تجهــــــيزات عرايــــــس البحــــــــــــــرين

موضوع فنان الصراحة ويني عنه منزمان

عموماً يا عرايس

حد بس يخبرني شرايكم بصالون ناريس؟؟

يسوى أروح له حق حفلة خطوبة صديقتي؟

شعر ومكياج.. ناس مدحوه لي وناس ذموه
انتوا شرايكم؟؟

بنات وحشتوووووووووووووووووني مررررررررره

شحاااااااااااااااااالكم

حسبي الله على بتلكو فشلكوووووووو الي قاطعة عننا هالانترنت

المهم عزيزاتي

انا الحمدلله سويت ملجتى و3 الحفلات كانوا من اروع ما يكون
والفضل يعود لله ثم لمعاونتكم لي
والكل شهد بحلات ال3 ليالي

مكياجي وشعري يوم الحنة كان عند ميساء القلاف
ما عجبني وايد بس الكل يقول اوكيه
وسويت الفستان عند كبرى القصير موديل افغاني


مكياجي وشعري يوم الملجة عند صفاء سوتني ولا اروع لدرجة ان خطيبي قال لي ان احلى ليله كنت فيها هالليلة
واجرت فستان من بنت لوعت شبدي هي وامها لو ما الفستان يستاهل شان ما تحملت
ولو الوقت يسعي شنت رحت سويت لي مثله . تبون الصراحه يا بنات في ناس إذا تأجرش شيئ تفكرش محتاجة !!

ويم الحفلة سويت شعري عن وحيدة صالون الرونق
ومكياجي عند عائشة لبلوشي
وفستاني سويته عند الانامل الحريرية .. صج فضيع والكل انبهر فيه بس سعره بعد فضيييع 1200 دينار .. وكا قاطته في الدولاب.. بس وصلنا لمرحلة ما فيها إلا الانامل قبل انه يخلص لي الفستان في الوقت الي ابيه واضطريت اسوي عنده عالرغم من سعره الي كلش ما بلعته


والحمدلله كلشي طلع من اروع ما يكون والكل تكلم عن حفلتي انها كانت رووعة ولا شافوا مثلها
:shy:


اتمنى اكون فدتكم

بنات حبيت اسالكم عالسريع

ابي رقم منيرة تكفون

وابي اعرف المحلات الي خارج البحرين تسوي فساتين زواج - ابيض او سكري - بشكل حلو وراقي
واسعار مناسبة وتسوى

يعني لبنان او السعودية او لكويت

وشكرا

بنات البحرين اي احسن مصمم التزامن ولا الانامل الحريريه وهل القطع اللي يجيبونهم حلووه وشغلهم نظيف ومرتب علموني بكل شي لاني متردده اسوي هناك ولا لا انا من قطر ولانه هلي في البحرين قلت انشاء الله يطلع لي الفستان ارخص قطر عندنا نار الاسعار
ونصيحه مني بنات البحرين كثروا من مواضيعكم لانه في شغلات وايد حلوه في البحرين ماتتناقشون فيها خلوا بنات الخليج يشوفون شنو عندكم

مرحبا اختي عرادية اشكرج على طرح هالموضوع
اولاً احسن محلات خياطة لفساتين الاعراس:
السعفة بشارع البوكوارة
احلى الوصايف بشارع البوكوارة
الاولى بالمحرق
منوة (درجة اولى في خياطة فساتين السهرة) شاطر وايد

اما عن محلات تجهيزات العروس من فساتين حنه واستقبال وجلابيات:
انمار بشارع البوكوارة
نهر الفنون بشارع البوكوارة
محلات مهاي للجلابيات والبنجابي بالمحرق بالقرب من الكازينو

أما عن المكياج:
فردوس
صالون سلوى
فاطمة شويطر
عايشة البلوشي
وحالياً انه بصراحة اتعامل مع وحده اسمها اماني مكياجها روعة تمكيج عادي وعروس وتيي للبيت وهي كانت تشتغل بصالون سلوى وستايلها حلو ويعجبني.

اما عن الDJ
ميامي والرياش

بنات ابي اسأل عن احسن محل جلابيات جاهزه عندكم بالبحرين بليز باجر بسافر البحرين وابي اعرف محلات تبيع جلابيات حلوه واسعارهم حلوه

لو سمحتوا يا بنات اللي تعرف حناية زينة تقول لنا عنها او ترسل لي رقمها على الخاص

قطـاف وعـراديه


بالبداية اعتذر على تاخيري بالرد عليكم لأني انقطعت فتره عن المنتدى وتوني شايفه اسألتكم
بالنسبه لثاجبه الشروقي فهي فالمحرق وتمكيج وعندها محل اسمه (( دان )) بالمحرق وهي تصمم
لج كوشات وعندها ورد وشوكولاته ومن هالسوالف ^_^
يعني تمكيج وتسوي كوش (( كوشات/مسرح )) للعروس وغيره

بالنسبة للمكياج الفنتازي بصراحه انا مو فاهمه عليج يعني شنو مكياج فنتازي؟؟

اهي مكياجها ناعم وحلو وبالنسبه لأسعارها فالعادي اعتقد 15 دينار ((بصراحه ما قط تمكيجت
عندها لكني شايفه مكياجها على بنات وكان ناعم وبسيط )) اما العروس فمعروف كل وحده تمكيج
بهالسعر 50 دينار

وبالنسبه لرقم الموبايل فراح ادزه لج الحين على الخاص ^_^

نـــــــارا:

هلا بيج أختي معانا

بس والله ما عندي أي فكرة عن هالصالون

يعني موب مشهور وايد

وتحياتي

الشيخة:

مبرووووووووووووووك أختي عالخطوبة

وإن شاء الله عقبال العرس ويوم ما نشوف عيالج

بس بغيت أسألج عن (( صفاء سوتني ))

هذي وين تحط مكياج

وشلون شكله؟؟؟ وبجم حق العادي والعروس؟؟؟

وفستانج مال الخطوبة سويته أبيض؟؟؟؟

وتحياتي

الشيخة:

أختي طرش لج رقم منيرة عالخاص

وتحياتي

هلا اختي عيــ المها ــون

انا بصراحه عندي فساتين الانامل الحريه احلى وارتب

من التزامن وانتي تقدرين تروحين المحلين وتشوفين الافضل

واختي احلى ملاك

راح ارسل لج ارقام الحنايات عالخاص

و الله يوفقكن ويسعدكن ياعرايس ويتمم لكن على خير

أختكن الـدانـــه

عيــ المها ــون:

هلا بيج أختي

وحيا الله بنات قطر

بالنسبة للأنامل الحريرية

هو شغله واايد حلو ومرتب

بس حرامي

يعني أي شك ولو شوي تبين تزيدينه يزيد في السعر

أنا أنصحج بــ (( رومان ديزاين )) في الرفاع

شغله حلو ومرتب

ويأجر بعد

وإذا تبين تكونين أول وحده تلبسة

بعد اوكي

وأسعارها من ال 300 دينار للألف

وإذا تبين بعد أرخص

عندج الأولى في المحرق

بعد شغلها حلو ومرتب

وهي تقريبا ارخص وحده

وعندهم مصمم جديد بعد

ومبروووووووووووك مقدما

وتحياتي

زهرة المملكة:

هلا أختي

مشكوووووووووورة عالمعلومات المفيدة

بس وين ذي (( منوة )) وشلون أسعارهم بالنسبة لفسان العرس

وتحياتي

تايم آوت:

هلا أختي

يمكن رديت علج متأخر

بس أحسن مكان حق الجلابيات (( كرت بلانج ))

وفروعه في المحرق، الرفاع، ومدينه حمد

وتحياتي

احلى ملاك:

أنا أعرف حناية من راس رمان

إسمها فاطمة

حناها فضيع

وفي وحده من مدينه حمد بعد

إذا تبين رقمهم

بييبه لج

وتحياتي

روان:

مشكوووووووووورة أختي عالمعلومات القيمة

وتحياتي

مشكورين بنات انا الاسبوع الجاي باروح السعوديه وباجهز من هناك وبامر البحرين بعد لازم حق الاهل واشوف المحلات اللي قلتوا لي عليها

عيــ المها ــون:

حياج الله أختي في ديرتج الثانية

وإذا تبين أي مساعدة

ترى أحنا جاهزين

وتحياتي

مرحبا فعلا الحناية فاطمة من راس رمان حناها رووووووووووووووووووووووووووووووووعة