اللي جربت السفر مع طفلها بلييييييييز تدخل

اما الاخت الي تقول كيف نسوي اكلهم بصراحة انا كنت اودي معاي جولة صغيرة وجدر ومن هناك اشتري عيش وخضار واطبخه في الغرفة
طبعا من غير ما ادارة الفندق يعرفون .

السلام عليكم ورحمة الله وبركاته،،،
اختي الفاضله ، انا جربت السفر مع اطفالي المولد عمره شهرين والبنت عمرها سنه ، وكنت سايره العمره والحمدالله ما تعبت معاهم اصلن السفر تعب على الكبير والصغير وبعدين الاطفال عادة يتخدرون ابسرعه في السيارة، وانشاء الله ما عليهم شر توكلي على الله

أختى بخصوص الأكل،، إذا ولدك يحب العلب الجاهزة عطيه منهم،، بس إذا كان مثل ولدي ماكان يحب علب الخضار،، فأخذي معاك قدر صغير ومن هناك اشتري الخضار أو المعكرونة مع الجبنة مايبي لها شي،، هذا إذا في مكان بالفندق لإعداد الأكل..

اختي انا سافرت كذا مرة وكان ابني اول مرة عمره شهر ونص يعني ما طلع اربعين يوم وسفرة تقريبا 6 ساعات بس اهم شي بالسفر مع الطفل انك تجوعيه شوي قبل موعد الطياره علشان لما تقلع الطيارة انتي اول ما تبدين تعطيه الحيلب ( وان كانت رضاعة طبيعيه ابدي رضعيه اول ما تطير الطيارة ) السبب هو الضغط الي يبدي يضايق الطفل في بداية الطيران وعند نزول الطيارة نفس الشي تسوين هذا اهم مافي الموضوع لان الضغط يخلي الطفل يتضايق وان بكى شوية عادي وان ما حب يشرب حليب لعبيه شوية ولا تخلين راسه نايم ( مرفوع شوي ) واهم اهم اهم شي تتاكدين من مكان البيبي بالطيارة يعني تاكدين وجود مكانه لان دائما اخر لحظة مايكون في مكان اله وتبدي المشاكل والتعب وبعدين تكونين مهيأه اللبس الي يناسب جو البلد الي رايحتله
سامحوني طولت عليكم

اختي انا سافرت كذا مرة وكان ابني اول مرة عمره شهر وشوي يعني ما طلع اربعين يوم وسفرة تقريبا 6 ساعات بس اهم شي بالسفر مع الطفل انك تجوعيه شوي قبل موعد الطياره علشان لما تقلع الطيارة انتي اول ما تبدين تعطيه الحيلب ( وان كانت رضاعة طبيعيه ابدي رضعيه اول ما تطير الطيارة ) السبب هو الضغط الي يبدي يضايق الطفل في بداية الطيران وعند نزول الطيارة نفس الشي تسوين هذا اهم مافي الموضوع لان الضغط يخلي الطفل يتضايق وان بكى شوية عادي وان ما حب يشرب حليب لعبيه شوية ولا تخلين راسه نايم ( مرفوع شوي ) واهم اهم اهم شي تتاكدين من مكان البيبي بالطيارة يعني تاكدين وجود مكانه لان دائما اخر لحظة مايكون في مكان اله وتبدي المشاكل والتعب وبعدين تكونين مهيأه اللبس الي يناسب جو البلد الي رايحتله ولاتنسين تاخذين اكله
سامحوني طولت عليكم

بنات المكان اللي بسافر اليها في الصيف باردة نسبياً .. يعني لازم البس ولدي ثياب اكمامها طوال ..

الحين كل المحلات فيها ثياب صيف.. من وين احصل لولدي ثياب ثقيلة؟ ثيابه مال الشتوية اللي طافت معظمها صغرت عليه ما عدا بعض القطع .. ما ادري احسها قليلة.. وابي اشتري له ثياب جدد بعد ..

من وين احصل الحين ؟ :(

جمانة روحي محل ليدي بيرد ladybird الموجود بتويز ار اص او فرعهم في مجمع مدينة عيسى لأني كنت هناك قبل يومين وشفت ملابس أكمامهم طويلة,,,,

جمانه روحي مذركير السيف مسوي تخفيض بعد وعنده كم قطعه شتوي ودبنهامز بعد
معظم محلات السيف عندها تخفيض وتراهم يخفضون الشتوي

بنات انا مسافرة على امريكاا..
وبنتي عمرها..8 شهور؟؟
بس هيه ما تحب..تأكل..العلب..الجاهزة؟؟

شو تعطوني..أفكاار..أخذ لها..أكل..
هيه تحب..رز بالحليب؟؟
وفواكه مهروسة في البيت..
اذا سويته..وخذته معااي..ما بيخرب؟؟

أنا سافرت للنمسا وسويسرا وألمانياوكان عمر ولدي 11 شهر، يعني تقريبا سنه، سويت مثل ما قالوا الأخوات، الرحلة كانت الساعة 1 الفجر، سهرته والحمد لله نام بالطيارة
كان وقتها ما يمشي بس يحاول، فكان دايما بالعربة ماله واللي ريحني أن أختي وزوجها كانوا ويانا...وقت الأكل أنتظرهم كلهم يخلصون من البوفيه وبعدين أروح أنا وأخليه عندهم، بس فعلا كان يطفرني لما يمل من العربة ويكون يبي ينزل منها...
أغراض الطلعة أجهزها يوميا قبل ما أنام، مراضع وحليب وملابس احتياط وفوط وكلينكس واللي أحتاجه، والماي الحار والأكل للصبح،،
اللي ساعدني وايد وجود الحيوانات والطيور الله يعزكم، طول الوقت لاهي يشوف الكلاب والقطط :)
بخصوص الأكل الصبح أأكلة من البوفيه جبن على توست شوية بيض مسلوق، وفي الطلعة أكون ماخذه وياي روب بالفواكه وعصاير وبسكوت وشبسات...وكان ياخذ المصاصة وقتها، وما خليته يتركها إلا لما رجعنا من السفر، ساعدتني وايد خصوصا للنوم برع، يمصها وينام....
الحمد لله بشكل عام ما تعبني وايد لأن أبوه ونسيبي واايد خففوا علي وقت الطلعة، واستانسنا وهو بعد استانس...

حبيت اسال اللي سافروا قبل...

هل اطعم بنتي قبل السفر ولا مايحتاج..

عمرها بيكون عشر شهور..

ان بعد عندي نفس السواال بس ولدي عمره اربع شهووور توت

هل التطعيم قبل موعد السفر ب4 الى 6 ايام؟

اذا نعم.. عادي طعميها قبل السفر.. لأنها اذا بتتسخن .. راح تتسخن خلال الايام المذكورة وتشفى ان شاء الله..

هل الطعيم قبل السفر مباشرة؟ ماهي مدة السفر؟
اذا اقل من اسبوعين اجلي التطعيم..
اذا اكثر.. طعميها وداومي معها بمخفض الحرارة الى ان تشفى ان شاء الله...



على فكرة العهد... عندنا في البحرين بعمر التسعة شهور يكون فقط فحص نسبة الدم ومافيه ابره تطعيم .. :) استفسري انتي بعد .. يمكن نفس الشيء ..

موضوع مفيد وراااااااااائع
تسلمون يابنات:clap:

اختي ليش خايفة المشكلة الوحيدة بالسفر مع الاطفال هو السهر بالليل صعب انك تاخذينهم واذا خليته بالفندق صعبه بعد ....

وانشاءالله تسافرين وتردين بالسلامه


ويعطيج العافيه على الموضوع

انا على الرغم من ان ولدي عمره سنتين و3 اشهر الا انها اول سفرة لي معاه بتكون بعد 10 ايام تقريبا <<<<< آخر مرة سافرت كانت رايحة شهر العسل :sad:

والمكان اللي بروحه بعد بارد نسبيا وسمعنا عن منطقة هناك يقولون فيها ثلوج ، فقررت اني احمله ثياب الشتاء اللي طاف لانها للحين ما صغرت عليه .. واخذت شوية ثياب جديدة وركزت على البنطلونات الجينز او الدافية " من مذر كير او سناء " اما التي شيرتات فأخذت اكمام قصيرة وبلبسه معاها جاكيت باخده معانا ..

عموما منطقة الثلوج راح نقعد فيها بس 3 ايام واعتقد الثياب اللي جهزتها له كافية .. وانا بعد قاعدة احاتي اخاف يقصرني شي هناك رغم اني حاطة في بالي ان احمل معاي ادوية الصخونة واني امنع عنه اي شي اشتبه في نظافته وفي صحته ، واما عن الطريق فاحنا بيصيدنا غير سفرنا في الطائرة كذا رحلة داخلية هناك .. وراح تكون بعضها برية وبعضها جوية والله يستر هناك وما نتبهدل لان ولدي وايد حركي وما اعتقد ان راح نقدر نسيطر عليه :sad:

اللي مضحكني ان زوجي مصمم ان يجهز بطاقة عليها اسمه ورقم تلفونه والعنوان هناك ويلبسها ولدي عشان اذا ضاع الولد هناك يتصلون فينا هههههههههههههههههه




واذا عندكم شوية نصايح ثانية .. افيدوني بها :shy:

والله السفر مع الاطفال ممتع مررررة

بنات الموضوع وايييييييييييييد حلو مشكورين عليه

بس صدقوني اهم شي النظافه والاكل عشان جي انا ما سافرت هالصيف لان ريلي يبا يسير الهند وانا ما با احس الهند مب نظيفه وفيها تلوث وبنتي عمرها عشر شهور وايد احاتي اكلها
وانا حامل يعني بتبهذل عدل فاحسن شي (خليك بالبيت)!!!!!!!!

[grade="00008B FF6347 008000 4B0082"]انا سافرت ماليزيا مع بناتي الثنتين الاولى كان عمرها سنتين والثانيه سنه.....وكان الساعه ال3 بالليل وطول ما نحن بالطياره كانوا الثنتين نايمات لحد ما وصلنا والحمد لله ما تلعوزت ابدا....[/grade]