قصتي وابي الحل...اتمنى الكل يرد ...

السلام عليكم ورحمة الله وبركاته

بقولكم قصتي واتمنى الكل يقولي رايه ......ومابي كلام ثاني بلييييز لانه كل كلمه بتكتبونها راح يشوفها الشخص الثاني اللي فالقصه

اول شي ترى قصتي غريبه وبدايتها صدفه


راح ابتدي من اول شي الله يسلمكم يوم كان عمري 16 كانت بنت خالتي تعرف واحد وهالواحد قالها عطي بنت خالتج اللي هي انا هالرقم خلها تكلمه واللي يبيني اكلمه طبعا مايدري انه هو عطاني الرقم قالت لي بنت خالتي قلت لها اوكي رحت واتصلت طلع الصبي ثقيل ومايعطي فيس وعاد جان يعجبني وقلت الا اكلمه وحاولت وااااااايد مافي فايده لو اتصله من اي رقم مايكلم وحسيت اني حبيته خبركم مراهقه معنه ماقالي شي ولا عطاني فيس ولا شفته ويمكن هالشي شدني له بس بعدها زهقت وقلت صج ماعندي سالفه ونسيته.........وحتى بنت خالتي اقطعت الشخص اللي كانت تعرفه واللي انا كنت ابيه بعد مايدري انه رفيجه اللي ماعطني الرقم ماقلت له........وانتهىىى كل شي

بعدها بسنتين صار عمري 18 توني مخلصه الثانويه سافرت ......وصلت المطار ....كانو معانه 2 انا مانتبهت لهم اللي معاي انتبهو لهم وبعدها رحنا الفندق الا بعد معانه ...واحد فيهم قال رقم غرفته وجان تتصله وحده من اللي معاي الا يقولها اللي معاي يبي يكلم اللي معاج اللي هي انا قلت لها مابي الا قالها انتي عطيها الرقم يمكن تتصل وقالت الرقم وجان انقز من مكاني طلع من؟؟؟؟اللي كنت اتصله ومايعطيني فيس......وقعدت ابي اتذكر شكله فالمطار وفي الفندق ماتذكر شي لاني مادققت لاني قبل بعد ماقد شفته عرفتووو .....قلت اوكي بتصل......وقلت شالصدفه في قلبي وكلمته وشفته وبعدها قلت له انا اللي كنت اتصلك قبل وترى رفيجك اللي ماعطني الرقم وقال شالصدفه واستغرب وهو يعني كان يبين عليه انه حبني وحتى قالي لو رجعتي الدوحه وامج جات وقالتلج في واحد ؟؟ جى واخطبج اشبتقولين وكنت اضحك كانت ايام بس ايام حلوه بس؟؟؟؟؟؟؟ اللي معاي ماكنت ادري انها كانت تقول حق اللي تكلمه قول حق اللي معاك اللي هو اللي انا اعرفه انه انا فيني وفيني وكان يوصله بس هو لانه عرفني عدل ماكان يصدق وانا ماكنت ادري بشي على نياتي ياهل وهي كانت تجيني وتقولي ماتدرين اللي تكلمينه متزوج وانصدمت وقلت له قالي لا والله مب متزوج ترى هاي كله وقت السفر وانا مادري عن شي هو مكان يقولي لانه واثق فيني ويدري انه هالبنت تبي تخرب وانا اللي معاها من سنين ماعرفت طبعها الا بعد مااااااا........تخيلو رجعت الدوحه تميت كم يوم اكلمه وبعدها خليته يتصلي مارد عليه كله منها كانت تخوفني منه وتقولي كلام وطبعا لازم اني اصدقها انها هي اكبر مني وتعرف اكثر مني وانا كنت خوافه وبعدها بكم يوم ابي ارجعله انا ابيه بس خايفه ....في ناس من اللي كانو معاي قالولي مستحيل هو يكون كذاب او بيضرج ماعليج ارجعي قلت استحي وخليت وحده من بنات خالتي تكلمه وبعدها كلمني بعدها بعد نفس الشي كم يوم وتركته لاني زهقت من كلام اللي معاي تقولي هو ترى متزوج رفيجه قالي وتخيلي زوجته تدري وهو ترى يتكلم عنج وبعدها خليته معني ابي اكلمه

بس شفتو الصدفه؟؟

بعدها اكتشفت انه هالانسانه مب صديقه ولا شي اطلعت سوسه وراعيت سوالف ولا جنها من هلي اتكلم عني ووايد اشياء وتحب تخرب وطلع ترى هو برئ بس اشعقبه مرت شهور بس قلت انا ابيييييه واحاولت اني اعرف حد ثاني ماقدرت وعقبها قلت خلاص بتصله وبحاول انه يرجع لي طبعا هالكلام بعد بعد سنتين تخيلووووو رجعت له وطبعا بعد محاولات مني قدرت اني ارجعه ورجع لي وقالي انه هو قبل كان يبيني وحبني وانا اول انسانه ادخل قلبه بس انا جرحته وقلت له انا كنت ياهل انا الحين توني داشه ال 20 كبرت وصدقني هالمره غير وكلام وايد ورجعنا حق بعض

اعترفلي بكل شي عنه وصرنا قراب واااااااااايد يمكن انا فرضت نفسي بس بعد هو كان يبيني وماجنه بس حبيبن جنه متزوجين يعني يخاف علي واخاف عليه ونحب بعض وكل واحد مب مقصر فالثاني وحبنا مب طبيعي نموووووت في بعض تخيلووو كل سفره حتى لو ماراح يشوفني يجي يحب يكون مني قريب تخليووووو انام وهو معاي على الخط قراااااااااب قراااااااااااااااااب والحين تقريبا 8 شهور مع بعض

بس في مشكله

واللي هي اول شهر قالي يعني شنهي نهاية علاقتنا قلت له مادري قالي شنو مادري بس نكلم بعض وبعدين؟؟؟يعني معناته اشيقصد....مب قصده انه النهاية زواج صح ولا انا غلطانه؟؟

طبعا انا قلت له خلها مع الايام بس مع الايام قمت انا اسأل شنهي نهاية علاقتنا وكل مره يقولي مادري ونغير السالفه وانا كنت متوقعه ترى زواج لانه اللي يسويه معاي يبين انه زواج والدليل مره قالي لو ازعل معاج وامر عند بيتكم والقى ليتات بموووووت اشمعناته؟؟؟ مره قال انا بوفلان مثلا بو خالد قلت له انا ام فلان مثلا عبدالله قالي على كيفج عبدالله ...اشمعناته

المهم مرت الايام وقلت انا اليوم لازم اعرف شنهي النهايه وتكلمت معاه جد قلت لها شنهي نهاية العلاقه قالي انتي قولي قلت انا مايصير اقول لازم انت وقلت له مانبي نعيد نفس الكلام كل مره هالمره ابي اعرف منك قالي اوكي دام انتي جاده بقولج انا احبج وابيج بس ماقدر اتزوجج وجان انصدم لييييييش اشفيني يقولي مافيج شي بس انا ماقدر اخذج
ترى على فكره هو عمره 26 ومب ناقصه اي شي لو يبي يتزوج 4 في يوم واحد يقدر المهم قلتله ليش تقولي انتي قولي شنهي النهايه وانت عارف النهايه انا لو علي مابيك يوم ابيك دوم وتوقعتك جذيه قالي ماوعدج بشي وانا كنت ادري انه انتي على بالج زواج بس حاولت اقط نغزات بس انتي ماتفهمين وانا هالشي كان ذابحني لاني احبج وقاعد احبج اكثر ومعني ادري اني ماباخذج والحين ارتحت يوم قلت لج.....قلت له اذا انت حاط في بالك انك انت كنت اتبين لي هالشي ترى انت غلطان كل شي كنت تسويه كان يدل على النهايه زواج وانا ماقلت انك وعدتني بشي بس اشلون ساكت وعادي عندك وقاعد تخليني احبك وانت مب لي قال من قالج عادي عندي بالعكس والله اني اموت قهر تموووت قهر ليش ليش ماتبيني شسالفه.......العذر انه رفيجه مب اللي فالسفره لا اللي قبل يوم كان عمري 16 يعرف اني كلمته لانه بعد مارجعت من السفره هو راح حق رفيجه وقاله انت ماعطي هالبنت رقمي قاله لا واحلف بس بعدها قاله اي وهاذي على باله انه هو كلمني وذيه طلع راعي سوالف ويتكلم عن بنت خالتي وعني فحبيبي يقول اشلون اخذ وحده كنت اسمع رفيجي يتكلم عنها عند ربعنا ياسلام عيل ليش حبيتني ودام انك تدري انه هاي النهايه ليش ماقلتلي من اول مره سالتك قالي انا احبج وابيج بس ماقدر اخذج قلت له وين الحب قال مب كل واحد يحب وحده تزوجووو وانا مابي اخذج وبعدها اطلقج......اطلقني ليييييييش.......يمكن اسمع شي قلت له انت تدري انه هالشخص اللي يتكلم هو راعي سوالف وتدري انه كل الكلام من عنده والناس تدري انه هو راعي سوالف فاليش تعطي اي حد اهميه تهدم حب علشان واحد في ذمتكم هاي عذر.......ترى الحين انقهرت اووووووف وقلت له اشلووووووون بتنساني قالي مابنساج وانا اصلا ماراح اتزوج الحين انتي بتزوجين قبلي.....اتزوج قبلك اشلوووون وانا احبك اخذ واحد وانا احبك قلت له اللي بتاخذها يعني اشدراك انه مافيها شي قال حتى لو فيها شي انا بحاول اغيرها ياسلاااااااااام تخلي حبيبتك اللي مافيها شي ماتبيها وهاي تحبها بعد وحده ثانيه بتغيرها شالكلام والله انقهرت قالي انتي عرفتي الحين وانتي كيفج تبين اتمين او كل شي ينتهي انا راضي بأي شي ياسلااااام تميييييييت افكر بمووووووووووت ماقدر احبه وبعد ماقدر استمر وانا ادري انه مب لي يوم من الايام بيروح حق غيري وبعدهااااا قلت لا يمكن يغير رايه كلمته وقلت له خلاص انسى ولا جنك قلت شي واحنا مثل ماحنا وبعدها فتحت الموضوع مره ثانيه منقهر انجرحت وبعد قالي نفس الكلام وجان ازعل وطرشت له مسج انت دست على قلبي وجرحتني ومن هالكلام اتصل بعد المسج مره وطرش مسج واجهيني مثل ماواجهتج وبس تميت 10 ايام منقهره واصيح وبعدها طرش مسج انتي جرحتيني للمره الثانيه ووو واتصلت له وقلت له اني احبه وابيه وزعلانه عليه وانه لازم يفكر فالموضوع والحين انا معاها بس زواج لااااااااااااااا


اشرايكم صح اللي سويته؟؟؟وصج هاي عذر عشان رفيجه؟؟اشرايكم يحبني ولا لااااااااا...مب الحب نهايته زوااااج واللي يحب لازم يضحي حرااااااااااااااام

بلييييييز الكل يرد لاني بعدها بطبعه وبخليه يشوفه


والسموحه