مشاكلك لها حل عندنا بإذن اللــه =-=-=-= >>>

هلااا فيج اختي بنت دار الظبي ....

بالنسبة لمنتجات ام سعود حسب علمي وتجربتي لها فهي طبيعية ومفيده واايد ... طبعا ما استخدمت كلها ولكن حسب تجربتي ...
بالنسبة للكريمات اللي يستعملونها بعض االأخوات خصوصا لما يخلطون شيء طبيعي مع كيماوي يؤدي الى تسبب مشاكل بالشره وهني بعض االخوات ما ينتبهون لهالنقطة .. انه من الغلط مزج الطبيعي بالكيماوي ..

وراح أرد اسأل ان شاء الله عن منتجات ام سعود مع اني متاكده ان ما في شيء كيماوي عندهم ...

تحياااتي لج
:)

مشكوره وما قصرتي بس بعد اساليها..

اهلاً ملاك الورد اشكرك لتعاونك ومحبتك الرائعة واتمنى ان تجدي حلاً لمشكلتي انا اعاني من بقع على جانبي الانف بسبب النظارة ارجو ان تفيدني ومشكلتي الاخرى شعري اصبح جاف ونافش واصبح مجعد وانا طوال عمري عمري ماستخدمت اي نوع من انواع الفرد واتمنى ان تفيدني

العفووو اختي بنت دار الظبي لا شكر على واجب وان شاء الله بأقرب فرصه أسالها ....
==--==--==

هلاا فيج اختي إشراق ... مشكورة حبيبتي كلج ذوق :o

السواد الموجود على جانبي الانف ممكن انه يروح من خلال التقليل من لبس النظارة يعني تلبسين النظارة وقت الحاجه فقط او تستبدلينها بالعدسات في بعض الاحيان ... لكنها بشكل عام تروح من خلال اهتمامج ببشرة الوجه سواء الكريمات او الماسكات .. اما اذا كنتي تقصدين جانب العين من فوق فهذا صعب او حتى مستحيل ينشال السواد ...

بالنسبة للفرد فأنا انصحج ما تستخدمينه الا في مناسبات لانه يضر وايد بالشعر حتى كريمات الفرد والتمليس كلها كيماوية ومضرة .. لكني انصحج بزيت جوز الهند تدهنين فيه الشعر وتمشطينه بلطف ... وتعملين له حمام بخار لو في الاسبوع او كل اسبوعين مرة وحده ...

اتمنى اكون افتدج
تحيااااتي ...
وكل عام وانتوا بألف خير ... :)

العزيزة ملاك مشكوورة على النصايح الحلوووة مثلج وتصدقين جربت قناع العسل اللي كتبتيه للأخت ( 00) ما أذكر من بالضبط لاني مشكلتي نفس مشكلتها كانت وطلعت النتيجه روووووووووعه:D الكل لاحظ الفرق في 3 ايام ...
بس سؤال لين متى أداوم عليه ؟؟؟؟؟؟؟؟؟؟؟؟؟:cool:

وعيدج مبارك ...
باااااااااااااااااااي:D

عيدك مبارك اختي ملاك الورد اشكرك ان شاء الله اجد النتائج التي ارجوها والسلام عليكم

هلااا فيج اختي Mai_al7elwa ..... الله يبارك بحياتج يا رب ينعاد عليج بخير وصحه وسلامه ... :)

الحمد الله انه نفع معاج واذا استمريتي عليه راح تكون بشرتج اوكي ;)
بالنسبة لفترة الاستعمال طبعا براحتج وانا افضل انج ما تقطعينه هالفترة لانج في البدايه ... وهو القناع ما فيه اي ضرر لانه كله طبيعي ,,,,
==--==--==

الله يبارك فيج اختي اشراق وعساج من عواده ...
وان شاء الله تفيدج النصائح واهم شيء الانتظام ...

تحيااااتي :)

السلام عليكم

كل عام وانتي بخير اختي ملاك الورد والله يعطيك العافيه ويبارك جهودك ،

في ميزان اعمالك ان شاء الله .

ان شاء الله تساعديني في حل مشكلة شعري انا شعري ناعم لكن اطرافه

متفرعه يعني الشعره تتفره الى شعرات صغار ومشوه نعومة شعري من

تحت ما ادري شنو السبب وياليت تساعديني !

هلاا فيج اختي اماسي .... وانتي بألف خير يارب ....

أعتقد تقصدين ان شعرج متقصف ... يعني الشعره الوحده تكون منقسمه لاكثر من جزء ... والحل لها انج تقصين اطراف شعرج كل 3 شهور .. عشان الشعر ياخذ تهويته من الاطراف ...

وحاولي دائما تستخدمين زيت جوز الهند لانه يبعد هالمشكله .. ومثل ما قلتلج القص هو الطريقه الافضل ...

وحاولي دايما تقللين من السشوار والفرد وتعريض الشعر للشمس او الحراره العالية ...

تحياااااااااتي :)

السلاااااااااااااااام عليكم ...
كل عام وانتم بخير ..

بصراحه اهنيك على طيبتك وسعة صدرك يا ملاك الورد ... والله انت انسانه رائعه ...

مشكلتي ان شعري جاف مره مره .. فا شريت لي جهاز بخار .. عشان اسوي حمام زيت لي اسبوعيا ... مع العلم ان عمري ما سويت حمام زيت في حياتي ... علعموم .. ممكن اعرف الطريقه الصحيحه في استعماله .. يعني وش احط بالتفصيل .. خلطة زيوت .. بيض ..أو الكريم الخاص بحمام الزيت وكم المده ... وها اغسله بالماء والصابون مباسره ولا انتظر شوي ..

والشي الثاني .. القشره عندي واصله حدها .. مع العلم ان الحناء ناسبني كثير مع ان شعري جاف .. بس خليته من 4 شهور لاني ناويه اصبغ شعري بالصيف .. وياليت تقوليلي وش احسن الصبغات .. وش احسن صالون في الامارات .. وبالتحديد في أبوظبي لصبغ الشعر ..

والشي الثالث.. اني سمعت ان الكركم يساعد على تخفيف الشعر الزائد في الوجه والجسم .. هل هذا صحيح؟؟؟ وان الحلبه بعد مفيده للشعر .. عن طريق تنقيعها بالزيت ... ثم دهنها ...

والشي الرابع والاخير .. عن البثور السودا حول منطقة الانف .. هل الاصقات المخصصه لازالتها الي تنباع في الصيدليات والسوبر ماركات ماتضر؟

واعذريني على الاطاله ....
انتظر الرد

هلاا فيج اختي مراسيل لا شكر على واجب حبيبتي :)

1- بالنسبة للشعر الجاف يحل بعده طرق ... منها الفرد وحمام الزيت او التوصيل أو شيء يسمى كشط الشعر ......
بالنسبة للفرد فهو معروف لان اغلبنا يسويه لكن اضراره تفوق فوائده .. لانه اولا يحرك الشعر من جذوره ومما يسبب ضعف الشعره وثانيا الحراره العالية اثناء الفرد تفقد الشعر رطوبته المطلوبه وثالثا يؤدي لتقصف الشعر ومن ثم تساقط الشعر ...
حمام الزييت هو أفضل طريقه لعلاج الشعر طبعا ما يعالج الجفاف اللي بالشعر 100% لكنه يخفف من الجفاف ... والطريقه سهله اما انج تستعملين خلطة زيوت مثل زيت جوز الهند والخروع الخاص بالشعر وغيره من الزيوت او تكتفين فقط بجوز الهند وهذا اللي انصحج فيه .. او يبيعون في المحلات او الجمعيات منتج حمام زيت للشعر (..) ما اذكر بصراحه اسمه بس هو ممتاز للشعر لما اتذكره راح اعطيك اسمه :o وتحطينه بالشعر وتسوينله مساج بأطراف أصابعك لمدة عشر دقايق .. وبعدها تستخدمين آله البخار من 15-30 دقيقه لكن لا تحطينه اكثر من اللازم ..
وبعده تخلينه شوي 5 دقايق يريح الشعر من البخار وتغسلينه بماء دافئ وشامبو مناسب ...

2- بالنسبة للقشرة ففي أشياء كثيرة تساعد على ازالتها .. ويكون لها اسباب داخلية وخارجه ، واذا تأكدتي من انه ما في اسباب داخليه فهني نعالج الاسباب الخارجية وانتي ذكرتي انج تستخدمين الحنا وانا ما انصحج فيه لان شعرج جاف والحنا يؤدي الى جفاف الشعر ... ولكن اذا نفع معاج فأفضل انج تضيفين للحنا زيت جوز الهند عشان ما يكون للحنا تأثير جاف على الشعر ..
استخدمي مطهرات طبيعية لفروة الشعر مثل الليمون أو البيض تخلينه في الشعر ربع ساعه وتغسلينه .. وحاولي تنظفين فروة الشعر كل يومين وتهوينها وتجففين الشعر عدل من الماء بعد الاستحمام .... خصوصا ايام الصيف تزيد المشكله بسبب الترسبات العرقية والالملاح والغبار في الشعر كله يؤثر على الفروة .....
وفي شامبو ممتاز انا استعملته من قبل اسمه Nizoral مع الاستخدام المنتظم راح تنحل المشكله ........
بالنسبه للصبغه فأنا افضل انج تسوين ( هايلايت ) نظرا لطبيعة شعرج .. بالنسبة لأفضل انواع الصبغات هي كثيرة لكن الافضل اما الحنا ويسوون في الصالون طريقه التلوين مع الحنا او صبغه خام واحسنها ماركة لوريال ..
بصراحة يا اختي ما عندي فكرة عن ايصالون في ابوظبي ممكن البنات هنا في ابوظبي يفيدونج اكثر مني في الصالونات ....

3- بالنسبة للكركم والحلبه فانا اعرف انهم لتصفية البشره وتوحيد لونها .. اما للتخفيف من شعر الوجه ما سمعت عنها بصراحه ... لكني انصحج بتقنية الليزر خصوصا الحديثه لانها صارت غير مؤلمه ونتائجها مضمونه وتزيل الشعر نهائي ....

4- بالنسبة للبثور

أغلب أنواع البشرات اللي يطلع فيها الزيوان هي الدهنية وخاصه تكون فوق منطقة الأنف ويمتد احيانا للخد ...

لذلك انصحك بغسل وجهك مرتين في اليوم بصابون طبي أو باستخدام كريمات السنفرة ( الطبيعية ) واذا لم يتوفر لديك بيمكن استخدام الليمون الطازج باستخدام القليل من الملح ودعلك المنطقه بلطف ( بدون خشونه ) لان بامكان الدعك الخشن ان يسبب جرحا خصوصا وان الليمون حامض جداا فيشوه المنطقه ...

ويمكنك أيضا استخدام منظفات طبيعية مثل خلط الحليب ( كامل الدسم ) بماء الورد والكمية حسب حجم الوجه .. وبعد التنظيف يمكنك استعمال قطنه مبللة بماء الوجه وتركه يجف بنفسه ...

انا عن نفسي كنت اعاني منه فوق الانف ولكني الحمد الله تخلصت منه بفضل الليمون ...

بالنسبة للاصقات فانا استخدمت كذا وحده وما فادتني ولان تاثيرها مؤقت ..

واتمنى اكون أفتدك
تحياااااااااتي :)

والله تعجز الكلمات أن تفيك حقك على هذا المجهود الأكثر من رائع .
وقرأت أكثر من مرة من ردودك من أجل مشكلة التشققات أنها مالها حل , وأنا بصراحة ظهرت عندي منذ كم سنة لأني كنت أنحف وأسمن والآن زواجي قريب شو سوي :confused: :confused: :confused:
مع العلم أنها في منطقة الصدر والأرداف
الله يوفقك إذا عندك حل , جزاك الله كل الخير .
وأخبرتيني سابقا أن الموضة هي الشعر المتموج , فكيف أجعله متموجاً؟؟؟؟؟
وآسفة كتييير على الإطالة :o:o

:) :) :) :) :) :) :) :) :) :)

:)هلااا اختي العربية ..... لا شكر على واجب اختي .......

بصراحه مشكلة التشققات انا عن نفسي ما اشوف في حل لها ... لان الكثير يعاني ويستخدم اشياء بالنهايه ما تفيده .....

لكن في رد من الردود ذكرت .......

هذا كان من كلام الطبيب اللي سألته ....

(( التشققات و للأسف ما إلها علاج يخفيها أو يشفيها تماماً بس هناك بعض المراهم الموضعية التي تساعد على زيادة وتنشيط طبقة النسيج الضام في الأدمة مما قد يساعد على إخفاء الضمور لكن لا يمكن إزالة تلك الخطوط الواضحة على البشرة ))

ملاحظة عدم استعمال ادوية تحتويل على مادة الكورتيزون لتأثيره السلبي على التشققات ..

ولكني ايضا سألت وحده من اللي كانت معانا بالصالون ووصفتلي هذي الوصفه (( يمزج ثلث مقدار من الجليسرين مع ثلث مقدار من الليمون مع ثلث مقدار من الكولونيا .. تدلّك الأماكن المتشققة بالمزيج وهو يُعتبر واقياً جيداً من التشقق .. ) وأيضا هالوصفه قريتها لأحد الشيوخ اللي يتعالجون طبيعية .. والله أعلم

وحاولي تمارسين الرياضه السويدية ممكن تفيدج ...

بالنسبة للشعر المتموج الحين في آلات خاصه حتى انتي في البيت تقدرين تسوينها .... لكن فعلا اذا شعرج طويل راح يكون جميييل جداااا ...
خصوصا مثلا في يوم عرسج تخلين شعرج مفتوح ومتموج شكله طبعا بدرجه بسيطة راح يكون جميل من تحت الطرحه :D

بالنسبة للآلات فهي مثل طبقتين وتختارين نوع التموجات اللي تبقينها وهي اتيج في قوالب تركبينها وتحطين شعرج بين الطبقتين وتسكرين ل دقيقتين وخلاص ويكون شوي حار فخليه دقايق وهو بروحه يصير يعني ماياخذ وقت طويل .....
===---===

اختي دلوعه شكرا :)


اتمنى لكم التوفيق (l)

السلام عليكم
كيف حالك اختي ملاك الورد
اختي الحبيبه انا عندي مشكله واتمنى انك تساعديني
على حلها وهي اثار حب الشباب مشوه جمالي وحب الشباب معذبني والله اني متعقده منه واخاف استعمل ادويه تخرب وجهي اكثر وخاصه اني حامل ولااقدر استعمل شي في الفتره هذي
فارجوك غاليتي اذا كان عندك الحل فلا تبخليبه علينا وافيدينا بخبراتك التي اكتسبتيها ارجو الا تهملي رسالتي
ودمتي عزيزتي
اختك الحزينه:confused::confused::confused::confused::confused:
خوخه الحبوبه

الغالية ملاك الورد مشكورة وايد على هالنصائح الحلوة ، لكن عندي مشكلة استخدمت أكثر من طريقة لكن ما أحس بنتائج مُرضية ، وهي تجاعيد أو عبارة عن خطوط في الرقبة ، فاتمنى لو تفيديني بعلاج يكون مضمون.

هلاا فيج اختي خوخه الحبوبه .......:)

بما انج حامل فما راح أقدر اعطيج اسم اي دوا ... لاني اخاف انه يضرج ....
لكني بعطيج وصفات طبيعية راح تفيدك باذن الله ..... بس ما قلتيلي شو نوع بشرتج ؟؟؟؟؟؟؟؟؟؟؟

انتظر ردج اختي عشان على نوعية بشرتج اقدر اعطيج الوصفه ....:)

==--==---==

هلااا فيج اختي الانفال اسمج حلووو;)

بالنسبه للتجاعيد في الرقبه لازم تهتمين فيها مثل ما تهتمين بالوجه ويمكن اكثر لانها حساسه .. واي شيء تضعينه على الوجه تضعينه على القربه ... وانا انصحج تسوين مساج لها من تحت لفوق دائما باستخدام كريم مرطب لسهل حركة اليدين ....

وجربي تستخدمين ملعقتين دقيق مع 3 بيضات وبضع قطرات ماء الورد وتفردينه على الرقبه لين يجف وتغسلينه .... لان الدقيق والبيض يشد البشره ...

تحياااااااتي :)

مشكوووووورة اختي ملاك الورد على الوصفات الروووعه
وانشالله اجربها
بس حبيت اسالك
كيف اتخلص من الشعر الصغير اللي ينمو تحت الجلد بالساق مثلا؟؟ لما اشيل الحلاوة ويبدا الشعر يطلع تطلع بعض الشعرات تحت الجلد :(
كيف اتخلص منها ..
السؤال الثاني
انا عندي شوي في وجهي المسامات مفتوحه ابي كريم او صابون
اوحتى لو دليني على طريقة تقشير بشره بس مضمونه وتشيل هالحاله المستعصيه عندي يااااااليت
ومشكووووره عموما على الوصفات واتمنى ماكون ثقلت بالاسئله

مشكورة يالغالية ، ذوجش الحلو ، وهاي الوصفة اسبوعيا ولا يوميا ..:)

السلام عليكم
مشكوره اختي على الرد اما بالنسبه للحمل ماباقي الا شهر واولد لاتخافين قوليلي شنو الدواء الي يفيد وباذن الله اني لادعيلك
واما عن بشرتي نوعها مختلطه واعطينا وصفات طبيعيه تكون لها نتائج
ودمتي
:):):):):):):):):):):)