~..بنات البحرين ابيكم..~

ولا زال البحث جاري حق وحدة تمكيجني للحفلة

والله تعبت يا بنات

اقول صفية وحدة تقول اوكية وحدة تقول لا
اقول عايشة لبلوشي وحدة تقول اوكيه ووحدة لا
اقول اختها نفس الشيئ
اقول عايشة الرئيس هم نفس الشيئ


يا بنات الي عندهم خبره او مجربين احد ممكن يطمنونـا

هلا بنات


ممكن استفسار بسيط



حابه اغير من شكل شعري


وشعري لمنتصف الضهر وحلو كونه طويل



فحابه اقصه قصه حلوه بس يضل شعري طويل




ممكن اعرف صالون زين لقص الشعر حيث اكون قصاته حلوه




وبعد حابه اصبغه صبغه معينه فممكن تساعدون باللون اللي يناسبني البشره الفاتحه



وعند اي صالون عنده صبغات حلوه و يعطي الشعر اللون المطلوب




وكمان تنصحوني اسوي خصلات والا شو موضتها



بنات الله يخليكم ساعدوني حابه اغير ومو عارفه الشي اللي يناسبني



والسموحه

اختى روحي صالون الريجنسي

صبغ و قص وغيره من الاهتمام بالشعر لديهم

الشيخه بالنسبه حق مكياجج انتي بروحج روحي شوفي المكياج
انا قبل كنت اقول ان فاطمه شويطر مالت أول ولا تعرف تحط بس من فتره رحت لها حق عرس اختي وغيرت رايي
الصراحه مكياجهم حلو ومزج الالوان بعد حلو ومضبوط
وترى لاتاخذين على كلام احد اذا بتتابعين كلام البنات والله بتتعبين وبعدين يمكن ينصحونج بوحده وتروحين لها وماتعجبج

انا الشوق انتي صاجة فعلاً

الظاهر اني بستخير الله في وحدة وربي ييسر
ان شاء الله

لانه ما عندي وقت اشوف احد

ها بناااااات تنصحوني اختار من من بين هالــ 3 ؟!!!

فاطمة شويطر
صفـــــاء
عايشة البلوشي

؟؟؟؟؟؟؟؟؟
مع العلم اني ما جربت ولا وحده منهم

وهالمــرة قلت من باب التغيير !!

*********
والله تعبت ماني عارفه من اختار وباقي على
الحفلـــة 12 يوووم

اشتنصحوني بنااااااات؟؟؟؟

:(

ليالي انا باقي لي نفسش
والله اني شكلي بتوهق
وبروح للخباز يحط لي بودر ومكياج من عنده



يا بنات ساعدونــا
جزاكم عالله

عايشة لبلوشي
ولا عايشة الرئيس الحاصلة على جائزة مكياج العروس لسنة 2004



اختى ليالي انا جربت صفاء شغلها ما يتعيب
بس مش عاجبتني ليوم الحفلة بروح لها يوم العقد

يوم الحفلة ابي وحدة معروفة من زمان
وسويت مثل القرعة وطلعت لي العايشتين
عايشة لبلوشي وعايشة الرئيس
واليوم عندي بروفة عند عايشة الرئيس
وبطمنش لما ارد

بس انتى إذا تقدرين تتصلين في عايشة البلوشي تطلبين منها بروفة بس شلون ترسم العين
وشوفيها بكم تقولش



وفي انتظاركم يا بنات

هلو بنات شخباركم؟؟

قطاف
مشكورة اختي.. واكيد العطور مهمة بس كنت اسأل عن عطر حلو ينفع حق شهر العسل يعني
وضحكتيني (بس ها مو اترسين روحج عطور ليما يفطس الريال) <<<< لا تخافين ما بفطسه :smile:


LoveBird
مشكورة اختي ما قصرتي
وبالنسبة حق الهودج انا اتعامل معاه دايما اذا عندي مناسبة بس ما جربت استأجر منها عموما (ام عدنان صاحبة المحل صديقتنه وانشاءالله اجوف)
وبالنسبة حق الصالونات ما احب شغل سلوى ولا العفراء (طبعا الناس اذواق)
عموما ما قصرتي :smile:


أحلى شهد
اهلين اختي ومثل ما قالوا البنات اكثر شي مشهور في القص الريجنسي وانشاءالله البنات يساعدونج اكثر


ليالي الريم و الشيخة
الله يساعدكم
ذكرتوني بحوستي وحيرتي قبل الخطوبة
انا ما جربت ولا وحدة من اللي سألتوا عنهم...بس قبل سنة تقريبا ايام خطوبتي سألت بنات المنتدى عن احسن وحدة تمكيج والاغلب قالوا لي فردوس الحلواجي ولما رحت بحجز عندها كان فل (صادني احباط) وعقب فترة وبواسطة وحدة تصير لها قالت اوكي بتمكيجني وحجزت عندها (مع اني ما كنت شايفة شغلها!!)
وفي النهاية ما رحت لها ... هم ترددت.. ورحت حق اميرة المبارك...كنت شايفة شغلها...مكياجها روعة وتمزج الالوان بطريقة رهيبة
وطلعتني وايد كيوت والحمدلله ومن يومها ما غيرتها :smile: (حشى قصة حياتي)
وعندكم بعد صالون مس بحرين في سترة وايد ناس يمدحونه...انا شفت شغلهم حلو بس انا ما يعجبني المكياج اللي يصير over بس يرسمون العين بطريقة حلوة.
عموما اتمنى لكم التوفيق وآسفة طولت عليكم

ربي يوفقش ان شاء الله

شفت مكياج فردوس بالمرة ما عجبني

أنا بعد مكياج فردوس ماعجبني اللي شفته كله أسود مافيه حركات
اختي ليالي الريم بين اللي قلتيهم أنا رايي فاطمة شويطر أو عايشة البلوشي مع اني ماشفت مكياج الثانيه بس الكل يتحجى عنها

مشكورين بنات عالتعاون

:)

يالله يالشيخة طمنينـــا مكياج عايشة الرئيس حلو

والا لا؟؟؟؟ شكلج مثلي ما يعجبج اي رسم للعين

المشكلة ان انه عيوني مو اي وحده تصيدها :(

يعني مو اي مكياج يطلع حلو على ويهــي

واخاف اطول اكثر من جذي وما احصل حجوزات

عند الثلاث :( والله وهقة :(:(

بالفعل عينش مثلي ما يعجبني اي رسم لعيني

عيني صعبة ما وحدة تصيدها بالساهل
إلا اللهم صفــاء .. لما مكيجتني الكل سأل عن مكياجها وفكروا الي بالصالون انها ليلة ملجتي

رحت لعايشة الرئيس بروفة
بصراحه انا ما عجبني
يعني حسيتها مش فاهمة لعيني
والوانها غااامجة ولون مكياجها لي كان ماروني مع اسوود مع انه فستان لونه مغاااير جداً عن اللون الي استخدمته!!!
وهذا الي خلاني اتفاجأ اكثر .. فرق شاسع بين اللونين
وعيني صغيرة ما تحتاج للسواد الي فوقها حسيت عيني ضااايعة
وهم رسمه عيني من جدام ما عجبتني
وعن حساب كانت رسمة الفراشة

عجبتني بس الحمرة الي حطتها على شفايفي وطريقة رسمها لشفايفي مثل ما انا ابيها


هذا لبراءة الذمة


وانا متأكدة لو وحدة طلبت منها فاتح ممكن تحط
والله اعلم


بس اني كنت ابي اعرف ذوقها بالمكياج
وبصراحه شطبتها وما عجبني





بقت لي عايشة البلوشي
بس لو وحدة تطمني
او تراويني صورتها وهي متمكيجه عندها
عشان نطمن لا اكثر ولا اقل



يااللـــــــــــــــه

مرحبا خواتي

فاطمه شويطر احسن شي مكياجها واااايد حلو عجيب

زاهي و روووعه يعني العروس من بعدين يبين ويهها ومكياجها

اما

عايشه البلوشي انا شفت مكياجها كلش ماعجبني مايبين انه مكياج عروس حتى العروس

اللي شفتها ما كان عاجبها مكياجها

وغير كل هذا مواعيدها مو مظبوطه

وفي النهايه الناس أذواق

والله يوفقكم يارب ويسهل أموركم ان شاء الله ويسعدكم في حياتكم

أختكم الصبوره

وهذا بالنسبه لعطور 2006 شفتهم في أحد المواقع وحبيت أفيدكم



عطر من جينيفر لوبيز...



عطر برتني سبيرز الجديد...




عطر من اسكادا حلو..




عطر انفي مي هوليدي الجديد من غوتشي...





عطورات من بولغاري...



عطر جديد من نارسيسو رودريقز...








عطر من لورا ميرسيه




عطر سينما الجديد من ايف سان لوران


وعطر ستيلا ولوليتا الجديد

وأنا من كم يوم رايحه أجمل و كان مسوي عروض حلوه واسعارهم مناسبه

و انصحكم تاخذون من أجمل بخور عود المبخر وعود كمبودي

وعطر سيف الهند روعه وعطر من ألف ليله وليله وفي واااايد عطورات حلووه عنده

أتمنى انها تعجبكم وأكون أفدتكم لو بالقليل

أختكم الصبوره

حبيباتي الشيخة و ليالي الريم

انا ما نصحت بفردوس انا قلت نصحوني فيها... بس عقب خطوبتي شفت عروس متمكيجة عندها وما عجبني مثل ما قلتوا كله اسود

بس انا نصحت بــ اميرة المبارك والله شغلها اكثر من روعة (الناس اذواق)

وبالنسبة حق رسمة العين ما شاءالله تجيدها حتى لو كانت صعبة

اختي محد يسوي لها مكياج عيونها اوكي ...وفي خطوبتها راحت لها وما شاءالله رسمتها وااايد حلو والكل سألها وين متمكيجة

انا انصحكم عن تجربة...وانتو براحتكم...تقدرون تروحون تشوفون شغلها بروفه او اذا هي تمكيج احد...وانتو براحتكم


الصبوره
مشكورة اختي على العطور....يسلم هالذوق

اني مع اختي الصبورة عاجبتني كثير فاطمة شويطر

و في عروس البحرين هنـــــــــــادي ترسم العين بفـــــــــن

============

اختي شوق انتي تقصدي أميرة المبارك في صالون الاميرة .؟.؟.؟

=============

خواتي بالنسبة للعطور في محل اسمه سحر العطور في بوكوارة وتوبلي وافتتاح جديد في سوق واقف مسوي 50% على على العطور خصومات بمناسبة افتتاح المحل الجديد ....للافااااادة ...

===============

اخيتي الصبورة تسلمي على النصيحة والافااااااااادة

================

أخيتي شوق في محل جديد في الديـــه بجانب دنيا العبايات فيه ثياب بيت روعه وثياب نوم أشكال وانواع واسعارها حلوه من 4 دينار وفوق

=================

أم قاسم ... تحياتي

==============

والحيـــــن ؟؟؟

عايشة الرئيس مو حلو مكياجها

وفاطمه شويطر من اللي جربتها؟؟؟؟

امــــانه اللي جربتها والمكياج حلووو

تقووووووووول :(

احس روحي تعبانه من كثر الأسئله

وللحين ما حجزت والله ورطه ما باقي شي

بصراحه فاطمة شويطر ما شفت شغلها

وربعي المقربين جداً قالوا لي
نتمنى تروحين عند صفاء ولا تروحين عند وحدة من بيت شويطر
لانهم جربوهم على ناس من اهلهم
وكلش ما عجبوهم

واحنا بشراتنا فاتحة ما تحتاج لبودرة
وبنت عمي لما تمكيجت عندها قبل 6 سنوات
حسيناها مأسااااااااااه من البودرة
مع ان بنت عمي وجها بودرة طبعي الصلات عالنبي


وهذا الي اعرفه
وما شفت شغلها الجديد




يسلموووا

حق عرسي مكيجتني فاطمه شويطر للأمانه مكياجها كان وايد حلو :) بس الناس أذواق

*.أم قاسم.*مشكورة اختي على المعلومات اللي ذكرتيها وما تقصرين

وبالنسبة حق سؤالج....

اميرة المبارك في صالون نهلة يصير جنب صالون الاميرة بس ماادري اذا كانت في صالون الاميرة قبل او لا!!