تعرفون سر الغيبة اللي غبتها؟؟ حسون بغا يروح مني :( :(

ما عليه شر انشا الله
والله يطمنج عليه

هذاااااااااااا الفيروس اللعين جانا من شهر تقريبا

مداها وصل البحرين!!! والله انه مو سهل!!!!!!!!

بدء بولدي ..نفس الحالة ترجيع و اسهال فظيععععععع شايلين فراش و حاطين فراش والملابس لابسين شايلين
حمة رهيبة اول ما نوصل الطوارئ على طول كمادات

بعد كذا مر على اولاد اخواني و اخوان زوجي

بس فعلا طيحهم طيحه

الله يشفي ولدك
والحمدلله انه فيروس مو بكتريا

الحمد الله على سلامته وما يشوف شر

مسكين حسوني ماعليه شر إن شاء الله أجر وعافية، والله يكون بعونك ويعطيك الصحة والقوة..
أنت واصلي على الأدوية الحين وشوفي،، شكلك لازم تاخذينه نادية ،، آنه عبودي الصراحة مايصحى الا على أدويتها وحتى لو خذيته مكان ثاني آرجع لها،، والحين شكلي باروح اليوم لأن الزكام والسعلة لحد الحين في عبودي ومافادت فيه أدوية الأمريكي...

الله يقومه لك بالسلامة....

ما يشوف شر جمانة والف الحمد لله على سلامته..
تحملي فيه اكثر

انا مريت بهالتجربة لما كان عمر ولدي سنة وشهرين .. بس ما ادري شنو كان السبب بالضبط ،، بس السالفة ابتدت لما كنا نتعشى في يوم من الايام وكانوا حاطين لنا في العشا اللي مشترينه " سجق " واكل منه حسين وكانت اول مرة ياكل سجق ونام وقعد يوم ثاني وهو موصخ .. بدلت له والا بعد ربعد ربع ساعة رد وصخ وارد ابدل له وما يمهل شوي الا موصخ قلت اكيد اسهال ولا عالعصر الا مبدية الصخونة وما ادري ليش جته انفلونزا بعد مع انه كان طبيعي وسليم قبل ما ياكل السجق ولا فيه حتى زكام ..المهم ان يومها مشى بطنه 10 مرات ، وديناه مستشفى حكومي في الليل وفحصوه وطلعت حرارته 38 درجة ، كتبوا له على ادوية ومحلول املاح وسووا له بخار بس ما فاده زين ولا رضا ياخد الادوية والاملاح .
يوم ثاني وكان يوم الخميس رحت بيت اهلي وشافوه هناك كل مريض ومنبطح في حضني وكل شوي يوصخ ووجهه صاير احمر من الصخونة .. كسر خاطري واصريت في الليل ان يجي لي زوجي من وقت ووديناه عيادة الدكتور يوسف اكبر وفحصوه وطلعت حرارته 39.5 درجة ، عطوه ابرة وتحميلة وكتبوا له على ادوية للصخونة وللانفلونزا وعلى اكل خاص اشتريه من الصيدلية " مثل السيريلاك هو بس ماركة ثانية " وهالاكل اخلطه بعد مع حليب خاص آخده من الصيدلية بعد ويقول الدكتور ان هالاكل والحليب زين للاسهال .. وطلبوا بعد ان نجيب لهم عينة من " البراز " الله يكرمكم عشان الفحص في المختبر بس احنا لما رجعنا البيت حطيناه في ماي فاتر عشان تنزل الصخونة " حسب كلام الدكتور " وعطيناه ادوية ونام ويوم ثاني قعد الحمد لله ما فيه صخونة وخف عنه الاسهال ورضى يتريق وبعدين عطيناه دوا مرة ثانية وشفناه على الظهر صار احسن بوااايد عن قبل وما ودينا العينة لهم ... و الحمد لله عدى الموضوع على خير .

الله يبلغك فيه وتفرحين به ..

ما عليكم شر ان شا الله

اختي جمانه سلامةة ولدج...وان شاء الله مايشوووف شر...

اذا تبغين يخوز عنه الاسهال..عطيه حليب ابو قوس (رينبو) بروحه او مع الشاي...والله رهيب...ولدي عطيته دواء الاسهال كابتين يمكن ست ايام وماخاز عنه....ومن اول ماعطيته الرينبو الحمدلله على طول انقطع...لانه معروف انه هذا الحليب ايبس البطن

جربي

مايشوف شر حسون
وحمدالله على سلامته

وتحملي فيه وبوسيه عني

سلامته إن شاءالله ما يشوف شر هدي من روعك اختي هذي أمراض أتصيب الأطفال والطفل بإذن الله ياخذ مناعة منها بس شو نسوي أحنا الأمهات قلبنا أخف من الورقة إذا هبت ريح تروح يمين ويسار .

الله يحفظ لنا عيالنا ويعطيهم الصحة والعافية امين يارب

بسم الله عليهم هااليهال..

نفس حالتي يا جمانه...وبنتي وايد تعبتني وتتخيلين من اسبوع وثلاث ايام مارقدت..ولو اتشوفين حالي بكسر خاطرج..الهالات السود لاعبه دور تحت عيني..

من بعد الالتهاب في اللوز والزجام والكحه والحمى ومالا يذكر..

ظهر شي في بنتي كنت مستبعدتنه نهائيا وماكنت متوقعه انه اليهال ممكن يصيبهم واللي متعبنها وهب مخلنها ترقد بالليل..

تتخيلين شو....

التهاب بالاذن ..وتنزل افرازات وانتي بكرامه مثل المخاط..وووايد تعبانه فديتها وصايره هزيله وتعبانه من السهر ما ترقد كله تصيح واذا رقدت يادوب خمس دقايق وقايمه بعدها تصيح من الويع...والحين اتريا مفعول الدوا عليها.

الله يشفيهم ان شاء الله..ويجازينا خير..

ما يشوف شر والله يحفظه من كل مكرووه يا رب

مرموم:

السلام عليكم ورحمة الله وبركاته

ألف ألف سلامة عليه حسين العسل...

عارفة و مجربة هذا الدور...صاب بنتي...و برضه قال لنا الدكتور فايروس في الجو...

ترجيع و إسهال من ناحية...

و زكام من ناحية ثانية...

أول شيء...علشان يوقف الإسهال...كل ما يعطيها دواء (Kaptin) ترجعه...لذلك جبنا تحاميل ( Motelium ) علشان تثبت شويه...التحاميل خففت الترجيع...بعدها قدرنا نعطي دواء الإسهال...

و بعدين مضاد حيوي...و طارد للبلغم...و موسع للشعب...

و وقت ما أعطيها الدواء...يتقطع قلبي على مريومتي...و هي مش طايقة طعمه...أنا الكبيرة أكره الدواء...ما بالك الصغار...

و محلول الجفاف هذا طعمه سيء...بس كان لازم أعطيها إياه علشان ما تنشف مني...

الحمد لله رب العالمين...يا رب هذه الأمراض تزيد مناعتهم شويه...بس يصعب عليه نزول الوزن الرهيب اللي نزلته...و من يومها ما زاد وزنها كتير...

اللهم إني أعيذهم بكلماتك التامات من شر كل شيطان و هامّة و كل عين لامّة...

مثل الادوية بالضبط ياخذها حسين حالياً...
بس تحاميل الترجيع عندنا على شكل سائل..

نزول الوزن فعلا وايد وايد... الله شافيه ويرد يرجع ياكل.. مابيه يمتن بس يرجع ياكل :(

RoOoOmy_M:
ماعليه شر الغالي حسين ... كسر خاطري مسكين

ان شاء الله صار احسن الحين ويصير زين بعد الأدوية

الحمدلله الحين وايد احسن عن اول..

بس بعده ما يقدر يقوم يصير عنده دورة براسه.. شيء طبيعي بعد الطيحة اللي طاحها..

الله كريم ويشافيه

sweet&sour:
ما تشوفين شر يا جمانة والله قلبي عورني على حسون الله يشافيه
انا مريت بهالتجربه و يا بنتي فطامي و لين الحين احط لها جهاز البخار :(
الله يشفي عيالنا و عيال المسلمين جميع

ولا عليك شر.. الله يشافي عيالنا وعيال المؤمنين... مشكورة اختي على الرد الطيب

فوانيس:
ربي يلبسه ثوب الصحه و العافيه يا رب
ذكرتيني بولدي الصغير
صار له نفس ما صار لـ حسين
و نمت بالمستشفى وياه يوم كامل عشان المغذي
و الحمدلله ..و ظل 3 ايام عايش على الجلكوز

مشكورة اختي فوانيس على الدعاء..
وحسين الشيء الزين فيه انه يطلب الماي باستمرار.. وهاللي حماه من الجفاف الشديد..

النرجس:
مايشوف شر
وربي يشافيه ويعافيه ويكبر وتفرحي بيه

لاتحاتين كثير كلها فتره وتعدي وبكره بتشوفين نشاطه وحركته بيرجع مثل قبل وأحسن
وطمنينا عنه أول بأول

ان شاء الله... الله يسمع منك

ريم اليافل:
الله يشفيه ويعافيه يا رب ..
والله معاناتج انا عانيتها من اسبوع تقريبا لمدة اربعة ايام .. ماكان عنده اسهال بس كان زجام وحمى .. الحمى كانت 38.5 .. كنت والله اعطيه دوا الحمى واحط له تحميله مرة وحدة بس عشان تنزل حرارته .. نص ساعه وترجع ترتفع .. وتميت اقرأ عليه المعوذات والرقية الشرقيه .. والحمدلله الحمى خفت عنه .. والزكام بعد خف .. بس خشمه شوي للحين بعده متأثر من الزجام ..

مشكورة اختي ريم
والله يشافي ولدج يا رب

الكاسكو:
اولا الحمدالله على سلامتج وسلامت وليدج يا الغاليه 00

والله يشفيه انشالله يارب العالمين 0



كاسكو

الله يسلمج اختي الكاسكو... ومشكورة على الرد الطيب..

اختي الغاليه ,, هذا الفيروووس اعطيج اياها نصيحه الادويه ما تفيد معاه الادويه بس للتسكين هذا لازم يتم مدة خمسة ايام بالضبط ,, لانه هذا الفيروس يبتدي من فوق لين تحت وانتم بالكرامه فيبتدي معاه شوي شوي ,, وانشالله باجر ولا بعده بيكون بالف خير ,, بس انتي تحملي عليه من الجفاف كثريله من السوائل حتا لو كان يالس يرجعهن ,, انا كنت اشوف عيال اخويه جدامي ,, كانت زوجت اخويه المسكينه ما فيه شي ما تسويه بس مافيه فايده , تكون في ماساه ,,,, والترجيع الله لا يرويج خص انهم اثنين واصغار ,,, اذكر بنت اخويه كانت ترجع اكثر من 12 او 13 مره في اليوم وهيه من النوع الكتوم اللي ما يصيح واايد ,, هذي اللي كانت تعورلي قلبي ,, فعشان جيه اقولج اياها الادويه ما فيهن فايده من يدخلن يطلعن يا بالترجيع يا بالاسهال وانتم بالكرامه ,,,, تحملي اليومين وانشالله بيكون في الف خير لا تخافين عليه ,,, اللي خسره انشالله يردهن من الوزن بس هالله هاله في السوائل شوي شوي لا تعطينه شي ثقيل تحملي ,,,,
والله يخليلج اياه يااارب

سلامته .....الله يشفيه
ولك الأجر إن شاء الله

ألف الحمدالله على سلالالالامة حسين

و مايشوووف شر ان شاء الله ،، الله يحفظه يااارب