الجزء الثالث ... ( تجهيــزات عرايــس قطــ2006ــر)

روح قطر
رخيييييييييص 40 زين والله
وانا عبالي من 100 وفووووووق
ارخص من الصالونات العاديه عيل
يبيلي اجربه


وينكم كلكم نمتواااااااااا؟
انا للحين احاتي الموناليزا مادري شفيني
اللي يقول مخطوبه ولا بعرس
هاي عزوبيه وجيه الله يعين بس

عروس الدوحه حبيبتي انتي عند من حجزتي التصوير ؟ السيتي كولور هو جهاز ثابت يثبتونه قدام الكوشه عالجنب وتحتاجين اثنين او اكثر على حسب حجم الكوشه وعر ضها والالوان تتغير كل فتره مره احمر مره اصفر يعني الكوشه ما ينعرف شنهو لونها الاصلي
اما الجسر يتثبت عالستيج وفيه مجموعة الوان او دخان او لمعه او فقاعات الوان ليزر ويتحرك عالقاعه بالكامل والستيج ممر العروس والرقص او انتي تقدرين تطلبين منهم يثبتونه عالكوشه بس تأكدي منهم احسن
وبالنسبه للمعه تهبببببببل مع الاضاءه وانا بقولهم بعد ما امشي وابعد عنه ينثرون اللمعه علشان ما يجي شي علي واغلبهم يسوون جذي

عروس فرش بخصوص الفستان قبل لا تركبين السياره افصخي الجيبون اللي تحت اريح لج علشان تدشين بالسياره لوووول

هههههههههههههههههههههههههههههههههههههههههه
عمري قطر شكرا لانج انتي الوحيده عبرتيني...
المشكله الفستان نفسه ثقيل من غير الجيبون...

:(

هذي غلطتج من قالج تسوين فستان ثقيل الحين بخلونج بروحج بالقاعه وكلهم بيروحون عنج لانج ما تدشين بالسياره
اتخيلهم رايحين بالسياره وانتي تركضين وراهم بالفستان لوووووووووووول فلم هندي


انا لما رحت اجرب الفستان وومستخفه عليه وهو للحين ما اكتمل اقولهم خلاص مب لازم جذيه زين وخفيف وحلو بس بس لاتزيدون عليه شي هههههههههههههههه

دلوعتها >>
مشكووووره ع الرد ..
انا شفت صور مريم وايد عجبتني

دوحانيه>>
لووول حلوه ذي دفتره ابلة خياطه
اميره شلون اسعارها؟؟

عمري قطر>>
المكياج يوم العرس حجزي سعاد البلوشي وانتي مغمضه لاسعاد ولا عبير
وبخصوص الحنه تمكيجي بروحج وحطي شي خفيف وناعم

دوحانيه>>
مبرووووووووووك ,, بس بوين خيطتيهم؟؟
وعقبال الشنط

خطيبة الغالي>>
الحمدالله وان شاء الله زوجج بعد نتايحه تطلع ايجابيه

الحلم الهادي>>
حلوووووه تتزحلق احساس الطفووله<<شددخل الاخت مجربه
انا معاج نفس وجهة النظر يااما ستي كولور او جسر الاضاءه
واعتق الستي احلى لأن الجسر يزعج بعض الناس .. انا احس الجسر
شي مال الديسكووو <<اللي يقول قطعه كل يوم رايحه ديسكو

عروس الدوحه>>
حبيبتي لاتخليني بخاطرج .. اخذيه وسوي كل الليتبينه بهالليله
وبخصوص الاضاءه انتي سألي محل الكوشه.. يعني انا رافي هو الل قال لي حجزي ستي كولور ولا انتي شعرفني
والون الخليج قالوا لي عن المدفع قلت له مابيه لأن اللمعه بتلعوزني مع ان بخاطري

دلووعه قطريه>>
ماسمعت ولا حد يمدح بيض حتى الدكاتره يقولون انها ماتنفع وتسوي الاسنان حساسه
حبيت اعرف باريس نيلز اللي باللان مارك وين مكانه؟؟

عروس فرش>>
روحي فوق فصخي الفستان ولبسي اي شي تحت العبايه


بخصوص المنيكير والبديكير
انا جربت شووول وجربت نيلز
الصراحه الاثنين شغلهم حلو بس شوول احلى ويوم اللي اسوي اظافري هناك
احس اني انسانه ثانيه لووووول ...

الله يوفق الموناليزا ان شاء الله ويسعدها والله احاتبها مسكيييينه
الله يعينها الحين ماندري شتسوي


بنات اي حده اسمها سقط سهواً تعذرني لأني مو مجمعه كلش

كأني سمعت حد يناديني ^_*

تصدقون كنت نايمة و حلمت بشي فززني من نومي عاد قلت أطل عليكم .. أتطمن يمكن وحدة ضايعة ولا شي .. لقيتكم ما شاء الله محتشرين ..


خطيبة الغالي ..

ههههه الله يبارك فيج .. شفتي اشلون خطيرة انا ..

تبين تستشيريني استغلي الزمن المتبقي , ما أضمن لج أتواجد عقب << مهمة الأخت .. لا جد أسألي عن اللي تبينه ..

و بشرج الله بالخير .. الله يرزقكم الذرية الصالحة ..

**

هلا عروس ..

كاني جيت قمت من ارقادي .. عيل انتي اللي مفززتني ؟؟؟ سمعتج تصارخين .. ^_*

امممم شوفي هو على حسب المحل اللي بتاخذين منه كوشتج .. في محلات تعطيج الكوشة مع الإضاءة و في محلات لا مثل ماسيس ..

وانا حطيت سيتي كولور يوم خطوبتي بصراحة كان روعة طالع في الصور .. والله وايد حلو ..

" لو ما الحيا كان حطيت لج الصور ^^ "

خخخخخخخ أي خبرة و الله السالفة ما يبي لها مفهومية .. هي بس نظرتج للقاعة و تخيلج للعرس و للكوشة و الإضاءة اشلون بتكون ..

و ما تصير لخبطة يا بنت الحلال .. انا خذت جسر إضاءة بس تركيزه أكثر على الكوشة .. و يلف شوي على الستيج .. و اكتفيت .. لأن

وحدات الإضاءة تبقى ثابتة مدة على الكوشة و عقب تلف على الستيج شوي و ترجع مرة ثانية تثبت ..

زين اشرايج تسوين جذي ؟ و لا إنج تكتفين بالسيتي كولور للكوشة بس و الجسر عشان الستيج .. يعني على حسب ميزانيتج .. و أنتي

اعتقد عرسج في سلوى صح ؟ إذا هي فأعتقد إنها محتاجة إضاءة على الكوشة بس و القاعة إضاءتها قوية شوي ..

و بالنسبة للدخان .. شوفي بنت خالتي كانت حاطة دخان يوم عرسها بس شنو طالعة في الصور تجنن ما شاء الله.. و ترى فيه ميزة إنه


يغطي شوي و يعطي حركات حلوة في الصور .. راجعي ميزانيتج و شوفي .. ممكن تستغنين عن أشيا واايد ..بس عجلي و استقري

خلاص ما عاد عندج وقت تتنقين .. خلصي بسرعة بسرعة ..

**
الحلم الهادي ..

خخخخ أي جيرانا مركز بوسمرة .. توصين على شي من هنااااك ؟؟ لوول

تدرين ما شاء الله شوارعنا واااسعة و كأنج بروحج تمشين في الشارع من الفضاوة : (

أما الصالونات اللي في المجمعات ما أفضل إني اروح لهم .. حلاتي بس وانا طالعة من الصالون رايحة اتسوق .. و إذا على السيتي

خلني اروح له أتسوق اول و بعدين افكر في شول ...

وانا يدي و أظافري و ريولي الحمد لله مب محتاجين .. بس تدرين آخذ إحتياطي .. من جذي أبي حد سنع ..

**

عمري قطر ..

الا صحيح .. ما قلتي لنا أي لون اخترتي للطاولات و الكوشة ..

و السيتي كولور .. يصلح مع كل الكوش يوم الخطوبة كوشتي كانت تركوازية .. و مع الإضاءة طالعة رهيبة و الله ..

و لا تحطين هاللمعة بتلعوزج ..

**

هلا و مرحبا بالدلع كله ..

الله يبارك فيج فديتج .. ياااااااااارب الله يسمع منج .. بس خل هالعمال يخلصون .. و يصير خير ..

و قلت لهم كم مرة و حذرتهم من التبييض لكن ما يطيعون ^^ سمعوا كلام دلع ..

و الله اكتفوا بالتنظيف ..

يااااربي عليكم .. تصدقون و ما تزعلون مني .. وايد تفكرون في أشيا تخطر على البال صح لكن ما تاخذ مساحة من التفكير و الحوسة و

اللخبطة !!! في أشيا وايد أنتوا ذكرتوها انتبهت لها لكن ماا اشوفها ضرورية بحتة لازم أسويها و لا آخذها ولا ما باعرس !!


و انا بعد أحاتيها و أتخيل شعورها .. يارب إنك تهنيها و تسعدها في هالليلة و كل ليلة ..

و عقبال ما تنخطبين .. و نشوفج تحاتين نفسج اكثر من أي حد ثاني .. الله يعطيج على قد نيتج يا دلع يا بنت أم دلع ..

**

روح قطر ..

ههههههههههههه مهندسة إضاءة عبالج ^_* ..

حاضرة للبنات فديتكم بس ..

**

عروس فرش ..

تصدقين أنا أفكر جذي بعد و اسوي مثل ما قالت عمري فديتها .. حتى لو ثقيل شي أهون من شي ..

خخخخ ساعات البس فستاني بدون جيبون واقول خلاص الحياة حلوة .. تقوم مرت اخوي تهاوشني لا لازم ..

هلا سحابة حب ..

الله يبارك فيج حبيبتي ..

امممم خيطت 4 تنانير عند خياط علي اللي في المنتزة خياطته مرتبة وايد .. و 2 وديتهم عند صادق في السد + فستان الصباحية سويته ناعم موديله بسيييط جداً ( حرير و شيفون ) و فيه قصة على جنب و ناثر عليه من فوق فصوص .. و من تحت على قطعة شيفون ..

..

بخصوص الدي جي ..

شوفي انا اليوم كلمت نور أعتقد اللي عطتج رقمها .. و قالت إن الدي جي للعرس بـ1500- 2000 مع السماعات وكل شي ..

قلت لها على حسب القاعة قالت اي . لما قلت لها الجيوان قالت بالراحة يبي لها 8 سماعات و تطلع تقريباً .. بـ 2500 .. المهم قلت

بامر عليهم باجر وباشوف شتقول لي . أما أميرة اسمع عنها لكن مادري عن أسعارها اشلون ..

مشكووره عالرد يالغاليه

هلا بنات
انا اقرى وانا دايخه ما جمعت شي وولا ركزت
احاتيييييييي مب قادره انام لين دخت الحين
يالله تصبحون على خير وباجر برد اقرى وارد عليكم


ادعوا لهااااااااااااااااااا والله خايفه عليها فديتها
اقصد الموناليزا اول عرايسنا

يالله تصبحوون على خير .. واحلام سعيده
اشوفكم بكره ان شاء الله


على فكره بنات










































































بتوحشوني وايد
؛)

و انتوا من اهل الخير حبوبات .. أحلام سعيدة ..

بتوحشينا أكثر خيتو سحابة ..

الله يوفق الموناليزا بحياتها ويرزقها الذريه الصالحه ..

هلا والله دلوعه .. اي اسعارهم اوكي هذا اليد بس بدون الريل .. وشغلهم اوكي بعد ..

موفقين فديتكم =)

صبااااح الخير


:(
ولا وحده هني

هلابناااات ههههههههه دوحااانيه اي انا كنت اصارخ ابيج تجاوبيني زين انج قمتي لوووووووووووول

تسلمين يالغاليه ماتقصرين اللحين فهمت كل شي وبقولكم على شنو استقريت ؟؟؟؟

وعروس فريش عندج حلين الاول تبدلين الفستان او الثاني دخلى داخل سيارة وتقلقصي

دلوووعه كلامج 100% تبييض خطييير يابنات انا وحده احاااتي مووت تبييض ضروسي حساسه متكسره حالتها حاله موناقصه زود وغير هذا تبييض اللي تسويه مرة لازم كل 6شهور تسويه وغير انه يكسر الاسنان ويخليها حساسه كلش

انا عشان جذي ماابي اسووي لكن لاني مدمنه نسكاافيه فاسناني شووي صفر وااحاتي عشان عرس بعد كل شي كشخه واخرتها اسنان صفر

وتنضيف اشلوون ؟يعني عن جير وتسوس انا مافيني وااايد اللي ذابحني بس اصفرار

وسلام للكل

انا مسويه تبييض اسنان باللايتنج روووووووووووووووووووووووووووووووووووووعه بياض عجيب سويته عند مركز الاستشاري بـ 3000

بس ما أدري السعر هل هو موحد او على حسب الضروس انا قالتلي ما تحتاجيين كلللش وخذت 3000 ؟؟؟ بس حبيت اجرب والنتيجه صج صج روعه !!!:bigsmile:

هااااااااااااااااااااااااي قيزات متزوحات وعرايس وعزابيات خخخخخخخخخخخ حلوه..

على سالفة التبيض والله انا مب ناويه ادمر ضروسي....
بجرب استخدم المعجون الي قالت عنه :think: امممممممممممممممم نسيت من..خخخ<<معليه توها قايمه من النوم..
لان ضروسي مو صفر وااايد بس من الكابتشينو والنسكافيه....


تخيلي عااد عمري قطر يخلوني ويرحووووووون :dd::dd: والله اافصخ الفستان والحقهم لووووووول
بس شكلي بتقلقص فالسياره مثل ماقالت عروس الدوحه ....

اي حرااام لازم يشوف الكشخه عدل بعدين لووووول :cool2::up::shy:

ههههههههههههه حلوة فكرتج تقلقصي بسيارة وسحبي الفستان والله يهنيج

وانا بعد نفسج ماابي اسوي تبيض لكن لاني مدمنه نسكافيه وشاي في شوي اصفرار والله يبين الله يعين لين يوم العرس

لحظه عناااد يوووه واايد 3000ريال عيل انا شنو بيقولي 6الاف لاني ضروسي صج مصفره وزين شنو تبييض بالاينتج ؟

سلاموووووووووووووووووووووووووووو



امس رجعت البيت تعبانه اتسبحت ونمت حتى ماتعشيت جذيه موقدرت ادخل الا اشويه وماكتبت



امس رحت السووق اكمل القطع والله لو تشوفوني تضحكون ادور من محل الين محل من الديره الين العسيري


لانه في اللوان مالقيتهاا بس الحمدالله كملت بعضها بس الي روحه ثانيه حق التنورات

وبعدها رحت نادي دانه اشوف االطاولات الي عندهمم واشوف اسعارهم ولا لقيت الريال كلمته قالي تعالي يوم الاربعاء

والله طقت جبدي من الكوشه والطاولات ماشي يعجبني مودري شسوي


اقولككم بنات في محل على طريج سلوى قبل المناسبات بسويه موذكر شنو اسمه اشرايكم فيه ؟


عاد مودري فهمتوني ولا لا