~..بنات البحرين ابيكم..~

السلام عليكم

من زمان ما دشيت عروس واشوة لقيت هالموضوع

شوق ماعرف بخصوص تاجير الفساتين بس عندهم فساتين وايد حلوة للبيع
في الدمام وشارع الحب ..

مشكلتي مب عن فساتين ولا عن ثياب مشكلتي الشعر
عندي حالة متازمة منها بسبب شعري رحت حق دكتورة وما حس انها نفعت معاي
ابي حل سريع وهو تركيب شعر
اي الصالونات تنصحوني وكم السعر طبعا يكون شعر طبيعي قابل للصبغ
شي شفتوه بعيونكم او عندكم فكرة عنه

انتظر ردكم لا تتاخرون ..

النجــلا
مرحبا اختي..
انا عندي نفس مشكلتج... شعري خفيف بشكل ما تتصورينه!!
ورحت حق كل الدكاترة الموجودين في البحرين وما نفع معاي شي

عموما .. رحت حق صالون تركيب شعر طبيعي...وماادري ليش تراجعت بآخر لحظة
الصالون يصير في العدلية بس للأسف نسيت اسمه
وكانت تركب على حسب المساحة اللي محتاجها شعرج بس الخصلة اعتقد ب 100 دينار

مشكورة اختي شوق بس انتي ما شفتي حد حاطله شعر تركيب

؟؟

شعري يفشل ماقدر افله

السلام عليكم ..

شكرا على هالموضوع الحلو .. وبالفعل احنا محتاجين نستفيد من خبراتكم ..

انا بعد عرس اختي قريب ومتحيره وين اروح .. صراحه في خطوبتها رحت لمريم معروف وما شاء الله شغلها تمااام وكلش حلو بس هالمره اختي ( العروس ) قررت تتميكج عندها ليله عرسها لانها جربتها ليله العقد وراحت نوره الكعبي ليله الخطوبه وطلعت ليله العقد احلى بواااااجد مع ان الخطوبه بعد مكياجها حلو ....

فانا محتاره .. جربت سلوي يعني البنات الى عندها وما عجبني .. رسمه العين كانها فرعووون الكحل كان ماساه .. والناس اذواق بالنهايه ...

فانا سمعت عن عايشه البلوشي بس اسمع انها ما تضبط الا العرايس !!!
ومحتاره اروح نوره الكعبي؟؟ بس احس نوره مكياجها حلو وناعم يعني مافيه حركات جديده ...

والا اروح فاطمه شويطر ؟؟ ولا اي احد ثاني مكياجه حلو ؟؟

والشعر كمان محتاره لان شعري خفيف ... في الخطوبه سميره الشكر سوته وما شاء الله عليها فنانه بس بعد العروس بتروح لها فما في فايده ..

العرس قريب الشهر الجاي وانا محتااره بلييييييييز ساعدوني ...

النجــلا
لا اختي ما جفت احد... بس اذا تروحين عندهم قبل لا يركبون لج الشعر يحطونه يخلونج تجوفين شكلج شلون يصير...اذا حابه بدور لج اسم الصالون

الملاك المسافر
مرحبا اختي...انا انصحج بصالون نهلة..كل مرة اروح وشغلهم مضبوط ..مكياج وشعر
وانا شعري خفيف بس يضبطونه لي

السلام عليكم ..

مشكووره اختي العزيزه شووق .. بس وين يكون هالصالون .. اول مره اسمع عنه .. ومن الى تروحين له دائما يعني عندهم .. ولا كل الموجودات نفس المستوى ؟؟

ومشكووووره مره ثانيه على المساعده ...

الملاك المسافر
العفو اختي...هالصالون يصير عند صالون الاميرة...في السلمانية
انا اروح مكياج حق اميرة المبارك والشعر كلهم حلوين
انتي روحي وجوفي قبل لا تحجزين :smile:

سلام عليكم

شخباركم بنات ديرتي ان شاء الله كلكم بصحة وسلامة

مشكورين على هالموضوع كلش كشخه ان شاء الله دوم مجتمعين


حبيت اسألكم مين جرب مكياج صالون صبايا الا بسوق واقف

جربت العفراء وماعجبني

وحده من اهلنا راحت لطيفة شحنت وجهها كله بودة اتقول حاطه طحين في وجها

قلت اسألكم عن صبايا يمكن احد جربه

السلام عليكم ...
مشكووره اختي العزيزه شوووق ...

استفسار ... تعرفون صالون يحطون مكياج هندي حلو ؟؟ لان في الجلوه ان شاء الله متفقين آنا وخواتي نلبس هندي .. فحبيت اسال اذا في صالون معين مميز بالمكياج الهندي ...

وكمان وين الاماكن الى يبيعوا اقمشه هندي حلووووه ؟؟؟ غير اشكال .. يعني انا اعرف ان ا لقضيبيه فيها اماكن حلوه .. بس اس محل بالضبط يجيب على طول اقمشه جديده وحلوه ؟؟

الي عندها خبره بليز تساعدني ...

ومشكوورين مره ثانيه ....:shy:

كاتمة العبرات
و
الملاك المسافر

للأسف ما اعرف

انشاءالله البنات يساعدونكم

الملاك المسافر عندج ورى مجمع دسمان في لقضيبية كله اقمشة هندية
تدعسي عندهم يمكن تطلعين بشي حلو

شوق مشكورة بس هونت عن تركيب الشعر
لاني سمعت انه ما ينغسل الا مرة في الاسبوع وانا ماقدر اخليه جذي بيخمر

عرس رفيجتي في 7 وابي اي صالون يحط شعر مؤقت ويكون شكله حلو تعرفين في وين؟؟

وابي فستان حلو شررررررررررررررط حق متان في جاهز والا افصل احسن ؟؟

مرحبا اختي النجــلا

بالنسبة حق تركيب الشعر الدائم...انا اللي اعرفه ينغسل وينصبغ وكلشي عادي لأن شعر طبيعي بس مادري بعد
عموما.. الشعر المؤقت ممكن تشترينه من اي مكان وتروحين اي صالون يسوون لج فيه تسريحة
وامممم والفساتين للأسف ما عندي فكرة!! انشاءالله البنات يساعدونج

بنات البحرين حبيباتي ابي مساعدتكم في شي وباقصى سرعه


بكره اختي بتروح البحرين انشالله وتبي تجيب جلابيات كشخه حق ليله حنه عندنا والوالده الله يحفظها ونبي اسامي محلات جلابيات كششششششششخه ومو مهم السعر هي راحت من قبل محل اسمه دار انمار في شارع البوكوراه وجابت اشياء تهبلللل نبي بعد جلابيات مثلها واحلىىى


ساعدوني بسرعه لاني مافي وقت بكره السفر

ماشاء عليكم يابنات البحرين

كفوا والله دائما جاهزين للردود

الله يوفقكم ويوفق الكل معانه يارب

وين ردكممممممممممممم بكره السفر

اختي شوق مشكورة على ردج وباسال اكثر في هالسالفة

احلى ام رديت عليج في الموضوع الثاني عندج شارع بوكوارة كله جلابيات
عاليمين واليسار وفي بعد الصفة الثانية محل مال جلابيات صفة ديسكفري

يا حياالله البنات

أحلى أم
حياج الله اختي في البحرين...وانا ما عندي خبرة في الجلابيات
بس يعجبني دار انمار والسعفة احيانا
يعني انشاءالله تلاقين اللي يعجبج في شارع البوكوارة :smile:

مشكورين بنات البحرين والله يوفقكم

انا عن نفسي يعجبني صالون سلوى لان الميك اب ناعم تسويه
فاطمة شويطر حلو بس وايد اوفر يعني تترس الويه كل بورده تحسين طبقات على الويه ام سلوى تسوي الويه تحسينه طبيعي حلو
انسه البحرين انا اروحه حلو حق ملجه او حنه

بنات ابي مكان حلو حق الكيك والباقة و التصوير

ناطرة آرائكم