الرزق من الله...كام تتمنّـي يكـون عـدد أولادك و بناتـك :)

انا اول ما ازوجت كنت متفقة مع زوجي ان نجيب ثلاثة والجنس ما كن مهم بالنسبة لنا
اولاد او بنات بس الحين عندي ولد وبصراحة من جربت الحمل كنسلت الثالث وقلت لزوجي اني ما عندي طاقة لثلاثة بجيب الي في بطني وبعدها واحد وبس كنسلت الثالث واتفقنا على اثنين بسسس
والحمد لله ان زوجي متفهم ورضى طبعا الحين عندي ولدي عمره سنتين ونص الله يخليه
واذا راح المدرسة راح احمل واتمنى تكون بنوتة عشان يصير عندي ولد وبنت
وبصراحة الحياة صعبة جدا والتربية اصعب والمجتمع برة يخوف كله مشاكل
وفعلا الصحة مو مثل قبل وانا الحين عمري 26 وعلى ما يروح ولدي المدرسة وصلت ال30
ولما اجيب مولودي الثاني واخليه يكبر جم بيوصل عمري يعني مستحيل اجيب اكثر من اثنين

ههههههههههههههههههههههه
بصراحه بصراحه





:shy:




آنا ودي اقول لكم




بس منحرجه




على العموم



قولو ماشاء الله







صلو على محمد وآل محمد , يالله قولو










انا ودي بخمس بنات وخمس اولاد




بس زوجي مايبغي هالكثر قول بس 4 وايد :sad:
واللي يكتبه الله خير



هذا رأيي سابقاً


طبعاً انجبت بنوته
وحملت بعدها على طول والله ماكنت مخططه للحمل الثاني

ولكن امر الله
الكل شهق علي لأني حملت بسرعه ومرضت وكدت اولد بعمليه
طلع لي كيس ضخم في البطن بشكل مفاجئ في الشهر الثامن
الطبيب استغرب منه لأن ماكان موجود مدة الحمل يقول مثل حجم هذا الكيس ياخذ سنه وأكثر على مايصير بهالحجم لكن متى صار ؟؟؟؟ سبحان الله (صدقوني يابنات العين مايتكذب عنها )
(عليه الصلاة والسلام ) يقول نصف موتاكم من العين
المهم
اني ولله الحمد ولدت طبيعي وبعد اسبوعين من الولاده سويت عمليه :confused:
عشان استئصال الكيس (الحمد لله على كل حال)

المهم بعد 4سنوات حملت وكان هذا الحمل الثالث وأغلب مدة الحمل في الفراش وكني مشلوله
جاني طلق طبيعي وظليت من العصر ليما الليل ومو جايه تطلع مني بنتي لأنها مريضه بعد
ولدت بعمليه قيصريه ومولودتي اللي جبتها ظلت في العنايه 46 يوم بعدين توفت:cry:


آه
بس صدقوني يابنات كنت واثقه ان الله راح يعوضني
والحمد لله الله رزقني بعد 6 سنوات ببنت زي القمر الله يحفظها
الحين
اتمنى ولد وهذا من الله نعمه[/frame]
لاتزعلون مني يابنات ان شاءالله ماكون ضايقتكم
تحملوني[/SIZE]

بالنسبة لي انا ابي 3 وبوقف باذن الله وباخلي الرابع حق بالغلط :pain: :bigsmile:

اتمنى بنت او بنتين بس .. والباقي ذكور ان شاء الله اجيب عشر .. ويارب يرزقني ويرزقكم .. ويقدرنا على تربيتهم بإذن واحد أحد ..

انا عندي بنت واتمنى من الله ان يرزقني معاها بأخت لها وولدين بس نعمه من الله بس انا ضد انا الوحده تباعد بين اطفالها اكثر من سنتين

انا الان بنتي عمرها 3سنين و11 شهر والله طفشانه من الوحده بس الله كريم واجيب لها اخت او اخو دعواتكم حبايبي

ومشكوره اختي على الموضوع الممتع

Qtr Girl:
بالنسبة لي انا ابي 3 وبوقف باذن الله وباخلي الرابع حق بالغلط :pain: :bigsmile:

ضحكتيني ، حلوة هذي بالغلط (r) احنا الحريم كله بالغلط :cool2:

قال تعالى *(المال والبنون زينة الحياة الدنيا والباقيات الصالحات خير عند ربك ثوابا وخير أملا *)

وقال سبحانه (*ولاتقتلو اولادكم من املاق نحن نرزقكم واياهم *)

من يقول اننا لانقدر على نفقتهم اذا كثروا
وان المصاريف والحاجيات أصبحت كثيره
فبين يديك كلام المنان سبحانه ومن اصدق منه قيلا

والله كل منا سيأخذ نصيبه
ولنحمد ربنا على نعمة الأولاد فغيرنا بل الكثير حرم منها
أسأل الله بمنه وكرمه ان يرزق كل امرأه محرومه
تحديد النسل لا يجوز
وتنظيمه لا بأس به
وسامحوني ان شددت في قولي

الحمد لله على النعمه

عندي ولد وحاليا حامل بالثاني


واللي اتمناه بس أثنين لاني مو قد تربيه أطفال أكثر عن أثنين


ومو مهم عندي بنت وولد أو ولدين أو بنتين

ماما حسون:
انا الحين عندي ولد واتمنى في المرة الجاية اجيب بنت وخلاص ، بس زوجي يتمنى ان يكون عندنا 3 عيال .. ولد ويكون البكر والحمد لله انه تحقق وبعدين نجيب بنتين يتربون مع بعض ويصيرون صديقات ..

واللي الله كاتبه بيصير .. الحمد لله على كل حال

وبعدين رديت حطيت هالرد

لي عودة في الموضوع

عقب ما حطيت ردي على الموضوع برغبة زوجي ان ننجب 3 ولد ويكون البكر وبعدين بنات ثنتين ، خبرت زوجي بالموضوع واني كتبتلكم هالرد الا يقول لا الحين تغير رايي .. خاطري في 5 ، اولاد اثنين و3 بنات .. احلى

الحين انا ولدت من شهر ونص تقريبا وصار عندي ولدين .. لو كان المولود الثاني بنت كنت قلت كفاية وما تمنيت اكثر لكن بما انه ولد فاتمنى اني بعد 5 سنوات اجيب بنوتة اخت لعيالي .. بس طبعا زوجي يتمنى اكثر :angry:

كل الي من عند الله راضيه به بالنسبه لي انا تزوجت صغيره وعندي خير من العيال الي في الجامعه والي في الثانويه والحمدالله الله يخليهم الحمدالله ربيتم احسن تربيه وعلمتم ماينظررررررررررون لغيرهم













وعلمتم القناعه لانها كنز ما يفنى والحمل والولاده تاجرين عليه وتحديد اليهال بيد الله



والله يعينا على ها الجيل صرتو تقتصدون في العيال وتخسرون على الملابس والزينه وتتبعون الماركات



الله المستعان شو لكم موضوع عدل وخافو ربكم واحمدوه واشكروه على الي عندكم لا يروحون




عنكم في غمضة عين مثل وحدة اعرفا حددت النسل كنها صينيه مب كنا في بلاد عز ولله الحمد






زبدة الموضوع يابت ولدين وبنتين وقالت خلاص وكبروا ورحو رحله بالسياره وسبحان الله


صار لهم حادث وماتوا عيالها كلهم وصارت وحيده وزوجها طبيعي له حق يزوج لانه يريد اعيال

وهيه الهانم محدده النسل





اتقوالله

السلام عليكم ورحمة الله وبركاته

أشكركم أخواتي على مشاركاتكم...

الله يرزقكم جميعا من فضله العظيم....و الرزق بيد الله....

و أهم شيء التربية الصالحة في هذا الزمن :)

بعد تصفحي في الموضوع يا بنات
في الدين الاسلامي لايجوز أن تقولي أنا اريد أن أنجب عدد معين اللي كاتبو ربنا بيجوا

أنا عن نفسي بحب الأطفال مع إني بتعب كتير في الحمل والولادة وبموت مية مرة فيهم بس الحمد لله وأنا مابحب في الحمل والولادة زيادة الوزن اللي بتصيبني وبموت علشان أنحف حالي

وطبعا لأنو أنا صحتي تعبانة شوي مكتفية بالتلاتة اللي عندي الله يحميهم ويخليهم

بس إزا إجا كمان الله يحييهم اللي من رب العباد نعمة والحمدلله

فانتبهوا اخواتي غيرنا من النساء تتمنى فقط الحمل ونحن الحمد لله رزقنا الله ذلك من غير حول لنا ولا قوة

والحمد لله كما ينبغي لجلال وجهه وعظيم سلطانه

أنا عن نفسي

عندي بنوته الله يخليها لي واتمنى اجيب توأم اولاد بعد واحد لي واحد لها

واذا جاء ولد واحد بس الحمد لله على النعمه

واذا بنت بعد الحمد لله على النعمه وخلاص ماابغى غير اثنين البنت وجات باقي واحد لو جاء توام مره وحده يكون الف الحمد لله

واذا واحد بعد الف الحمد لله

لاني من وانا كنت بنت اتمنى اجيب ولدين والثالث احتياط لو جات بنتين الا في احتياط ولو جوا ولدين الا في احتياط

وبس مو لاني ماابغى اكثر عشان فلوس ولا غيره لان الله سبحانه يقول(نحن نرزقكم واياهم ) عشان كذا مافي خوف من هالناحيه
لكن انا من النوع المتعب في الحمل ومالي صبر على التربيه ومشاكل الاطفال ومااعتقد اني اقدر اربي اكثر من 3 اولاد

وخلاص واجد عليي

والمهم التربيه الصالحه

حاليا حامل للمرة الاولى ومن رايي 3 حلوين:shy:

الله يرزقني ولدين وبنتين قولو آمين ويرزق كل المحرومين

السلام عليكم ورحمة الله وبركاته

اللهم آمين

الله يرزق الجميع و نفرح بعيالكم قريب :)

الله يرزقني ويرزق كل المحرومات

الي يجي من الله حياة الله
هههههههه

الي يجي من الله حياه الله حاليا استراااااااااااحه

12 6اولاد 6 بنات هههههههههههههه

كويس اني جبت توأم وفروا علي ولده