا غير كذا فأكرملك تعيشي بيت أهلك معززه مكرمه لا احد يمد يده عليك ولا ياذيك

وان شاء الله الله بيعوضك كل الخير يا رب

الله يصبرك عمري ويوفقك ان شاء الله

لا اختي اعزم مافي الانسان كرامته
اذا من اول ماعرستي مد يده عيل لو تميتي وكبروا عيالج شبسوي فيج بتتهاوشون بالسجاجين
لا اختي الي مايسئل فيج ولا يحترمج ولا يحس بكيانج وانسانيتج انسيه
والي جابه جاب غيره
انا ما انصحج بالطلاق بس مو آله انتي في كل ماصار شي تنضربين
واحمدي ربج ان ماعندج عيال منه لو كان عندج عيال وحتى لو تطلقتي كان ماراح ترتاحين منه والمشاكل بتيجيج من كل باب
الله يستر عليج اختي ويهدي زوجج يا رب

أنا ما أنصحج تردين له اذا هو من الأسبوع الثاني من الزواج عصب ف شو تتوقعين بعدين
واذا من الشهر الثاني ضرب وهان ف شو بصير بعدين
واذا هو ما رحمج ولا رحم اللي في بطنج اللي هو من لحمه ودمه ف شو بصير في المستقبل..
دامج انتي خفيفة وما عندج عيال ريحي عمرج أحسن لج لأن اذا رجعتيله وصار عندكم عيال ورجع لعادته ف من الصعب انج تطلقين..
وأنتي اضغطي على أهلج وخليهم يطلقونج منه بدل هالعذاب كله
وا شاء بتحصلين الزوج اللي يقدرج ويحترم مشاعرج
والله يوفقج..

مااعرف شو اقول الا الله يكون فعونج

مشكووووووووووووووووووووووورة عسوووولة والله ما تقصريين
صح في واايد حريم جذي واخس بس ما شاءالله عليهم صبارات لو انا ماتحملت
اشكرج لانج ذكرتي القصة علشان اختنا امووول لازم تحكم عقلها حبيبتي انتي ليش ما تعلمين اهلج يمكن يسوون شي لمصلحتكم مب كل الناس يبون بناتهم تطلق

والله يوفقج

حبيبتي والله ما اعرف شو اقولج صح انه ابغض الحلال عند الله الطلاق بس والله تر ى صعب على الحرمه انها تشوف زوجها الي تحبه يتعاامل معها بهااي الطريقه لكن انا اللي اريد اقولج اياااه انه ممكن الوحده تتحمل اهمال زوجها او عدم تحمله لمسوليتها او عصبيته لكن انه توصل فيه المواااصيل انه يضرب لدرجة انه ينزل الطفل اسمحيلي هذا الانساان ما يستحق يكون زوج ولا اب والحقي نفسج لانه المره الللي طافة نزل البيبي المره الجاايه لو ضربج يمكن يعورج في مكااان راح تندمين بعدين عليه تتطلقي منه با اسرع فرصه ويااارب نسمع عنج اخبااار حلوه

السنه الاولى من الزواج من اصعبهاااا

في الاول والاخير القرار بايدج وانتي لازم تتخذينه

والله يسهل عليج امورج

بس قهرتني كلمته يوم قال انتي زوجتي وانا حر

بصراحه التربيه هي اللي تخلي الريال يتخذ هذه النظره الدنيويه تجاه زوجته

المفروض نربي اولادنا الذكور على احترام المراه وعدم استخدام اسلوب الضرب او الاحتقار

انا معاكم الطلاق افظل حل دامها ما عندها عيال منه واذا بتصبرين ما اتوقع انه بيتغير اذا ما صارلكم سنه و بدا يطق بعد السنه شيبي يسوي