الخطاب ليش يجون ويروحوووووووون ؟؟

الامور هذي قسمه ونصيب :) والبنات ترى ينشافون بالبيت وبالاعراس والمناسبات بدعوه ومن غير دعوه..بس فعلا معاج حق مشاعر البنت تتاثر اذا درت ان حد جا يشوفها وهون عنها صج قهر :)

انا شخصيا الحمدلله مامريت بتجربة سلبية ..بالعاده يبوني بس انا ما اكون مرتاحه للوضع...وارفض الموضوع وينتهي من صوبي...وبس آخر مره جات ام خطيبي وارتحنا لها وايد ولاهله كلهم وخالاته وخواته..وبعد السؤال عنه طلع شخص ممتاز والحمدلله..ولما جا يشوفني حصل ارتياح من الطرفين..مني ومنه وتمت الخطبة ولله الحمد :)

صدقيني يا اختي كله بالنصيب...خلي ثقتج بنفسج قوية وثقي تماما ان محد ياخذ غير نصيبة اللي الله كاتبه له

:smile::smile::smile::smile:

مرحبا والله يابنات انا مثلكم
الحين الحريم حسبي الله عليهم يجووون كذا
يتفرجون ويرووحون المفرووض يخافون على
بناتهم بس بجد حركه تقهر شوفوا انا كنت اقول ابي واحد ابيض ووسيم وطويل
وبالاخير قلت ممكن اقبل بواحد اسمر بس مايكون مررره والله مااكذب يابنات جت الام واختها وانا
مااعترض على خلق ربي والحمد لله بس سمر مرره حتى ومع هذا ماعجتهم بصراحه والله انقهرت واستغربت...
بس اذا الوحده تذكرت ان ربي في كل شي له حكمه
وان شاء الله ربي يعوضنا خير في القريب العاجل بس صبر مننا اشوي
وترى ربي حليم كريم ...
والله ارتحت يوم كتبت لكم...
وكثروا الدعاء يابنات ...

تحياتي ..

[grade="00008B FF6347 008000 4B0082"]الله يعينج اختي والاا تنسين انه هالشي قسمه ونصيب ....

واااااااي ما اتخيل عمري بهالموقف طالعه اقدم عصير حق واحد يخطبني ههههههههههههههههههههههه ...

اخاف اجبه على راسه ههههههههههههههههههههههههههههههههههههههههه ....

اصلاا هالعادات ما عندنا والحمـــــــدلله .. [/grade]

اسمحيلي والله بس تخيلت الموقف وضحكت ... الله ييسر لج امورج ...

من توكل على الله كفاه ان مع العسر يسرا ان مع العسر يسرا لاننساها دائما المتزوج والى مو متزوج

بس سوال اختى مياسه الى قلتى للغز؟؟؟؟؟؟؟ا ايش الى قلتى كلام حلو بس ما اعرف معناه ؟؟

الله كريم يا اختي وكل وحده ما تاخذ الا رزقهااا وكل تأخيره فيها خيره

وخلج دوم متفائله بالخيــــــر

والله يرزقج ويرزقنا ويرزق جميع المسلمات بالأزواج الصالحه اللي تسعدهم وتهنيهم

اللهم آآآآآآآآمين

أختج الصبوره

الصراحه انا ما طحت في هالموقف الحمد لله

بس دايما كنت افكر لو استوى لي هالشي كيف بتكون نفسيتي

فعشان جي قررت لا اشوف حد و لا حد يشوفني

ماعرف كيف بعرس هههههههههه

الله يستر

شكرا لبعض الأخوات الفاضلات على ردودهم أما البقية الي يضحكون ويسخرون من الوضع فا الله يسامحهم الله لايحطكم بهالمواقف

عموما حبيت اقولكم ان الولد مايجي يشوف البنت الا بعد مايوافقون الطرفين يعني اهل الولد هم الي يجون يشوفون قبل وهذي عادات اهلي مو يجي يتفرج ويروح ويكسر خاطر البنت ، بس اهلة يجون قبل ،، وبعدين يايردون او يطنشون إذا عندهم ذوق بيعتذرون لكن عديمي الذوق مانتوقع منهم هالحركة!!

للرفع

كلامج غير صحيح يا اختي البنت ماهي سلعه
والدين الاسلامي اكرمها وعللاها وخلها بأحسن منزله والعرف لازم تتقدم الام المعرس والي يقربون له وماعتقد فيها عيب او احراج اذا ماجى رد منهم وهذا ان دل على على انهم مايبون يتمون العرس وكل انسان له اسبابه والله اعلم
ومثل ماقلتي جايز يكون في سحر او حسد كل شي جايز
ومشكوره على الموضوع

:)))))))

اختي عروس
لاتشيلين بخاطرك ولا تشغلين بالك كل شي وله حكمه عند رب العباد

وبعدين هم اللي خسرانين:)

انتي بس انتبهي لنفسك وشيلي هالموضوع من راسك ولاتفكرين فيه كثر واللي كاتبه ربي بيصير

في كثير بنات يحسبون الدعاء بالزوج الصالح في الصلاه عيب او قلة حياء بالعكس حتى لو ماتبغي تتزوجي ادعي الله دايم انه يرزقك الزوج الصالح ومو دعاء وبس الا دعاء ويقين بعد

الله يوفقك دنيا واخره

كثير من صديقاتي بعد قرائتهن لسورة البقره والدعاء تيسرت امورهن
واتمنى لا تفقدي الأمل
لا تقولي لأني خطبت ربي يعلم بحجم المشاكل التي امر بها مع الأهل
ولم اخطب الا بعد فتره طويله من الأحزان وكلام الناس
اتمنى ان اوفق

حياتى انا الان اخطب لاخي000000000000دخلنا بيوت كثير نبحث عن عروس مناسبه 00000000اذ العروس غير مناسبه هناك عرف عندنا عند خروج الاهل يقولون 0000000000الله يخير الخير 000بكد يعرفو اهل البنت انو مافي نصيب000000000وكل ناس وعوايدهم

شكرا أخواتي على التفاعل

طيب إذا طلعوا وسكتوا ماقالوا ولا كلمة ؟ وقعدوا فوق الأسبوع لــ10 ايام ماردوا وش معناتها ؟؟

مرحبا اختي عروس السماء
بصراحه موضوعج ولا استغربت منه ولا شي
لان هذا اللي حاصل
وهذه الحقيقه
لو أقولج سالفتي يمكن تنقهرين بزياده
والله والله والله ان تميت لمدة 3 سنوات
بدوووووووون مبالغه والله حدود ال 30 شخص دخل بيتنا
واحنا عندنا عادي أشوف بالاول أهله وبعدين ألبس حجابي وأقعد معاه بروحنا
يسألني وين أشتغل ومن هالسوالف تخيلي هال30 واحد اللي دخلوا بيتنا ولا وااااااااااحد
شال سماعة التلفون واعتذر وقال مافي نصيب
والمشكله يشوفون أمي ويه لويه
ولا يقولون نعتذر لها
بدوووون احساس:mad2:
وانا الفقيرة المسكينه صايره جني عارضة
كل ما امي قالت بيون لج ناس يشوفونج
أقولها قصدج العرض
بصراحه تعبت نفسيا وأحس بضيقه
وبعدين بعد ما شفت جذي طبع هالناس
لما اسمع ان أحد بيتقدملي ما أهتم وصرت أطنش تخيلي
احط راسي وانام :bigsmile:ومجرد أسمع يطقون الباب أقوم أتجهز
لان بصراحه للصبر حدود صبرنا وطولنا بالنا على هالناس بس مافي احساس
وتخيلي امي المسكينه تييب هالحلو والعصير والمعجنات
تقول احترام لهم مو عشان شي
بعدين وصلت حدي
قلت لها والله والله والله ومو مستعده يكون حلفي أي شي
اذا حطيتي شي من اليوم ورايح ماراح أنزل:angry:
ويعرفوني ان حلفت أسويها
قمنا نحط جدامهم العصير وبسسسسسسسسس
وكنت قبل خجووووووله لما أنزل علشان أقابلهم
بس بصراحه حتى الخجل انمحى والله قمت أسولف وأضحك
اللي عاجبه أهلا وسهلا واللي مو عاجبه يدلون طريج الباب وخلي يطلعون مكان ما دخلو
والله وتميت على هالحال لين يا نصيبي
لا وكنت أكلمه بنفس أول ماخطبني اللي يقول داشه هوشه:dd:
والحمدلله هذا انا تزوجت الرقم 31 من اللي تقدموا وخطبوني:dd:
ربي يرزق كل بنت الزوج الصالح

عروس السماء

طيب إذا طلعوا وسكتوا ماقالوا ولا كلمة ؟ وقعدوا فوق الأسبوع لــ10 ايام ماردوا وش معناتها ؟؟



اذا عاداتكم مثلنا يعني باختصار : مافي نصيب


و بيني و بينج في ناس اتسوي هالحركة و اتروح اتحوس على مليون بيت ثاني و بعدين يسوون مراجعة !!! فلانه زينه فلانة نص و نص فلانه نرجعلها ؟ لالا خلينا على فلانة !!! ما يكون الرفض فوري .. لا يقعدون يقارنون و يختارون الأحسن

و الله يا بنات لي الحين كلمة أخوي ترن بأذوني .. يقول رفيجي ناوي يتزوج و ما باقي شي اهو الحين في مرحلة التصفـــيات !!
قلناله شنو يعني التصفيات ؟
يقول يعني يحط اباله بنتين بنتين و يقارن بينهم و ياخذ الزينة و يقارنها بوحده ثانيه لين يوصل للنــهائي


الحمدلله و الشكر .. انا عندي أقعد عند أهلي ولا اييني واحد من هالنوعية

لا تحاتون يا بنات .. كل وحده نصيبها بييها ان شاء الله و ربج ما ينسى أحد سبحانه

الله يعين........

حبيبتي انا بعد من رايك ما احب هالاسلوب بس امي تقول البنت سلعة وكلن يسومها