رانيا البحرينية:
تابعت نص البرنامج يوم أمس، كنت تعبانة..
المهم في قضية أمس،، السبب الرئيسي كان من الأم،، إسلوبها وطريقتها مع الأطفال هي السبب، ولذلك كان الأطفال يتصفون معها بهذه الطريقة ولا يحترمونها ويملون رغباتهم بشدة عليها...
فعندما زينت البنت الكبيرة الغرفة ، كانت فرحة بما أنجزته،، قابلتها الأم (إلى متى بيكون وضع الغرفة هكذا) يعني ماحاولت تبين لها فرحها بما عملته البنت وثم بطريقة حلوة تخبرها متى ستزيل كل هذه الديكورات،، المهم في النهاية لم أعرف طريقة المربية في حل مشكلة الطفلة العصبية.. من شاف حل المربية لهالطفلة؟؟؟؟..
هلا ام عبدالله..
تصدقين الطفلة الكبيرة خلتها المربية آخر شيء، وكانت تقول عنها انها سبب المشاكل في البيت كله !!
المهم، الناني كانت متوجهة بتكلم الام، وبس استيقظت الصبح شافت البنت جايتها نوبة بكاء وصراخ بسبب انها سوت غلط ، والام تبي تشيل ماربل من جرتها، والبنت مو راضية تشيلها...
فالناني تركت المجال للام تتصرف مع البنت فما قدرت عليها وزادت البنت في الصياح والصراخ..
بعدين جت لها الناني، وقعدت جنبها لزقت فيها، وقعدت تكلمها بهدوء: ركزت اكثر شيء على التأكيد انها تفهمها وتفهم سبب صياحها، وقعدت تكرر اليها السبب اللي يخليها تزعل وتسألها اذا صح او لا.. وشوي شوي هدأت البنت، وقالت لها انها خايفة تخسر الماربل لأنها تبي تشتري شيء لشخص في العائلة، وانها مو قاصدة تسوي الخطأ لكنها نسيت.. وهدأوا كلهم...
المهم الناني نبهت الام ووقفت لها في وجهها، انها ما تصارخ عبر الغرفة، يعني العيال يكونون بطرف والام بطرف ثاني من الغرفة، انما تروح امصوبهم اذا تبي تكلمهم وبهدوء بعيداً عن الصراخ عشان ما يتعلمون منها الصراخ بعد..