الخطاب ليش يجون ويروحوووووووون ؟؟

السلام عليكم

عروس السما ماتنقهرين ولا شي ..

بعدين مشاء الله تبارك الله كويس انه يجي احد يطق الباب احسن من اللي

ماعمرها سمعت حد جا وطق بابها <<مثل حلاتها خخخخخخخ

الحمدلله ياربي على كل حال .. وعموما يختي الناس لهم وجهات نظر في اختيار البنت

وهذا طبعا مشكله خاصة لما يكون الولد حاط مواصفات ممكن يكون فيه شئ من هالصفات ماشافوه في هالبنت

مع اني ما انكر ان فيه كثير من الشباب بس يبغون البنت تكون مقبولة الشكل فمابالك لو كانت حلوه

من جد غريبه ساعتها انهم يروحون ومايرجعون بس يختي خيره سبحان الله يمكن الله صرفه عنك

لمصلحتك انتي ماتتحسفين على شئ صار لأن كل شئ في حياتنا مايصير الا بقدرة رب العالمين

فاوش تسوين تحملي وعاااااااااااااااادي رجال بدلا عنه ألف مو واحد والله يكتب لك ولنا اللي فيه الخير يارب

اهم شئ الصبر مع ان الصبر مل من صبرنا بس وش نسوي الله كريم وشايف الحال سبحانه..

وعلى قولتهم كل تأخيره وفيها خيره

الله ييسر لنا ولك كل مافيه خير لأنفسنا ولدينا يارب ...

هذا الشيء ما يخصه بالجمال وبالاخلاق


كل شيء مقدر ومكتوب واللي يروووح ترى مب من نصيب البنت ......صح انا وياج انه البنت تتحسس واااااااايد بعد مب شوي وخاصة موقفها جدام اهلها لكن ما عليها الا انها تدعي ربهاااا بالصبر وبالزوج الصالح

تصير بكل مكان لاتصيري اختي حساسه مو عيب فيج اسم الله عليج بس احيانا تكون الشروط الي هم حاطينها ماتنطبق عليج (اغلب المرات تكون شروط شكليه ) بس الناس عقليات يعني فيه ناس يحطون شروط الله لايوريج ..
الله يوفقج أختي بالزوج الصالح يارب ... ولاتحطين بخاطرج صدقيني الخيرة في مااختاره الله .. والله يرزقج ان شاء الله احسن من الي راحوا كلهم ...

تحياتي .. ولاء علي

بصراحة حبيبتي انا ما مريت بهل حالة لسبب بسيط أني انا برفض اني قابل الناس الي بيجو عنا لاني برفض هل طريقة بالزواج..يمكن يكون رأيي متطرف بيضرب بالتقاليد والاعراف عرض الحائط.. بس بصراحة أنا كتير بعتز بنفسي وما بتهون علي نفسي أطلع قدام وحدة جايي تخطب لابنا وبعدين بس تروح علبيت بيسألا ابنا ((ماما كيف البنت)) بتقول اللام ((والله حبيبي ما بتذكر اسما بس كانت حلوة)) يعني فعلا مقايسس رديئة لطريقة الزواج... يمكن رأيي مو صح بس انا عن نفسي ناطرة بيوم من الايام تجي وحدة وتقول والله ابني فلان بدو بنتكون فلانة بالذات.. وما بقصد بكلامي انو يكون في علاقة سابقة او شي لا سمح الله.. وانما بتمنى لو يكون سامع عني وعن اخلاقي ومعجب فيني..بهل طريقة احتمال اتقبل الفكرة أكتر...اما زواج الصالونات لا لا لا والف لا وما بحط حالي للفرجة والحمدلله..الي بدو يشوفني يتعب حالو ويسأل عني وين بروح ووين بجي ويدور عليي برا بيتنا بلجامعة..بحفلة..بزيارة.. بس مو يجو عبيتنا متل ما قلتي ياكلو ويشربو ويشوفوني بلمرة..هيدا رأيي وما بعرف رأي غيري كيف

شكرا على التفاعل :)

الحمدلله ما صارت لي من قبل تدرين ليش ؟

ما عندنا هالاسلوب واللي يبي يخطب يجي يخطب على طول مو فرجة
خلاص يا تشوفونا بمكان عام بدون ما نحس
او لا تتجون

بصراحة انا مو بضاعة يجون يعاينوها وبعدين يقررون اذا يبوها او لا
كان سألوا زين من البداية .... وشافوا بطريقة أو بأخرى

انا ضد هالشوفة ... مرة وحدة زارتنا بدون موعد ومعاها خواتها ... وتسأل كل شوي عني لاني اكبر خواتي والوحيدة اللي في سن الزواج
امي انقهرت من اسلوبهم وخلت الشغالة تجيب لي ورقة مكتوب فيها ( لا تنزلي من فوق )

انا فهمتها .. تقول خطاب بنتي كثار والحمدلله وما احب طريقة المعاينة ... واصلا ما يناسبونا يعني ما نبيهم من الأساس .... هم يخطبون اول
وبعدين الخطيبين يشوفون بعض الشوفة الشرعية ويصير خير يمكن ما يعجبها يمكن ما تعجبه

بس طريقتهم لأ

فلا تخلين هالشي في بالك اختي ... ولا تجيرين كل شي للسحر والحسد ... صحيح مذكور في القرآن بس غلط نخليه شماعة نعلق عليه يأسنا من شي معين
الله بيرزقك ان شاء الله بولد الحلال اللي يقدرك ويعرف قيمتك

وعلى فكرة سعيدة بمشاركتك معانا اختي عروس السماء من زمان ما شفتك في المنتدى

والله يابنات قريبتي لمه جو شافوها رجعوا وثاني يوم بيسألوا عن خالاتها ماناسبتهم قريبتي وايش السبب تبغى بيضا وطويلة وايش تقول تقول ممكن وحده لمه تتروش يكون شعرها ناعم يعني الواحد موعارفلهم بس ربك رحيم

الله يرزقنا واياكم بالزوج الصالح والذرية الصالحة

الزواج قسمه ونصيب عزيزتي


لا تنهمين ولا تشلين في خاطرك،، كل واحد بيجيه رزقه ونصيبه ،، عاجلاً أم آجلاً وانتي ما تدرين يمكن الخير لك انتي يمكن اللي جوك ما يناسبونك

والله البارحه اني كنت اشوف برنامج الدكتوره فوزيه على قناة الرأي يشييب راسك من اللي تسمعينه (( يا كثر المشاكل ))

قال الله تعالي (( أنا عند ظن عبدي بي ))

إذكري الله ولا تخافين الله بيرزقك ان شاء الله،،

أما مسألة الشوفه حتى انا ما احبها ولا أدانيها ،، فعلاً تحسين كأنك سلعه يتفرجون عليها،، لكن هذي هي العادات والتقاليد،، لا تنسين ان حنا نعيش في مجتمع مغلق نوعاً ما والناس ما تشوفنا،،



الله يرزقك بولد الحلال اللي يستاهلك ويستر عليك ويعوضك خير



سفيرة فوق العاده

عروس السماء:

وش هالبلشة ليش العالم تجي تتفرج على بنات خلق الله ويبلعون ويتقهوون ويطفحون العصير وبعدين ماعاد نسمع صوتهم ولا نشوف رقعت وجيههم ؟؟

!!

هههههههههههههههههههههههههههههههههههه، بصراحه كلامك ضحكني ،، من جد ضحكني


الله يعوضك ويخلف عليك ،، ويرزقك بولد الحلال



سفيرة فوق العاجه

استغفرى ربنا يا حبيبتى ودى فى الاول والاخر مسألة نصيب
يعنى لو ليكى نصيب فى واحد هيجيلك حتى لو كان فى ابعد بلد خلقه ربنا
وبعدين ده مبقا ش مشكلتك لوحدك ده مشكلة كل البنات فى الوطن العربى

شكرا كثير على الردود والتفاعل :)

البنت تكون حلوة وجميلة ومافيها شي ومع ذلك حظها في الزواج تعبااااان والبنت الي كلها عيوب وشينة وملسونة واخلاقها زفت تتوفق !!

الله يقطع بليسك

حظ ونصيب
وكلها من الله باختصااااااااااااااااار
والحمد لله على كل حال

يحليلج يا عروس السماء .. هذي مشكلة عامة و أغلب البنات يمرون فيها و انا منهم بعد

تبيني أضحكج ؟

أمس الله يسلمج عندنا جاراتنا و وحده منهم تسولف : أبي وحده لولدي .. أبي وحده بنت ناس .. أبي وحده ملتزمة و أهلها ناس طيبين و ملتزمين .. أبيها بالعمر الفلاني .. أبيها بالمواصفات الفلانية .. أبيها من النوع الفلاني .. ولدي يحب البنت الكذا و كذا

ساعتين و اهي بس تشرح معاناتها و اهي اتدور هالبنت حق ولدها و انا مرتزة جدامها كااااشخة اشزيني جني البخت مو ناقصني شي الحمدلله .. أحس قلبي عورني و ضغطي ارتفع مو عشان ما فكرت فيني بس عطتني احساس ان انتي بره الحسبة و محد يفكر فيج !!!


بالأخير قالتلي : يا فلانة ما عندج وحده اتعرفينها نروح انخطبها ؟



انا اهني زين ما انفجرت من الضحك هههههههههههههه شر البلية ما يضحك

زين ما قلتلها : انــا

حبيبتي كلنا مرينا في هالمواقف و الموقف مش بس يضايق الا الوحده تحس ان نفسيتها زفت ثلاث اربع ايام ........... بس في الآخر نصيب

عسى ان تكرهوا شيئاً و هو خيراً لكم



يسلموووووووووووووووو حبيبتي

اخواتي كل شي قسمه ونصيب
والمكتوب يصير
و مسئله الشوف
في حدود النظره الشرعيه
والله يوفق الجميع

يا حبيبت عنا متل بيحك (بخت العفنه بالحفنه)وهدا ردي باختصار

الحظ حق الشلقا والملقاااا


السوق خالي مافيه حد




يالله انا غسلت قلبي من شي اسمه زواج

اللي الله كاتبنه بيستوي

مشكورين وماقصرتوووووا والله ينصفنا وينصرنا ويكبر حظنا قولوا أمين !!

هههههههههههههههههههههههههههههه

عزيزتي لاتنقهرين ولاشي هذا الأمر عادي لأنج ماراح تآخذين إلا رزقج...

آنا بعد تقدم لي كذا شخص في ناس منهم الرفض وناس مني والحمد لله واثقة من نفسي أني جميلة...

أما واحد من سنتين تقدم لي وكان موافق وقال أن شاء الله راح نتفق على المهر... ولحد هذا اليوم من هذه الكلمة من قالها لاحس ولاخبر ههههههههههههههههههههههههه مآدري هو مات لاسمح الله لو شي... بس الحمد لله أني ماخذته لأني حبيت واحد يسوى الدنيا ومافيها ومافيه بشر مثله.... والله أني أعتبره مــــــــــــــلاك....

والله يرزقج حبيبتي والصبر زين عمري..