العبايات اللي دارجــه هالايام..موضه الحين خلونا ندخل ونشووووف ؟؟؟

وانا بعد ياليت اطرشيلي رقمها يا نداايم

ممكن رقم ام سلطان لو سمحتوا ,,,,,,,,,,,,,,,,,,

الفراشه احلي شي في العبايات

تسلم يمناج على الصور
ويعطيج العافيه

تحيتي لج

طيوفي:
اخواتي الغاليات
السلام عليكم ورحمة الله وبركاته
بصراحة انا مريت على ردودكن وحزنت على حال كل واحدة منكن فاأنتن اخواتي في الله ويجب علي أن اقول لكن أن العبايات للستروالحشمة وعدم اظهار الزينة كما قال تعالى ( ولايبدين زينتهن ) فعندما أبحث عن الجديد والموضة في العباية فمعنى ذلك أن أريد اضهار زينتي وهذا مما يلفت أنظار الرجال الاجانب لي وأكون بذلك ارتكبت محرم وكسبت أثم والعياذ بالله وانا ماقلت ذلك الا لخوفي عليكم (اتقوا النار التي وقودها الناس والحجارة )
نصيحتي لك اخيتي :

* تقوى الله ومخافته في السر والعلن
* الحرص على الحجاب الاسلامي الخالي من الزينة (مافيه شي اسمه عباية سوق وعباية زيارات )
*الابتعاد عن العبايات المخصرة وعبايات الكتف التي تبرز بعض تفاصيل الجسم
وفقكن الله وبارك فيكن اخياتي

امممممممممممممممممممممممممم

مشكوره فديتج عالمرور ..

alshamsia:
السلام عليكم ....
انا اسوي دوم عند ارابيسك صح انه اسعارها مبالغ فيها بعض الاوقات بس انا مرتاحه منها والشي الثاني انها تيني لين البيت ....
وبغيت رقم ام سطان اسمع عنها بس ما اعرفها ...
وجزاكم الله الف خير ....

ارابيسك راقي وشغلهم نظيف ... بس التغيير حلو ...

ندايم:
هلا اختي العنـــــــــــــود
البنت من دبي...و أسعارها وايد وايد حلوه:shy:
و هي صراحه قمةالذوووق في الإختيار....:clap:
إذا تبين قوليلي برسلج رقمها على الخاص....:

هلاا والله بالقمر ندايم .. اتريا التفاصيل عالخاص ^_*

رمز المحبه

مناتي 74

حيــ الروح منوره ـاة

تسلمـــــــــــووون عالمــــــــــــــرور

دشيييييت حبيت اسلم

شللونكم شخباركم

مرااااااااااااااااحب احلى كويتيه ...

منــــــــــــــوره يالغلااااا

مشكووووووووورة ندايم عالرقم

ممكن رقم ام سلطان لو سمحتوا ,,,,,,,,,,,,,,,,,,

هلا عزيزاتي

اللي يحب التميز يزور محل (((( المتميزة )))
في الشارجة شارع حلون
قريب من صالون فريده والبرقع

صراحة شغلهم حلو ... واسعارهم معقولة

وانا سألت بنات مفصلين عبي عند ناس يصممون عبي وشفت بعيوني
وهم اصلا المصممات .. يخيطون عند المتميزة

ودبل في السعر .. يعني حرام


صراحة شوفوا موديلاته
والناس اذواق

ويناسب كل الاذواق

واهم شيء صراحة السعر معقول
يعني ما تستخسرين عباية ب 2000
او 1500

بعد شهر موديلها بيطيح

المتميزة صراحة اللي عجبني فيه سعره معقول
400 -500 - 600

ما في اكثر عن 1000

والله يوفق الجميع

بنات طلبت رقم ام سلطان ................ولا حد عبرني ....ممكن الرقم لو سمحتوا ..........................

اسلام عليكم ورحمة الله وبركاته


إشحالكن خواتي...


انا بخبركن عن تجربتي مع العبايات...



الصراحة أنا جربت وايد محلات من ضمنهم عبد الله حسين خنجي و العنود وسويت ليدي وسيدتي الجميلة وكثير محلات في دبي والسعودية واللي يفصلن في البيوت.....بس الصراحة والشهادة لله إني ما أرتحت إلا حق السويعية أنا ما أمدحهن لاني أتريا شي منهن ولا لأي مصلحة ولكن اللي أنا اشوفه حلو في هالبنات إنهن متفوقات على أنفسهن وهذا شي واضح أولاً أنهن مواطنات من هل الدار يعني يعرفن شو اللي يناسبنا ويناسب عاداتنا وتقاليدنا....وموديلاتهن متميزة عن الكل....وقصاتهن وايد حلوه هن اللي يبتكرونها وأفكار الصراحة ماشفتها عن أي حد يسوي أو يصمم عبي لا من المحلات ولا من اللي يصممن في البيوت.....


والشي إللي عيبني فيهن إن هن ما يقلدٍ أي حد من المحلات......ومره أختي يابتلهن عباية أربيعتها وقالت حق الحرمة أباج أتسويلي نفس موديل العباية هاي......قالت إلها شوفي حبيبتي أنا ماأقدر أسويلج عباية مقلدة تبين أنا مستعدة أصمملج الموديل اللي تبينها وبالفكرة اللي أتعيبج لكن ماأقدر أقلد أي عباية أتيبونها لي من أي محل ...ويوم سألناها ليش أنتي بتخسرين جي....قالت: ((بالعكس بخسر إذا بقلد لاني إذا اتبعت هالاسلوب مابكون متميزة.....أما إذا كنت متميزة بأسلوبي الخاص وقصاتي الخاصة ولمساتي إللي صعب أتحصلونها في أي مكان ثاني هني أنا اللي بكسب زبايني اللي في نفس الوقت أباهن يكونن متميزات....وأنا من دون ما أمدح عمري عندي زباين مب بس من الإمارات أو بوظبي بالعكس أنا عندي زباين من جميع إمارات الدولة تقريباً ومن دول الخليج كلهم وزبوناتي في السعودية من العوايل العادية ومن سيدات الأعمالومن الأميرات وماشاء الله عندي زباين من قطر وعمان والكويت بعد وماشاء الله وصلت لين مصر ولندن شهرت عباياتي.....وأتقوليلي أقلد عشان ماأخسر بالعكس شفتي كيف يوم تخلصين في شغلج الله سبحانه وتعالى يوفقج ويخليج في الصدارة)))...


أنا الصراحة بهرتني أبكلامها وأسلوبها الجميل وهي إنسانة جداً متواضعة.....وبالفعل أني ما ألبس أي عباية هي اللي أمفصلتلي أياها إلا ويسألوني عن المحل اللي أمفصله فيه عباتي وساعات يوقفوني في السوق أو المولات يسألوني عن عباتي.......أنتوا بتقولون يمكن أني أبالغ لكن أكتشفت أن مب بس أنا اللي أقول هالكلام حتى أربيعاتي اللي يفصلن عندها يقولن نفس الكلام ومره سرت ايب عباتي من عندها كانت وحده هناك وكانت امفصلة عباية وحده عندها اتقولها يوم لبست العباية وطلعت فيها وكانت سايرة المول أتقول وايدات اللي وقفني وويسألني وين امفصله العباية وهي اتقول الحمد لله خير ورزق من رب العالمين....ويمكن تواضعها هي اللي يجذب الشخص إن يفصل عندها..............ووايدات من المنتدى سارولها عن طريجي وسوتلهن وبعد مافصلن عندها يمدحنها يعني مب بس أنا إللي أمدحها...........


وأنا أنصح العرايس اللي يبن يتجهزن أو اللي تبى أتكون متميزة في العباية اللي تلبسها أتسير عند السويعية..................لانها صدق بتكون متميزة هي اتفصل العباية والشنطو وتكرموت الجوتي واللبس وأشياء ثانية كله طقم.......................وأسعارها وايد حلوه............



واللي تبى عنوانها أو رقم تلفونها أتخبرني............................



والصراحة اللي بتفصل عندها مابتخسر والله

الدلوعه الغاليه لو ماعليج امر الرقم والعنوان لو سمحتي

السلام عليكم ورحمة الله وبركاته



الغالية العباية هاي أنا فصلت منها عند السويعية .......بس عبد الله حسين خنجي يسوي منها وبحليقة............ز


وحياج الله

UAE_PRINCESS:
هلا بنات.. بلاه الموضوع برد؟؟؟
بغيت أعرف حد فيكم يعرف مكان حلو يفصلون فيه عباة البشت؟؟ أو مادري شو اسمها بس شفت وحدة لابسة عباة على الأكتاف والايدين شريط مذهب شرات البشت والعباة نغسها يوم تنلف وسيعة شوي من الجنب مثل عباة الفراشة يعني عباة فراشة على بشت جيه حسيتها...بس واااااااااااايد رهيبة...
ياليت حد يفيدني عن مكان يضبط تفصيل هالعباة...

kak:
الدلوعه الغاليه لو ماعليج امر الرقم والعنوان لو سمحتي

مع اني البس عبايه على الراس

ابس نا احس الفراشه تمتن الوحده .. وماتصلح الا للنحاف ..

وانا معجبتني عبايه الخفاش مره

مشكرووووووووووره اختي دلوعه .....