الجزء الســـ6ـــادس من تجهيزات عرايس قطــ2006ـــر

شــــــــــوشــــــــــــــــــو

اي يقولون ام ياسر فنانه ودوحانيه تقول عن سودانيه حبيبتي شوفي من تبين وبنرسل لج الارقام .......

البنفسج

بتحصلين الدر المنثور في اسواق الغرافة الجديدة

بنت الغالي
امممممممم المفروض شي بس اللي صار شي ثاني لان الوالد وياي فانحرجت
وانا عندي تقريبا 17 قميص بس المشكلة اغلبيتهم ما ينفعون لاول الايام وابي اشياء طويلة
خلاص ان شاء الله باحجز اليوم عندهم
اي .. الله يبارك فيج الفال لج :) ولكل البنات

القمصان الطويله انا شفت عند السلام حلوين ........... انشالله تلقين

ان شاء الله :)

حجزت مكياج حمد لله

مشكورة يا عسل

كلاسيك :

احلام وذكريات تصويرهم حلووو ، خلاص احس غاية الاحلام صار مكرر .

دوحانيه :

نصيحه وانتي تختارين الكوشه لاتقولين انج عروس قولي حق خطوبه ، ترى لاحظت من يسمعون كلمة عروس يستخفون ويضربون فالسعر ، حتى اللي بتتحنى في المحل لاتقول عروس خل تسكت واتأشر لها لين وين بتتحنى ، وبتلاحطون الفرق فالسعر ، خاصه انج تبين شي صغير فقهر يحسبون شي صغير بقيمة شي كبير

يطلع جنونهم قسم بالله اذا قلتي انج عروس ن يقولون فلوسها وايد وخل نقص عليها ههههههههه

ايه والله يا قطر ..صادقه !

وحده اعرفها راحت حق هيلدا وقالت لها ابي مكياج خطوبة ..وضربتها ب 700 ريال طبعا ..وانا متمكيجه عندها لنفس المناسبه ! تدرون ان مكياجنا انا وهي نفس شىء !! وانا ب 250 بس !!

يعني ما سوت لها شىء اضافي كلششششششششششش !

صج من يسمعون خطوبة او عروس استخفوا !! ونفس الشىء الحنا !

اصدق احساس الله ينعم عليج قلبووو تسلمين ..

كلاسيك الحمدلله ع السلامه والف مبروك التخرج تستاهلين الغاليه ..

لو سمحتي اختي221 qtr ممكن اللسته الي عندج ..؟

بالنسبة لعليــا .. اذا هي الي في بالي قصها حلو لكن لما تسشور تحرق الفروه والله تصيح .. بس مادري نفسها ولا في وحده غير ..

هلا قطر

صدقتي و الله .. و هذا اللي ناوية اسويه .. ^_^

بس الحنايات بيجون البيت .. سويت فيهم هالحركة يوم خطوبتي ما قلت عروس و لا شي بس أشرت لها لين وين ابي .. يوم خلصت سألت عن حنا العروس حق الخطوبة .. و قالت بنفس ما حنتني حتى حق العرس .. حناها للعروس ما يتعدى الـ1000 ..

بونا سيرا ياحلوين :shy: :flower:

بنات ماذكر من دوحانيه يمكن الي قالت بتروح البحرين وتبي ثياب كشخه ؟
المهم نسيت اقولكم ان مجمع الشيراتون في محلات كشخه تبيع ثياب حلوه وماركات احلى وشنط وجواتي بعد عاد
ان شالله يكون حظكم حلو وتلقون اشيا حلوه لان المحلات حظوظ ساعات تلقين وساعات لا
المجمع تحت الفندق نفسه روحوا وان شالله تتوفقون

qtr221
مشكوره حبيبتي عالارقام وجزاج الله خير:shy:

البنفسج
بالنسبه حق الظهران مول هو كبير الصراحه والدواره فيه اتعب انتي دوري فيه كله وان شالله تلقين
الي تبينه وتتوفقين :)

كلاسيك
مشكوره فديتج عالرقم والف مبروك التخرج :clap:

بنات سووووووووووري مارديت عليكم امس لاني كنت مفتشله
امس طلعنا وماسوينا شي كلللللللش
رحنا الشادي وطلعت اميره مب موجوده
وعطونا موعد باجر
وقلنا اليوم بنشتغل دبل
خذنا فستان وجوتي ورحنا حق الكوشه والطاولات وباقي باجر نرد نشوف بروفة الطاولات وندفع
ورحنا حق ام حمد القطريه اتفقنا عالسويت والتوزيعات واخترنا نوعين توزيعات
وكله طلع بسعر معقوووووووووووول ماتصدقون
والله اسعارها حلوه وااااااااااايد ومعاملتها احلى
حبوبه وطيبه مشالله عليها لا وطلعنا معارف بعد
يعني نصيحه اي وحده تبي شي حق التوزيعات وغيرها تروح لها
ومشالله رحنا اليوم وبتخلصهم الاربعا قبل الخطوبه
وبعد هم راحوا شافوا القاعه وشيكوا عليها واختاروا البوفيه وكل شي
وعلى فكره السعر المبدئي في رويال فلاورز
طلع لنا تجهيز الطاولات مع الفواله كامله ومع الكوشه بأقل من السعر اللي حاطته للكوشه نفسها
فرررررقوبعد بنحاول ننزلهم باجر
على فكره اول ماتروحون بيعطونكم سعر فوق شوي
اذا شافوا ماعجبكم بينزلون على طووول فحتى لو كان السعر اوكي بينوا لهم ان مو مناسب
وبس جني هذرت عليكم وايد؟
هاي كل اللي سويناه وردينا لان اليوم الملجه
يعتبر انجاز صح؟

قطر:
كلاسيك :

احلام وذكريات تصويرهم حلووو ، خلاص احس غاية الاحلام صار مكرر .

دوحانيه :

نصيحه وانتي تختارين الكوشه لاتقولين انج عروس قولي حق خطوبه ، ترى لاحظت من يسمعون كلمة عروس يستخفون ويضربون فالسعر ، حتى اللي بتتحنى في المحل لاتقول عروس خل تسكت واتأشر لها لين وين بتتحنى ، وبتلاحطون الفرق فالسعر ، خاصه انج تبين شي صغير فقهر يحسبون شي صغير بقيمة شي كبير

يطلع جنونهم قسم بالله اذا قلتي انج عروس ن يقولون فلوسها وايد وخل نقص عليها ههههههههه

اي والله صدقتي

اقولج انا رحت حفيت ويهي في غرناطه


وهي كانت تسولف اسحبت مني اني عروس
جان تقولي 50

وانا في صالون فريجنا كنت احف ب 30

قلت لها ليش جي غالي
قالت انتي عروس



حف ويه الله يغربل ابليسهم ههههه

بناااااااااات
عندي سؤال
وابي الرد قبل باجر الصبح ضرورررررررري
نور الهنديه اللي هي سيلا
فتحت صالون حسب مافهمت من كلامكم
بس في أي منطقه وشسمه
ابي الرد ضرورررررري
واذا عندكم رقم الصالون
وهي رفعت اسعارها صح
بكم صار الحمام المغربي

هاي بنوتات......





البنفسج + qtr221


هلا فيكم وانشاالله تستفيدون معانا ......



العنود-A

اعتقد الليزر شي ضروري والستي كولور يعتمد عالكوشة نفسها اذا تحتاج او لا .. يعني اذا كانت وايد ناعمه لاااااااااازم سيتي كولور عشان يبرزها و يسوي حركه .. انا عرسي في سلوى وحجزت 2 ستي كولور والليزر عالجسر ...



كلاسيك

مبروووووووووووووك التخرج ...




بنات ادعو لي احس ما بقى شي عن عرسي .....

حجزت الكوشه+الطاولات عند الي جانت ...

الفستان تقريبا خلص شفت الشغل اوكي بس ما شفته كامل الله يستر ..

المكياج عبير بس بوصيها يكون نااااعم ...

الشعر لبنى ... الحنا رحاب ..

بقت اشياء بسيطه يعني مثل طلع العبايات + التنانير ..

للحين ما اخترت المسكه بس حاطه في بالي امر المناسبات و فوشون ..


وشنطة السفر في بالكم شالاشياء المهمه اللي ممكن انساها ...

بنات وين تنصحون اسوي الزفه ؟؟؟

هلا بنات شخباركم..^_^



ادعو لي اليوم عرسي



وعسى الله يوفق الكل وتطلعون احلى عرايس


سي يوو

السلام عليكم بنات اخباركم انا حبيت اعرفكم علي انا اخت ام شيوخ فديتها
والحين بدى دوري اجهز ههههههههه والله حاله تعب انا من النوع لين اشتري الشي ماحب اخشه تلوع جبدي منه بس شاسوي مجبوره
كنت ابي اسال اذا وحده سوت فستان عرسها بالبحرين لاني من امس راده ورحت كذا محل بس متردده رحت التزامن حلوو شغله بس قلت اسال قبل

عذاري
الف مبرووووووووووووووك


عيون المها
هلا والله باخت ام شيوخ وافا عليج حاظرين باللي تبينه امري وتدللي
بالنسبه للفساتين يمدحون السعفه هناك
واتوقعباقي البنات بيفيدونج

حبيبتي عيون المها الف مبروك وانا طرشت لج رساله خاصه على صندوق اختج ام شيوخ فيها الي تبينه لان انتي ماتستقبلين على الخاص

بنات مارديتوا على سؤالي
ابي الرد بسرعه بليييييييييز قبل ما اطلع