مشاكلك لها حل عندنا بإذن اللــه =-=-=-= >>>

هلاا فيج اختي عطر الندى ....

انا استخدمت صابون لتنعيم وتفتيح الجسم وبصراحه ما اعرف اسمه لانه كان مكتوب بالموقع صابون لتفتيح وتنعيم بشرة الجسم وسعره كان بـ30 درهم ....

بالنسبة لمنتجاتهم بصنعونها عندهم وأكيد تحت ايد متمرسه وفاهمة الشغل عدل .... ولكن بعضها يستود من الخارج بضمان على ما اعتقد ..

وشكراااا :)

:) هلا ملاك الورد ممكن تعطيني طريقة عن الاسوداد والتجاعيد الى تحت العين :cool:

وشكرا وايد وايد

أهلا فيج حبيبتي نوريه
وتفضلي ....

بالنسبة للهالات السوداء تحت العين في أشياء كثيرة ممكن تنفعها ..
لكن اول شيء نعرف السبب .. فمثلا اذا اختج ما كانت تعاني من أي مشاكل صحية لا سمح الله أو ما تاكل نوعية الأكل المتوازنة أو تستخدم الكمبيوتر او تشوف التلفزيون وايد أو مثلا عندها قلة في السوائل او حتى ممكن يكون وراثي .. أو قلة النوم والراحه فنشوف شو السبب ونحاول نحله ..

لكني بعطيج بشكل عام الاشياء اللي ممكن تفيدها ...
فمثلا استخدام اكياس الشاي لمدة 10 دقائق يوميا ممكن تخفف من الهالات .. وأيضا الخيار الطازج لانه يمتص الحرارة حول العينين .. وبامكانها تستعمل كريم مرطب حول العينين وتعمل مساج بأصابعها ( السبابه والوسطى ) حول العينين لكن يكون بشكل رقيق وخفيف لانها منطقه حساسه .. وكله يكون يوميا وبانتظام لين يخف عندها .. طبعا مع تناول الطعام الصحي والاكثار من السوائل .. والنوم بشكل كافي والاراحه وازالة المكياج اول باول ...

تحيااااااااتي :)

السلام عليكم انا بشرتي فيها حب الشباب بكثره والمشكلة انها كبيره ولها اثار استخدمت جميع الكريمات وراحعت الاطباء ولكن مالقيت حل ارجو منك المساعدة وشكرا

هلاااا فيج عزيزتي ام بدر .....

بما انج قلتي ان بشرتج فيها حب شباب كبير ووايد فأنا كنت أفضل انج تراجعين طبيب آخر لان أكيد هالحبوب تخلف وراها أثار ... وياريتج تقولينلي نوع بشرتج مع اني ارجح انها دهنية !!!

لكن بعطيج خطوات ممكن تخفف منها لكن اولا واخيرا انصحج بزيارة الطبيب المختص عشان يحدد نوع العلاج والغذاء المناسب ....

أولا خففي من تناول الدهنية والأغذية المعلبه وغيرها من المواد المصنعه ...

ثانيا غسل الوجه مرتين بالماء الدافئ والصابون الطبي وذلك يخفف من انتشارها ..

ثالثا عدم لمس او العبث بالحبوب لانها تزيد الامر سوءا ...

رابعا استخدام المكياج الخالي من الدهون وازالته فورا وباسرع ما يمكن بمنظفات طبيعية وخصوصا قبل النوم التاكد من نظافه البشره من المكياج ...

خامسا الابتعاد بقدر الامكان عن الشمس والغبار ...

واتمنى اختي تروحين للطبيب فهو الادرى بالهرونات اللي تسبب حب الشباب ....
واتمنالج التوفيق

تحيااااااااتي :)

عزيزتي ملاك الورد هلا فيك والله يعطيك العافيه بس بغيت أقول ان
مشكلتي نفس مشكلة الأخت ليانا وصدقيني مافي شي الا جربته,خلطه حليب بوني و حتى الكريم الي قالو عنوا في المنتدى ما جاب اي فايده الى الان, وصرت الاحظ بعد أسبوع تقريباًبوجود حبوب بيضه مع الحك المستمر :confused: :confused: أرجووووووكي أختي ملاك الورد إذا كان عندك أي معلومه تفيدنا ولكي الشكر...

:) شكرا وااااااايد يا ملاك الورد:)

مرحبا أخت ملاك الورد .. وحبيت اقولج انتي فعلا ملاك ..


بصراااااحة مشكلتي هي نفس مشكلة الاخوات خجول وليانا وهي التشققات يلي في الجسم...


حبيت استفسر اذا كان عندج فكرة عن الليزر ... ممكن يخفي هاي التشققات .. وين ممكن اسويه؟ وهل له آثار جانبية؟

الغاليات بس حبيت أسأل يصير أحط خلطة (جرجير-خروع-فلفل أخضر بارد) بالليل و أنام فيه؟؟ ولا بس لساعات محدوده؟؟

مرحبا اختي ملاك الورد :::

بغيت اعرف شو احسن طريقة لازالة شعر الشنب ؟؟؟

انا استعملت الحلاوة ، بس مش كله انشل ،،، لو تعرفين طريقة زينه بالشل بالحلاوة ، تخيلج قوليلي عنها وعن خطواتها؟؟؟
واذا في طريقة ثانية قوليلي عنها ، بس ما تكون ليزر ولا الخيط:confused:

اختي نوريه العفوو حبيبتي ... واتمنى اكون افتدج :)
==--==--==

هلاااا فيكم اخواتي kajol & shoooq_uae....

بالنسبة للتشققات أنا كتبت ردي في مشكلة الاخت ليانا وانا وقتها سألت بعض اللي اعرفهم بالصالونات وأيضا سويت بحث مطول على النت في المواقع الطبية وللأسف ما اعرف طريقه غير اللي كتبتها للأخت ليانا ... لكني لقيت تشابهه بين وصفة وحده من صديقاتي بالصالون واحد الشيوخ على النت .. ولكني بصراحه ما جربتها .. فأنصحكم تلجؤون للطبيب أفضل حل بدل ما تجربون اشياء ما تعرفون نتيجتها ... :)
==--==--==--==

هلا اخت هنادي ...
انا اللي اعرفه ان عصير الجرجير مع زيت الخروع الخاص اللي يطول الشعر ممكن يمزج بع بعض وتخلينه طو اليوم .. اما فلفل اخضر بارد فما سمعت عنه .. والافضل تستخدمين الشائع وما تلعبين بشعرج ....

تحيااااااااتي
:)

ملاك الورد...:)
اشكرج الغالية على ردج...
:D
أختج....
الغزال الشمالي;)

هلا اختي ملاك الورد
عندي سؤال وارجواا الاجابة عليه
اختي الكبيرة طالع شعرها خشن ما ادري ليش
المهم 000 هي فرد شعرها يمكن حوالي 6 مرات
كان الفرد يقعد ستة شهور وبعدين يرجع الشعر زي ما كان ولا بعد اكثف
من ما كان عليه والحين هي منحرجة جدا من هذا الشعر الكثيف والخشن في نفس الوقت وما تدري ايش تسوي فيه :o
اذا عندك اي طريقة تخليه ناعم فارجو المبادرة في اعطائي هذه الطريقة عشان اختي ترتاح وتريحنا معاها لانها مرة منحرجة من شعرها حتى في بعض الاحيان لمن يجون ضيوف فجاءة ما تخرج عليهم ولا تسلم :mad: بس عشانها مستحية من شعرها 000:confused:
ارجوا المساعدة ولك الدعاء منا :)

السلام عليكم و رحمة الله و بركاته

اختي الغالية ملاك الورد يعطيج الف عافية على سعة صدرك ...

و الحقيقة انا عندي مشكله متعبتني... هي كل ما اروح الصالون و اشيل شيره (حلاوه) .. تطلع لي حبوب بجسمي و تظل فتره طويله ..اخرها كان بظهري .. و صار مكانها نقط لونها بني ... و الحمدلله الحين راحت ... لكن ماني عارفه شنو السبب اللي يخلي هالحبوب تظهر مع اني ما كنت اعاني من هالمشكلة من قبل ...

شنو السبب في رايج ..؟؟ و اشلون تنحل هالمشكله ..؟؟؟

طيب واذا عملت حمام بخار ... اشيل شيره اول ولا اعمل الحمام اول؟؟؟


و لك مني خالص الشكر
_________________

العفووو اختي الغزال الشمالي لا شكر على واجب ....:)
==--==--==

هلا فيج أختي الهايمة .....
أولا لازم تبتعد عن كل اللي يضر الشعر ويؤدي لخشونته مثل التعرض للشمس والغبار واستخدام الصبغات والسشوار وبعض المواد الكيماوية ...
بالنسبة للحل فهو الفرد مع انها مب الطريقه المثالية ولكن حاليا هذا المتوفر .. وأنصحها ما تجرب اي وصفات او خلطات ممكن يؤدي لتساقط شعرها .....

والآن هناك بعض العيادات المتخصصه في هذا المجال وهو تنعيم الشعر وجعله مسترسل لفترات طويله ويمكن على طول ... لكن احذري لانهم احيانا يطلبون توصيل شعر او طرق لا يسمح بها الاسلام ..
وانا في رايي ان استخدام زيت جوز الهند لفترات منتظمة ممكن يخفف من الشعر الخشن ...

لكن اذا ما فاد ممكن الطبيب المختص بالشعر يفيدها اكثر مني ...

تحيااااتي ... :)
==--==--==

هلا اختي ^SwEeTa^ ....

الحبوب اللي تتطلعلج بعد الحلاوة اما ان بشرتج حساسة وتلتهب بسرعه من حرارة الحلاوة يمكن .. أو ان يتم التعامل بخشونه اثناء نزع الشعر أو ان طريقة النزع غلط وهذا طبيعي يؤدي للي تعانينه ..

وعشان ما يصيرلج شيء بعد الحلاوة استخدمي ( بودرة اطفال ) قبل وبعد الحلاوة لانها تبرد الجلد .. وكوني في مكان معتدل الحرارة يعني المكيف ما يكون شغال ولا في مكان حار لدرجة انج تعرقين لانه بيضر ببشرة جسمج ..
واستعملي لنزع الشعر القطن المقوى بدل من الورق المقوى .. وبعد الحلاوة حطي اما بودرة اطفال او كريم مرطب الافضل عشان تتفادين المشكلة ....

بالنسبة لسؤالج الثاني في ناس تسوي حلاوة وبعدين حمام البخار وفي ناس العكس والطريقتين مقبولين لان الشعر يكون في حاله ضعف فينشال منج بسرعه المهم ان الجلد يكون رطب يعني لا جاف ولا مبلل ..

والله يوفقكم ...
تحياااتي :)

ملاك الورد ،،،ليش ما رديتي علي:(

هلاااا اختي بنت البر .. آسفه والله ما انتبهت :o

بالنسبة لشعر الشنب أفضل طريقه لازالتها الخيط .. لأن الحلاوة تؤدي للتجاعيد في هالمنطفه .. وطريقه اخرى هي التشقير ولكنها تضل طريقه كيماوية .. لذلك أنصحج بالخيط ... :)

والسموحه مرة ثانية ..
تحياااتي

مشكورررررررة يا ملاك الورد على إهتمامك بالموضوع والله ما تقصرين:) :)

مشكوررررة يا ملاك الورد :) :) على إهتمامك بالموضوع والله إنك ماتقصرين

مشكورة اختي ملاك الود وما قصرتي
ولازم اقول لاختي على النصائح هذه
واكيد انها بتلاقي حل في يوم من الايام
بس عندي سؤال وهو ايش هي فوائد زيت جوز الهند
اذا سمحتي:o
وسلامي لك;)