اللي جربت السفر مع طفلها بلييييييييز تدخل

هذا اللي قصدته :)


بحثت عنها في موقع مذركير.. تصلح تتستعمليها لحد ما يبلغ الطفل 18 شهر او 12 كيلو غرام بحد اقصى..
يعني مناسبة تمام لولدج الحين...

واهم ميزة فيها هي اطلاق يدينك... :up:

بخصوص الحمالة الي قالت عنها الأخت جمانة،،، فعلا تصلح للأماكن هذي،، آنه أستخدمتها حق ولدي يوم عمره 6 شهور بالأردن،، كنا نركب وننزل من أماكن مرتفعة والحمالة ساعدتنا كثير كانت بيني وبين زوجي وأخواتي...

حبيبتي انا سرت البحرين يوم ولدي عمرة 6 شهور ولمدة اسبوع تقريبا ... هو الصراحه ما تعبني وايد فالطيارة بس التعب فالايام الي بتقضينها هناك .. وخاصتا ان ولدي تعب شوي .. وبعدين اهم شي خططي من اهني كيف راح تاكلين ولدج انا ما فكرت في هالشي وصعبه كانت على اهناك ... تبهدلت ما عرفت كيف اسويله خضار فواكهه مهروسه ...

المهم وكتها كانت تجربة لي ...

والحمدلله خذت درس للمرة اليايه .. والحين فكرنا انا وزوجي نسير ماليزيا اسبوع ... ولكن للاسف الحمل خرب عليه ... الضغط عندي ينزل والدكتورة منعتني .. وان شاء الله اول ما تسمحلي راح نروح انا وزوجي وولدي و.... الخدامه للاسف

فاذا انتي مرتبه كل شي من قبل لا تسافرين ومفكرة في كل شي لا تخافين ان شاء الله سهله وبسيطرين عالوضع

جزاكم الله خير ..................... والله ساعدتوني كثييييييييييييييييييييييييييير

ومره ثانيه

.

.

.
يعطيكم العافيه:clap::clap::clap::up::up::up:

تم تثبيت الموضوع لفتــــــــــــــــــره

بصراحه الاطفال تحت السنه متعبين في السفر يعني لازم ايكون معاج حد من اهلج او الخادمه لاني جربت السفر وكان ولدي عمره اربع شهور طبعا في الطياره ما ارتحت طول الطريق كان ايرجع وهناك غير الجو ومرض وصلنا البلاد وتعب وايد وحرمت اسافر انا وزوجي واولادي قررت لما يكبرون اسافر معم والله ايعينا

الأخت ام سلطان اهلا بيكي بماليزيا ما بعرف اذا لسى ما سافرتي
انا مقيمة بكوالالمبور -
اهم شيء تكوني مجهزة عربة اطفال عشان الحركة بالمجمعات
وانتي اكيد ست العارفين حقيبة فيها لوازم البيبي واهم شيء بالطيارة ثياب بديلة ويكون في جاكيت عشان حبيبي ما يبرد
انا سافرت من ماليزيا لعند اهلي بسوريا وكان عمرابني 5 اشهر مسكين تغير عليه الجو طلعنا من ماليزيا والجو حار على طول ولما وصلنا سوريا كان برد ومطر
واهم شيء يكون السفر بالليل عشان ما تختلف نومته
ان شاء الله توصلين بخير واتمنى ان اشوفك
ام محمد

حبيت أعرض لكم بالصور مستلزمات السفر للطفل الصغير..


يا حلوها البنت قاعدة أتجهز أغراض السفر...

كرسي السيارة، مهم في حالة السفر بالسيارة يوضع الطفل فيه،، أو إذا كان السفر بالطائرة ينصح بحمل الطفل الوليد فيه...


عربة للطفل (ويفضل ماتكون من النوع الخفيف يكون يسهل حملها..


سرير للطفل، من النوع الي يطوى ويوضع في حقيبة، لأن إحتمال كبير مايكون في الفندق الي تنزلونه سرير خاص بالطفل وأهم شي نظيف,..


شنطة متوسطة الحجم ، تعلق بالعربة وتسع لأهم متطلبات السفر...


مستلزمات (الحفاظات، كريم الطفح، المناديل الرطبة ..)


رضاعات،، وحلوة الفكرة مسخن للرضاعة يوضع بشاحن السيارة...


معدات الأكل من صحن وملعقة كأس ،، طبعا ماننسى الحيلب الصناعي وعلب الوفاكة الجاهوة (نفس اللي بالصورة)...


حوض للإستحمام قابل للطي،، مما يسهل حمله في الحقيبة،، يمتاز بخفة الوزن (موجود منه في الـ Baby Shop)


طبعا هذا بخلاف الملابس والبطانيات،،، الي مفروض يكون عندك منها كفاية لإحتمال صعوبة الغسيل أحيانا...

بكرة يا بنات إن شاء الله أكمل لكم بقية الحاجات,,,,

مشكوووووووريييييييييييين موضوع رائع

انه ان شاء الله بيوليو راح اسافر مع بنتي ووايد حامله هم التعب مع اني بكون مع اهل زوجي بس المشكله هي ما تبيني الا انه او ابوها
وقتها بكون عمرها سنه وشهر تقريبا
حبيت اعرف اذا بهالسن اقدر اعطيها حليب الفراوله والعصائر للاطفال والاندومي بعد ممكن اعطيها ؟؟

موضوع رائــع ومفيــد
خاصة الحين وقت سفر ..
مشكوورين بناات

اختي ام ريم، بعد اكمال السنة ممكن تعطيها حليب الفراولة بأمان وكذلك الاندومي.. :)

السلام عليكم ورحمة الله وبركاته ،،

رجاءً رجاءً حبيت اسألكم انا بإذن الله تعالى اذا الله اراد راح اسافر انا وزوجى لعلاج ابنتى الصغيرة على الأردن وبنفس الوقت ولدى عمره 3 شهور الله يحفظه بعد اريد اوديه للعلاج هناك بس انا افكر ان راح يتعبنى وما بعرف له علماص ان بنتى عمرها 3 سنوان ونص بس اقدر اعتمد عليها انها بتكون تسمع الكلام لكن ولدى اخاف من الطائرة والتنقلات ووو هل برايكم اتعب معاه او ايش ....... وبس انا وزوجى وبنتى بنكون محد راح يكون معانا من الأهل ..........

الأخت نودو،، الله يكون بعونك في السفر مع الأطفال،، بس أحيانا الضرورة،، ماذا تفعلين؟؟؟
مثل ماقريتي ردود البنات،، كتبي كل الإحتياجات في ورقة ،، وجهزيها بفترة يكون ماتنسين شي وقبل السفر بيومين تأكدي أنك حطيتي كل الأغراض،، خلي معك عربة للولد لأنها راح تنفعك كثير.. وإذا تقدرين حملي عربة ثانية خفيفة لبنتك لأن إحتمال تتعب من المشي...
الله يسهل أموركم ومايشوفون شر....

السلام عليكم ورحمة الله وبركاته

انا جربت السفر مع اولدي وكان عمره 4 شهور رحت دبي وكنت ميته من كثر ما احاتي

التعب وانه بيبهدلني صغير واشلون برضعه وووووو بس الحمدالله ربكم يسهل الامور

وطبعا زوجي ما قصر معاي شال نصف المسؤوليه وخبركم عاد اول بيبي مهم جدا عند ابوه

المهم كنت اول مره اسافر مع ولدي بس الحمدالله السفره كانت حلوه ومش متعبه ودبي متوفر

في كل مجمعاتها غرفة لتبديل الطفل وغرف للرضاعه وبصراحه جدا ارتحنا هناك :up:

ولا يهمج حبيبتي ومثل ما قالو البنات توكلي على الله وانشالله ماراح تتعبين

بس هالمره انشالله بنروح لبنان وسوريا تقريبا اسبوعين وولدي ألحين عمره 9 شهور

وخايفه عليه فياريت يابنات اتقولون لي شنو الأكل المناسب له في هالعمر وشنو الاكلات السريعه

والجاهزه اللي ممكن اعطيها له في الطياره غير الحليب ؟؟؟؟:think:

وتسلمون والله على هالموضوع المفيد جدا يعطيكم العافية

مرحبا بنااات..

في احد سفراتي اذكر شفت ولد رابطنه ابوه بخيط مثل هذا، لكن الطفل كان اكبر شوي، فكان الحبل مربوط في ايده بس ، مو على جسمه مثل الصورة



افكر جدياً اخذ لي واحد عشان سفرنا في شهر 7، وقتها بيكون ولدي بعمر السنة و 9 شهور... ذروة الحركة والعفرتة...

احد جربه بنات؟ اخاف ولدي ما يخليه عليه ويقعد يعتفر اليما اشيله وماا ستفيد منه !!

اختي اميرة الورد..
اخذي له بسكوت فارليز، وسريلاك، وخلي عندج دلة الماي اللي تتسكر كلياً من فوق...

وخلي عندج غراش الفواكه والخضراوات المهروسة المعلبة الجاهزة مثل غربر وغيرها..
صح احنا ما ننصح بها في االاحوال العادية ونفضل اللي تسوينها في البيت بنفسج، بس هذي حالة اضطرارية، ومعليه لو اكل يوم واحد او اثنين منها..

:)

جمانة،، بالعكس أشتريه وايد ينفع لما يرفضون العربة وحاببين يتحركون،، كنت آفكر أشتريه لو سافرت هالصيف،، لأن ماشاء الله على ولدي حركي وخوفي يختفي من جدامنا...

ما شاء الله عليكم بناااات والله ما قصرتوا وااااايد استفدنا .. والكل على ويه سفر ..
انا ان شاء الله بسافر على اخر 7 وبيكون عمره 9 شهوووور ..

بس بغيت اعرف كيف نقدر نسويلهم اكل بالسفر ..

اختي احلى وقت للسفر بليل لا تخلينه يرقد بسرعة عشان في الطيارة ينام حقج وما يزعج وشوفي لو تاخدين معاج ادول شربيه 5 مل بس عشان يواصل رقاد وعند اقلاع الطيارة عطيه اما مصاصة او حليب عشان ينام وهو شبعان لين ما توصلين ماليزيا .وانا سايرة هناك ولف ودوران اخدي اكله معاج في الشنطة ان كان ياكل اكل معين
وتوكلي على الله ,والله يحفظكم.
تروحون وتردون بسلامة(ملاحظة لازم الحليب او المصاصة عشان ضغط الطيارة ما تأثر على ودانه)