الجزء الســـ6ـــادس من تجهيزات عرايس قطــ2006ـــر

اسفه حبيبتي كان ودي افيدج بس ماعندي فكره

هلا بعرايسنا الحلوات:clap:

انا ياحبيباتي معرسه وخالصه وام بعد :shy:

وانا متابعه موضوعكم لان حلووو وبعد لاني استفيد منه

ومن خلال قرائتي لردودكم وشفت رد الخوات عن ان لاتقولين حق الحنايه او غيرها انج العروس علشان ماتضرب بالسعر:gum:

تذكرت موقف مضحححححححححححححححححححححححك على هالطاري وقلت بقوله لكم علشان اضحكم شوي:dd:


قبل عرسي بيومين رحنا نتحنا انا وخواتي وبنات خواتي واتفقنا ان مانقول اني العروس ونسينا اهم نقطة وهو ان احنا نوصي اليهال بعد ..


المهم رحنا الصالون واصطفينا كل وحده ماده ريولها ويدها وهات ياحنا:bigsmile:


واسألونا قالوا لنا شالمناسبة قلنا عرس اخونا

وماوعيت الا ذيك الهندية الشيطانه ماسكة بنت اختي صغيره عمرها 7 سنين وتزن على راسها وعقب سألتها من عرسه عندكم عاد انا ماطحت عليها الا وهي تأشر علي تقول عرس خالووو:mad2:

تخيلووو موقفي ويهي صار الوان خخخخخخخخ من اتذكر اموت من الضحك

خفت منهم ماادري ليش:cry:


وماوعيت بنفسي الا طايحة سب في بنت اختي وامها اللي هي اختي:dd:


وقاموا كل الهنديات يطالعوني بنظرة لاني انا الذكيه اللي رديت على سؤالهم بخصوص العرس وقلت عرس اخوي ..

بس عاد شفتكم تتكلمون عن هذا الموضوع قلت بفقولكم علشان تاخذون حذركم من اليهال

والله يوفق كل عروس واسفة على الاطالة(f)

حلا قطر

يوم قريت كلام البنات قررت اروح لها انا واختي بروحنا خخخخخخ مب قايلة لها اني عروس
جي سويت يوم الخطوبة

سعاد ممكن بس حجزت دانيل

مشكورة :)


قطر
امممم شكلي باروح هناك :)


روح قطر
الله يسلمج ويبارك فيك
الفال لج يا رب

برنسيسة قطر
اصدق احساس
الله يبارك فيكم والفال لكم يا رب .. :)



عذاري
الف الف مبروك والله يتمم على خير وتطلعين احلى عروس يا رب


عيون المها

اهلين :) وحيا الله اخت الغالية :)

اممممممم حق فساتين البحرين صراحة ماعندي فكرة

احلى ام :)
حياج الله معانا
خخخخخخخخخخ ضحكتيني .. اليهال ساعات عليهم حركات
بس يا ريت تنصحينا نصايح معينه بما انج خبرة ماشاء الله :)


يا حلوات يا امورات :)
ابي مكان عنده البومات حلوة غير الوان الخليج وكريستال تعقدت ابي اخلص من هل الشغلة عشان اشوف لي شي ثاني

هلا والله بنات
سوري مارديت عليكم الا الحين لأنه للحين ما حطيت نت بس باقولكم اول شي شنو تحطون في شنطة الفندق اذا بتمون ليلتين يله معاي قايزات
1-قميص ليلة العرس واثنين او ثلاثه بعد بس و 3 اطقم ستيان وبانتي....
2-حطيلج البروش والمعجون والشامبو الي تستخدمينه لأنه اكيد في الفندق شامبوهاتهم مو شي تيبس الشعر.....
3- ودي معاج استشوار يمكن تستخدمينه حق القذله خخخخ لازم خخخ بس مو كل شوي يعني اليوم الثاني طبعا مغسله شعرج عاد اخذي بعد موس معاج وسوي لين يكون رطب وايد حلو بيطلع وتغير واصلن ما بيكون عندج وقت تسوين شعرج كله استشوار...
4-ودي معاج فستان الصباحيه وبدله حق اليوم الثاني بس ....لأنه اصلن كلش ما بتقعدون في الفندق اقولكم شلون
اول يوم الصباحيه بتفطرون في الغرفه وجي وبتدخلين تتعدلين وتلبسين الفستان وتشخطيييينها بست ابوج وطبعا هناك تمي شوي وفصخيه لأنه بيت ابوج عادي وبالليل ردي لبسيه وبيكون طبعا نظيف ويمكن تروحين تتعشين في بيت اهل رجلج وبتعودون الفندق اخر الليل واليوم الثاني بتطلعون من الضحى لأنه خلاص خلصت يومين في الفندق والتشك اوت لين 12 صح ولا او 1 وبتلبسين بدلتج وبعد على بيت ابوج ....
5- ودي صندل واحد حق الصباحيه او البدله واذا كان صندل العرس يناسب الصباحيه خلاص ليش بعد تكنزين وايد لأنه اصلن محد لاحظه في العرس وبتروحين بيت ابوج وبتفصخينه....

*****اهم شي محد يوديله بدلات وفساتين قصار حق الفندق انا والله وديت ولا لبستهم كلش وبتشوفوون... خخخ
6- حطيلج الميك اب مال فصتان الصباحيه والبدله وحق قمصان النوم بس نصيحه حق قمصان النوم حطي شادو ناااعم بس لون واحد وخفيف وكحل داخل العين ومسكره وبلاشر خفيف عشان اطلع الخدود الحلوه وقلوس وبس والله بتطلعين تهبلين واصلن الرجال ما يحب الميك الدفش....

7-اذا تحبين مع قمصان النوم حلق اخذيلج فص الماس الصغير كلش او لولو ملون واااايد حلو حلو مع قميص النوم :)

8- حطي بس مجموعة وحده مالت العرس العطر اقصد والكريم وعطر الشعر وبعد دهن العود محد ينساه حطي واحد خفيف وواحد ثقيل...عشان بعد ريلج يحط منه الثقيل حلو لأنه..

9- حطيلج عبايه او عبايتين كشخه يعني انا بالنسبه لي حطيت وحده فيها دانتيل وحركات من المتحجبه والثانيه فيها فصوص..

10- حطي بعد عطر حق غرفة النوم .

11-
شوي باروح وبرجع لكم :)

باكو قايزات

نرجع حق رقم 11
11- فوطه وحده واذا تبين روب بس مو لازم تره والله جد..

12-طبعا المجوهرات حق فستان الصباحيه وحطيلج طقم ناعم خفيف كلش حق البدله حق اليوم الثاني مثلا ذهب خفيييف كلش قلب ناعم جي وحلقه وجي او الماس ناعم بعد...

13-طبعا المشط والبروش خخخ

14- الشنطه الي بتطلعين فيها طبعا تحطين خراويشج وجي روج وقلوس لازم خخخ ...
طبعا هاي كله في شنطه صغيره مو شنطة سفر لأنه كل شي صغير وبتكفي والله ....

الي تبي تسأل عن اي شي تسأل وان شاء الله افيدها :)

دلوووووووووووووووووعه

صالون سلفر في الهلال.............. بس ماعرف الاسعار كلميها ...........

يارووووووحي عليج ياام شيوخ خوش نصايح للبنات اشنالله العرايس يستفيدون منها ؟؟؟؟؟؟؟؟؟؟؟؟؟


عيوووون المها

حياالله اخت الغاليه ........... عيوننا لج :)

عــذاري

الف مبرووووووووووووووووك حبيبتي ......................... طمنينا عنج لاتقطعين فديتج والله ياربي توفقج وتطلعين احلى عروووووس ....مباركين عرس الأثنين :)


برنسيسه .............

قصدج اغنية الزفه ؟؟

ام شيوخ حبيبة قلبي نسيتي شغله مهممممممممممممممممممممممممممممممه وحسيت باهميتها في غرفة النوم لما جيت ابدل ألا وهو مناديل مسح المكياج تراها مهمه وااااايد خبركم موشي الوحده تقعد تغسل ويهها والا تحط ميلك فالمناديل عمليه جداااا


وانشالله اقرى ردوكم واشوف اللي ناقصها واكتبه

سؤال حق أم حمد أو اللي تعرف ..

بخصوص الضيافة و السويتات أبي أعرف شنو اللي عندج/ها .. ردوا علي ضروري ..

..

أصدق إحساس ..
انا اللي كنت أسأل عن الثياب .. و مشكورة يا قلبي .

..

مجنونة قطر ..
امممم ما قد حفيت ويهي بأقل من 50 !!! عروس ولا غيره ..

..

دلوووعة ..
شخذتي من عند أم حمد ؟
و بخصوص سيلا مادري نور ما عندي خبر و الله .. انتي اتصلي لها و شوفيها ..

..

عذااااري ..
تستاهلين يا قلبي .. و الله يبارك لج في حياتج و يوفقج : )
وييييييييي عندنا بطاقة عرس رياييل لليوم ,,, لا يطلع ريلج اللي معرس ..
المهم الله يهنيج و يسعدج ..

..

عيون المها ..
يا هلا و مرحبا فيج .. و حياج الله حبيبتي ..
بالنسبة لسؤالج إن شاء الله البنات بيفيدونج ..

..

أم شيوخ ..
الله يجزيج كل خير يا غالية على النصايح ..
بالنسبة لي انا من القاعة لبيتي .. اريح بوااايد و كل شي عندي .. ^_^

..

أحلى أم ..
ضحكتيني على موقفج .. انا بعد صار موقف مشابه تقريباً .. تحنيني الا تقول شنو المناسبة اقول لها عرس اخوي .. خخخخخخخ و هي خطوبتي ..
اي صج .. بخصوص المناديل اي والله عملية ..
و يا ليت تفيدينا بنصايح و خبرات .. أو شي غافلين عنه .. ترى من الدوشة و الدوية الوحدة ممكن تنسى شغلات بسيطة ..

,
,

هلا البنفسج ..

امممم على حسب بس أتوقع 20 الف أوكي , لا تقولون وااايد ..

بس قولي لنا وين بيكون العرس في أي قاعة ؟ التصوير تبين ديجتال ولا عادي ..

ويي والله سوري بنات والله انا كنت باكتبه ونسيت من العيله
اكييد هاي لازم عيل شلون بنشيل الطبقات من الميك اب
انا ثلاثة ارباع كيس منظف الميك اب خلص خخخخخخ ....
اذا تذكرت شي باقولكم بعد واي شي انا حاظره ياخوات

السلام عليكم ورحمة الله وبركاته

حبيبتي دوحانيه
عرسي بيكون في قاعة الدوحة للاحتفالات
هو اي احسن الديجيتال ولا عادي
كريستال ولا الوان الخليج
انا قريت نقاشكم عنهم بس للحين ما رسيت على راي
افيدوني

هلا الغالية ..

الديجتال غالي لكن نتايجه أحلى من العادي و هو تغيير يعني و مضمون .. و تلقينه عند كريستال ..
العادي أرخص و نتايجه عند كريستال و الوان الخليج تقريباً نفس المستوى ..

الفيديو عندج ألوان الخليج شغلهم للفيديو أضمن ,, أما كريستال وايد ذموا تصويرهم للفيديو مب أوكي ..

عموماً قاعة الدوحة ما يبي لها شاشات كبيرة .. و حتى الإضاءة أظن بتاخذ أقل ..

تدرين إحتياط خلي ميزانية التصوير مع الإضاءة 20 الف .. العادي بيكلفج أقل أما الديجتال يمكن يوصل هالمبلغ ..

و إختيار التصوير يرجع لميزانيتج .. : )

عـــــــذاري ..ألف مبروووووووووكـ الله يوفقج يارب بحياتج ويهنيج ويبعد عنج كل مكروه .. اللهم بارك لهما وبارك عليهما واجمع بينهما في خير ..

عيون المها ولكموووو حياج الله معانا وبالنسبة لسؤالج ماعرف والله ..

برنسيسة قطر اذا ماخترتي زفه شوفي الدي جي الي بتجيبينه شنو عنده زفات يمكن عندهم شغلات جديده بس طبعا قبل العرس بفتره ..

ام شيوخ واحلى ام تسلموون ع المعلومات ..

عذاري

الله يوفقج انشاالله ويتمم كل شي مثل ما تبين واحسن ...



عيون المها

حياج حبيبتي ..






بنت الغالي

اي حبيبتي اقصد اغنية الزفه ..




أحلى ام + ام شيوخ

والله نستفيد من خبراتكم ...تسلمووووووووووووون ..




روح قطر

رحت اليوم المحل اللي باخذ منه الدي جي {ليالي الدوحة} حسيت كل شي قديم ومكرر ... مع ان مادحينه لي .. وبكنسل حجز الدي جي اللي عند الوان الخليج عشانه .. قال لي دوري من النت اللي تبينه و بضبطه لج .. الله يعين ..


ورحت المناسبات اخترت المسكه ...


اي بنات ادعوا لي اليوم بروح اشوف الفستان ... الله يستر ....

برنسيسه موفقه حبيبتي انشالله يطلع حلو ومثل ماتتوقعينه
أحلى أم + أم شيوخ تسلمووووون حبيباتي على المعلومات والله استفدت منكم وايد ومن عرايسنا بعد
سؤال لأم شيوخ :
شنطة السفر محتاره فيها ساعديني لو سمحتي ....
وعن تجهيزاتي خلصت كل شي بس باقي لي التناتيف وفستان عرسي شوي وبيخلص والعبايات
وعن ستي كولور دوحانية خلاص قررت اخذ لي 2
وامس رحت رويال فلاورز خذت من عنده كوشة الحنه ولقيت عنده كوش روووعه تجنن واسعاره حلوه وايد
وعن التصوير حجزت عند كريستال التصوير العادي الحين بغير وباخذ ديجيتال حتى لو غالي فكرت فيها ان هالصور بتكون لليلة العمر وللذكرى
دوحانية طرشت لج رقم عليا

اخواتي الله يسعدكم ويهنيكم ويمم لكم على خير

سوالك دوحانيه حبيت اجاوب عليه وممكن تروحين السبيس وتشوفين الي فيه

الي مطلوب وايد

الجوزيه بحشوة التوفي والجوز مم زدت وزن من كثر ما اذوق

شرايح حبة البركه

اقمار باللوز

قلوب بالشكلاته
والف شكر لغاليتي دلوعه احلى دلوعه الي دهشت يوم جاتني لاني اعرفها من كانت صغيرونه

وسويت لصديقتها فكره جديده بالارجنزا والتطريز شي مميز ما ابغي اقول

تعرفون اني ما اعرف اكرر

هلا بنااااااااات
تقريبا خلصنا كل شي
عندنا موعد مع اميره اليوم حق الديجي
وبنشوف رويال فلاورز لان ماعجبنا الورد اللي عالطاوله وبنشوف البوكيه بعد
اممممم وباقي التصوير خليناه عالمعرس

العنود
لايون انتي اللي امس عند رويال فلاورز انا كنت هناك