الجزء الثالث ... ( تجهيــزات عرايــس قطــ2006ــر)

هههههههههه الله يبارك فيج يا عروس الدوحه
مدامج خبره باسألج
1-رحتي الصالون الازرق من عقب التنزيلات .! وشلون هي التنزيلات ؟.!
2- خاطري اشتري عطر جنيفر اليديد ... بس مادري هو حلو ولا الدعايه كبرت راسه ؟
3-اممم بس جاوبي على واحد واثنين بليززز !

بنات بلادي لا تفوتكم الهدايا


http://www.3roos.com/forums/showthread.php?p=2095756#post2095756

هااايو قايزات مره ثانيه.....
انا ماحب من الي يسوي ميك اب اذا انتي تعرفين واذا هاي الي تقولين عنها وفاء فديتج قوليلي شلون مكياجها ومتى يحجزون وجي....
وكلاسيكوووو اخباااااج؟؟
انا تمااااااااام والنفسيه انما ايه <<<<<ماشاء الله عليها خخخخ

عاد اليوم مقدمه امتحان يعني كويز هو برمجه عاد سويت برنامج عجيب خخخخ المهم خذت فيه درجه كامله الحمدالللللللللله خخخخخ
وقدمت اسانمنت بعد اليوم وكملته كله والحمدالله خذت 10/10
صايره شاطره ماشاء الله علي خخخخ.....
اي بنات بس باقيلي اودي عبي المتحجبه الي مسويتهم ريحتهم فليييت امي تقولي وديهم باجر عشان مره وحده تفتكين واحطهم في الكبت... وباقي ابوي يجي الله يرده لنا بالسلامه باجر ويقولي جايبلي حركات خخخخ المهم بس عشان بعد هال اسبوعين امي تقولي ارتب الشنطه عشان افتك .....اي بنات قولولي وين احسن مكان تبيييض..!!!

ممممممم وبنات لين برزت كل شي باقولكم شلون انا وبنت عمي اوجيييج قايزات

اشوف كل من خذ كلمتي هااا هااا خخخخخخخخخ استعبط عليكم بالعافيه بعد يومين بعد باجيب كلمه والقفوها اوجييج
باييووووو

هههههههههه مجنونه قطر خبرة في تجهيزات العروس بس لاوالله عيووني مارحت صالون الازرق لاني مخلصه كل شي تقريبا

لكن عطر جنيفر شريت الاول وعجبني احسه هاادي للصبح مع انه مادش مزاجي واايد لكني خذته لكن الثاني الجديد ماشريته وناويه اشتريه لاني امووت في جنفر لوبيز احب كل شي لها والغرشه مالت عطر شكلها حلو لكن شوفي ركن العطوور الكل امدحه وتعرفين ناس اذوااق

واتمني اني افدتج

هلا ام شيوووخ الف الف مبررروك وان شاءالله نتايج كلها الف

وان شاءالله يرجع ابوكم بسلامه يارب وتتهنين بالهدايااا

وعن تبييض ماانصحج ماقريت ردود البنات قبل شنو قلنا عن تبييض ماانصحج فيه كلش

ههههههههههههه عروس الدوحه انا اقول شدخل من زمان ماشفتينا ............. تسلمين عالتكبير صج احنا ذكاء جان كبرنا وافتكينا قاعدين ونتشرط......


فيه وحده هنيه مطنشتني ليش :cry::cry: اكيد تعرف نفسها !!


محنونة قطر بالنسبه لعطر جنيفر الناس اذواق انارفيجتي قالتلي روعه ويدوخ ومادري شنو ويوم شميته عاديه ريحته يعني مب ذااااااااااك الزود ...........

أبيييييييييييه خطيبووو ليكون أنا @@
فدييييتج والله اذا كنت انا حقج علي والله ما ادري احس انا بس تره انا كله اذكرج مو تنسيييين خخخخخخخ

انا دايما اسوي بديكير ومانيكير في لندن شغلهم حلو بس مب اي وحده في وحده شعرها بوي وكبيرة تلبس نظاره هذي عجيبة

فرواولة قطر ..

فديتها بنتج .. الله يخليها لج .. وما تغلى عليها الصورة

:)


عنادي قطر ..
اي هذي هي جويسي اللي في حلا
وذكرتيني انا دايما اروح لندن اسوي كمن شغلة وبالمرة اسوي بادكير مانكير ..
بس مب دايما شغلهم اوكي يعني على حسب بس مشكلتي اني ما اركز على الويوة والاسامي


خطيبة الغالي
لا تذكريني بالدراسة .. اليوم عطانا الدكتور نتائج كويز .. وانصدمت انزل درجة اجيبها من يوم دشيت الجامعة
تميت مطنقره طول المحاضرة ومالي بارض .. على وسو مدري معني انا اللي مب دارسة :(
تحملي تسوين نفسي والله شدي حيلج .. يدتي الله يرحمها كانت توصيني دايما بالدراسة وتقول مافي شي بينفعج الا شهادتج
عاد ابتداء من اليوم قررت اشد حيلي
واعطي الصلاحية لاي وحدة تشوفني مسفهة تسوي فيني اللي تبيه :)
بس انا بالنسبة لي ما اشوف ان اللي تتزوج يزيد حماسها اشوف العكس ... وانا حالة من هل الحالات
حتى قبل كنت اقول باكمل دراسة برع بس اللحين مكنسلة الموضوع للوقت الحالي ابي بس يوم التخرج يجي وافتك


عروس الدوحة ..
اخبارج .. شمسوية ؟؟
انا اتصلت بشركتين تقريبا المرة مع جهاز يدوي ب 400 ريال
واذا تبين الجهاز اللي نفس المطار ب 1500 ريال
بس مذكر اي شركة

كلاسيك نصيحه باقيلج 5 شهور ابتدي احجزي مكياج وشعر وحنه وفصلي فستان العرس الايام تركض وماراح تحسين فصلي فستان الهديه والصباحيه واشتري شنط لاتقولين توا الناس خصوصا انج بجامعه وبتخلصين بنص 6 مع الامتحانات عشان تعطين نفسج راحه واشتري قمصان نوم والاطقم داخليه وكل شي على الاقل خلصي نص وحتي المكياج والعطورات عادي اشتريها بس لاتبطلينهم عشان مايختربون وجيبي ورقه وقلم وشوفي اللي ناقصج وانصحج نصيحه حجزي تصووير من اللحين وكوشه وطاولات صدقيني الاسعاار كل مالها تتغير وانتي وراج امتحانات وخصوصا عرسج اعتقد ببدايه 7 صح فعيني شهر 5و6 بتنشغلين بامتحاناتج فعندج 3و4 تخيلي شهرين فخلصي وافتكي اشتري وحطي بشنط وعقبال التشطيبات الاخيرة واي مساعده لج وللبنات كلكم انا تحت امركم صرت خبرة بالاسواااق

عورني قلبي لما قريت كلامك
بس الحمد لله في كمن شغلة خلصتهم : الملابس الداخلية حجزت المكياج والشعر والحنه .. بعد شريت جلابية الحناء .. والفساتين هينه في طلعة اخلصهم .. بس اللي احاتيه صج فستان العرس .. ادوين اللي في الفراشة عنده التصاميم من اسبوع ولين اللحين ما شفتهم واخاف ياخرني لما يسلم الفستان
المشكلة المواصلات ودريولنا توه ما دش المدرسة والوالد دايما مشغول فوالله ساعات احس اعصابي تحترق لاني احس محد مفتكر فيني
اما الاشياء الباقية مخليتها لاني اسوي رجيم اللحين ( بس رجيم خرابيط ) وابي انطر .. يعني فصلت لي جلابيات تقريبا 10 هاي استلمتهم خلاص
غير اللي في الخياط ولين اللحين ما خذتهم
العطورات اول كل شهر لازم اروح اخذ لي اشياء
وغير ان ابو الشباب يدخل محمل بالعطورات فهاي بعد اوكي
التصوير حجزت وخلصت ودفعت عربون حمد لله
الكوشة باحجزها بكره او الاسبوع الجاي خلاص باكون انتهيت منها

زين يا خبيرتنا .. ابي قمصان نوم .. خ>ت من نعومي ودبنهامز
بس ابي اشياء غير ما ادل الا هل المكانين ..
وشرايكم امي تقولي لا تاخذين بو ارواب عندي تقريبا 8 مع اروبتهم
تقولي اخذي عادي بس انا اشوف ان حلاة العروس بقميص يكون معاه روب ؟؟

اول شي انا زعلانه منج الوحده يالله تبي تفتك وانتي تخرج و الله ماادري اشفيج لومنج اخلى كل شي واحط عيووني بدراسه لو ان شاءالله مقبول بكل مادة المهم اتخرج وافتك من يبي الجامعه قهررررر شدي حيلج مابقي شي كفايه دكاترتنا ماترحم ومايحذفون شي كلش

وعن قمصان بقولج نعومي رحت لهم من زمان على شهر 9 اللي صج اعجبوني على 1500 صراحه غلايه واايد والباقي لوووعه ماادري ليش ماادخلوا مزاجي

خذت من لاسنزا كذا واحد بس والباقي مادشوا خاطررري

والاندمارك عند مارس سبنسر والاتش بي اس فيهم اشياء حلوة لكن كلهم نفس ديزاين والتشكيله اللهم الالوان تختلف
وكلام امج صح بس خلاص يكفون وعلى فكرة في قصار مع ارواب اللحين اخذي قصير ومتوسط ولاتكثرين عن 20الى25 قميص بس يكفون ويزيدوون

ورحت محل في سوق الجبر اعتقد اسمه الامورة مقابل بوابه سوق الجبر هو المحل برع على الشااارع البياع صغير مصري لكن والله ياكلاسيك عنده اشياء تهبل من قصير وطويل واسعارهم تتراوح مابين 85و100ماتزيد لكن اللي مع روب وطويل ب150الى300 لكن والله ياكلاسيك حلوووين وعجيييبين بقولج انا رحت الاند والستي تحسين كل نفس ديزاين وتصميم صج الوان تختلف لكن نفس الشي مافيهم فرق كلش اما هالمحل عنده قصات مختلفه عاد هالكلام متي من زماان انا شريتهم شهر 9 وخلصت مرة وحده وافتكيت لاني نفسج على طول ابوي واخواني مشغووولين ماعندي حد تدرين خذت ورقه وقلم اللي ابيه من سوق الجبر مثلا اكتبه واروح واشتريه كله ونفس الوقت لان سوق دوحه وفالح والعسيري جنبه ارح من صبح واشتريهم وامشي مابين هالاسوااق وخلصت كل شي ادخل سيارة مافي مكان للخرايط ونفس الشي اخليهم يقطوني بالستي الظهر واشتري كلشي سوي جذي عشان تخلصين

اللحين اخذي ورقه وقلم الاشياء اللي تبينها بستي كتبيها اللي بالاند كتبيها بالاسواق كتبيها صدقيني ومع الاقتناع لاتقولين موعاجبني بروح مكان ثاني لا اقتنعي واشتريه خصوصا انج مثلي يالله احصل حد يووديني فشريت كلشي وخلصت ورحت سوق واقف وشريت شنط كلها مرة وحده وافتكيت ورتبتهم وحطيتهم وخذتلي جواتي من الجبر وغير الهدايا اللي عندي وخلصت

واي مساعده امري بس

كلاسيك خلاص شطبي على جلابيات يكفونج 10 في الوقت الحالي وملابس داخليه لاتكثرين واايد 10 يكفونج بس والاطقم الداخليه اخذيلج 4بس من الالوان الرئيسيه اسود ابيض بيج ولون عن خاطرج ولاتنسين مكياج وعطورات لاتكثرين شوفي اللي ناقصج بس واذا عندج لاتاخذين انا ماخذت مكياج اللهم باخذ بودرتين لان عندي وااايد

وعبايات فصلي 3 بس لاتكثرين

جواتي الله يعزج وشنط من 6الى4 بس ماتدرين يمكن تحملين على طول خصوصا اذا تلبسين كعب وبيطحون بجبدج

وبجامات لاتكثرين 7يكفون

فراولة قطر
مشكووره عاللنك المفيد


بنات روحوا الصالون الازرق والسلام
عندهم تنزيلات 50%

اليوم اختي راحت مانجو وزارا تقول عندهم وايد تنانير وقمصان حلوه

امممممم مرت اخوي فصلت 3 عبايات وتوهقت لان وحده داست عليها وانشقت وبقوا عندها ثنتين وفصلت عبايات وهي في شهر العسل اعتقد 4 او5 عبايات وايد احسن واضمن .....................


كلاسيك شدي حيلج انتي بعد ترى الجامعه ماترحم الطرد عندهم ب بيزه والله رفيجتي مخلصه 80 ساعه وماباقيلها شي وطروها هالكورس :(

انا اقصد الي تزوجوا مب انتي انتي تو مخطوبه اقصد لما يعرسون ويعيشون مع ازواجهم يلتزمون لان الموضوع يصير مسؤوليه ...............

عروس الدوحة ..
تعرفين احس اني متمللة طول الوقت والمحاضرات مملة بشكل هل الكورس يعني مافي شي احبه واستمتع فيه
يمكن هاي سبب .. بس ان شاء الله خلاص مابي ارسب على اخر المشوار

القمصان ماخذه من نعومي وخذت من دبنهامز ومن ماركس احسهم نفس الفكرة يعني مافي شي مميز
لاسنزا مدري ما احصل فيه شي

والمحل اللي قلتيه بسوق الجبر بامره بعد
فكرتج حلوة وجربتها مرة خليت ابوي يقطني بالاند مع اختي وتشريت لين قلت بس
بس المشكلة ان الدوام ما يساعد
تهقين الجلابيات كفاية .. انا مسوية جلابيات راقية حق البيت يعني مب حق استقبال
وانا باكون ويا اهله فمدري احس الجلابيات احسن واريح عشان جي قلت باكثر
الملابس الداخلية ختهم على ايام تنزيلات دبنهامز وماركس وخذت لي 20 واحد تقريبا
العطورات طقمين بس والباقي بانوع
والشنط والجواتي امممممممم ريلي طويل ماشاء الله وانا قصيرة عنده خخخخخخ لازم كعب عالي
بس بديت اخذ اشياء
البجامات لين اللحين ما خذت اي شي
العبايات .. خططت على ثلاثة قلت وحدة باسويها في المتحجبة .. والباقي سوق فالح خخخخخ

وبس هاي المخططات

والله احس 10 كفاايه وانا نفسج احس بجلابيه اريح وارتب و لاني نفسج بعيش مع اهل زوجي احس اريح وبعد مااعتقد طول الوقت بتقعدين معااهم خلاص زيديهم خليهم 15 وبس لاتكثررين لان اكيييد بعدين بتفصليين غيرهم وتشكيلات جديده وبتسافرين دبي وكويت وبحرين وتشرين غيرهم

وانا نفسج لان ريلي طويل وانا قصيره فاللبس كعب بس ماكثرت لانج ماتدرين يمكن تحملين على طول ذيك ساعه خساارة ماتقدرين تلبسين كعب تري خطر وخصوصا ال3 شهور الاولي عشان يثبت حملج

وعن الوقت نظمي وقتج مثلا الويكند روحي مثلا هالخميس الاند الخميس اللي بعده الستي ولاتكثرين كلاسيك اكييد لين سافرتي بتشترين لاتسووين نفسي شريت واايد لدرجه مااقدر افتح حلجي بسفر والله تحسفت حراام اشتري اللي عندي يكفي ويزيد بس اللي باقي لي تنانير وبديات لان اللي عندي مايكفي بس خذت 3 تنانير و3 بديات وابغي اللحين حوالى 6تنانير و6 بديات بس يكفووون وبطبعي اكره تفصيل قررت مااشتري لين بعد زواج اما اشتري بسفر او لما ارجع اشتري على كيفي ورااحتي وفلوسهم بخليهم على جنب

هلوووووووو بنوتات :)

دلوعه...باريس نيلز اللي في الاند اسعارهم زينه..اذا بتسوين بديكير ومنيكير مع لون او فرنش منيكير وبديكير بيكون 160 تقريبا...بس بيدلعونج اخر دلع ومب اقل من ساعه تقريبا اذا مب اكثر يعني بيحللون المبلغ

وعندهم خدمات وايد...حمام مغربي اعتقد 150..ومساج 150...وفيشيل 200 اعتقد...وحمام زيتللشعر على حسب الطول...وتنحيف باستخدام جهاز بموجات الانفرا ريد..الجلسة ب 500 ...لمدة ساعه ونص

وغيره...بيعطونج الكتالوج مالهم بالخدمات والاسعار

وعندهم منتجات للجسم روعه...صابون مغربي وليفته وماسكات للجسم واليد والوجه وكلها ماركة فرنسية وايد حلوه انا جربت اغراضهم روعه ومستمره عليها لانها فعلا ممتازة

مني عد سالتني؟؟

ام شيوخ..حبيبتي..بالنسبة لتنظيف البشره فيه اكثر من مكان حلو...بس عندج باريس نيلز ممتاز تسويه مغربية اسمها (لبنى) روعه والله جربيه من الحين عشان تسوينه قبل عرسج مرتين على الاقل

وفيه محلات ثانيه...فيه كورس للعرايس يسوونه في (لابيل) في السد – مركز البستان حوالي 500 ريال و4 جلسات

بس انا اشوف باريس نيلز تنظفهم احلى واحسن

وصالون الشيراتون مكياج وفاء حلو وسموكي وراقي ...شجعيها عليه وخليها تتصل وتحز من الحين وتسالها عن الوقت اذا ماعندها زحمه تخليها لين عقب المغرب على سعتها يعني لان المكياج ماياخذ اكثر من ربع ساعه


كلاسيك ..ايه تجربتي معاهم تعيسه خاصة ان قبل كله اسوي في شول..وفرق شاسع بين الاثنين..ولما جربت باريس نيلز خلاص ماثرت اروح محل ثاني للمنيكير كله عندهم ماحس فيهاحسن منهم بالدوحه.

والله اللي في الرويال بلازا مارحت له بس ربعي يمدحونه بعد...ويمدحون الفيشل فيه

الحلم الهادي ...باريس نيلز داخل الاندمارك ووين بالظبط؟ وجربتي حمامهم المغربي؟

وبنات بغيت اسئلكم جااتني اسئله واايد وقعدت احاتي !!!!!!!!!!!!!!!!!!!

اللحين سبوت لايت من بيوجه على لين دخلت : اطلب من الوان الخليج 2 حق سبوت لايت والا عاملات بقاعه ؟

وعن فستان لانه ثقيل من يساعدني فيه طول الستيج وانا امشي لاني ماابي هلى يطلعون بفيديو عشان خصوصيه ؟اخلى من عاملات فندق وحده تساعدني

علموووني بدت وساوس تبتدي يااربي كل ماخلص من شي يطلعلي شي احاتيه

وصح بنات نسيت ابي اسئلكم اللحين خدمات الاجهزة للجوال حق العرس احجز كم؟ ابغ اخذ بوابه و2 عندهم عصا هههههههه حلوة ذي

تعتقدون يكفووون ؟
========================================================
بنات اللي احجزوا الخدمه حق الجوالات اللي اعرفه في 3 محلات

الاجهزة الامنيه
قروب 4
النجمه الذهبيه

من اتصلت وسئلت او حجزت بغيت اعرف الاسعااار ومن امدحولكم اكثر شي واطلب هنديات والا مصريااات ماابغي فلبنيات كذا عرس اروح واشوفهم مايقدرون يقولون كلمه يصرخون عليهم مساااكين ويسكتووون والا عيايز غرباله كله يصاارخون

عروس الدوحه
السبووت لايت قولي حق الوان الخليج
وبخصوص الفستان خلي اي حد من الفندق يساعدج او حد حلال يشوفه"اخته مثلاً

اخذي بوابه وجهاز الكشف
ووو3 بنات او ثنتين

ووالصالون اللي باللاند مارك على ماعتقد ناحية الالعاب

مشكووورة فديتج سحابه ماقصرت يالغاليه