تتـــــــــــــابعون Super Nanny 911? إذن تعــالي نتنـــاقش !

اهلا ومرحبا فيك اختي اريام،

اكيد تسعدني مشاركتك

القسوة مع الأبناء مطلوبة أحيانا لكن أكيد لحد معين، لأن الطفل إذا حس أن الأم سهلة يصير قوي ويقدر يفرظ رايه عليها وإذا استسلمت له مرة، يعرف أنها ممكن تستسلم المرة اليايه،،بس في المقابل لو تلاحظون دايما يقولون "الضرب ممنوع"، يعني البرنامج يأيد القسوة مو العنف....

بالضبط :up:

يا هلا اختي قطاف..

اختي الانفتاح على الحضارات الاخرى لا يعني ان نلغي ذاتنا وحضارتنا،

واخذنا ما يفيد من الحضارة الاخرى هو المطلوب،


نعم انا معك ان الحضارة الاسلامية غنية باساليب التربية للناشئة، لكن ليس هناك ما يضر لو تم تذكيرنا بها من خلال البرامج الاجنبية..

:)


بالنسبة لقريبتك وكرسي العقاب.. شجعتيني افكر اجربه مرة ثانية :clap:

شكرا الغالية لمرورج

أختي جمانة، بالنسبة لكرسي العقاب، والله مو سهل...يعني إذا الطفل متمرد كيف بتجبرينه يتم يالس؟؟!! بيكسر البيت والدنيا :eek2:
بس اللي لاحظته في البرنامج أن كلما يقوم الطفل الأم ترجعه لين ما ييأس، عاد ماشاء الله عليهم عيالنا، عندهم قاعدة لا حياة مع اليأس ولا يأس مع الحياة :bigsmile:

أنا بالنسبه لي حبيت super nani أكثر لأن فعلآ أحس من أساليبها منها فايده

حتى مره صديقتي كانت تشتكي لي من شطانة أولدها وكيف متعبينها ونصحتها إطالع البرنامج بس ماأدري هل إستفادة ولا لا بعد ماسألتها .

أما بالنسبه لل DR.PHILL
أنا أحبه ( قصدي أحب البرنامج) وايد يعني أحس كلامه منطقي وأحب طريقة معالجته للأمور

شكر اختي kocheko6116

على تعليقج...

ويا اخوات لا تنسوا يوم الاثنين الساعة 10 المساء بتوقيت السعودية...

تابعوا البرنامج عشان نناقشه هنا بعدين..

:)

شكرا مشرفتنا العزيزة على المواضيع المميزة دائماً، بالنسبة للبرنامج يعجبني واجد ويمكن هذا البرنامج غير الرياضي الوحيد اللي يعجب زوجي، أساليبهم منطقية وعقلانية لكن مثل ما قالوا الاخوات فيها شي من القسوة اللي احنا ما نقدر عليها، واتوقع اني مستحيل انفذها.
بس البرنامج عرض فكرة استفدت منها كثيرا في تعديل اسلوب زوجي مع بنتي، وهو انها اذا عصبت في بعض الاوقات ما يستحملها ويعصب عليها ويصارخ عليها بس اساليب التجاهل عندهم وطريقة نجاحها قامت يطبقها وفعلا تنجح بدرجة كبيرة ، خصوصا اذا قامت تضرب راسها بالارض او الحائط.

شكرا جزيلا مرة ثانية وهلااسبوع ان شاء الله نشوفه مع بعض باهتمام اكثر وناخذ منه ما يفيدنا

جمـــانة

طرحج رائع جداً

عجبني الموضوع و الحوار بينكم

تحمست وانا اتابعكم ..

كل ماقرا رد تجيني فكره

خصوصاً نقاشك و رومي و النوري وماما حسون ..

عني انا مو متابعه جيده لهالثلاث برامج ..

مثلك اشوفهم بالصدفه ..

ارتب افكاري وراجعه لكم

مشكوره على طرحج للموضوع البرنامج بالنسبه لي واااااااااااايد حلو ومفيد بصراحه استفدت منه اشياء وايد حتى عيالي يحبون يتابعون ويقولي زوجي تحملي تراهم بعدين بيعرفون اذا سوو شي غلط بيعرفون عقابهم
احب اخذ افكار للتربيه مش شرط من البرنامج حتى المحاضرات والانترنت اريد اثقف نفسي اكبر قدر ممكن
كانت بنتي الكبيره عصبيه بزياده وخاصه اذا رحت السوق وبغت شي وما شتريتلها اياه او بغتني احملها حتى لزيارتي للاهل والاصدقاء كانت تسويلي حفله وكل مره اضايق وامسك نفسي وارجع للبيت واحيانا افور واضربها من الضيق حتى ابوها كان ما يحب يطلع بسببها وفي مره كانت زعلانه في السوق لدرجه رمت نفسها على الارض فماقدر زوجي يمسك نفسه فصعها فشافته اجنبيه وتمت وااااااااااقفه ومعصبه وتقوله نووووووووووو اهني حسيت باحراج ومن يومها ما اروح مكان وهي وياي
فيوم شافت الوالده حالتي قالت كنت يوم اشوفكم تزعلون اطنشكم مره مرتين وثلاث وبعدين تعتدلون قلت ما بكون محبوسه البيت بسببها جربت طريقه التطنيش بعد ما طلعت عيني والحمدلله جابت نتيجه في كل شي حتى اذا ما اهتمت بالدراسه او ما تسمع كلامي اطنشها واحرمها من شي تحبه
والحرماااااااااااااااااااااااااااان كان مفعوله عجيب نصحتني فيه مدرسه الله يجزاها الف خير
طولت عليكم بس حبيت اوضح ان الاستفاده دائما من حوالينا مرغوب فيها يعني الواحد ياخذ الي يناسبه من اي مكان
حتى احيانا اشوف المسلسلات عشان اعرف جيلنا كيف عايش وكيف نحن نتعامل وياه

نتابع البرنامج إن شاء الله الليلة ونتناقش بكرة بالموضوع....

رانيا البحرينية:
نتابع البرنامج إن شاء الله الليلة ونتناقش بكرة بالموضوع....

ان شاء الله،

وهذا رد تذكيري للامهات..

:)

مشكوره اختي على الموضوع الرائع

و فعلا البرنامج جدا مفييييد ....انا من اشد مايدين البرنامج و اسلوبه ..و ما اعتبره قاسي ابدا ...لان كل الاطفال من يوم ينولدون و هم يعرفون ان الصياح( البكاء) سلاح قوي ضد الوالدين .. لتحقيق كل طلباتهم و اوامرهم .. بنسبه لي لاني ساكنه في دوله ثانيه يعرض عندنا حاليا سوبر ناني ...فيعني الحلقات مختلفه

علشان جذي بكاء بنتي ما يمشي على ...و الكل يتهمني بالقساوه و الجفاء و اني ام من غير مشاعر ...و اولهم زوجي ....

.و حتى بنتي صارت تفهم هذا الشي ...و صارت جدام ابوها تصيح اكثر ... و ترمي نفسها على الارض اذا تبي شي ..او اذا اخذت منها شي كانت ماسكته و خاصه النعلان (كرمكم الله ) و بالاخص نعال ابوها تيلس و تحطه في حلجها .... لين قدرت اقنع زوجي ان لازم ما يعبرها اذا رمت نفسها على الارض .....و ما يروح لها و يتركها في مكانها لين تسكت ... و فعلا يومين بالكثير و تادبت جدام ابوها و صارت ما ترمي نفسها لانها عرفت ان هو بعد خلاص ما بيعبرها . و لا بتحصل النعال ...و صدق كلامي....هذي الحركه تعلمتها من البرنامج

و الشي الثاني الي تعلمته ان اذا صار الطفل يبكي بدون سبب او يبكي لانه يبي يلفت الانتباه او لانه يبي شي او اخذتي شي منه ...المهم صار يبكي و طول و حسيتي انه خلاص نفسه بنقطه ....روحي العبي بلعبه من العابه او مع احد من الاخوان ...و بيني له انج مستمتعه و صفقي و اضحكي و افرحي ...بتلاقينه شوي شوي وقف عن الصياح و بدا يراقبج و كلها دقايق و تلاقينه جمبج و يبي يلعب و ياج ...حتى هذا الشي جربته يوم بنتي تصيح نجيب لعبتها ان و ابوها و نقعد تضغط على ازرارها و تطلع اصوات و نصفق و نقلها يوم تكون فراحه و نطلع نفس اصواتها ...بنتي بعدها صغيره ما تتطلم يعني كم دادا على بابا على بووووو على تاتاتاتي .. شوي و نلاقيها واينا و تبي هي الي تضغط الازرار و تلعب و تصف ويانا

و من خلال البرنامج و من الاطفال الي حوليني و تعاملات امهاتهم و تصرافتهم ... و صلت لقاعده واحده اساسيه و اعتبرها من اهم قواعد التربيه ...هو انج تتغلبين على بكاء الطفل و عمرج ما تخضعين له في و لا مرحله من مراحل تربيته ..... و بجذي بتتخلصين من غصبيت الطفل و من الفشله جدام الناس و بالسوق و يصير شوي شوي قل البكاء الي من غير سبب و ما يصير يصيح الا اذا في شي ...و ما تحتارين يوم يصير هل لانه في سبب او مافي لانه خلاص يتعود يصيح بس في حالات اذا في شي مضايقنه او يوعان او يبي ينام

انا كنت اتابع super nany اسلوبها وطرق معالجتها للامور احسن من Nany 911

واساليبها اكثر مقنعه اما الحين ما اتابعه لاني ما حبيت Nany 911


وانا بما اني مو متزوجه اجرب الطرق مع عيال خواني وتنفع معاهم

والطريقه اللي احسها تنفع اكثر شي هي التطنيش لانه فعلا لما انطنش الاطفال يتراجعوا عن اللي في بالهم ويحسوا شوي انه ممكن

الواحد يتخلى عنهم بكذا ما يفرض رايه علينا ......

جمـــانة:
نسيت أقول ان البرنامج يعرض الساعة 7 المساء بتوقبيت جرينتش، 10 بتوقيت السعودية
يوم الاثنين من كل اسبوع..


1- النقطة الاولى هي بالنسبة لمواجهة عنف الاطفال، او ميلهم الى الضرب والعناد،
لاحظت ان لدى كل المربيات طريقة وحدة لمواجهة هذا الشيء، وهي ابتكار كرسي العقاب، او زاوية العقاب، بحيث يجبر الطفل على المكوث فيها مدة تعادل 3 دقائق متواصلة، حتى يهدأ ويفكر في الفعل الذي ارتكبه، ومن ثم في نهاية الثلاث دقائق يطلب منه الاعتذار فيفعل بسهولة شديدة!!


ما ادري شنو تعليقات الامهات على هذه الحركة؟ احد جربها؟ وشنو تحسون تجاهها؟
يتبع >>>>>>

الغالية أنا جربتها ونفعت وااااايد، وترا مو كل شي يقولونه هذول المربيات يمشي علينا... يعني في طريقة من أنواع العقاب ذكرتها واحدة منهم بحيث اتحطين الطفل بدل الكرسي، تحبسينه في الغرفة...هذي الحركة ما تنفع مع كل الأطفال من بينهم بنتي لأنها عندها فوبيا الأماكن المغلقة من تشوف نفسها لحالها في مكان اتصخن علينا...

على العموم البرنامج حلو...وعنده مواضيع مفيدة وحلوة للأطفال...

مشكورات الاخوات على الرد ،


هاااا محد تابع البرنامج البارحة؟؟

شنو رايكم بالمواضيع اللي عالجتها الناني؟؟

وتصلح نطبقها عندنا؟؟

أنا أمس كنت وااايد تعبانه واضطريت أنام قبل ما أشوف البرنامج، خسارة طافني ياليت حد يخبرنا شو صار في الحلقة...

جمانة،، أمس ماكان البرنامج معروض ، أمس الأحد،، كان برنامج House Swap، عبودي قاعد يطالع معاي، تقولين فاهم..

اليوم إن شاء الله إذا ماكنت تعبانة ونمت باشوفه....

صج الاجازة وحسين ولدي مب مسوين فيني فعايل :s

اليوم الاثنين يعني اليوم ينعرض :o

الظاهر أن الأمهات كلهم ما عندهم إحساس بالوقت!!!!! ألحين بس اكتشفت أن اليوم الاثنين مب أمس :down:

تابعت نص البرنامج يوم أمس، كنت تعبانة..

المهم في قضية أمس،، السبب الرئيسي كان من الأم،، إسلوبها وطريقتها مع الأطفال هي السبب، ولذلك كان الأطفال يتصفون معها بهذه الطريقة ولا يحترمونها ويملون رغباتهم بشدة عليها...

فعندما زينت البنت الكبيرة الغرفة ، كانت فرحة بما أنجزته،، قابلتها الأم (إلى متى بيكون وضع الغرفة هكذا) يعني ماحاولت تبين لها فرحها بما عملته البنت وثم بطريقة حلوة تخبرها متى ستزيل كل هذه الديكورات،، المهم في النهاية لم أعرف طريقة المربية في حل مشكلة الطفلة العصبية.. من شاف حل المربية لهالطفلة؟؟؟؟..

هلا ام عبدالله، تابعت امس البرنامج، صج كنت تعبانة، بس حسيت كأنه home work علي لازم اطالعه !! :D

المهم، من البداية كان التسجيل مركز على الصراخ، صراخ الام والبنت الكبيرة،

حتى عورني راسي من كثر ما يصارخون على بعض..

الشيء الثاني اللي حسيته، أن الام وايد ما تقعد مع عيالها تلعب معاهم وتشوف شنو اهتماماتهم.. حسيت من البداية فارضة عليهم موضوع الوكالة اوالاعلان فرض..

المهم حركة الناني بالنسبة للبنت اللي تبي امها تعلمها على الحمام، ماادري شنو اقول عنها.. بس حسيت ان الطفلة اكثر شيء مستحية من الناني، مو عشان سواد عيونها متعلمة تروح الحمام وما تسويها في ثيابها.. وضحكت ضحك على الناني يوم تقعد ترقص هههههههههههه ولا يبين عليها عيووووووز ..

اممم شنو بعد، عجبتني حركة الجرار الزجاجية اللي يعبونهم بالماربلز...
احنا نسوي هالحركة عادة، لكن مع لوحة ونجوم، نلصقها عند كل تصرف زين، واذا بلغت حد معين نكافئهم بصورة او بأخرى..

مثل ما قالوا البنات من قبل، الناني ركزت على الام اكثر من العيال، وبدا كأنه الحل السحري، بس واجهت الام باللي تسويه وخلتها تغير تصرفاتها، تغيروا العيال اوتوماتيك...

بالنسبة للولد العود تايلر.. كسر خاطري صج، خصوصاً شكله وهو مبوز، او لما يقول لأمه انتي ما تسمعيني ابداً ... :(

صح الابو يشتغل بس الام ربة منزل، ما يصير جذي طول الوقت مشغولة عنه ، وما تقعد تسمعه شنو يبي ..

وه تعبت، يالله البنات اللي شافوا الحلقة نبي تعليقات، حتى لو كانت بسيطة..