الرزق من الله...كام تتمنّـي يكـون عـدد أولادك و بناتـك :)

اخوي ابو محمد

نفس وجهة نظري

استغرب من اللي يقولون هالكلام .......... ومعظم اللي ينجبون اطفال كثير عندهم نفس التفكير
اما مسألة التسمية فهي اصعب

الله لايجرب احد ان شاء الله

بالنسبه لي انا الحمد لله عندي ثلاثه اولاد وبنت ونعمه كريم الحمد لله
بقول في نفسي لو اجيب كمان اخت لبنتي
الله اعلم

ما شاء الله موضوع حلو


الغالية ام مريم لا تدراي على روحك و لا حاجة


انا وحدة زيك بحب الأولاد - مافي فرق ولد او بنت -


انا قبل ما اتزوج كنت اقول 4 حلوين ما في فرق بنات او اولاد


خصوصا اني و اخوتي 4 و احسنا شوية :)


الله يحفظهم يارب


بس بصراحة بعد الزواج

و بعد ما شفت المسؤولية غيرت رأي شوي

يعني بجيب اول بيبي و بمتظر بعده اربع سنين و بعدها حسب الظروف الصحية والظروف الأخرى

الاولاد مسؤلية كبيرة و انا الحين اقول 3 حلوبن و الله يقدرنا على تربيتهم

و تعليمهم الجامعي و تعليمهم امور الدين


انا إللي ضده شوي المقاربة بين الأولاد


خلي كل ولد ياخذ حقة في الرعاية و التربية


و في النهاية إللي الله يجيبة يا مرحبا به و الحمد لله على الرزق

أنا بصراحة خاطريه ايييب 7 على الأقل وماعندي مانع اني اييب أكثر ..... لا تستغربون لاني اموت في الأطفال واتمنى ان يكون حواليه درزن اطفال يترسون عليه البيت ونلعب مع بعض ونسوي مثلا فريق كرة هههههههه ونروح مع بعض كل مكان وانا امووووووت على حشرة اليهال يمكن لاني اصلا عشت في نفس الظروف وعندي ما شاء الله اخوان وخوات وايد وعلاقتنا جدا جميلة ولاني ماحب الوحدة وبسسسسسسسس

مع اني طرحت هالسوال على زوجي وعصب ... قالي تعرفين ان ما يصير تحديد النسل ...

وما رضى يرد على سوالي ... بس انا اشوف ان كل ما زادوا كل ما شالونا انا وابوهم يوم بنكبر .. يمكن نحدد 2 ويطلعون نفسي نفسي .. ويمكن نييب اكثرواحد منهم يفكر فينا ...

بس انا عن نفسي وبما اني جربت اول ولاده الحمدلله ... عندي ولد واتمنى 3 غيره ... واذا زادوا خير ونعمه .. يشفعولنا يوم القيامه ويزيدون اجرنا ان شاء الله

موضوع جدا جدا حلووووووووووووو للمناقشه

في البدايه كنت اريد اكون نفس امي اجيب اعيال كل سنتين لكن من صار عندي بنتين وزادت المسؤليه تراجعت عن قراري وكل ما يكبرون عيالي كل ما افكري عدل بالانجاب حاليا عندي بنتين وولد وفكرت اييب ولد لاخوه مستقبلا لكن طلعت بنت وكنت اقول بالغلط حملت لانهم ورا بعض والله راواني وكانت مريضه وتبهدلت وتغربت عن عيالي وكنت افكر فيهم وووووووووووايد
لكن الحمدلله اني عندي 6 خوات كبار كانو مهتمين بعيالي يعني محد تملل منهم
فانا اشوف الي الله كاتبنه خير يعني ما بقول اريد وايد او شوي على حسب الظروف

السلام عليكم ورحمة الله وبركاته

يا هلا بكم أخواتي الغاليات...

أشكر لكم تفاعلكم الرائع و الله....بارك الله فيكم...

عن نفسي...أمنيتي يكون لكل بنت...أخت بنت ( أو أكثر )...تكون صديقتها و مخبأ سرّها...و عونها في المستقبل...يفضفضوا لبعض...و يشكوا همومهم لبعض...

و نفسي يكون لكل ولد ...أخ ولد ( أو أكثر )...يكون صديقه و رفيقه...و يتعاونوا مع بعض على الخير دايما...و يكون كل واحد منهم سند للثاني...

يا رب إرزق الجميع بالذرية الصالحة يا رب...

بسم الله ..

السلام عليكم ..

هلا يا امهات وأباء..

ولله الحمد والمنة الله رزقني علي .. الله يحفظه ويخليه ويجعله ولد صالح بر تقي,, ويرزق كل محروم من الذرية يا رب..

الله رزقني 4 وإلا واحد .. كله نعمة من رب العالمين الحمد لله ..

أحس ان علاوي مكفني ولله الحمد .. الله يخليه ..

وعندي سؤال غبــــــي على طول يدور في مخيلتي ..

الا هو: شلون الامهات يحبون كل اولادهم .. يعني شلون يقسمون قلبهم على 7 والا 4 ؟؟؟؟؟؟؟؟؟؟؟

بس أنا بالنسبة لي ظروفي تختلف يعني أولاً على كتبة الله لي ورزقه وهو المهم..

انا ما عندي مزاج للأطفال.. اهتماماتي بالأطفال جداً بسيطة ..

يعني حرام اشحن البيت أطفال وأشلخهم من الضرب..

والشيئ الثاني اني أشتغل..

وما عندي حد يلم اولادي..

ومستحيل اخليهم بيد الشغالة ..

لأني امي صحتها مش ولا بد .. الله يخليها ويحفظها.. ويطول عمرها..

وخواتي .. كلهم بالجامعة ..

وام زوجي عندها اولاد حماتي..

يعني الطرق كلها مقفولة..

ما في الا اقعد في البيت واخلي الشغل..

الله يرزق كل محروم من الذرية.. يا رب..

حلو انه يكون للواحد اكثر من طفل يكونون عون له وسند

وكمان يكونو اخوان كثير

انا اقول نفسي في 6 ثلاث بنات وثلاث اولاد

بس بعد ما ولدت قلت هذا وخلاص هههههههههه

بس لو جاء اكثر ما راح اقول لا كل شيء مقدر من عند الله

والي ربي كاتبه بيسر
بس اهم شيء التربيه الصالحه وش الفايده بكثره العيال وقلة تربيتهم

يعطيك العافيه مرموم مواضيع دايم مميزه

اللي الله كاتبه يصير

سبحان الله كل مرآه الله مقدر ومقرر لها كم طفل بيرزقها

بس أمنيتي 1 و بالكثير 2

وأشكرك مرموم على هالموضوع الحلووو

انا عندي واحد وعلى وشك استقبال التاني يمكن وانا بكلمكم يكون شرف,,هههههههه بس انا خليت الفرق سنتين وشهرين انشاء الله عشان ابني يكون له اخ او اخت يلعب معاه ,,,,بس بعد كدى ممكن ارتاح شويه واخلي الفرق اكبر بس اللي بيقوله انهم يكزنوا عزوه ده كله بتاع ربنا ممكن تجيبي 10 وكلهم يطلعوا عاقين ومايحبوش بعض وممكن تجيبي واحد ويكون احن من العشره كلهم وومكن العكس ,,,وممكن تجيبي 5 او 9 عشان لو حد مات وتلاقي كلهم ماتوا ربنا مايكتبها على حد فرايي هاتي العدد اللي انت حباه وربي كويس وحاولي معاهم وادعي ربنا في النهايه انه يبلركلك فيهم ويباركلهم في بعض,,,,,وحاولي يكون ليكي نشاطات تانيه بره الاطفال حياه مع زوجك والناس حواليكي ولو شغل كويس ولو نشاطات خيريه او ثقافه المهم تكوني مستعده لليوم اللي حيغادروا فيه العش زي انت ماغادرتيه ده رايي وانا مفسي في 3 وجوزي عاوز 4 بس انا سايبه ده على ربنا لان احنا مانعرفش المستقبل ,,,وصحتك حتكون ازاي بس يارب اللي ربنا ماررزقه اللي ربنا مارزقهاش يرزقها لان احنا بنحدد كام وفي غيرنا مش لاقيه طفل واحد ,,,واسفه للاطاله

اولا اشكرج اختي ام مريم على هالموضوع اللي كل ام تفكراو فكرت فيه..
انا عن نفسي بعد الولاده الاولى صرت اخاف من الحمل ..وحاطة فبالي 4 او 5 هي صحيح التربية اليوم صعبة بس حلوين لما يكبرون ..ويتخرجون ...
والله يعينا على تربيتهم تربية صالحه ...

السلام عليكم ورحمة الله وبركاته

الله يعطيكم ما تتمنّوا يا رب و يبارك لكم في عيالكم...اللهم آمين :)

خاطري في 2 ، يعني انا عندي ولد الحين الله يخليه ، وخاطري في بنت ، احس كفاية 2 ولد وبنت والثاني اذا جا ولد بعد نعمه الحمد الله ، بس اذا جا ولد بحمل للمره الثالثه لانه خاطري في بنت . وبس مابزيد عن 3 . هالزمن التربيه صعبة وااايد .

مادري والله شاقول

ريلي يبي ثلاث اولاد وثلاث بنات

وانا ابي اقل

بس
على قوله اختي يصير خير ويحلها الف حلال

لاني ناوية اوقف حمل مدة اربع سنوات ان شاء الله الله يساعدني على هالشيء

وعقب هالاربع سنوات يصير خير

موضوع قديم بس حلو :)

انا بصراحه كنت دايما خاطري في بنتين وولدين عشان يكونون اصدقاء..بس بعد ما تزوجت قلت كفايه 3 ولد وبنت في البدايه وبعد كم سنه بيبي ثالث يكون دلوعنا بعد ما كبروا ...وزوجي كان موافقني...الحين بعد ما يبت حمودي احس 2 كفايه...لانه تعب الحمل والتربيه والولاده مب سهل ابدا...وخاطري في بنوووووووووووته ..بس زوجي بعد حمودي غير رايه و يقول يبغي عيال اكثر!!!
بكيفه الاخ!!!
اتوقع 3 رقم حلو بس الله يعينا على تربيتهم ..لان هذا هو المهم...استغرب الصراحه من اللي اييبون عيال سنه ورا سنه..حررررام شو ذنب المسكين اللي ما كمل سنه بعده الا وعنده اخ ...هالاطفال ما يحصلون لا حنان ولا رعايه...ولا الحرمه نفسها ما تتعب من شكلها وهي حامل!!
بس ادعولي الله يرزقني بنوته حلوه بعد سنتين او 3

هاي اول مرة اشارك بالمنتدى وعجبني كتر الموضوع انا ام حديثة ابني لسة مخلص اربعة اشهر ومطلع عيني وبالنسبة الي ولانوا دوامي طوييييييييييييييييييل فكافي علي اثنين ويكون بينهم فترة مش اقل من خمس سنين خصوصا في ها الغلاء و الواحد يادوب يعيش نفسه فما بالك باولادك ....انا اعرف انوا حرام تحديد النسل بس لا نرمي انفسنا للتهلكة وبعرف وحدة عندها سبعة اطفال زوجها يشتغل وهي تشتغل وبيتهم اخر الشهر ما في أكل .... فانا رأي التآني في انجاب الاطفال لانهم رح يكونوا في اعناقنا ولازم نربيهم تربية حسنة ونعلمهم احسن تعليم ونوفر لهم الحياة الكريمة .....

الله يرزقني الزوج الصالح ..

وقتها .. يكتب لنا الذريه الصالحه .. يآرب

انه خاطري ثلاثة وبس الحين عندى بنت

انا بالنسبة لي عندي بنتين وولد والحين قلت بنطر ولدي لحد مايصير عمره ثلاث سنين وبعدها بجيب بيبي واحد سواء كان بنت او ولد وخلاص الحمدلله على النعمة ....لان اليهال الحين تربيتهم صعبة وطول الوقت اتمين اتحاتينهم مب مثل قبل ...