أيتها العاملات و إللي جالسين في البيت بعد ... تعالو عندي سؤال

niran و نور الامل


أهلا و سهلا بكما و نورتو الموضوع

السلام عليكم و رحمة الله و بركاته

الحمدلله الحين أشتغل و أفكر إذا الله راد و تزوجت يعتمد على حالته الماديه إذا الحمدلله زينه ما بشتغل أفضل اليلسه في البيت .. و الرزق من عند الله و يمكن أفكر بشئ ينفعني و أنشغل بس أترك بيتي لا

مشكورة يا ما سة دبي و الله يوفقج ان شاء الله

ريم81:
هلا بحبيبتي مجتونة قطر و مشرفتنا الغالية


منورة موضوعي و الله -و الكل بعد منور لا حد يزعل علينا -


شوفي بصراحة



انا مستانسه على يلسة البيت بس إللي أحسه في ريلي انه هو إللي يحس اني ما عندي شغله في الحياه


دوم يقولي إنتي شو عندج إنتي شو تسوين ؟؟؟؟ ما عندج سالفة ومن هالكلام غللي وايد يأثر فيني

و يأثر فيني انه ما حس وايد بالفرق بين يوم كنت اشتعل لين 6 و ما كان عندي أي وقت حتى للأكل و بين الحين !!!!

نفسي والله
انا عاجبتني القعده بس ريلي يحسسني انا مالي هدف ....:(
مادري شاسوي

انا مابي اشتغل كلش

لان ادري لو اني حملت ( في القرون المقبله).... باتعب وباخذ اجازات وايد .. وهالشي ما بيكون عدل في الشغل ..صح ولا لا..!

السلام عليكم ورحمة الله وبركاته

هلا الغالية ريموه مع اني قلتلك عن رايي بس بقوله هنا بعد هههههههههه من زين الرأي عاد

اذا وضع زوجك المادي حلو فليش الشغل

انا بقولك عني قومة صبح تلوع الواحد ودوام للظهر يعفس الظهر ونومة للعصر للراحة وبعدها اصحى احضر لليوم الثاني واصحح كتب وانسخ اوراق وووووووو بكل ها الظروف وين الزوج والبيت حرام المطبخ نادرا ما الحق اشوفه ههههههههه يقولي لو لغينا المطبخ من خريطة البيت كان احسن وجودة زي عدمه

يا بنت الناس انتي اكيد بروحك عارفة الفرق لما كنتي تشتغلي والحين

جلسي ببيتك وارتاحي حط رجل على رجل وتامري بدل الدوام النكد

انا اشتغل الحين بس عشان اخلص أقساط السيارة وعندي دين لازم اخلصه بس صدقيني لولا ها الشيئين اعتقد من زمان طالعة من الدوام لانه نكد

واذا على الصرف عادي أقلمي نفسك على التنازل عن اشياء بسيطة وعلى فكرة احنا الحريم نص الاشياء الي ناخذها ما لها داعي

اهلين ريماني

أنا في البيت ,, ما جربت الشغل لانه زوجي ما يرضى

و لله الحمد و الشكر مرتاحه

هو الشغل حلو ومب حلو ف نفس الوقت

تعرفين تعب وكراف وضغط وخاصة قومة الصبح اااه على قومة الصبح وخاصة لو عندج عيال احس الوحده تكبر قبل اوانها
اذا شغلها متعب وعندها عيال شياطين وزوج في البيت

وحلوو انج تكوني مستقره ومستقله ماديااا وتصرفين على كيفج ومحد يقدر يحاسبج على الفلس اللي تطلعينه

بس لو الزوج حالته الماديه مستقره وحلوه
فافضل تقعدين في البيت تربين العيال وتشوفين امور البيت وتهتمين بعمرج وبجسمج وبشرتج تروحين نوادي رياضيه
الصبح
الظهر تسوين الغدا وتتريين الزوج
وتذاكرين حق العيال
وكان الله في عون الجميع

أهلييين حبوباااااااااات

أنا رايي انه البنت احسن لها البيت يوم تعرس عشان تتفرغ لنفسها وريلها وعيالها

بس لو قبل الزواج عادي تشتغل

مرة سمعت في دورة من الدورات من احد المحاضرين اللي اثق بكلامهم يقول الوحدة لازم تحسس ريلها بقيمتها يعني مب شرط تشتغل ولكن تساهم بالرأي والمشاورة ويكون لها اهداف واضحة غير الزوج والعيال مثلا تكمل دراسة - - قراءة كتب مختلفة وفي مواضيع مختلفة عشان المناقشات بينهم وعشان ما يحس انها تافهة - وطبعا المجلات الهادفة والبرامج المناسبة - - الدورات والمحاضرات - وما تقطع علاقتها بصديقتها يوم تعرس لا لازم يكون لها حياة مستقلة غير حياة الزوجية وبهالاسلوب الريال ما بيحس انها بلا هدف

ومن الاهداف الرائعة:

حفظ القرآن الكريم
حفظ الاحاديث
قراءة القصص مثل قصص الصحابة والتابعين وأمهات المؤمنين والتاريخ الاسلامي
قراءة الكتب التي تنمي الشخصية وتقوي الذكاء الاجتماعي والعاطفي
جعل البيت جنة بالترتيب والعناية
تتعلمين اكلات جديدة بين كل فترة وفترة
الاشتراك في نادي صحي للرياضة والعناية بالجسم أول بأول
المفاجآت للزوج بين فترة وأخرى
التفكير في مشروع مشترك بين الزوج وزوجته سواء المشاركة تكون مادية ولا إدارية واشراف ومتابعة

فـــــــلانه:
شوفى اخت ريم أنا افضل انه الوحده تتوظف سواء حاله الماديه ميسوره ولالا00 المتزوجات ولالا
أنا متزوجه 00 وموظفه 00 ماعندى مشاكل بالعكس الوظيف تطلعج من جو البيت تحتكين بالناس تشوفين العالم شنو ماشين ليه يصير لج محيط حلوو 00 احلا من قعده البيت ترى ممله لو عندج درزن عيال وبضيق صدرج00 بس شنو مو كل السنه موظفه لج فترات اجازه تتنفسين فيها0 ومنها تكون عون مادى لج خصوصن ان متطالبات الحريم واااجد00
بس فى ملاحظه قبل لا اتوظف كنت مااصرف كثر ماتوظفت احس تزيد عليك لاتزامات وخصوصنا رفيجات الدوام والتزام فيهم من مواجيب

فى لاخير اؤيد العمل للمره

فعلا انا معاج اختى ميه بالميه

الشغل والظروف اللى تمرين فيها يوميا ..تغير من شخصيتج..تغير للاحسن..

تتعلمين اساليب وخبرات من ربيعاتج اللى فى الدوام...تتعرفين ع ناس لو تميتى فى البيت يمكن ما يكون لج هالكم من الصديقات..

للشغل فوايد كثيررررررره ..وبالمقابل قلبى يعورنى ع ولدى..صغير وما اقدر اخليه فى الحضانه عسب جيه كل مره اخليه عند وحده من قريباتى(امى اختى عمتى ) لانى ما اثق فى الخدامه حتا لو هيه طيبه ....

ولو كانت ظروفى المادية زينه راح افتح لى بزنس خاص بى بروحى واتابعه...وبهالطريقه اقدر اقضى وقتى مع ولدى واروح اشرف على اعمالى متا اريد ...بس الله كريم

أختي الغالية مجنونه قطر


آه الله يرزقج و يرزقني الذرية الصالحة أحسن شي

ما أدري شو أقولج غير أني نفسج

ملاك الغالية و أختي الحبيبه


والله عارفة و حاسه بكل شي قلتيه و متأكدة أنه صح ......



بس شو أسوي إذا كان ريلي جي يقول - خصوصا إني بعدني ما حملت -

فوانيسوا العسل


أحسن أنج قاعدة في البيت - تحملي على عمرج و بيتج و عيالج


و الله لا يحيجك لعوار الراس

نوسه


انا معاج في إللي قلتيه


سبحان الله


الكمال لله وحدة


تبين ترتاحين في البيت بتحاسبين على الفلوس


تبين تصرفين نشي من الصبح و اتعبي


مشكورة على المشاركة

Merah


مشكورة على المشاركة و معاج كل الحق


الوحدة يوم تعرس



البيت هو المكان الأمثل

لوليتا


انا معاج من ناحية انه الشغل استقلالية مادية و راحة مادية


بس من ناحية التعب


مآسااااااااااااة

السلام عليكم ورحمة الله وبركاته ..
بالنسبة لي أنا اايد الشغل للمرأة اذا ما كان عندها اطفال وزوجها دوامه طويل يعني يداوم ويرجع قيدها هي رجعت قبله من زمان وسوت الي عليها من طبيخ وغيره وكمان اايد انها تشتغل اذا كبروا عيالها وراحوا المدارس بحيث مايكون احد في البيت يحتاج رعاية ممكن تروح معاهم وترجع معاهم بس طبعاً بتتعب ..بس كل شي وله ثمن..
اما بالنسبة للي عندها اطفال لسه ما دخلوا المدارس او رضع او زوجها يرجع بدري فما اايد لها هذا الشي من وجهة نظري لأن بيتها اولى فهالحاله..وانا دايما زوجي يقلي ربنا خلى الحرمة مدلله وكرمها في بيتها وخلى النفقه على زوجها يجيها كل شي لحدها فليه هي تدور الشقا والتعب لنفسها ..
وانا حاليا ما اشتغل لأن عيالي صغار واحد سنتين ونص والثاني سنه ..وقلبي ما يطاوعني اتركهم وهم بدا العمر..خليهم يكبروا شوي على الأقل يدخلوا المدارس اروح انا كمان اشوف لنفسي صرفة ممكن حتى اذا مالقيت وظيفة آخذ دورات بالمكياج بالكمبيوتر اسعافات اوليه...منها تستفيدي في حياتك العمليه ومنها تنبسطي وتغيري جو ولا ايش رايكم؟؟؟:yes:

معاكي حق يا أم مي


و أهلا و سهلا بك

البيت ثم البيت ثم البيت ثم البيت ثم البيت ثم البيت ثم البيت:up:

شكرا ثم شكرا ثم شكرا ثم شكرا اختي أين حبيبي


عجبني إصرارك على رأيك ما شاء الله

انا ما صار لي من جربت قعدة البيت سوى شهور.. بالتحديد 3 شهووور بس...


بس واعذروني بنات على هالكلام، احس روحي اعيش بدون هدف، واني ضايعة عن الدنيا، ومن زمااااااااااان ما اطلعت على تطورات الحياة في الديرة، ووجهات نظر الناس بشأن الاحداث اليومية،،،

صح عندي ولد صغير ( سنة ونص ) ، بس بحكم اني انجبته خلال دراستي بالجامعة احس عادي لو تركته رحت عنه الشغل وما راح اقصر عنه لما ارجع البيت، وهم كذلك الزوج.. كل شيء يترتب بتنظيم الوقت، وكل من يحصل حقه ان شاء الله..

يقولون قعدة البيت تمتن وتكسب الوزن ،لأنج فاضية ومالج الا الاكل، بس اللي اشوووفه اني ضعفت ووااااااااايد بعد :(

ادعوا لي الله يرزقني شغل حلو ارتاح فيه :)