مشاكلك لها حل عندنا بإذن اللــه =-=-=-= >>>

هلا بنات:
وانا حبيت اسال عن الجفاف في اليدين والا رجل:) ؟ الحل المناسب؟

نصيحة لكل من تريد فرد شعرها بالفرد المائ بان لآتفعل لأني قمت بتجربتها،وللاسف فقدت جزء كبير من شعري،وياليته علي كذا
إلا المكان اللذي سقط منه شعري متهيج وملتهب رغم إن هذه الحكايه لها سنة ونصف ومزلت ؤعاني منه حتي الآن.

هلااا فيج اختي ريم ..... :)

لازالة شعر الوجه في عدة طرق .......

وافضلها الخيط والحلاوة .... مع ان الحلاوة لا ينصح فيها لانها تسبب الترهل والتجاعيد بعد فترة بسبب كثرة الشد ... لذلك ممكن تستعملين الخيط فهي الطريقة الامنه .......

وفي طريقه ثانية وهي الليزر وهي صارت منتشره الان في المراكز الطبيه .. فمن الافضل انه يكون تحت اشراف طبي ....
==--==--==

هلااا فيج اختي انواار ....... :)

بالنسبة لجفاف اليدين او الرجلين فينصح باسخدام الكريمات المرطبه والزيوت مثل زيت الزيتون وخاصة بالليل كل يوم ..... مع الاكثار من شرب الماء تقريبا لتر ونص يوميا ما يعادل 8 اكواب .....
==--==--==

هلااا اختي ام نواف .....:)

معاج حق سبق وذكرت ان طريقة الفرد المائي قاسية جداا على الشعر .... وتقريبا معظم انواع الفرد تضر بالشعر وتؤدي لتقصفه وجفافه وبالتالي سقوطه ....

اختي ام نواف حاولي تريحين فروة الراس من خلال استخدام احد زيوت الشعر والمساج .... وعمل حمامات زيت بارده بدل من دافئة ..... عشان تقلل التهيج .... واستخدمي الحنا بس بشرط ما يكون في الفروة اي جرح او جرح مفتوح لان الحنه بيزيده ...

تحيااااااااااتي ......... :) :)

السلام عليكم ورحمة الله وبركاته

ياليت يااختى لو مافى كلفه عليكى اتمنى انىا لااقى شى مجرب ومضمون مره لحل مشكلتى وهيا اللون الغامق فى المناطق المعتاده من جد مرره خلاص فقدت الامره ويأست...الله يعطيكى العافيه اختى انا شفت وصفات كثير مره بس ماادرى ايش استخدم؟؟

ياليت تفيدينى... جزاك الله خير


مع تحياتى

اختك نوره

السلام عليكم

هذي اول مشاركاتي معكم
بصراحه الموقع مااينوصف ابد
اكثر اكثر اكثر من روووووووووووعه
ويشهد الله اني حبيتك ملاك لانك طيوبه وحبوبه وتحبي تساعدي الناس
يارب يزيدك ويحبب الناس فيكي ويوفقك دنيا وآخره

عندي كم سؤال ماعليكي كلافه ياعمري ياريت تساعدينيييي
اول شي انا عمري 18 سنه وان شا ءاله بعد كم شهر خطوبتي
فعارفه مع القلق والخوق صرت ادقق في جسمي ابغى اكون اروع انسانه بعينه

طيب عندي كم سؤال وان شا ءالله يكونو خفاف عليكي
ــ اول شي شعري مهو ناعم بس مو خشن مرررره مدرج فطبعادايما استشوره خصوصا مع المدرسه لازم استشوره كله مره في الاسبوع وكل يوم من قدم
صار اخف من اول بكثير وكان مره يتقصف
وصار يتلف على بعضه ( يعني كذا كل مجموعه تتبرم لحالها ماعرف ليش ماحطله مكر ولاالفه ولاشي عادتا الفه كعكه )
فاتوقعت السبب الاستشوار وقفته فتره يمكن 7 شهور وسويته ليلة العيد طلع يجنننننننننن ماشاء الله حسبت المشكله انحلت لقيت االبرمه ماراحت برضه يتلف
سواء مستشور او لا
مره تعبني افتحها تلف لحالها جننتني ( تعاند ماتستحي هههههههههههه)
فايش السبب والحل لهالبرمه حبيبتي؟

ــــ ثاني مشكله شفايفي مررررره ناعمه ورطبه يعني الروج مره مايمسك الروج نفسه يتبل ولا اعرف احطه
شفتي الي فوق يمسك شوي بس برضه بالكثير ربع ساعه ويطيح مو عارفه ايش الحل احط بودره مثلا قبل ولا مثبت المشكله ماينحط شي عشان اثبته؟
ساعديني ياعمرييييي

ـــ امااخر مشكله وهي مقلقتني كثير
صدري فيه بقع افتح من لون بشرتي انا لوني قمحي و هالبقع في منها صغييييير وفي على شكل خط وصدري نفسه موباين انه في جزئ منه مفتح بس لماادقق النظر الاحظ ان فيه لون افتح من لون جسمي
هاللبقع مو بيضه مره وهي ملمسها نفس ملمس بشرتي يعني مو ناشف او بارزه او شي لا نفس الجلد تمام

تبدى البقع من بداية بروز صدري ( من خط الابطين ) امافوق يعني المكان الي يبان من فتحتة البلوزه مافيه شي هذا خلاني اشك ان السبب له علاقه بصدري مو بالبشره

اي كمان نسيت في شي يمكن يكون مسبب انا اصلا كنت متينه بس من يوم صار عمري 12 تقريبا او 13 بدى ينزل وزني بشكل فظيع الين الحين صرت مره نحيفه يمكن هذ السبب والنحافه طبيعيه ماسويت رجيمات ولاشي مع العلم انه اعرف التشققات الي ناتجه عن تغير الوزن بس ماتشبهها بس يمكن التشققات انواع هذا منها ؟

ها ايش راي حبيبتي وبايش تنصحيني ياريت شي طبيعي ماارتاح للكريمات

آسفه ياعمري طولت عليكي وكثرت كلام بس لاني حريصه انه يوصل لك السؤال مفهوم من كل النواحي لان نفسي في حل


ومشكووووره حبيبتي
الله يسعدك يارب
ويعطيكي العافيه

تسلمين أختي ملاك الورد على كل المجهود اللي تبذلينه

أما مشكلتي انا
اني معلمة وإلى الآن ما زلنا نستخدم الطباشير في السبورة
تصوري!!!!!! :mad: :mad: :mad:

حاولت أني استخدم قفازات أثناء الشرح بس ماكانت فكرة عملية
وحتى ماسكات الطباشير اللي في المكتبات ما تساعد

صارت علبة الكريم معايا في المدرسة
وبعد كل حصة اغسل يدي بالصابون واحط الكريم

بس فعلا حاسة انها فقدت الكثير من نضارتها

وطلبي هو
خلطة لليدين تقاوم الجفاف للي يسببه الطباشير وترجع لي نعومة يدي ونضارتها

وألف ألف ألف شكر لك حبيبتي

هلااااا فيج اختي نوره البنوره .......:)

ايووه في وصفات كثيييره بالمنتدى عن هالمشكله .. وافضلها الوصفات اللي تحتوي على ليمون او خل ..

انا في رايي انج تشوفين السبب وتعالجينه ... مثلا نوعية الملابس المفروض تكون قطنيه خصوصا وانا نحن داخلين على فصل الصيف .. وتحاولين تهويه المنطقه اذا كنتي بمكان حار او رطب .. واهم شيء الاهتمام كل يوم بهالمناطق ..

شوفي الخلطات اللي تناسب نوعية بشرتج في المنتدى ..
وايضا عندج محلول عصؤ الليمون والعسل مفيد جداا لاهالمناطق ....
==--==--==

هلاااا فيج حبيبتي عروس جده ....:)
تسلمييين عزيزتي على كلامج كلج ذوق ... والله مبروووووك مقدما (f)
وان شاء الله اساعدج باللي اقدر عليه ....

1- بالنسبة للشعر انصحج ما تسشورينه الا عند الحاجه .. لان كثرة استعمال السشوار يؤدي لتشاقط الشعر وجفافه وتقصفه .. والحل لتقصف الشعر هو القص .. المفروض الشعر ينقص كل 3 شهور مرة وحده او 4 شهور .. لانه الاطراف تتنفس بهالطريقه .... بالنسبه للف الشعر على بعضه استخدمي بلسم خاص بنوعية شعرج سواء كان جاف او دهنية او عاديه .. مثلا عندج بلسم من ماركة ( كارا ) .. وفي بلسم تحضرينه في البيت مكون من بيضه و قطرات من عصير الليمون تخلينه على الشعر ربع ساعه قبل وقت غسل الشعر ..

2- بالنسبة لروج الشفاه .. مرري كريم الاساس بواسطة الاسفنج على الشفاه قبل لا تحطين الروج وخليه فترة وبعدين مدي الروج .. واستخدمي محدد بلون نفس لون بشرتج اذا كنتي تحبين المكياج الطبيعي .. لان محدد الشفاه ما يخلي الروج يمتد لبرع .. استخدمي نوعيه جيده من الروج وهذا اهم شيء .. بعد ما تخلصين من الروج خذي رشه بسييييطة من ماء الورد على البشره كلها وتكفي رشه وحده لتحافظ على المكياج ومعاها الروج ..

3- يمكن هالخطوط هي نفسها التشققات اللي تصير من زياده او نقص الوزن .. او يمكن تكون ناتجهه عن الجو الحار اللي بمنطقتناا .. ويسمونه التهاب البحر المتوسط .. طبعا هو مب مرض ولا هو خطير .. يصير نتيجة ارتفاع درجة الحراره بالجو وزيادة التعرق واحيانا بسبب مزيل الروائح ..

بصراحه ما عندي فكرة عن كيفية علاجها لاني اعطيت احتمالات لسببها مب متاكده منها .. ولكن عشان تجنبين زيادتهاا .. حاولي تهتمين بمنطقة الرقبة والصدر مثل ما تهتمين ببشرتج .. يعني استخدمي ماسكات او كريمات .. ودايما اهتمي بنظافتها بمطهرات طبيعيه مثل الليمون .. حاولي انج ما تتعرضين للشمس وايد مارسي الرياضه خصوصا المشي بالليل .. لانها تحسن من حالة الجلد بمرور الوقت ... افضل من النهار لان الجو بيكون حار !!

بالنسبة للكريمات ممكن تشرحيلي نوعية بشرتج وعلى اساسها اعطيج الوصفات المضمونه .. او بعض اسماء المنتجات الطبيعيه .. على الرسائل الخاصه ...
==--==--==

هلااا عزيزتي الصمت الحزين .... :)

مشكله الطباشير مشكله كبيره .. لانها تسبب كثير من امراض الصدر غير البشره والشعر للبعض ....

طبعا ممكن استبدالها بالسبورات الخاصه بالاقلام اذا كان ممكن ...

بالنسبة للقفازات استخدمي القفازات المطاطيه الخاصة والمعقمة اللي تشوفين الاطباء يلبسونه .. فهذا افضل نوع وهو عملي بمجرد الانتهاء من الشرح ترمينه .. وهو اييج في علب مثل الكلينكس ...

وفي انواع من الغسول لليدين .. انصحج ما تستخدمين الصابون العادي لانه مع كثره الاستعمال بيسبب الجفاف لج .. وايضا نوعية الكريم يمكن ما تناسب نوعية بشرة ايدج ...

الآن صار متوفر بالصيدليات صابون سائل خاص لليدين وهو مب صابون بمعنى الكلمة لكنه معقم لليدين يعني تستعملينه وخلاص ما تغسلينه بالماء وغالبا ما يكون فيه رائحه ...

حاولي بعد استخدامك للطباشير تحطي ايدك في ماء دافئ وتجففيها برفق وتحطين بعدها كريم خاص باليدين ممكن تطلبينه من الصيدليه وتنشفين اليد من الكريم الزائد ..

وهناك خلطة ذكرت في كتاب جمالك .. وهي لجفاف اليدين عباره عن خلطة مسائيه وهي ....

ـ 1 ملعقة صغيرة عسل نحل.
ـ 2 ملعقة كبيرة زيت زيتون.
ـ 1 ملعقة كبيرة زيت سمسم.
ـ 1 ملعقة كبيرة زيت لوز.
ـ 2|1 ملعقة كبيرة جلسرين.

طريقة الاستعمال :

يُسخن العسل على نار هادئة حتى يصير سائلاً جارياً ثم يضاف إليه الجلسرين وباقي الزيوت ، ويقلّب الخليط جيداً.. ثم يحفظ في زجاجة.
يُدلّك هذا المستحضر باليدين كل مساء.. ويلاحظ أثره الطيب على بشرة اليدين. بعد أول مرة من الاستعمال.


تحيـــــــــــــــــاتي ........... :)

صباح الخير ملاك الورد ...
عزيزتي أولا حبيت أشكرك على سعة صدرك
أنا بشرتي دهنية وخاصة الأنف ولاحظت من فترة طويلة أن بشرتي وايد تعبانه وخاصة من صوب الخدود مثل الترهل وخاصة لما أضع الكريم الأساس مع العلم أنا في العشرينات من العمر يعنى مب كبيرة ,,, أما بالنسبة للكريم الأساس مول ما يثبت على وجهي ومل يكمل الساعة حتى أحس أن بشرتي تعبانه ورايح عنها الكريم
ارجوا الافادتى مع الشكر

أم وديمة

الف شكر حبيبتي

الله يعطيك العافية ونخدمك يوم فرحك

هاااااااي ...شخباركم
اني بصراحة عندي مشكلة معقدتني واتمنى القى عندكم الحل وبسرعة

ومشكلتي اني اعاني من النحافة الزائدة واريد سهلة وفي نفس الوقت

الاغراض متوفرة مو اجيبون اشياء من المريخ صعبة نحصلها والنتائج بعد ما يحتاج تبين بسرعة ...........

وسلامتكم من كل شر

نبراس الزهراء.....

هلااا فيج اختي ام وديمة .......:)

وضعت رد لمشكلتك لكن عشان خاطرك راح اعيدلج ....

يمكن يكون الترهل بسبب زياده في الوزن خصوصا اذا زاد وزنج في الفترة الاخيره او قلة ممارسة الرياضه ....... انصحج تستخدمين الماسكات اللي تحتوي على ماده الجلسرين السائل لشد المنطقه ... وتمارسين الرياضه خاصه رياضه (( يوغا الوجه )) .........

بالنسبة للكريم الاساس انا ايضا بشرتي دهنية واستخدم كريم اساس اسمه (( REVLON COLORSTAY )) من ماركة ريفلون وهو طبعا خالي من الدهون 100% وفي النوع السائل والمضغوط انا اخذت السائل وطلع رووووووووووووووووعه يخفي كل العيوب اللي في البشره وويصفيها مناسب جدااا للمناسبات ..

بس لازم تنظفين البشره بعده عدل لانه شوي ثقيل ولكنه ممتااز جدااا .....

==--==--==

هلااا اختي توتة الأمورة ..... والله يعافيج حبيبتي تسلمييييييييين ...:)
==--==--==

هلااا فيج اختي نبراس الزهراء ....:)

بالنسبة للنحافه الزائدة ممكن تعدلينها من خلال زيادة كمية الطعام في اليوم .. فمثلا تقسمين الوجبات لخمس وجبات باليوم بشرط انها تكون منوعه .. مثلا على الافطار كوب حليب ومشتقاته وبيضتين مسلوقين وتوست .. وعلى الغدى وهي لازم تكون وجبه متكامله تتكون من الأرز واللحوم بأنواعها واهم شيء السلطات ولا تشربين ورا الغدى اي عصير او اي نوع من المنبهات لانه راح يمتص الحديد اللي اكلتيه في الغدى .. وعلى العشا تقدرين مثلا تتناولين سندويتشات بالدجاج والمايونيز مع السلطة ..

اما بين الوجبات ممكن تتناولين مثلا البسكويت اللي فيه سكر او تتناولين حبات صغيره من الشوكولاته .... وايضا عندج شوربة ( شوفان كويكر ) مع الحليب ... اشربيها كل يوم الصبح .. لانها غنية بالالياف والكربوهيدرات والنشوياات ... ومع الوقت تزيد الوزن ... ان شاء الله


تحيااااااااتي .......:)

اسفة حبيبتي أتأخرت في شكرك
الله يعطيك العافية ويوفقك


اشكرك جدا جدا

عندي مشكلة صعبة جدا وابي حل لها الله يوفقك يا ملاك الورد انت فعلا

ملاك نزل علينا علشان يحل لنا مشاكلنا

اولا ابي وصفة مجربة لتفتيح لون البشرة الداكن تحت الابط

ثانيا ابي بعد وصفة لازالة الحبوب من منطقة الظهر وتفتيحها

واسفة اذا طولت عليتش

مشكورة وايد يا ملاك الورد الحلوة :)


ردينة

هلا ملاك .. اشحالج الغاليه ؟؟؟

تقدرين تستخدمين العسل والليمون كل يوم لمدة 35-45 دقيقه .. لانه جدااا مغذي للبشرة وله دور في تنقية البشرة ... (هاي الوصفه كتبتيها في احد ردودج ) وسؤالي هو العسل لازم يكون طبيعي 100% ولا عادي اي نوع؟؟؟ وهل هالوصفه تخفف من الآثار ؟؟؟

والسؤال الثاني عن خلطة الجرجير (شو الافضل استخدام ماء الورد او زيت جوز الهند)؟؟

شو الافضل لكثافة وتطويل الرموش (زيت الخروع ولا زيت الزيتون) ؟؟؟

اسمحيلي الغاليه اذا طولت عليج :o

السلااااام عليكم ورحمة الله..


الله يعطيج الف عافية ويزيد حسناتج والله ماقصرتي:)

للي عندي هو ان بشرتي صارت سمراء من الشمس وابي خلطة تبيض بشرتي وياريت طبيعية..

والشي الثاني ابي استخدم كريم اساس بشرتي دهنية شنوو للي تنصحيني فية وعلى اي اساس اختار ذي الكريم :)

مشكوورة حبيبتي:o

مرحبااااا ...

مشكورة ملاك الورد على جهدك .. :D ما شاء الله عليك .... عندي استفسارين ....

1- هل ممكن نستخدم كريم فرد الشعر ويلا ستريت للشعر المتقصف والمصبوغ بأنفسنا بالبيت ؟؟ وهل ممكن نتلافى تساقطه بعد الفرد عن طريق زيادة العناية فيه ..... بالزيوت وغيرها .... ؟

2 - عندك فكرة عن كريمات احماض الفواكه الي تقشر البشرة ... وممكن تعطيني اسمائها ... :o اذا ما فيها كلافه ...؟

وتسلمين وشكرا وصديقتي بتدعيلك لانها صاحبة الاستفسارين ... :) وانا كمان ,, يا قمر .....


تحياتي

مـــزاج

ان عندي مشكله و اريد الحل ...مشكلتي هي ان في وجهي نمش و انا حاولت اكثر من طريقه و ما نفعت ...و انا اتمني الاقي الحل الأمثل...
شو اقتراحكم...بسرعه:confused:

انا عندي مشكله غريبه شوي وهي اني اطول من زوجي يعني طولي 159 وزوجي 156 وانا رقبتي طويله وزوجي بالعكس ماعنده رقبه والله اني احبه موت وهو يحبني اكثر ودايم يقولي جسمك روعه واموت فهاالطول بس انا خايفه ان هذاالفرق يأثر فينا
وارجوكم لاطنشوني لاني صاراحه مليت من سخريت الناس في زوجي على انه قصير
الي عندها اكله او وصفه اوتمارين تطول تلحقني فيها

مرحباااا
يعطيك العااافيه ملووكه
انا عندى مشكله صغيرونه بس متويتلى عقده
انا صدرى مترهل وابي لها وصفه او كريم يشده ؟؟

تحياااتى
حنووووونه

آسفه على التأخير .....

الله يعافيج اختي الصمت الحزين لا شكر على واجب ....:)
==--==--==

هلاا فيج عزيزتي kenzo-girl .. وتسلميين على كلامج كلج ذوق .. :)

أولا عزيزتي لازم تتجنبين الاشياء اللي تؤدي الى اسوداد هالمنطقه .. وانا سبق وكتبتها لكني بختصرها لج .. اولا النظافه و نوعية الملابس وزيادة الوزن وكثرة التعرق وافرازات الجسم من الدهون ..

ولتفتيح المنطقه انصحج تستخدمين القليل من مطحون الحمص مع ماء الورد وتحطينه مدة 10-20 دقيقه وتشطفينه بماء بارد .. الافضل كل يوم أو من حين لاخر استعملي نصف ليمونه تكفي بحيث انها تزيل الرائحه وتنظف المكان بشكل جيد ....

بالنسبة لبثور او حبوب الظهر اولا لازم تعرفين اسبابها .. اذا ما كانت مرضية ( لا سمح الله ) فيمكن تكون من الجو الحار او الرطوبة وهي كثيره .. وممكن علاجها وتفتيح اللون عن طريق عمل الحمامات الدافئة والمعطرة في البيت .. يعني تضيفين عطور طبيعيه وهي متواجده بكثره في بودي شوب او المحلات الخاصه ببيع ادوات المنزل .. وتضيفينها مع الماء في البانيو ويكون الماء دافئ وتسترخين لمدة ربع ساعه .. بشرط لا تلمسين هالحبوب ولا تحكينها اذا كان في حك .. وحاولي تبتعدين عن اي مصدر حراري مثل الشمس ..
==--==--==

هلاا فيج عزيزتي بنــ الدار ـــت .... انا الحمد الله بخير عساج بالف صحه وعافية ... :)

بالنسبة للوصفه اللي ذكرتها فهي مجربة مني شخصيا ولاحظت نتائجها خلال 3 أيام .. وهي وصفه شامله لكل شيء .. تفتح وتنقي وتحمي وتشد البشره لكن لازم يتلوها قراءة القران او الصلاة او كثرة الدعاء عشان تلاحظين الفرق من اول استعمال وراح ترتاحين ....

بالنسبة للعسل فلازم يكون طبيعي .. لان المصنع غير الطبيعي في الخواص الموجوده فيهم .. وانا العسل الطبيعي اطلبه من شركة خاصه وموثوق بشغلهم ..

خلطة الجرجير يفضل يكون معاها ماء الورد .. لان الزيت افضل تستخدمينه بروحه ..

الافضل لزيادة وتطويل الرموش هو زيت الزيتون .. استعمليه كل ليله قبل النوم ..
==--==--==

هلاا فيج اختي حـhazanـزن والله يعافيج يااارب .....:)

لتفتيح لون البشره بما ان بشرتج دهنية انصحج بهالوصفه اللي تفتح وتشد وتنظف البشره ...

3ملاعق مطحون الحمص
عصير نصف ليمون
ملعقه ماء ورد
بياض بيضه

يخلط كلها مع بعض وتفردينه على البشره كل يوم لمده ساعه او 45 دقيقه مع الرقبه ...

بالنسبة لأفضل كريمات الأساس فأنا رديت على وحده من الاخوات عن هالكريم ..

بالنسبة للكريم الاساس انا ايضا بشرتي دهنية واستخدم كريم اساس اسمه (( REVLON COLORSTAY )) من ماركة ريفلون وهو طبعا خالي من الدهون 100% وفي النوع السائل والمضغوط انا اخذت السائل وطلع رووووووووووووووووعه يخفي كل العيوب اللي في البشره وويصفيها مناسب جدااا للمناسبات ..

بس لازم تنظفين البشره بعده عدل لانه شوي ثقيل ولكنه ممتااز جدااا .....

وطريقة اختيار كريم الاساس بسيطة وهي اولا الكريم لازم يكون خالي من الدهون Oil Free ويكون لونه أفتح من لون البشره بدرجة وحده .. واذا ما عرفتي جربي شوي منه على الرقبه .. لانها المنطقه الاقرب من البشره فكثير يجربونه على الايد وهذا غلط ..
==--==--==

هلاااا عزيزتي توته الصغيرونه ... والله يحفظج .. :)

بالنسبة للشعر المصبوغ او المقصف يحتاج لعنايه خاصه .. وطبعا لا ينصح باستخدام كريمات الفرد خاصة للشعر المصبوغ .. وهناك انواع من الكريمات خاصة للشعر المصبوغ وتقوم بدور اي كريم عادي .. بالنسبة للتقصف فتحتاج انها اول تقص اطراف شعرها كل 3 اشهر ونص تقريبا .. وبعدها تحاول تلقى كريم خاص للعنايه بالشعر المصبوغ والبلسم المناسب له ..
وما انصحها ابداا بكريمات الفرد واستبعد انج تتلافين اخطارها حتى لو حاولتي تعالجينها بزيوت لان هالكريمات كيماوية ومب طبيعيه ...

بصراحه ما عندي فكرة عن هالكريمات للتقشير .. وانا اعرف كريمات تقشير خاصه في البشره الدهنيه اذا بقيتيهم ممكن ارسلج على الخاص ..
==--==--==

هلااا فيج عزيزتي flame ........

شوفي ردي على وحده من الاخوات وان شاء الله تفيدج ...

افضل طريقه لمعالجة النمش والكلف عن طريق تقشير الوجه كله .. او عمل جلسات للتقشير وهي تكون عند طبيب مختص افضل من الصالونات ...

اما اذا عن طريق اشياء طبيعية فراح تاخذ فترة طوييله لا النكس والكلف يكون جزء من جلد البشره ... وممكن تتعالج عن طريق دعك البشره بخفه باستخدم الليمون مع القليل من الملح الخشن لكنها شوي طريقه قاسية ..
وينصح للي يعانون من النمش انهم ما يتعرضون لاي مصدر حراره لفترة طويله مثل الشمس ...

==--==--==

هلاا فيج اختي أم الحلوين .......:)

والله اختي انا ما اشوف اي مشكله .. مادام الحب والتفاهم والحمد الله متبادل بينكم ....

والطول وايد عوامل تلعب فيه ... لكني انصحج برياضات الاسترتش او التمدد لانها تبين الجسم مشدود ومستقيم ويعطي مظهر بطول اكثر .. وحاليا صار للطب دور انه يطول او يقصر القامات .. لكني اظن انج مستغنيه عن صدعة الراس ونصيحتي لا تسمعون كلام حد بما انكم راضيين بحالكم ما عليكم من اي حد ...:cool:
==--==--==

هلااا اختي حنووووونه والله يعافيج عزيزتي ,.....:)

نصيحتي لج تجنبي كريمات الشد لان ما منها فايده ابداااا ...
لشد الصدر انصحج تمارسين رياضات الصدر يوميا وان شاء الله راح تلاحظين الفرق .. خاصة رياضة التمدد ...

واذا بقيتي اي نوع منها ممكن اعطيج على الخاص .....

تحياااااتي .........:)