مشاكلك لها حل عندنا بإذن اللــه =-=-=-= >>>

هلااا فيج اختي soma_86 ..........:)

جربي قناع مكون ملعقتين من مطحون الحمص مع ملعقه الروب ( لبن زبادي ) وقطرات من الليمون وماء الورد وتخلينه مدة نصف ساعه وتغسلينه بماء بارد ..

مطحون الحمص يقشر فلا تخافين من الاحمرار ..:)
==--==--==

هلاا فيج اختي الفتاة المخمليه ....:) تسلميين اختي كلج ذوق :o

بالنسبة لخشونة منطقة الارداف لها عدة اسباب منها جماليه ومنها صحيه .. مع انها المفروض تكون اطرى منطقة بالجسم لانها اكثر منطقه تخزن الدهون بالجسم .....

كبدايه ابتعدي عن تنظيف المكان بالصابون والليفه ... وابتعدي عن الليمون اذا كنتي تسخدمين مواد طبيعيه ...

واستخدمي اي نوع من انواع الزيوت يوميا بالليل واغسليه في الصباح بواسطة صابون جل والافضل انه يحتوي على كريم مرطب مثل عندج دوف وتستخدمين ليفه من قماش افضل كبدايه فقط .....

واذا لاحظتي اي تحسن استمري عليه لين تخف الخشونه اما اذا ما خف راسليني على الخاص عشان اسألج وارد عليج ان شاء الله .....

تحيااااتي :)

:o مشكورة اختي ملاك

ماعندج شي يبيض البطن:o :o

شكرا اختي ملاك الورد وانشالله بجرب كل وصفاتك اللي انشالله حتفيدني بس بعد امتحاناتي:confused:

:)السلا111م عليكم:)

رأيت الموضوع وعجبني وبدات صاحبه الموضوع:)

انا 17 الشهر هذا حفله خطوبتي:o وانا اعاني كثير من شعري

يتساقط كثير كثير ومو بسرعه يطول يعني انا الان سار لي اكثر

من سنه قاصته ولين الان ماطول يعني غريبه فيه:rolleyes::rolleyes:

فا ابي علاج حق شعري ابيه يطول بسرعه وابي يمنع التساقط والقشرة

كمان سايرة صاحبت شعري:o:o

وانا كمان اعاني من كثرة الدهوووووووون بخشمي:mad: ما ادري شنهو

اسوي فيها يعني ابي خطيبي يشووفني حلووة:o:o


===================

سؤال

يمكن يكون محرج جدا

بشنو ازيل الشعر الي بالامكان الحساسه؟؟

طبعا فاهمين قصدي مو؟:o:o:o


بحيث انه مايسبب سواد ولا يخشن الشعر ويكوون مضمون

ولا فيه مضرة لي انا يعني

اكثر البنات يعانون من السواد في الامكان هاذي

ممكن اشوف حل عندكم:o:o


واكون شاكرة لكم


تحياتي واشواقي

مها:o:)

هلا حبيبتي مشكوره على هالخدمات وعساها في ميزان حسناتك انا الحقيقه كنت اشتكي من حاله نفسيه وسببت لي حساسيه استخدمت بعدها اشعاع فوق البنفسجي والحمد لله صرت احسن بس البقع تاعبتني كثير بشكل ماتتوقعين مابقى محل مارحت له بس من غير فايده اما الحاله الثانيه عندي هالات شديده حوالين عيوني اتمنى تساعديني بكل ماتستطيعين

هلا اختي ملاك الورد الله ايخليج في امر زااعجني واايد وابي حل سريع لها لما اشيل شيرة واخلص ايظل في شعر تحت الجلد وبعد جم يوم اشوف طلع هالشعر وجني ما سويت شي وبعدين الشي الثاني لما اشيل واخلص ما احس ان ريلي ناعمه ومافيها شعر ايظل هالشعر الداخلي بالجلد يزعجني وما احس بالنعومه ..

ما ايخالف طولت عليج بس والله ما تدرين اشكثر مأذيني هالموضوع وجزااج الله خير وكثر الله من امثالج انشاءالله :)

هلااا فيج اختي أم شبيب ..:)

استخدمي محلول عصير 3 ليمونات مع ملعقتين سميد تعرفينه اكيد .. وافركي فيه المنطقه لين تشوفين المنطقه احمرت وبعدها اغسليها بماء بارد وادهنيها بزيت اللوز او زيت الحبة السوداء يومياا .. وان شاء اللهيروح عنك ..
==--==--==

هلااا فيج اختي soma_86 وان شاء الله تستفيدي منها بس اختاري اللي يناسبك ....:)
==--==--==

هلااا اختي مهـــــا ...:)

بالنسبة للشعـر استخدمي رزمة جرجير أو أوراق السدر .. اغسليهم عدل وحطيهم في الخلاط مع شوية ماء الحلبه واستخدميه يوم اي ويوم لا بالليل وفي الصباح تغسلينه .. وهي خلطة معروفه انها تحل معظم مشاكل الشعر منها التساقط وغيره ...

بالنسبة للدهون اختي مها ما فهمت هل تقصدين الافرازات الدهنيه اللي تكون بمنطقة الانف او الاكياس الدهنية او شو بالضبط ؟! ياريت تردين تشرحينلي :)

بالنسبة لازالة الشعر بالمناطق الحساسه ما في طريقه مضمونه بس مؤخرا لاحظت البعض يستعمل الخيط !! بدل من الحلاوة اللي يسبب التجاعيد والموس اللي يسبب دكونه في المنطقه .. وتستخدمين الخيط مثل ما تستخدمينه للوجه ويقولون ان ما فيه اي اضرار لان الخيط على الوجه ايضا ما فيه اي اضرار ...

بالنسبة لتفتيح هالاماكن .. عندج خلطات كثيره بالمنتدى واهمها اللي تختوي على الليمون .......
==--==--==

هلااا اختي yawe ....:)

هذي تصير لسببين اما ان طريقة استخدما الشيرة او الحلاوة غلط او ان بعض الشعيرات في بداية نموها تحت الجلد وهني ما تقدرين تتحكمين فيها ... الطريقة الغلط انج تشيلين الشعره فقط من فوق الجلد يعني كانج تقصينها اما الطريقه الصحيحه انج تشيلين الشعره من جذورها حتى تحسين البصيلات واضحه عندج .. جربي انج تستخدمين محلول الماء والملح قبل الحلاوة وتخلينه لين يجف عشان هالمحلول يخدر المنطقه ويرخيها .. وبعدها ابدئي باستخدام الشيره والشيره لما تحطينها على المنطقه خليها شوي يعني مب على طول تشيلينها لا خليها شوي تبرد وبعدين شيليها عشان تلصق اكثر بالشعر ....

الله يوفقكم
تحيـــــــــــاتي .........:)

مشكوره اختي ما قصرتي والله يعطيج العافيه يعني برايج اغير الصالون اللي اشيل عنده لان انا اشيل بصلون مو بالبيت لاني ما اعرف :( اسفه اسفه عالازعاج اتمنى الرد السريع اذا ممكن :)
شكرا اختي

هلا والله انا ابغا البياض الي في العين يزيد لان الحمار غالب عليه

هلا والله انا عندي مشكله والله يخليكم تحلونلي اياها انا ابغا البياظ الي في عيني يزيد بياض لان عروقي طالعه و الي يشوفني من بعيد يحس ان عيوني حمرا الله يخليكم القولي حل

بسم الله الرحمن الرحيم
السلام عليكم
أختي الكريمة
مشكورة على الموضوع فهو مفيد جدا .......
__________________________________

اذا كان الشعر متعرج من خلف ..... فكيف يمكننا معالجتة....
______________________________________________

دمتي اختي........

حبيبتي

ملاك الورد //والله انج اصيله وحبوبه

عزيزتي عندي كم سؤال

شرايج بزيت الزيتون ؟؟وين ممكن استعمله

سمعت انه ممكن وضعه على الرموش


2- اريد شعري يطول ،،تنصحيني استعمل زيت الخرووع ؟

3- كيف ممكن اقدر امنع ظهور الشعر في :o:o:oالمنطقه الحساسه :o:o:o

وكيف ممكن ازالة الشعر

4- الحلبه //مفيده للشعر ؟؟


عيني انا اسفه كثرت بالاسئله

:o عــــــــــــهــــــــــود

واذا لقيتي لها حل بكون شاكره وممنونه لج وااااايد
انا لون شعري كان بني
حنيته حنا سودا
وصار لونه اسود ليلي
وابغي اشيل هاللون وما ني قادره
مع العلم قالوا لي ما اقدر اغير لونه لين تمر خمس سنوااات

صعبه صح:eek2:

هلا اختي ملاك الورد
الله يخليك لينا و لولا كي شو سوينا
انا مشكلتي راح تدبحني اتمنى ان اتخلص منها باي طريقة هي اني اعاني من سواد في منطقة الرقبة و ارجو اني الاقي عندك حل

عزيزتي ملاك الورد , انا بشرتي سمراء مو ذاك السواد يعني سمراء

تقدري تقولي حنطيه وش كريم الاساس المناسب لبشرتي , وايش

رايك بزيت اللوز ينعم الشعر و لا زيت ثاني انا الحمد لله شعري كثير بس ابي زيت ينعمه و شفت هذه الخلطة ايش رايك فيها
www.3roos.com/forums/showthread. php

اسفه حبيبتي المو قع ما ضبط بس حبيت اوريكي الوصفه هى


لتكبير الصدر مكونه من حلبه و خميرة وتدلكي صدرك لمده ثلث ساعه وش رايك فيها ولا عندك وصفه ثانيه يا ريت الله يخليك طبيعيه


و بصراحه انت مكسب للمنتدى و يجزاك الله الف خير و لا تنسى ردي


علي .

:clap::clap::clap::clap::clap:



موضوع روعه الله يخليك يارب مشاكلي كثيره وارجو المساعده**

1-شعري كان مررررره روعه ماتخيلين ومره حضرت عرس وانعدم
وابغى ارجعه لطبيعته لي10شهور وانا احاول بالزيوت والخلطات ومافي
فايده وقبل 4 شهور حطيت صبغه سوداء مادري بيطلع ولا لا لانى ابي اصبغه هاي لايت
2-صدري كبير ومترهل ودي بحل طبيعي الله يخليك يارب:o
3-عندي تشققات كثيره مرررررررررره في كل الجسم
4-الاكواع والركب سودا وجربت كل شى ومانفع
5-المنطقه ذيك سودا وبين الفخوذ بعد والموضوع ذا مطفشني مررررره
انشالله القى الحل عندك
:up: الله يوفقك يارب

:o:o:oآآآآآآآآآآسفة جداااا على التأخيـــر والله غصبا عني وما يصير خاطركم الا طيب ....

عزيزتي yawe اعذريني اذا تاخرت عليج بالرد ....:o
المشكله مب في الصالون المشكله في اللي تشيل الشعر .. بعض الناس يشيلون الشعر بطريقه عشوائيه وهذا غلط لان الشعر يرد يطلع بطريقه عشوائيه .. وايضا يصير في اختلاف في شل الشعر يعني مثلا البعض ينشال من الجذور والاخر فقط من فوق بدون الجذور وهني ممكن يشوه شكل المنطقه .. وافضل طريقه لشل الشعر تكون بعكس اتجاه ظهور الشعر ويكون بطريقه مستقيمه والقماش يكون مصنوع من الورق المقوى اللي يكون شوي قاسي مب لين مثل القطن ....
================

هلااا اختي هدب نجد .......:smile:

بالنسبة لاحمرار العيون لها اسباب كثيره .. منها ارتفاع درجة حراره الجسم خاصة بالصيف ( ليس حمى ) او ارتفاع ضغط العين أو السهر لفترات طويله .. وممكن يكون اسباب داخليه بالعين .. او تركيز النظر في اتجاه واحد مثل تركيز النظر في شاشه الكمبيوتر أو يعتمد على نوعية الاكل مثل الدهون والبهارات او تعب العين وارهاقها ,,, وممكن يكون سبب يلزم علاج الطبيب ....

المهم وقبل كل شيء راجعي طبيب عيون قبل كل شيء واذا تأكد خلوها من اي مشاكل بإمكانج تجربين تستعمل محلول بسيط وهو ربع ملعقة شاي ملح طعام ( ناعم ) وفنجان ماء أو ماء ورد ( أصلي ) تلاقينه عند العطار .. وتستعملين لكل عين قطرتين قبل النوم يفضل يكون 3 ايام بالاسبوع وحاولي تخففي قدر الامكان منه لان استخدامه لفترة طويله ممكن يسبب جفاف للعين والمنطقه المحيطه بها ....

أولا راجعي الطبيب قبل لا تجربي اي شيء...
================

هلااا فيج اختي يقين الزهراء .......:smile:

بالنسبة للشعر اذا كان متعرج اي مموج وهو عاده يصير للشعر الجاف او المجعد او الشعر الدهني-الجاف ....

في طريقتين طبيعيتين ممكن تخلصج من هالمشكله .....

أولا بعد غسل الشعر خليه ينشف طبيعي بدون مجفف ولا تفركين الشعر بالفوطه .. ولما تحسين ان الشعر صار رطب استخدمي المشط اللي اسنانه عريضه وسرحي الشعر ابدئي من الاسفل للاعلى ... وبعدها استخدمي كريم اسمه ( هير فود ) بنسبه بسيطه فقط على الشعر الخارجي يعني مب الفروة .. وعادة هير فود يكون بعد السشوار لكن ممكن تستخدمينه بدون سشوار ...

ثانيا اعملي بلسم طبيعي وهو عباره عن بيضه وعصير ليمونه أو خل ابيض بمقدار ربع ملعقة شاي ونص ملعقة شاي زيت جوز الهند ودلكي فيه فروة الراس والشعر واتركيه لمدة ربع ساعه قبل الغسيل زبعدها اغسلي شعرك عادي بالشامبو والبلسم المناسب لنوعية شعرك ..

وانبه ان البلسم ضروري جدا للشعر الجاف خاصة وانواع الشعر اللي ذكرتها سابقا فوق .....


يتبــــــــــــــــــــع:up:

هلااا فيج اختي 333:smile:تسلمين من ذوقج:o

بالنسبة لزيت الزيتون ما انصحج تستعملينه على الشعر لانه يحرق بصيلة الشعر ... لكن ممكن تستخدمينه مع خلطات اخرى بنسب قليله جداا ولكن بشكل عام زيت الزيتون ليس للشعر ...

نعم هو يفيد الرموش اكثر شيء وهو ممتاز لتكثيف وتطويل الرموش ( عن تجربة ) خلال 3 اسابيع او اقل حتى ...

لتطويل الشعر نعم ينفع زيت الخروع الخاص بالشعر لان في نوع اخر للجسم وهنا المشكله الكل يتلخبط معاهم ان في نوع للشعر ونوع للجسم اسئلي العطار قبل لا تشترين ... وممكن تعملين خلطة وان شاء الله تفيدك وهي عباره عن ... ملعقتين زيت جوز الهند مع ملعقتين من زيت الخروع تخلطينهم وتخلينهم مدة نصف ساعه وبعدها تفردينه على الشعر وتغطينه بفوطة رطبة ودافئة لمدة 3 ساعات وتغسلينه عادي ....

بالنسبة لمنع ظهور الشعر في المنطقة الحساسه فلا يوجد شيء مضمون حتى الان اكثر من الليزر ... طبعا مستحيل الكل يجريها لان في حالات والطبيب يحددها ممنوع تجرى لهم عمليات بالليزر .. فللاسف ما في طريقه حتى طبيعيه تزيلها نهائي .. لكن اذا بقيتي تتجنبين اي مشاكل اللي تسببها الحلاوة والموس فافضل طريقه هي الخيط ... وهي من افضل الطرق لازالة الشعر بطريقة آمنه .......

الحلبه مفيده جدااا للشعر وهي مثل الجرجير والسدرة ... لكن ما تستعملينها لوحدها اما مع الزيت او او الحنه او عصير الجرجير او السدره .. لكن لوحدها راح يكون تاثيرها أقل ....
================

هلاا فيج اختي الغاوية .......:smile:

أولا وقبل لا أرد على استفسارك احب انوهك ان هالنوع من الحنه المسوده للشعر هي اصلا مب حنه انما عباره عن اصباغ مع القليل من الحنه السودانيه .. والاكثرية ينغشون فيها ... بالاضافه الى انها حراااااااام
لان معروف ان صبغ الشعر سواء للرجل او المراة بالاسود حرااام .. والبعض يستعمله لظنه انه حنه لكنه مب حنه انما اصباغ ومواد كيماوية بعد فترة تتلف الشعر وتجرده من الوانه الطبيعيه فانتبهي منها ... والطريقه الطبيعيه لتسويد الشعر عن طريق ( الكتم ) كما هو معروف عن الرسول صلى الله عليه وسلم وممكن تلاقينه عند العطار ...

وهاللون طبعا ما بيروح الا بعد فترة لانه مثل اي صبغ يروح بشكل طبيعي .. لكن في طريقه معروفه انها تخفف من اللون بسرعه وهي ان باخر غسله للشعر تحطي شوية خل ابيض بايدك وتمسحيه على شعرك فقط دون الفروة لكن ما اضمنلك يرد شعرك البني كما كان في السابق لان الصبغه مثل ما قلت تجرد الشعر من لونه الطبيعي .... يعني ممكن يبهت لون الشعر ...
================

هلااا اختي الحلوة 2003 :smile: مشكوورة عزيزتي كلك ذوق

سواد الرقبه بسيط جداا ممكن ازالته خلال قناع او ماسك يومي يستخدم في الصباح والمساء .. او لوشن منظف وغيره ..

بالنسبة للوشن فأنصحج بـ ( اسكينول ) ووحده من الاخوات تفضلت مشكورة بالشرح عنه .. وتلاقينه بكل المحلات او الجمعيات .. تبللين قطنه بالاسكينول وتمسحين فيه الرقبه في الصباح والمساء كل يوم ...

اما الماسك فاستخدمي عصير الطماطم ممزوجا بمطحون الحمص يصير مثل الكريم وتفردينه على الرقبه لمدة نصف ساعه وتغسلينه بماء دافئ وبعدها تمسحين الرقبة بماء الورد ...
================

هلااا فيج عزيزتي yasmin :smile:ومشكوورة على كلامك اللطيف كلك ذوق ....

بالنسبة لكريم الاساس المناسب للون بشرتك فعندك ماركة ( ريفيلون ) و ( لانكوم ) ويكون لون الكريم افتح من لون بشرتك بدرجة واحده ... وحاليا متوفرة كريمات اساس خاصة لتفتيح البشره ...

بالنسبة للزيت انصحك بزيت جوز الهند افضل من زيت اللوز للشعر ...
او تخلطين حنه مع زيت جوز الهند وتفردينه على الشعر لمده 3 ساعات ...

بالنسبة للخلطة المذكورة اسمحيلي اختي ما عندي اي فكرة عن هالموضوع اما لتكبير الصدر فما عندي اي فكرة عن هالشيء لكن سبق وذكرت لوحده من الاخوات ان اي عامل خارجي ممكن يتعرض لهالمنطقه المفروض تكون مدروسه ومضمونه .. وانا ما اضمنها لج 100% لانها مثل ما قلت عامل خارجي ممكن يأثر وممكن لا ... :smile:
================

هلااا عزيزتي عيون خالد ....... والله يسلمج ياارب :smile:

أحب انوه ان فترة معالجة الشعر يفضل عدم تعريض الشعر لاي مصادر كيماوية مثل الصبغات والكريمات وغيرها ... لانها في هالفترة الغده تكون في حالة النشاط من التدليك وهذا يهئ للشعر بالظهور فتحتاج لفترات راحه ... بالنسبة لصبغه للاسود ارجوا منكِ قرائة ردي على الاخت الغاوية ..

لتكثيف الشعر هناك الكثير من الخلطات والوصفات المذكورة في هذا الموضوع .. ممكن تردين تشوفين الصفحات الاولى وتختاري اللي يناسب نوعية شعرك ...

بالنسبة لتصغير الصدر فمن المعروف ان الرياضه وخاصة تمارين شد الصدر مفيده جدااا وحاولي تخففين من تناول الدهون لان بعض المناطق تكتنز الدهون ومنها الصدر وهذا مضر لانها مع مرور الزمن تصير خلايا سامه لا سمح الله ...

اختي للاسف تشققات الجلد ما الها اي علاج مضمون حتى الان ,,, ولكن في الحالات البسيطة ممكن كريم ( ريتين أ ) يفيد في علاج تقريبا 35% منها ..

واذكر اني كتبت طريقه ماخوذه من احد المعالجين بالطب النبوي خلطة ولكن بصراحه ما اعرف نتائجها هل تفيد او لا !!!
وهي عباره عن (( يمزج ثلث مقدار من الجليسرين مع ثلث مقدار من الليمون مع ثلث مقدار من الكولونيا .. تدلّك الأماكن المتشققة بالمزيج وهو يُعتبر واقياً جيداً من التشقق .. ) .. والله أعلم

بالنسبة للركب والاكواع والمناطق الداكنه فهي تحتاج للاهتمام بشكل مستمر وممكن تطول المدة خاصة بالوسائل الطبيعيه ...

طبعا في كريمات ممكن تستخدمينها تحت اشراف طبي ..
أو اذا بقيتي طبيعي فممكن تستخدمين مرتين في اليوم في اليوم خل مع عصير الليمون لتفتيح هذه المناطق لكن بحذر في المناطق الحساسه .. والافضل يكون مسح المنطقه بواسطة قطنه لمدة 10 دقائق .. وغسلها بماء بارد ..



والله يوفقكم جميعا .......
تحيــــــــ:shy:ــــــــاتي .....

[][هلا انا روز 22 اول مرة اشترك معاكم انا من مصر واحس اني خايفة مش عارفة يمكن عشان اول مرة ادخل الموقع المهم اني عايزة اشكرك على معلوماتك يا عمري والله يوفقك دايما للخير انشاء الله مع تحياتي
رووز