دخول الزوج مع زوجته اثناء الولادة

عن نفسي مادخل زوجي وياي لكن كان بيني وبينه اتصال لين مافتح الرحم تسعه سم نادت عليه الدكتوره تبيه يوقع على العمليه بسبب حجم الحوض صغير ووقع وكان بجانبي لين مالبسوني رداء ونزلوني العمليات وطبع بوسه على جبيني ودخلوني الغرفه بس ماسوو لي قيصريه سوو سحب وفي هذي اللحظه جت امي واختي واخوي قامت امي وحضنت زوجي وتقول امي كان يرتجف وقلبه يصفق بسرعه وجهه اصفر ويبكي

استغرب من كلام المتزوجات اللي تقول الزوج ينقرف وما ينقرف وهلاكلام!!!!!!!!!!!!!!!!الزوج لازم يحس بمعانات زوجته، ويحس بقيمة الام وتعبها على ولدها او بنتها مو بس ولادة وحيا الله، انا عن نفسي كون ولدي البكر ما توقعت الولادة تكون بها الطريقة، فكانت معاي اختي وامي وريلي، في مستشفى الكورنيش بابوظبي يدخلون عادي ، زوجي كان معاي من البداية لين قبل ما اولد بشوي، وبكل تأكيد ما شاف شئ لأن المنطقة مغطاه حتى اختي وامي ما شافو شئ، لكن بالنسبة لي لالالالالالالالالالالالالالالازم كنت محتاجة حد مستحيل ادش بروحي ولحينة اقول لأمي تدخل معاي بولادتي الثانية باذن الله، بس هالمرة بولد بمنطقتي وما يدخلون الريال عادي عندي دام انه حس فيني وعرف ان الولادة مو شئ هين