الجزء الســـ6ـــادس من تجهيزات عرايس قطــ2006ـــر

تسلمين خطبطب حبيبتي
نسيت اقولج ملابس السفر خلصتهم لان اول يوم لعرسي بسافر وحجزت للمكياج والشعر وسويت بروفه لفستان عرسي
وناويه الاسبوع الجاي اروح الخبر والبحرين اتجهز من هناك

امممممممم المهم قبل لاتسافرين تكتبين الي تبينه لانه هناك من الدوخه بتنسين بعض الاشيا ........... البحرين ماظن تلقين فيها كشخات نفس الخبر .........

روحي المارينا مول............ محلات الفساتين الجاهزه عندهم كشخه انا خذت واحد حرير سماوي وفيه كريستال وايد نعوووم ب1700ريال
وعندج الخبر مول.......... للاقمشه لوتحبين تفصلين
سوق الدمام ..........للذهب الابيض والالماس روعه
الظهران مول وفؤادسنتر والمجمعات الثانيه للبدل.....حاولي قدماتقدرين تاخذين بدل كشخه وملابس ولاتتردين عشان ترجعين باكبر كميه ممكنه وتفتكين ........

خطبطب
كلاسيك قالت التفاصيل بالجزء الخامس

روز قطر
على مااعتقد المناسبات

حبر وورق
الله يبااااارك فيج

مبرووووووووك عليكم الجزء السادس :)

الحلم الهادي يسلمو على الرد الحلو بخصوص الفيشل..انا بصراحه جربت د.الما ويعني
حسيت فيشلها عادي ونظفت لي الرؤوس السودا باطراف الاصابع وحذرتني من الحديده
فانتبهو بنات..وشكلي بجرب الصالون الازرق

خطبطب منى اللي قلتي عنها شجنسيتها؟ لان منى اللي اتعامل معاها ما تسوي حمام
زيت فشكلها وحده ثانيه وياريت اطرشين لي رقمها....وبالنسبه لام ياسر فافي وحده من
اهلي جربتها وما ارتاحت لها.. فياريت تقولين لنا رايج فيها اذا جربيتها لان صج قليل ما
نحصل حد اوكي ويجي البيت

العنود ماشاءالله خطيبة الغالي ما قصرت معاج..وحاولي تبتدين في فساتين السهره وجوفي
اذا بتاخذين جاهز ولا بتفصلين لان اذا تفصيل فايبيله وقت..واهم شي الحجوزات..
مكياج-شعر-حنه-تجهيز قاعه-تصوير-فرقه وهالامور

روز قطر مثل ما قالت سحابه المناسبات شغلهم حلو وجوفي الرويال فلاورز اللي في السد
[/color]

الف الف مبروك على الجزء السادس

حياتي ام شيوخ الله يوفقها يارب الحمدلله ان الله تمم عرسها بالخير

روز قطر شلونج الغاليه بالنسبه للتجهيزات انا سمعت جيرابيرا والغاردينيا يجهزون غرف بالورد وحركات حلوه وانا افضل تسوين عند فوشون لان راقي الصراحه .

خطبطب مشى الاسم عليج شلونج الغاليه هذاني شاركت معاكم ..

مبرررررررررررروك عليكم الجزء الساااااادس والفاااااااااااال حق الميه وكل مانخلص جزئين نزوج وحده(*_^)

المهم انه امس وديت قطع الحنه والهديه ..حق الخياااط علشان يرسملي موووووووديل..
والحين قااعده ادوور جي كم موديل تنوره ابيه يكوون رااقي : $
وابي اخيط عبي جي كشخه بس الصراحه مابيها ملفته..!!

وانه احتمال اسافر اروح ماليزيا شهر العسل وخطيبي مب راضي ألبس عبايه..!!
شراايكم اخيط البالطو ولا القمصان الطويله مع البنطلون..!! ومن وين اخيطهم..

هلا بنوتات شخباركم؟؟

بغيت اسألكم عن صالون سندريلا
منو جربته ؟؟؟

أنا اليوم كنت احف شنبي عندهم وحسيت انه OK بس مثل ما يقواون التجربه خير برهان فاللي جربت تخبرنا

بس الصج أنا شفت المكياج واااااااااااااااااااااااايد عجبني اللي تمكيج اسمها على ما أظن وفاء و قالت لي أنها تشتغل في هالصالون وبالشراتون

بليييييييييييييييييييز ابي تفاصيل مو الموجز:shy::bigsmile:

خطبطب

حبيبتي انا قلت التفاصيل بالجزء الخامس
باختصار عرسها كان وااااايد حلو ومرتب .. وهي ماشاء الله كانت تجنن
الله يتمم لها على خير

استاذن اللحين .. عندي ضيف مهم بيجي عقب شوي ")

بالمبارك الجزء السادس ..

: )

أخباركم بنات .. شمسويين .. و أخبار تجهيزاتكم ..

عروس الدوحة مختفية .. و المفروض نشوفها الحين أكثر من قبل .. عشان نتطمن على تجهيزاتها الأخيرة ..

اسمحوا لي بنات انا مقصرة معاكم .. أكتفي بالقراية لأني أحس ما عندي شي أضيفه لكم .. : )

اي والله مختفيه عرووس الدوحه
!!!!!!!!!!!!!!!!!!!

دوحانيه ومجنونة قطر وقطر وعروس الدوحه وعروس فرش ونبع الكوثر والموناليزا وروح قطر واهات قطر واصدق احساس وفتفوته وحلاقطر وام حمد وعمري قطر والعنود ونور وغاده ودلوعه واحلام صغيره وبنت قطر والبرنسيسه ولؤطه وقصايد والعرايس كلهم اعذروني لوطوفت اسم فديتكم يللا شاركوا

ابي اسولف بس يهاوشون >>>> انشالله ماقروا ..لاني خايفه خخخخخ

حلا قطر وخطبطب تسلمون يالغاليين
بس حبيت اخذ رايكم انا ناويه مااشتري ولا افصل فساتين الا بعد زواجي لان اخاف امتن... وانتوا شرايكم ؟؟
وانا خلصت من المجوهرات كله شريت الماس اول مافتح المعرض انا :bigsmile: الحمد لله خلصت وافتكيت من المجوهرات والتصوير والمكياج والشعر والحنه وليلة الحنه وفستان ليلة الحنه وقمصان النوم والملابس الداخليه كل هالاشياء خلصتها بس خاطري اشتري كم من قميص من محل في البحرين قمصانه روعه انشالله بروح وبشتري خاطري والله
ياحليلها ام شيوخ انشالله تتوفق وتكون مستانسه دوم انشالله الله يوفقها

عروسه فتفوته البسي القمصان الطويله الكويتيه احسن لج
بتلقينها بمحلات الستي سنتر
واذا تبين تفصصلين فصاي عادي مثل البلايز بس تكون طويله والخياييط اللي بالنصر مايقصرون

عروسه فتفوته...شوفي زارا تلاقين عنده الجاكيتات الطويلة وكشخه وايد...لو تاخذين لج من عنده شوي وتفصلين على نفس مقاساتهم لانهم مرتبين باللبس :)

والتنانير مافيه احسن من النصر...عندج نورس الخليج ومناور للتنانير..روحي عنده وشوفي الموديلات اللي على كيفج واهو بيقول لج كم متر تحتاجين ونوعية القماش واي اضافات...والعظمة بعد خياطه للتنانير ممتاز.

نسيت مدري من سلت عن مكياج (وفاء) اللي تشتغل في الشيراتون...ترى مكياجها مرتب وحلو وسموكي انا شفته في عرس على خوات العروس وايد حلو وراقي وناعم بس ماعرف عن صالون سندريلا اي شىء.........موناليزا جربت خدماته الخاصة بالعروس فهي تقول لكم احسن :)

حلا قطر...:) صح الحديدة مب شىء وتخلي اثر بالويه...الضغط باليد باستخدام قطن او فاين احسن...وفعلا عند دكتورة افضل ..بس الاماكن اللي ذكرتها ممتازة ترى واذا رحتي لهم بيوم..وشفتي الحديدة قولي لها مابيج تستخدمينها :) انا اسوي جذية وماشي الحال وياهم.

صج مثل ماقالت الحلم الهادئ زارا كل فتره ينزلون قمصان طويله بس المشكلة كله ساده
نصيحتي لج اشتري من عندهم كم قميص وفصلي قمصان قماشهم شيفون مشجر

مبروووووووووووووووووووووووووووووك الجزء السادس

بنات شرايكم حنا زبيده ولا نسرين ؟؟؟؟

الله يبارك فيج
زبييده

زبيده
وانا حاجزه عندها لعرسي

عروس فتفوته مثل ما قالوا الاخوات جوفي لج القمصان الطويله وجوفي انوتا,,يجيب بدل حلوه تنفع للسفر

الحلم الهادي هذا اللي كنت ناويه اسويه..ما بخليهم يستخدمون لي الحديده :cool:

العنود انا بصراحه اجوف لازم يكون عندج فستانين على الاقل وكمن تاير كشخه يعني لا تكثرين.. بس بتحتاجين للصباحيه والهديه وغير جي اكيد عقب العرس بيكون
في عزايم فما راح يمديج تفصلين ولا تحاتين ان شاءالله القياس ما يتغير واايد بس عاد حاولي تحافظين على رشاقتج :D
وزين انج خذتي المجوهرات من المعرض..صج كان في شغلات حلوه..انا بعد خذت معظم المجوهرات من عندهم بس باقي لي كمن شغله..

برنسيسة قطر..ما جربت حنه نسرين بس بصراحه زبيده ما عليها كلام..حناها واايد يعجبني وانا بعد حاجزتها لعرسي وان شاءالله البنات يفيدونج اكثر من خلال تجاربهم

عاد اللي انا احاتي واحس اني جد مقصره فيه اهو العنايه بجسمي شعري..لحد الحين ما سويت شي,مادري شفيني كله أأجل وما بقى ع العرس غير ثلاث شهور!! :ss: