تجهــــــيزات عرايــــــس البحــــــــــــــرين

بنات أحذركم من التعامل مع منوة وإن تعاملتوا بحذر

إسألوا مجرب ولا تسألون طبيب

أنا على طول أسوي عنده فساتين سهرة وحتى بدلات

سمعوا شنو سوى فيني

حق عرس عندنا فصلت عنده فستان حرير ناعم ومجعمز شوي على السدر ومن تحت عادي منسدل بنعومه وفهمته وقال لي بيسويه بـ 50 دينار وايد على الموديل اللي بغيته ووافقت على أساس إنه بيضبطه لي عدل

ومتعلم لي الحين ياخذ عربون وآنه المسكينه عطيته 20 دينار عربون وتصوروا لما رحت له آخذه خربه لي عدل بحيث إنه ما يتصلح.





تدرون شسوى لدرجة إني لما قايسته بغيت أصيح في غرفة التبديل، رقع لي الذيل تصوروا بغى يغمى علي والتعريجات اللي على السدر يا الله مأساة ومنتفخ والحالة حاله قلت له خلاص ما أبغيه باجيب لك قطعه ثانية سو لي موديل أبسط من هذا.

تصوروا شنو قال لي: معليش بس لازم تدفعين المبلغ كله آنه تعبت روحي في الخياط.

تدرون إنه حتى العربون ما رجعه لي يعني خسرت الخام والعربون

إيقول تعب روحه مسكين وآنه وفلوسي اللي ضاعت على التخريب ووقتي اللي ما يكفي أخيط غيره، لا والمشكلة إني ما أقدر أطالب بالعربون لأن الأخ ما يعطي رصيد.

حذاري بنات من أنكم تعطونه فلوس بدون رصيد، هو بيقول لج أنا ما أعطي رصيد لكن خلج قويه وقوليله عيل لين سويت الفستان بأدفع لك كامل المبلغ.

السلام عليكم ورحمة الله وبركاته


بصراحه انا راسي داير ومب عارفه شنو اسوي
عرس بنت خالتي ببداية شهر 9 لكن قالو لي تحجزين
مكياج من الحين لأن بعدين ما بتحصلين احد يسوي لج


انا من عراد وابي وحده تمكيج حلو بس تكون من المحرق
او من المنامه .. اكثر من حدود المنامه ما ابي ^_^


ممكن الحين تنصحوني حق منو اروح اتمكيج؟؟

وياريت لو تدزون لي رقمهم على الخاص

ومشكورين مره ثانيه ^_^

قطاف:

مشكووووووووووووورة أختي عالتحذير

ما قصرتي والله

وتحياتي

روان:

هلا أختي

عندج صالون خولة في المحرق

هذا أقرب شي

وفي الحدود

وتحياتي

أبي أروح أقص شعري بالرجنسي..

لازم أحجز ولا عادي أروح أي وقت

وممكن اعرف متى يفتحون ومتى يسكرون؟؟

بالنسبه للريجنسي اعتقد يفتحون الساعه 10 الصبح بس متى يسكرون ما اعرف الصراحه
لكن يوم الجمعه ما يفتحون ^_^


عرادية مشكوره اختي على التذكير ^_^ << راح عن بالها صالون خوله نهائيا خخخخ
بس اختي انا كان ببالي اسأل عن المكياج .. ابي وحده تمكيج مكياج عادي مو عروس
لكن حلو وناعم بنفس الوقت .. ما تعرفين احد ؟؟؟؟

الصراحه موضوع رووووعه
وان شاء الله يكون مرجع لنا وكل وحده عندها زواج قريب
انا عن نفسي للحين ماتزوجت ولاجهزت حق هالاشياء
بسامانه اللي جربته

الشعر
مافي على وحيدة اللي في صالون رونق

الميك اب
جربت منى قطان يجننننن مكياجها

الفساتين
عندنا خياط قريب من زمان وانا اسوي عنده بس جيب له الموديل جاهز من النت وهو يضبطه ماشاء الله عليه

بسسس
واذا تذكرت شي لي رجعه


سلااااااااااام

ananya


بغيت استفر منج اختي عن منى القطان اشلون مكياجها !!! ومن وين اهي .. المحرق او الرفاع ؟؟
وياريت لو تدزين لي رقمها على الخاص اذا عندج



بنات المحرق بلييييييز نصحوني عند من اروح اتمكيج؟؟؟
ابي وحده مكياجها روعه ويجنن وتكون يا بالمنامه او بالمحرق ما ابي ابعد من جذي

روان:

إذا إنت من عراد

في وحده تكيج هناك

إذا تبين

بشوفها لج

وتحياتي

ananya:

هلا بيج أختي

وحياج الله معانا

أنا بعد يعجبني صالون الرونق

بس أول مرة اسمع عن منى قطان

في أي صالون تحط

وشلون مكياجها؟؟ وبكم حق العروس والعادي؟؟

وشسمه الخياط؟؟

وتحياتي

عراديه

تسوين خير اختي .. ياريت تدزين لي اسمها ورقمها عالخاص
ومشكوووووره اختي ويعطيج العافيه يارب

روان:

هلا أختي

إن شاء بيب لج رقمها

وبطرشه عالخاص

إذا موب اليوم

باجر

وتحياتي

مرحبــــــــــــــــــــــــــا عرايس

بغيت أستفسر عن صالون إيلاف

أو فردوس...

أنا شفت فكياجها

بس ما شفت تسريحاتها

فبغيت أعرف

تسريحاتها حلوة للعرايس؟؟؟؟

وتحياتي

توني مخلصة من 3 عروس في العايلة الله يديم الأفراح

رحت صالون خوله وكنت لابسة برتقالي وسوتني مأساه تدرون ليش لأن قلت لها أبغي حركات وهي يا حبة عيني ما تعرف الحركات حدها لبناني ناعم وبس فإذا تبغين روحي لها. والشعر اللي عندها ما يفهمون وايد يعني خطوه خطوه علميهم وآنه مضطرة لأني ما أحب أطلع من مكان لي مكان. صالون خولة يم مطعم الأسرة أو مذركير المحرق.

العرس الثاني رحت صالون نسيمة مكياج سوتلي شي وايد حلو والكل إنهبل عليه سوت لي العين المفتوحة من جدام وصرت ولا أحلى بس مشكلتها كريم الأساس اللي تستخدمه غبره يا ليت تغيره أما الشعر سويته سشوار عادي لكنه يسوون تسريحات حلوه بعد. والصالون في المحرق مقابل بنك البحرين الوطني وبالقرب من حديقة الكازينو.

العرس الثالث كان عزيز علي بنت خالي وسويت في صالون سلوى الشعر عندهم بنات بحرينيات محترفات كلمة قليلة عليهم سوت لبنت خالي العروس أحلى تسريحة كلها شرايط (يعني اللي يشوف شعرها يقول هذي شرايط مو شعر) قعدت عليها 3 ساعات، وآنه سويت لي تسريحة الكل حبها والكل قام يمدحها سوتها لي فلبينية.

أما المكياج بنفس صالون سلوى وحده إسمها مروة هو بـ 15 دينار لكن روعة كلمة قليلة عليه هو فنتازي على ما يقولون يعني لماع وعين مفتوحه وحركات، وفي وحده ثانية بعد إسمها لمياء بعد تحط حلو، أما سلوى فمتخصصه عرايس بس. وصالون سلوى خلف أشرف الحورة.

جربوها بنات وما راح تخسرون

هلا اختي قطاف

تسلمين على المعلومات المفيده والله يزيد عليكم الافراح والمسرات
بس بغيت استفسر منج .. شنو اسم الفلبينية اللي سوت لج شعرج؟؟
وهل اروح احجز لي موعد حق شعر ومكياج عندهم والا عادي بنفس
اليوم اروح لهم من غير موعد !!!!

بنات ممكن تدلوني على صالونات لصبغ الشعر

وهل سمعتوا عن صالون نهلة ؟؟

تسلمون خواتي
وماقصرتوا

باسئلكم صالون سلوى في وين

اليوم رحنه بكوراه في فستاتين اطير العقل هناك
خاطري كنت انزل واجوف الاسعار بس ماصار وقت
امي كانت مستعيله

وبخصوصا الدي جي في دي جي اسلامي صج روعه
كله اغاني واشيا حلوه بس طق اسلامي وعنده اشيا محد عندنه
الي تبي رقم اطرش رساله وباقولها

صالون سلوى يصير يم السرور الي في الحوره

قطاف:

مشكووووووورة أختي عالمعلومات القيمة

بس ما جربتي صالون لولو

يمدحون فيه

وتحياتي