الجزء الســـ6ـــادس من تجهيزات عرايس قطــ2006ـــر

اهلين بنات وحشتوني .. مبروووك الجزء السادس ..

ام شيوخ الف مبروكـ والله يوفقها ويسعدها يارب ..

سوري بنات ماعندي شي اضيفه وراسي يعورني وايد ="(

سحابة حب , العنود , حلا قطر
تسلموب شكلي بحجز عند زبيده هي نقشها حلو بس انشالله ما يحرق لان حرق رفيجتي يوم عرسها ...

حلا قطر
اختج مثلج باقي شهرين على عرسي ولا اهتميت بجسمي وشعري وبشرتي :down:

@@

و شتتنطرون !!! كله إلا بشراتكم و شعوركم و أجسامكم لا تهملونها و تلهون مع باقي التجهيز ..

خلني أخرعكم شوي ^_^

الحين إذا البشرة باهتة و محببة و سواد حول العين و لا مادري اشفيها كله بيبين مع المكياج و في الصور ..

و أنا ما أظن إن في وحدة ما تهمها الصور !!!! حتى مب للعرس بس .. لبعد العرس أكيد مب كل يوم بتحطين مكياج تبين تكونين

ناتشورال .. فلما تكون بشرتج موردة و صافية تلقائياً بتستغنين عن المكياج و بتكتفين بالشي البسيط ..

امممم و شعرج حلو يكون صحي و فيه لمعة و قوي مو باهت و ضعيف و حالته حالة ..

و الجسم بعد .. مب شرط تطلعين لووون واحد من فوق لتحت يوم العرس .. بس على الأقل تهتمين و تحاولين تطلعين بأحلى صوررة

في عيون نفسج قبل عيون ريلج .. و أنا بصراحة عادي عندي أصرف على بشرتي و جسمي و شعري أكثر من ثيابي ولا

إكسسواراتي ..

اهتموا يا بنات .. و ابتدوا شوي شوي و من الداخل . يعني اهتموا بأكلكم و خلوه صحي و كثروا من الماي .. أشيا بسيطة بتنعكس

على مظهركم الخارجي .. و بشوية تحسينات و تعديلات الصالونات و الحريم اللي يجون البيت بتطلعون أقمار << جمع قمر .. ^_^

الله يوفقكم : )

روووح قطر .. سلامة راسج حبيبتي و ما تشوفين شر ..

برنسيسة قطر .. أنا أرشح لج نسرين .. حناها ما يحرق و نقشتها تجنن ..

بنااااااااات

ممكن طلب صغيرون ^_^

اللي عندها رقم منيرة المحمود مالت المكياج اللي تعطي دورات
تطرشه لي زرووووري زرووووري ^_^

هلا بنات الف الف مبرووك عليكم الجزء السادس

والله يهني موناليزا وام شيوخ وعروس قطر ويتمم لهم على خير

ومشكوورين بنات اللي سئلوا عني ماقصرتوا بس والله غصب عني صارلي حادث وترقدت بالمستشفي كم يوم ولاتخافون ماصارلي شي بس شوية رضوض وكدمات الحمدالله على كل حال

وحبيت اخبركم اني قبلها بكم يوم قبل لايصير اللي صار رحت وحجزت مسكه عند جيرابيرا سويتها ب400ريال وبالغصب كان يبي 450 لكني طحت فيه حتي تحسفت على 400 حسيت انه قص على لانه مسكتي بسيطه كلش مابغيت اكلف فيها لاني خاايفه تصير ثقيله بروحه فستااني ثقيل على وخاايفه اشلون بمشي فيه بالله اشلون بعد مع مسكه ثقيله ومارضي يسولي بروفه قالي مع البروفه ب600 وعلى فكرة ماعنده لاكتالوجات ولا شي اللي تبي لازم تروح ومعاها صورة وكل ماسئله عن وردة قال ماعندي وعلمني على مسكه ام شيوخ بس ماشفت لها صورة شرحها لي بس و قالي لازم بروفه ب200 ريال اذا تبين اسويها لج تشوفينها مسكتها حلوة وغريبه بس ماعجبتني لانه بتكون ثقيله هي شريطه من ورا ظهر وعلى اليدين تنمسك ونص ورود على شكل شال فديتها ام شيوخ ماادري اشلون شالتها والله قلبي كان معاها بيوم عرسها ودعيتلها من قلبي ان الله يتمم لها على خير

للي تحب فناتك وشي غريب ولازم تكون طويله وفستانها موثقيل تسويها لكن اللي نفس حلاتي فستان ثقيل ويالله تجره وراها وقصيرة تسوي مسكه خفيفه احسن

ومسكتي اخترتها ورد جوري اوف وايت ومعاها ورد صغير ابيض لان قاعتي بالالوان بيج وذهبي فكرت ادخل الاصفر بعدين غيرت رايي

تشبه هالمسكه " alt="" loading="lazy">

كلاسيك فديتج دزيلي ايميلج عشان اطرشلج صور


تم التعديل بواسطه angel eyes
الرجاء التقيد بقوانين المنتدى ..فقد تم التنبيه اكثر من مره و للاسف سوف تضطرونا لاغلاق الموضوع و منع القواميس
ودينا حلو كان مكياجها؟ وشو الالوان اللي حطتها لها ديناا لان ام شيوخ الوان قاعتها نفسي؟

وطيف قطر حاولت ارسلج بالخاص طلع ممتلئ المهم


وبعد سويت حمام مغربي في باريس نيلز مااشوفه نضف ولابيض ولاشي حمامهم عاادي كلش ولاحطتلي خلطات ولا شي اللهم صابون مغربي وفرك بسيط كلش وقعدت تهاوشني والله يابنات عطتني ----- شفاف قرطاس نيلون نفس مال الانجليز مايخش شي خيط من قدام ومن وراه خيط ضعيف كلش وتقولي لبسيه قلت انزين لما بطلته وشفته وقف شعر رااسي هذي لبسته مالبسته كل وااحد قلت لها لا انا جايبه معاي ملابسي خاصه وهو مستر شوي الصراحه استحي اقعد جدامها مفصخ كلش وعصبت تقولي عيل ليش تبين تسوين حمام مغربي هذا حمام حجابي مش مغربي تقولي عاادي احنا بنات وقالت لي مرة ثانيه لاتجين بحمام حجاابي بس الصراحه معاملتها حلوة ونفسها طيبه بس ماادري ليش قالت لي جذي يمكن يوم شافتني اضحك معاها وماقلت لها شي سكتت لكن خلاص توبه مع اني حجزت مرتين بس وعندي الاسبوع الجاي موعد للمرة ثانيه شكلي تبت ماراح اروح لها

افكر اروح سندريلا اتمني موناليزا تقولي اشلون معاملتهم وحطوها بجهاز صغير وحطوا خلطات والا اشلوون نفس حلاتي

ادعستني بجهاز كبر كبت باب واحد وخلتني بالبخار وحطت نتفه صابون مغربي وبعدين طلعتني وقالتلي امبطحي على السرير وفركتني

الصرااحه هذي عمليه موحمام مغربي

اتمني اللي سوت بصالون سندريلا تقوولي نفس الشي سوووا لهم

انا ابغي حمام مغربي فيه خلطات عفسات

عالعموم بنات انا ماقريت ردود اللي قبل تعبااانه من كدمات ورضوض زين اني دخلت لكم

بجوفكم بعدين سيووو قايز (فديتها ام شيوووخ)

بنااات كنت ابغي اشتري كريم الاساس اللي قالت عنه اختنا سفيرة فوق العادة كريم اساس الجسم حق الاعراس وقالت لي في زهور ريف واللحين سكرروه وين اقدر احصله؟

العنود
فصلي الفساتين من الحين واذا خايفه تمتنين خلي مجال انها تتوسع
وزين انج خلصتي اهم الاشيا وخاصه المجوهرات بالمعرض تلقين تشكيلات احلى بوايد وارخص عن المحلات


برنسيسة قطر
نسرين


حلا قطر
كبدايه احجزيلج كورس عنايه بأي صالون
وحاولي تهتمين بنفسج بالبيت سوي شوية خلطات بسيطه على كم ماسك وشوي شوي بتحسين بالتغيير
http://www.3roos.com/forums/showthread.php?t=170756
شوفي هاللنك
واطلعي على الجزء الاول والثاني لنكاتهم موجوده بالصفحه الاولى
وانشالله تستفيدين منهم


روح قطر
وانتي بعد وحشتينا اكثر يالغاليه
وسلامة راسج


برنسيسة قطر
شوفي اللنك اللي حطيته لحلا


دوحانيه
زين تسوين فيهم
كفو والله خرعيهم جذي خل يهتمووووون
وانتي شنو اخر تجهيزاتج؟ واخبارج


نور الدوحه
بشيك اذا الرقم للحين عندي بطرشه لج
من عيوووووني


عروس الدوحه
الحمدلله على سلامتج الغاليه
مابي اخرعج بس ماتحسين في شي غريب؟؟ اقري على نفسج حبيبتي ترى العين حق واللي يصير لج يمكن عين
طبعا كله قضاء وقدر بس العين حق
وعن الطق انواروه معروفه طقها فظييييع وتشل العرس شللللللل
وزين سويتي فيها مالت الحمام المغربي انا كان خاطري اجربه عندهم بس دام السالفه فيها تفصخ خلني جذي احسن خخخ بس اقولج انتي شلبستي؟ يعني لو بسويه شممكن اودي معاي؟
واذا تبين حمام مغربي فيه خلطات وعفسات عندج سيلا الهنديه الملقبه ب نور
سوت لي العادي ب 250 والسبشل ب 350 جنه
بس لاتقص عليج ترى تسويه للبنات ب 150 وانا لما قلت لها مارضت قالت لا
فاتفقي معاها عالسعر من البدايه احسن والله قهرتني لما نصبت علي

دلوووعه فديتج ويسلمج من الشر عيووني اي والله يااختي حاطه يدي على قلبي لين يووم العرس خاايفه يعتفس ادعوولي ياابنات

وعن هذي سيلا اللي نور جبتها تحنيني انا وخواتي وامي لعيد الفطر وتبت لساانها طووويل لين ماامي صرخت عليها وسكتت والله يادلوعه 6ايام اتصل فيها يالله جات كل يوم بكرة كل يوم بكرة بس كرهتها وتقول انا حنيتج بس عشان خاطر امج بنزل لكم وراااه طراررين وين قاعدين؟ ويليت حناها حلوة ماكملت رابع يوم صاار اصفر ويلووع الجبد

وتشرط تقولي قولي حق خدامتكم تسويلي شاي كرك رااسي يعوورني وااجد

سكتي اقولج سوتلي عمليه موحمام مغربي والله يسلمج لبست شورت ضاغط يعني ساتر شووي من فوق ومن حنتها رفعت ظاغط شوي من صوب الارداف

ولاتودين معاج شي بس ملابسج داخليه لما تبدلين ثيابج بعد الحمام هي عطتني فوط من عندها ونظااف

طبعا حق حمام مغربي لبسي ستيان بدون سير او ظاغط صدر بدون سير ومن تحت براحتج تبين لبس العادي اللي نلبسه او بكيني بس ماحبيته احسه يفصخ يمكن للضعيفه اهون انا لاني دبدوبه فااستحي شبيخش وشبيخلي

اللحين بشوف رد موناليزا عن سندريلا اذا غير بتوكل وبحجز عندهم باقيلي مرة بس

وبسوي مناكير وبديكير وتنضيف بشرة مترددة يمكن اسوي عاادي اخاف يطلعلي حرار او وجهي يتحسس وباقي الحف بخليه كله يوم واحد قبل الحنه

تسلمون حبايبي عالردود

وانا اصحكم تروحون صالون ريتشي تسوي لج الحمام المغربي بدهن العود والمسك وانا سويت عندهم حمام مغربي بدهن العود بصراحه فضيع روعه
وبعد انا نسيت عمري من ناحيه العنايه بالجسم والشعر والبشره اهتميت بالتجهيزات وماهتميت بعمري :(

عروس الدوحه !! غريبة والله ان هالشىء صارلج في باريس نيلز ...انتي شحجزتي بالضبط؟؟ انا لما رحت لهم كانت عندي ملابسي وعادي ماقالت لي شليهم ولا شىء (باسطرها لو قالت لي) مب على كيفها !!

وبعدين فيه خلطة مثل الماسك من الطين تحطه على كامل الجسم...وفيه شىء ثاني عد مثل الزيت ريحته حلوه تحطه على الجسم كامل وتسوي مساج اخر شىء !

مدري ليش انتي سوت لج جذية او حتى كلمتج جذية!!

عموما اذا تبين خلطات طبيعية هندج الصالون اللي جربته كلاسيك..وحده اسمها نعيمه...اعتقد صالون حلا في العزيزية يقولون ! سئلي كلاسيك عنه

بس والله غريبة الي صارلج بصالون باريس نيلز :) انا تجربتي وياهم غير بالمره

عموما حمدلله على سلامتج وماتشوفين شر :) اهم شىء انتي بخير الحين

هلا فديتج الحلم الهاادي الله يسلمج من الشر عيووني انا سويت اللي ب150 العادي مابغيت كريمات قلت مرة الاولى عادي وثاني بكريماات وصح حطلتي مثل ماكتبت خلطه الطين بس موعلى جسمني كله بس على ايديني وريولي وشووي كلش انا قعدت افرك على جسمي كاامل

بغيت اسئلج بذمتج يوم يحطونج داخل هالصندووق ماتخرعتي هههههههه انا لما صكته على وتم البخاار يووه رحت عالم ثااني وابغي اعرف عيل اللي متينه شتسوي مسكينه بتقلقص فيه

الصرااحه جهازهم يخرع وصغير

وصالون اللي قالت عنه فديتها كلاسيك بعيد بس جنب بيت عش الزوجيه عقب زواج بجربه وبخبركم بالتفصيل

العنووود افكر اجرب حمام بدهن العود بس ارجوج قوليلي مكانه وين؟
واشرحيلي شنو سواا فيج بالظبط؟وشنو حطولج؟
وريحه تمت لثاني يوم او لا
ابغي تفااصيل كامله افكر اروح لهم

انتظرج

عروس الدوحه :) حبيبتي شكلك اول مر تسوين حمام مغربي...اختي هذا جهاز بخار مب غرفة...وجهاز البخار هذا حجمة ويجي صغير لانه حجمه عملي وممكن تشترينه وتحطينه في حمامج

الكبيرة او المتينه مايدخلونها اياه يشغلون الدفاية بالغرفة ويخلونها لين تعررق فيها ...ولازم البخار تستحملينه عشان النتيجه بعدين تطلع اوكيه:)

انا عن نفسي لاني من قبل اسوي حمامت ساونا وبخار فمتعوده على هالجهاز وعادي عندي بس انتي لانج الظاهر اول مره مستنكره كل شىء خخخخخخ

حبيبتي انا اللي جربته عندهم الحمام الملكي..وكان فيه كل شىء حتى حمام زيت للشعر بنفس الوقت...وبصراحه عن نفسي كنت راضية جدا عن شغلهم لان اللي سوت لي سوت لي بذمة وضمير وفركتني عدل...وبعدين خلطة الطين هذي ماسك ماتتفرك اصلا...يحطونها لى كامل الجسم حتى الويه..واتمم فيها متغطية بالبلاستيك الشفاف لمدة نص ساعه عشان الجسم يتشربه..وعقب ارد ادخل الحمام البخار واغسله من على جسمي وترد تحط لي زيت خاص للجسم ينعم ويعطي ريحه حلوه وسوت لي به مساج كامل :)

عموما انشاء الله تجربين مكان ثاني ويعجبج اكثر :) واذا المشاطه قريب عليج جربية عندهم حمام كليوبترا للعرايس خاص بس اتصلي واسئلي عنه قبل لاتروحين عشان تعرفين شبيحطون لج بالضبط

اول شي الحمد لله على سلامتك خطاج الشر حبيبتي
صالون ريتشي في المطار قبل لاتروحين له احجزي بالاول وشغلهم اوكي اول شي تحط لج كريم وتدخلين حمام كله بخار وبعدين تقعد تفركج فراااااااااك ههههههههههه عجبتني كلمة ( فراك ) المهم وبعدين تحط لج كريمات وماسك وحمام زيت واخر شي تعطيج كريم دهن العود تدهنين به جسمج كله ويتم لثاني يوم بصراحه عجبني وانشالله لعرسي بروح اسوي حمام مغربي بدهن العود

الحلم الهادي هههههههه انا فاهمه انه جهاز بخار بس صج صج لما يسكرونه عليج ماتخافين وبخار بكل صوب يمكن لان عندي فوبيه اخاف من الاماكن المغلقه انتي كلش غير عن اللي سوته لي وانا داخل هالحمام البخار حطلتي بايديني ورجولي وقالتلي افركيه بجسمج وخلتني مدة داخل بالحر وبعدين جات وغسلته لي بالماي وخلتني بعد بالبخار وبعدين جات قالتلي طلعي وفركتني بالسرير وبعدها دخلت غسلت بالماي وبس طلعت ولبست ثياابي

يمكن لاني حاجزه العادي وانتي الملكي

خطااج الشر اختي العنوود افكر اروح عندهم سمعت بعد صالون الاندمارك عندهم حمام مغربي بدهن العود

لالا مافهمتني...اللي تتكلمين عنه هذا مب الماسك...هذا الصابون المغربي اللي مثل المعجون لين شوي وعلى لون زيتوني غامج :)

فديتج ضحكتيني خخخخخخخخ شبخاف منه؟؟ حمام البخار جذة في كل مكان خخخخخ لا وترى هذا يعتبر خفيف جدا يعني ما يكتم...عيل لو دشيتي الساونا شبتقولين؟؟ خخخخ بتختنقين وبتصارخين

مره دشيت ساونا مع رفيجتي لما كنت العب رياضة في القمة...انا قاعده واقرا الجريده ورفيجتي حذاي عيونها تلاقط..وشوي..الا زوووووووو طلعت واهي تقول لالالالا بموت ماستحمل هاهاهاها

هو من شخص لشخص لغير واللي مب متعود يخاف ...واللي عندها ضيق تنفس بعد مايصلح لها

عموما :) انشاء الله تجربين مكان ثاني ويعجبج اكثر حبيبتي

عروس الدوحه
سمعت بعد المشاطه يسوون حمام المغربي اوكي

عروس الدوحه
انا استخدمت هالكريم بس مشكلته يبين في اليد ويسيح
واذا سكروا زهور الريف اللي بلاند مارك مافيه الا تروحين الحسا تشترين من هناك

بنات في حد منكم يعرف يقص ويدمج الاغاني ابغيه بطلب بليييز

هاااااااااااااااااااااااااااي قايزاااات
وحشتووووووووووووووووووني
جيت طيرااااااااااااااااااااان

ام شيوخ :shy: يابنت شتسوين هنيه؟؟ صاجه والله دلوعه شكلج حتى لين سافرتي شهر العسل بتدخلين المنتدى من اقرب انترنت كافيه خخخخخخخخخخ

الف الف مبروك حبيبتي :) اعقلي وجابلي ريلج وعمرج خلي النت الحين لاحقة عليه خخخخخخخخخ