تعرفون سر الغيبة اللي غبتها؟؟ حسون بغا يروح مني :( :(

واي خوافتيني بسم الله عليه لا تقولين هالكلام مرة ثانيه

ترى انا بنتي نفس الشي صار لها كانت تغوص في الترجيع شعرها و ويها وعتفست معاها ما اروم ارضعها الا ترجع كل شي و انا فيني صيحه لا ام ولا اخت ما اعرف شو اسوي و اقوله ارجع ودنا المستشفى

اخر شي من التعب المسكينه و هيه وصخه نامت و نمت عدالها لين ابوها ودانا المستشفى و الحمدالله على كل شي

ما كملنا يومين الا انا ههههههههههههه تصدقين 9 شهور في الحمل ما تعبت شرات هاك اليوم

ما يشوف شر ولدج و الله يقومه بالسلامة

ماتشوفين شر الله يخليه ان شاء الله

سلامة قلبه حسون فديته..وماتشوفون شر

قطريــ 75 ـة:
ما عليه شر انشا الله
والله يطمنج عليه

مشكورة اختي على مرورج ورد الطيب

الحمدلله على سلامة حسوني وما يشوف شر ان شاء الله :sad:

والله ياجمانه جنج تتكلمين عن بنتي صادها نفس الشيء :cry:

بالضبــــــــــــــــــــــــــــــــــــــط وعمرها تقريبا مثل ولدج :smile:

وتميت معاها اسبوع كامل وهي اسهال وترجيع وزكام وكحه وانا عااااد :no:

شوي واصير مجنونه ماااعرف شاسوي وما فاد معاها اي شيء من الادويه اللي عطوني اياها :ss:

ورديت المستشفى قسم طوارىء الاطفال ورقدوها وعطوها مغذي يوم كامل لأنه تميت معاها على

طول من اغير لها توصخ مره ثانيه ورى بعض ورى بعض صج ينيت خفت عليها وغير الترجيع

نفس الحاله ورى بعض وبعدها

ردينا البيت وتمت 3 ايام نفس الحاله يعني ما في شيء يطمن وتميت معاها على الاكل اعطيها موز

وبطاط مهروس وروب وماي العيش ممتاز وتميت اعطيها مااي ودواء الاملاح عشان الاسهال وما

صارت بخير الا بعد اسبوع :down:

واول مره يصيدني جي مع اعيالي بس صج تعبت كثيرررررررررررررررررررر وما فاااد معاها الا

دواء الترجيع والاسهال ممتاز

واللحين الحمدلله الله حفظها والله ورب العالمين ما يقصر بعباده وكنت ادعيلها ان الله يشفيها

واقرى عليها

واللحين دايم عوضيه بالسوائل عشان يرد الي فقده والشوربات اهم شيء سويله شوربة عدس

ممتازه

والله انه كل كلمه كتبتيها حسيت فيها :sad:

والله يشفيلج حسوني وما تشوفين شر ان شاء الله :smile:

qute:
هذاااااااااااا الفيروس اللعين جانا من شهر تقريبا

مداها وصل البحرين!!! والله انه مو سهل!!!!!!!!

بدء بولدي ..نفس الحالة ترجيع و اسهال فظيععععععع شايلين فراش و حاطين فراش والملابس لابسين شايلين
حمة رهيبة اول ما نوصل الطوارئ على طول كمادات

بعد كذا مر على اولاد اخواني و اخوان زوجي

بس فعلا طيحهم طيحه

الله يشفي ولدك
والحمدلله انه فيروس مو بكتريا

اي والله هذا الفيروس مو مخلي احد ما صاده...
لما رحت الطوارئ المعظم كانوا مثل حسوني...
الله يشافيهم مساكين.. كلللش يكسرون الخاطر يهال :(

بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين

...
...
ما ايشوف شر الغالية
كسرتي خاطري ولله
عساها مرة ولا تنعاد يارب
...

و

مع تحياتي لج
deeeeeeeeeeb

ام العيال5:
الحمد الله على سلامته وما يشوف شر

الله يسلمك اختي

رانيا البحرينية:
مسكين حسوني ماعليه شر إن شاء الله أجر وعافية، والله يكون بعونك ويعطيك الصحة والقوة..
أنت واصلي على الأدوية الحين وشوفي،، شكلك لازم تاخذينه نادية ،، آنه عبودي الصراحة مايصحى الا على أدويتها وحتى لو خذيته مكان ثاني آرجع لها،، والحين شكلي باروح اليوم لأن الزكام والسعلة لحد الحين في عبودي ومافادت فيه أدوية الأمريكي...

الله يقومه لك بالسلامة....

مشكورة مشرفتنا رانيا على ردج الطيب...
والحمدلله اليوم ثاني من عطيته الادوية الجديدة.. فرق وايد قبل وبعد..
الاسهال للحين موجود بس خف..
والدورة اللي براسه مادري هل هي من التعب او من شيء ثاني.. للحين ما يقدر حتى يقعد...

اليوم حطيته بحضني وغديته بس رفعت راسه شوي..
بانتظر وبشوف.. اذا ما تحسن اكيد بوديه لها..

ماما حسون:
ما يشوف شر جمانة والف الحمد لله على سلامته..
تحملي فيه اكثر

انا مريت بهالتجربة لما كان عمر ولدي سنة وشهرين .. بس ما ادري شنو كان السبب بالضبط ،، بس السالفة ابتدت لما كنا نتعشى في يوم من الايام وكانوا حاطين لنا في العشا اللي مشترينه " سجق " واكل منه حسين وكانت اول مرة ياكل سجق ونام وقعد يوم ثاني وهو موصخ .. بدلت له والا بعد ربعد ربع ساعة رد وصخ وارد ابدل له وما يمهل شوي الا موصخ قلت اكيد اسهال ولا عالعصر الا مبدية الصخونة وما ادري ليش جته انفلونزا بعد مع انه كان طبيعي وسليم قبل ما ياكل السجق ولا فيه حتى زكام ..المهم ان يومها مشى بطنه 10 مرات ، وديناه مستشفى حكومي في الليل وفحصوه وطلعت حرارته 38 درجة ، كتبوا له على ادوية ومحلول املاح وسووا له بخار بس ما فاده زين ولا رضا ياخد الادوية والاملاح .
يوم ثاني وكان يوم الخميس رحت بيت اهلي وشافوه هناك كل مريض ومنبطح في حضني وكل شوي يوصخ ووجهه صاير احمر من الصخونة .. كسر خاطري واصريت في الليل ان يجي لي زوجي من وقت ووديناه عيادة الدكتور يوسف اكبر وفحصوه وطلعت حرارته 39.5 درجة ، عطوه ابرة وتحميلة وكتبوا له على ادوية للصخونة وللانفلونزا وعلى اكل خاص اشتريه من الصيدلية " مثل السيريلاك هو بس ماركة ثانية " وهالاكل اخلطه بعد مع حليب خاص آخده من الصيدلية بعد ويقول الدكتور ان هالاكل والحليب زين للاسهال .. وطلبوا بعد ان نجيب لهم عينة من " البراز " الله يكرمكم عشان الفحص في المختبر بس احنا لما رجعنا البيت حطيناه في ماي فاتر عشان تنزل الصخونة " حسب كلام الدكتور " وعطيناه ادوية ونام ويوم ثاني قعد الحمد لله ما فيه صخونة وخف عنه الاسهال ورضى يتريق وبعدين عطيناه دوا مرة ثانية وشفناه على الظهر صار احسن بوااايد عن قبل وما ودينا العينة لهم ... و الحمد لله عدى الموضوع على خير .

الله يبلغك فيه وتفرحين به ..

ما عليكم شر ان شا الله

مشكورة اختي ماما حسون على ردج وتفصيلج...
بس ما تتذكرين شنو اسم الاكل والحليب اللي وصفهم لج الدكتور؟

alfajer _alb3ed:
اختي جمانه سلامةة ولدج...وان شاء الله مايشوووف شر...

اذا تبغين يخوز عنه الاسهال..عطيه حليب ابو قوس (رينبو) بروحه او مع الشاي...والله رهيب...ولدي عطيته دواء الاسهال كابتين يمكن ست ايام وماخاز عنه....ومن اول ماعطيته الرينبو الحمدلله على طول انقطع...لانه معروف انه هذا الحليب ايبس البطن

جربي

ان شاء الله ..

وانا كل يوم اعطيه شاي مر وماصخ عشان يوقف بطنه...

حبيبي يسمي الشاي تايت..

kocheko6116:
مايشوف شر حسون
وحمدالله على سلامته

وتحملي فيه وبوسيه عني

الله يسلمك اختي ...

ريحانة القلوب:
سلامته إن شاءالله ما يشوف شر هدي من روعك اختي هذي أمراض أتصيب الأطفال والطفل بإذن الله ياخذ مناعة منها بس شو نسوي أحنا الأمهات قلبنا أخف من الورقة إذا هبت ريح تروح يمين ويسار .

الله يحفظ لنا عيالنا ويعطيهم الصحة والعافية امين يارب

الله يسلمج اختي...
اي والله هذا قلب الام كلش ما يشد شيء.. توني مكتشفة.. :(

العهد:
بسم الله عليهم هااليهال..

نفس حالتي يا جمانه...وبنتي وايد تعبتني وتتخيلين من اسبوع وثلاث ايام مارقدت..ولو اتشوفين حالي بكسر خاطرج..الهالات السود لاعبه دور تحت عيني..

من بعد الالتهاب في اللوز والزجام والكحه والحمى ومالا يذكر..

ظهر شي في بنتي كنت مستبعدتنه نهائيا وماكنت متوقعه انه اليهال ممكن يصيبهم واللي متعبنها وهب مخلنها ترقد بالليل..

تتخيلين شو....

التهاب بالاذن ..وتنزل افرازات وانتي بكرامه مثل المخاط..وووايد تعبانه فديتها وصايره هزيله وتعبانه من السهر ما ترقد كله تصيح واذا رقدت يادوب خمس دقايق وقايمه بعدها تصيح من الويع...والحين اتريا مفعول الدوا عليها.

الله يشفيهم ان شاء الله..ويجازينا خير..

الله يشافي بنتج يالعهد وما تشوف شر... انتي صبري قلبج الحين..
وان شاء الله الدوا يجيب مفعوله سررريع وترتاح بنتج وترتاحين..

دلوعة ريلي:
ما يشوف شر والله يحفظه من كل مكرووه يا رب

الله يسلمك اختي.. ومشكورة على الدعاء

نجمة ليوا:
اختي الغاليه ,, هذا الفيروووس اعطيج اياها نصيحه الادويه ما تفيد معاه الادويه بس للتسكين هذا لازم يتم مدة خمسة ايام بالضبط ,, لانه هذا الفيروس يبتدي من فوق لين تحت وانتم بالكرامه فيبتدي معاه شوي شوي ,, وانشالله باجر ولا بعده بيكون بالف خير ,, بس انتي تحملي عليه من الجفاف كثريله من السوائل حتا لو كان يالس يرجعهن ,, انا كنت اشوف عيال اخويه جدامي ,, كانت زوجت اخويه المسكينه ما فيه شي ما تسويه بس مافيه فايده , تكون في ماساه ,,,, والترجيع الله لا يرويج خص انهم اثنين واصغار ,,, اذكر بنت اخويه كانت ترجع اكثر من 12 او 13 مره في اليوم وهيه من النوع الكتوم اللي ما يصيح واايد ,, هذي اللي كانت تعورلي قلبي ,, فعشان جيه اقولج اياها الادويه ما فيهن فايده من يدخلن يطلعن يا بالترجيع يا بالاسهال وانتم بالكرامه ,,,, تحملي اليومين وانشالله بيكون في الف خير لا تخافين عليه ,,, اللي خسره انشالله يردهن من الوزن بس هالله هاله في السوائل شوي شوي لا تعطينه شي ثقيل تحملي ,,,,
والله يخليلج اياه يااارب

مشكورة اختي.. والله انا قاعدة واحسب كم يوم صار له .. وشقد بيطول معاه..
اليوم رابع وبكرة ان شاء الله خامس... ان شاء الله يفتك منه..
وانا مو مقصرة معاه بالسوائل حتى هو يحارب على عمره.. كل شوي يقول امبوه امبوه .. واعطيه..

يمكن البارحة 11 مرة قعد يبي يشرب ماي..

ورد جـــوري:

ألف الحمدالله على سلالالالامة حسين

و مايشوووف شر ان شاء الله ،، الله يحفظه يااارب

الله يسلمك اختي ...

مجنونة زماني:
واي خوافتيني بسم الله عليه لا تقولين هالكلام مرة ثانيه

ترى انا بنتي نفس الشي صار لها كانت تغوص في الترجيع شعرها و ويها وعتفست معاها ما اروم ارضعها الا ترجع كل شي و انا فيني صيحه لا ام ولا اخت ما اعرف شو اسوي و اقوله ارجع ودنا المستشفى

اخر شي من التعب المسكينه و هيه وصخه نامت و نمت عدالها لين ابوها ودانا المستشفى و الحمدالله على كل شي

ما كملنا يومين الا انا ههههههههههههه تصدقين 9 شهور في الحمل ما تعبت شرات هاك اليوم

ما يشوف شر ولدج و الله يقومه بالسلامة

الله يسلمك من الشر وما تشوف بنتج شر بعد

مايشوووووووف شر

f.y:
ماتشوفين شر الله يخليه ان شاء الله

مشكورة اختي . . وتسلمين