العبايات اللي دارجــه هالايام..موضه الحين خلونا ندخل ونشووووف ؟؟؟

احلى_كويتيه:
هلا فيج حبيبتي العنود

وتسلمين على الموديلات ليديده بس جنهم وايد اوفر

احس انهم يلفتون النظر اكثر من البدله العاديه

دوحانية:
ما شاء الله عليكم ^_^

ما خليتوا عباية إلا و ذكرتوها .. و على قولتهم شي شفناه و شي ما شفناه و لا سمعنا به ..

أنا أذكر كنت أشوف الموديلات على البنات في الجامعة ..

لكن الصراحة ما أعجبتني الموديلات الجديدة .. غير العباية اللي نعرفها ما أتجرأ أفصل ..

و تبون الصراحة أنا لما أبغي أفصل عباية .. أحتاااار لأن كل الموديلات الموجودة عندنا في قطر

تصيّح من بشاعتها ( 60 مليون موديل و شكل و لون في عباية وحدة !!! ) و لا المصيبة إنج تلقين كل البنات لابسين نفس العبايات !! عسى ما شر .. إلا بعض الموديلات المعقولة أو السادة ..

اممممم عباية الفراشة أعتقد هي اللي تجي ضيقة عند الأكمام و تكون وسيعة عقب ما فيها خياطة ,, هاذي فعلاً وسيعة بس ما تصلح لكل الأجسام + هي حلوة على الحمّل ^_^

يعطيج العافية على الموضوع .. و الله يسترنا بستره ..

شبح الجاهلية:
السلام عليكم


في النهاية تظل هذه العبايات لا تجوز

لأنها تخالف الكثير من شروطها ....

ولا ننسى بأنها عبايات شهرة

أبغى أسأل سؤال واحد ...

هالحين العباية فرضت عشان تستر الجسد وتستر جمال المرأة ومفاتنها .... والآن أصبحت بدل ما تستر تزيد المرأة فتنة .... !!!

ليه فرضت العباية ؟؟؟؟؟ مو عشان تحجب مفاتن المرأة ... طيب ليه جالسين يطلعونها ويزينونها ويخصرونها ويزركشونها ؟؟؟؟

عشان اللي يسوى واللي ما يسوى ياكل البنت بنظراته وبكلامه وبملساته

وبعدين الصور هذي ما كأنها لعبايات وربي كأنها جلابيات مطرزة وملونه ومخصرة ...

يعني مافيها اسم العباية ولا صفتها ولا طابقت شرط واحد بس لجوازها ...


نهاية ... إن الله شديد العقاب لمن خالف أوامره وتجاوز حدوده ...

نبراس الوفاء:
معليش تحملوني
لكن لبس العبايه للستر والعفه مو للزينه والشهره
ليش مانكون زي امهات المؤمنين بحجابهم وعفتهم
كانوا رضوان الله عليهن اذا تحجبت وطلعت ماتنعرف
من حجابها وسترها لنفسها ...........................
فياليت اخواتي الكريمات تتنافسون في ارتداء الحجاب الشرعي
الصحيح ..... وياليت يكون لبسه بكل المناسبات والطلعات .
هذا رجاء من اختكم المحبه لكم نبراس الوفاء.
والله يجمعني فيكم بالفردوس الاعلى مع الحبيب المصطفى
صلوات الله وسلامه عليه ومع قدوتنا امهات المؤمنين وشكرا

مــســQ8ــك:
العنـــود شالزيـــن ما شاء الله عيني عليــج بادره
ذوقج وايد حلو والصور الاخيره عجيبـــه

وعلى فكره عندنا بالكويت العبايه الدبل كلوش وايد دارجه ( الي تكون وااااسعه )

(( ام الغلا )):
انا بصراحة احلى عباة عندي اللي عادية وكمها فرنسي ومليانه كريستال وشغلات حلون اما الفراشة والخفاش والرومانية بصراحة ما حصلت فيها الحلاة

بنت البواردي:

هلااا اخواتي ...

اخترتلكم..دار وعد للتصميم..

صراااحه ذوق فالتصميم..نظافة الخيااطه..صراااحه شغلها عيبني وااايد..

نزلت تصاميمها في مجلة المرأه اليوم..وعروس 2006..والكل راحلها وشكرووووني وايد عقبها..

واناا فصلت عندها 4 عبي واسعارها معقوله..صراحه سرت عند وايدااات لاني تخصص تفصيل عبي

احب الاشياااء المبتكره واااايد..سرت عند مها خاااان..الامارات كلها لابسه نفس الموديل..عندج ابتسام

(اونلي مي) استون موديلاتها بس مال اول..نجلا الغانم..عبيها كلهن تقليد المسلسلات الكويتيه..

ام سلطان صراحه ماجربتها..طرشولي عنوانها وبحكم.

وفي الاخر الناااااااس اذوااااااق..

وجربوا مااابتخسرون..اذا بغيتوا عنوانها محلها فالشارجه..راسلوني اذا بغيتي العنوان..

واذا بغيتوا اشوفون صورهم طرشولي ايميلكم الخااص وبرسلكم اياااهن لاني ماعرف انزلهن هني..

اختي العنود طرشيلي ايميلج وبطرشلج الصور واذا ماعليج اماااره نزليهن فالموضوع دخيلج عشان

البنات ياخذون فكره عن الدار...

وحيااااكم

مــســQ8ــك:
العنـــود شالزيـــن ما شاء الله عيني عليــج بادره
ذوقج وايد حلو والصور الاخيره عجيبـــه

وعلى فكره عندنا بالكويت العبايه الدبل كلوش وايد دارجه ( الي تكون وااااسعه )