قصتي وابي الحل...اتمنى الكل يرد ...

Reef:
:qaq::qaq:
لاتعليق
بس انج ياهل وخيالج المحتاج للحب صورلج أشياء هو كان مايقصدها
كل قصده انه كان يتسلى في السفر وبس
وبعدين الشاب لما بيتزوج بيتزوج وحدة مستورة في بيتها مب تسافر مع شلة بنات ويرمسون شباب بعد !!
اسمحيلي ماقدرت انصحج لاني مصدومة بس اقري ردود البنات الي فوق واسمعي كلامهم
ارجعي لربج وبتعرفين الجواب لمشكلتج :(

اول شي اللي تبي تنصح تنصح مابي كلام ثاني

ومن قال اني سافرت مع شلة بناااااااات......اشدعوه

وخلنا نكون واقعين ولاتحسسووني انه بس انا اللي كلمت الف وحده تكلم والف وحده صارلها هالشي مابي تمثيل انه غريبه وانه وانه.....انا في مشكله وماتفيدني الا النصيحه وبس


شكرا على الرد

Om_3li1:
حشا شكلج عايشة بامريكا مب فى الدوحة
وين اهلج شكلهم راقدين عنج
ولا لا فامريكا البنت ما يدخلون فيها من يصير عمرها 18 لكن ما شاء الله عليج بديتيها 16
حياتك كلها غلط بغلط تسافرين وترمسين وتطلعين شو ها العيشة اللى عايشتنها كلها ذنوب
اقول استغفرى ربج وتوبى لة الواحد ما يعرف متى الله ياخذ روحة تخيلى تموتين لا بينفعج حبج ولا شي ما بينفعج غير اعمالج

الله يهديج بس ويتوب عليج ويغفر لج كيف تبين ياخذك وتصيرى ام عيالة انا لو كنت مكانة من سابع المستحيل افكر بوحدة مثلج تعرفين بيقول سوت كل هذا من ورى اهلها معقولة ما تروم تسوية يوم بتكون فى بيتى

استغفر الله العظيم

ليش عايشه بامريكا..........هالسوالف تصير في كل مكاااان وانا ماقلت كلام غريب او جديد ......وبعدين الف وحده تسوي بلاوي واهلها مايدروووون مب انه يكون تقصير منهم بس البنت اذا تبي تسوي شي بتسويه لو يحطونها في غرفه ويقفلون عليها بعد لو تبي بتسوي....وليش مايفكر فيني وحده تحبه وتخاف عليه وتسمع كلامه وهو بعده ماخذها لو خذها بيرتاح.......احسن من ماياخذ وحده مايعرفها ولا يدري عنها يطلع من عندها تروووح تكلم او هو في وادي وهي في وادي خلكم واقعييييين شوي االف واحد حب وحده وعقب خذ بنت عمه.......شمصير بنت عمه مايدري عنها........طبعا مب الكل بس الاغلبية........وانا مب قاصرني شي عشان ماياخذني له الشرف انه ياخذني.........وتشوفينها عدله انه هو يكلم البنت وياخذ قلبها ويروح يتزوج وحده ثانيه هاي يكون مب نذل الا حقييييييييييييييير

ترى انقهرت:cry:

السلام عليكم والرحمه اختي النهايه


اول شي اقولج الله يآجرج في مصيبتج ويعوضج خير يارب وربي يتوب عليج ويغفر لج

وبصراحه البنات الاغلبية ماقصروا لكن اللي بس ينتقد ومايعطي حلول اشوف انه ماله داعي

المهم انا مابي اكرر واعيد اللي قالوه لج بس ابي أأكد لج شي واحد اذا انتي فعلا تبين تتركينه لااااااااااازم تشغلين وقتج

ماتقعدين بروحج عشان مايزين لج الشيطان الاتصالات او المسجات

وخذيها مني كلمة اغلب اللي تزوجوا عن حب بينهم خلافات ومشاكل وصلت للطلاق واحلف لج والله يشهد على كلامي ان بعضهم

اعرفهم عدل بس للاسف ما فكروا الا بقلبهم وعاطفتهم وهالشي يبيله العقل والتفكير السليم والمشوره

وانتي احسن شي سويتيه انج سألتي الكبار والفاهمين والاهم انج تطبقين اللي قالوا لج اياه

وترى مب حلوه انج تحاولين معاه مره ثانيه عشان مايحسج رخيصه وتبينه بالغصب فاهمه علي

وصدقيني هالشي خير لج ولاتنسين قول الله تعالى (وعسى ان تكرهوا شيئا وهو خيرا لكم )

انا ودي اساعدج اكثر بس خاطري اعرف شنهي هواياتج شلون تققضين يومج وبسوي لج برنامج حلو ينسيج اياه وينسيج طوايفه

بعد :)


والاهم انج تتعرفين على بنات زينات يحبونج ويبون لج الخير لان المشاكل والخراب ماتجي الا من 2 الفراغ والصحبه السيئة


انا متضايقه من مشكلتج وحاسه فيج واتخيلج اختي الصغيره وصدقيني اتمنى من كل قلبي ان ربي يريح بالج ويفكج منه ومن

حبه ,, واعتقد انه مايحبج يحب حبج واهتمامج له صدقيني

واي خدمه واي مساعده احنا حاضرين واي شي تبينه انا فالخدمه

وبقولج نصيحه حاولي تقربين اكثر من الله ودايما استغفري وتعوذي من ابليس واذا انتي من النوع اللي يدش المسنجر انا بدش يوميا

عشانج وعشان اساعدح تتخطين هالشي

عالعموم قدر الله وماشاء فعل

ترى مب عيب ان احنا نغلط لكن العيب والحرام نستمر فالغلط

وانا متأكده ان هالشي مب عاجبج ابد وانتي مب مرتاحه منه والله يفرج همج ويقوي ايمانج


واسمحي لي تراني اكتب وانا ماعرف شقول افكاري متلخبطه وودي ما ابخل عليج بأي شي يساعد


وطمنينا عليج اول بأول

وربي يحفظج ويحميج من عيال وبنات الحرام

إختي بلاش تستمري في الغلط .... إذا ما في فكره زواج , لازم تلغي موضوعه نهائيآ....ولو إتصل فيكي لا تردي عليه ....
المشكله إنه إنتي بتحبيه و هو ما يحبك...هذا واضح من تصرفاته...لو قالك إنه بحبك , لا تصدقيه , لأنه أفعاله تحكي غير ذلك ...هو كل واحد حكى بحبك, صدق!!!
مشكلتك صعبه لأنك إنتي اللي بتحبيه ... إطلبي من ربك, وساعدي نفسك إنك تنسيه... كلما شفتي إنه بدأت تتذكريه, إلهي تفكيرك بشغلات ثانيه...لا تخلي مجال لعقلك يتذكره ... لا تسمعي موسيقى و أغاني لانهم بكونوا وسيله للشيطان حتى يزكرك فيه و يحزنك...
وخلي رضى الله عز وجل عندك قبل كل شيء....لا تتنازلي تحكي معاه و لا مع غيره ...اللي يريدك يجيلك البيت و يزور أهلك أول....
الله يصبرك ويعوضك بأحسن منه عن قريب...آآآآآآمين

إختي بلاش تستمري في الغلط .... إذا ما في فكره زواج , لازم تلغي موضوعه نهائيآ....ولو إتصل فيكي لا تردي عليه ....
المشكله إنه إنتي بتحبيه و هو ما يحبك...هذا واضح من تصرفاته...لو قالك إنه بحبك , لا تصدقيه , لأنه أفعاله تحكي غير ذلك ...هو كل واحد حكى بحبك, صدق!!!
مشكلتك صعبه لأنك إنتي اللي بتحبيه ... إطلبي من ربك, وساعدي نفسك إنك تنسيه... كلما شفتي إنه بدأت تتذكريه, إلهي تفكيرك بشغلات ثانيه...لا تخلي مجال لعقلك يتذكره ... لا تسمعي موسيقى و أغاني لانهم بكونوا وسيله للشيطان حتى يزكرك فيه و يحزنك...
وخلي رضى الله عز وجل عندك قبل كل شيء....لا تتنازلي تحكي معاه و لا مع غيره ...اللي يريدك يجيلك البيت و يزور أهلك أول....
الله يصبرك ويعوضك بأحسن منه عن قريب...آآآآآآمين

انتي شكلك مثل الي يمشي وينظر لنجوم ومايدري الاهو طايح بحفرة
انتبهي ياختي اتحدى اي يرجل يتزوج وحدة عن علاقة حب لانة اذا كلمتية مارح يثق فيك يقول كلمتني بكرة تكلم غيري
وهذي كيف تربي عيالي
وراح يجي يوم ويعايرك لاتصدقين الي يقول احبك وصدقيني ترى هدفة مومثل هدفك اكيد بيتسلى وبكرة راح يقول ابغى وحدة محترمة ماتكلم احد والديل انة قالك كيف اتزوجك ورفيقي كلمتية من قبل
ترى الرجال يتحكم بعقلة والمرة بعواطفها
الله يهديك ويصلحك

الرجال دائما يحبون الحلوى المغلفة .. فأتقي الله أختي في نفسك ..

شوفي حبيبتي نهاية, انا بحياتي ما كتبت رد بس الي الشرف انصحك و ياريت تقبلي نصيحتي. على فكرة انا كمان عمري 20 , جزائرية كندية يعني من مجتمع منفتح اكتر من المجتمع الخليجي بس انا كبرت في الامارات و بعرف نمط الحياة بالخليج, اسفة مش هدفي احكيلك حياتي بس حتى تعرفي من اي خلفية انا بحكيكي. انا مخطوبة من واحد حبيتو يعني بفهم شعورك كيف. بس بحكيلك غلطك وين اذا بتسمحيلي . اول شي اذا شاب اعطاكي ر قمو و انت اتصلتيلو راح يحكي انو انت بتعملي هيك مع كل شاب يعطيكي رقمو (حتى لو مش صحيح الحكي) و بحياتو ما راح يثق فيكي , ثاني شي انا انت كل مرة ترجعيلو راح يعرف انك واحدة ضعيفة و بلا ارادة (انت ممكن تفسريها حب بس هي ضعف الارادة), ثالث شي انك تقبلي انك ظلي على علاقة معو حتى و انت تعرفي انو مافي زواج هذا شي بينزززززززززززززل من قيمتك فوق ما انت بتتصوري, لانو هو ما بيقبل شي متل هذا لاختو صح و لا لا ؟ بعدين انا الي قاهرني في الموضوع انك مفكرة انو يحبك , حبيبتي انتي مبين عليكي بنت حساسة و قلبك طيب و ما بتاذي الناس. بس مش كل الناس متلك , الناس ما بترحم و ما بتخاف من انتقام الله . و اكبر دليل انو ما يحبك انو حكالك مرتي بغيلرها, يعني الغريبة يغيرها و ( على قولته حبيبتو ) لا .
شوفي عزيزتي صح كلام الاخوات انو علاقة غير مشروعة و حرام . انا بقولك خير الخطاؤن التوابون , و كلنا بني ادم و نغلط و نتوب و الله يقبل توبة عباده .
المهم خلاصة الموضوع و يا ريت تقتنعي و طبقي انك
1) اذا عندك صور عندو جيبيهم
2) اقطعي علاقتك معو من غير ما تخبريه عشان ما يستغل ضعفك و يقنعك تكملي
3) غيري رقمك عشان ما يوصلك
4) ما ترجعي تفتحي الموضوع مع و لا واحدة من صديقاتك او بنات خالتك عشان تحاولي تنسي
5) صلي كتيييييييييير عشان الله يصبرك .
بس و ادعيلي الله ينجحني في دراستي و يخليلي اهلي .
و ياريت كنت جببك عشاااان احضنك
و البنات الي نصحوكي جزاهم الله خير و الي جرحوكي بكلامهم بقولهم النصيحة لازم تكون بطريقة حلوة .

والله ما فهمت شيء

اختي النهايه

طمنينا عنج

وعن اللي راح تسوينه :)

انا قريت كل الردود وصحيح بعضها ادري تعصبج بس معليه لازم تتحملين كلام الاخوات لانه من خوفهم عليج
بعضهم يخونهم التعبير او مش عارفين يوصلون لج اللي في بالهم من كلام ويجرحج الاسلوب
بس الكلام نابع من قلب محب وخايف عليج فتحمليهم

وانا مع الاخت sweet lydi
في نصايحها

1) اذا عندك صور عندو جيبيهم
2) اقطعي علاقتك معو من غير ما تخبريه عشان ما يستغل ضعفك و يقنعك تكملي
3) غيري رقمك عشان ما يوصلك
4) ما ترجعي تفتحي الموضوع مع و لا واحدة من صديقاتك او بنات خالتك عشان تحاولي تنسي
5) صلي كتيييييييييير عشان الله يصبرك .




وبشرينا عنج :)

اسمحيلي عزيزتي .. هذا اسمه لعب عيال ..

اللي سويتييه من البدايه غلط ..

الزواج مايجي بهالإسلوب وبهالطريقه .. واحد اكلمه اتعرف عليه احبه بعدها اتزوجه ؟؟؟؟؟؟؟!!!!!!!!!!!!!!!!!!!!!!!!!!!!!!!!!!!!!!!!!

الحب اللي يجي من ورى هالمكالمات سببه الفراغ العاطفي فقط .. يعني لو فكرتي انك تتزوجينه وتم الموضوع توقعي بعد الزواج بكم يوم تصحين من السُبَات اللي انتي فيه ومن الوهم اللي دَخلتي نفسك فيه .. وراح تنصدمين ان مافيه شي اسمه احبه وكله كان حلم ولعب عيال .. وكوني اكيده ان الشك راح يدخل بينكم ..

نصيحه حبيبتي .. اتركي هالإنسان وابعدي عنه .. اصلاً لو فعلاً انتي كنتي تحبينه وتبين تتزوجينه وهو يحبك فعلا بس مايبي يتزوجك هذا السبب كفيل انك تتركينه ..

وانتي لسه صغيره والدنيا لسه قدامك .. اهم شي سمعتك وكرامتك .. واللي يدوس على كرامتك دوسي عليه ..

طبعا لو قررتي انك تتركينه راح تتعبين اول الأيام بس صبري نفسك واشغلي نفسك .. اقرأي القرآن والأذكار وصلي آخر الليل وأولاً وأخيراً لاتنسين صلاة الإستخاره ..

والله يوفقك ..

السلام عليكم و رحمة الله و بركاته

أشكركم أخواتي الغاليات على تفاعلكم الرائع...

يعني ما شاء الله ما عاد في كلام ينقال...

بارك الله فيكم...و هدى صاحبة الموضوع لكل خير...

أنسيه عمري أو حاولي تنسينه..

عمري دوسي على قلبج ولاتدوسين على كرامتج...

إذا هو فعلاً يحبج مستحيل يرضى بأي شخص يآخذج منه... لأن غيرته ماراح تسمح له

وحاولي تغيرين رقمج أحسن عزيزتي.. عشان مايحاول يتصل لج أو أنج تتصلين له...

على العموم أتمنى من الله يوفقج عزيزتي وأنتي للحين صغيرة ياعمري على هالسوالف

ماشاءالله الخوااات ما قصرووو وياااج عطوج واااايد حلول وانا مع كلاااام الاخت ام سعيييده و كلاااامهااا صح 100%

والله يهديـــــــــــــــج ,,,

النهايه:
انا احبه لو ماااحبه ماراح اسوي كل هذا..........هو يحبني بس اكتشفت حب تسليه بس بعد مب مستوعبه كله احس انه صج يحبني اوووووووووف

مادري شمسوي فيني والله

الله يهدي الجميع

ليش شسويتي ؟؟

ركضتي وراه وقطيتي نفسج عليه

هذا مب حب ... التسميه الصحيحه هي

(استرخاص للنفس ) او ( منتي عارفه قدرج ) او ( انتي شوي في عين نفسج )

النهايه:
ليش عايشه بامريكا..........هالسوالف تصير في كل مكاااان وانا ماقلت كلام غريب او جديد ......وبعدين الف وحده تسوي بلاوي واهلها مايدروووون مب انه يكون تقصير منهم بس البنت اذا تبي تسوي شي بتسويه لو يحطونها في غرفه ويقفلون عليها بعد لو تبي بتسوي....وليش مايفكر فيني وحده تحبه وتخاف عليه وتسمع كلامه وهو بعده ماخذها لو خذها بيرتاح.......احسن من ماياخذ وحده مايعرفها ولا يدري عنها يطلع من عندها تروووح تكلم او هو في وادي وهي في وادي خلكم واقعييييين شوي االف واحد حب وحده وعقب خذ بنت عمه.......شمصير بنت عمه مايدري عنها........طبعا مب الكل بس الاغلبية........وانا مب قاصرني شي عشان ماياخذني له الشرف انه ياخذني.........وتشوفينها عدله انه هو يكلم البنت وياخذ قلبها ويروح يتزوج وحده ثانيه هاي يكون مب نذل الا حقييييييييييييييير

ترى انقهرت:cry:

منو قالج ان الف وحده تسوي سواتج ؟؟ لا يكون على بالج كل البنات مثلج ؟؟

اذا اهلج مب مقصرين جان دروا عنج وعن بلاويج وهذا من كنتي ام 16 سنه ؟؟

والله اني انا عندي الحريه وعندي سياره واطلع واروح على كيفي

لكن ربي جدامي دايما .... اخاف منه وادري انه يراقبني ويحاسبني

هذا غير تفكيري باخواني وخواتي وعمامي .... ما اسوي الغلط

اخاف انفضح واحط روسهم بالتراب .... هالشيء وايد صعب

بس شلون كان سهل عليج ترفعين السماعه وتتعرفين على رجل غريب عنج !!

هذا اللي انا خاطري اعرفه ... من وين جاتج هالجرأه .... المشكله جرأتج تخطت المعقول

وتجين تقولين انج تحبينه .... اي حب اي خرابيط .... يبه قومي ... اصحي من نومج ومن غفلتج

رجعي لربج ... وتوبي له .... فإنه يمهل ولا يهمل

قالي انتي عرفتي الحين وانتي كيفج تبين اتمين او كل شي ينتهي انا راضي بأي شي

وين عقلك من هالكلمة ؟؟

الحين عيني عينك يقولك هالكلمة وعاااااادي تبين تتمين معه ؟

افهمي حبيبتي بليز صحصحي شوي كلامه واضح يعني مايبيلها شي

هو قاااااادر يعيش بدونك شدعوه انتي ليه مو قادره مثله ؟

وهو مستعد لأي قرار تتخذينه تدرين ليه ؟؟ عشان يرتاح ظميره اذا اخترتيه لأنه بيقول خلاص انا قلت لها وبريت ذمتي << لاحظي عشان مايحس بالذنب انه معلقك وانتي لاهيه ماتدرين عشان كذا بيرتاح ظميره انك عارفة وممشيه الوضع

انتي حطي براسك انك تقدرين ولو تتابعين الدكتورة فوزية الدريع بتعرفين انك انتي السبب الاول بتطويل مدة هالعلاقه

لأن الانسان اذا حط براسه انه مايقدر خلااااص بيتقفل كل شي بوجهه ويقول انا ماقدر ويعطي امر للمخ انه مايقدر والمخ يستجيب للأمر وبيتوقف الانسان عند نقطه معينه

لكن لو جيتي وقلتي انا اقدر ,, انا اقدر ,, انا اقدر ... الخ ,, تكونين عطيتي امر للمخ بأنك قادرة على تغيير وضعك ورح يستجيب للأمر وقتها بتقدرين تغيرين اشياء كثيرة بحياتك

كرري ( انا اقدر ) كثر ماتقدرين وعطي نفسك دافع وقوة وابتعدي

صدقيني وبتذكرين كلامي بيوم من الايام والله بتندمين اذا ماتخليتي عنه اقسم بالله اقسم بالله هالحالات دايم اشوفها بواقعنا وخيرة الواحد يعرف بس متى للأسف متأخر

طيعي شوري واتركيه والله ما منه فايده اقسم بالله بتمر الايام وهو يستمتع فيك لأنه مثل ماقلت لك ظميره مرتاح لأنك عارفة ومستمره معه ومتى ماقرر يتزوج بيلهى ويتركك على بلواك وقتها بتنهبلين وبتكسرين الدنيا وتقومينها وتقعدينها من القهر

اضغطي على نفسك الحين وابتعدي احسن ماتنقهرين على زواجه وتعيشين الموقف خلك بعيده احسن عشان ما يأثر فيك

وانا لاحظت من خلال ردودك انك مقتنعه مافيه مفر كل بنت تقتبسين ردها وتغالطين كلامها وتبررين الموقف وتدافعين ترا هذا بيضرك وقناعتك سلبيه وبتأثر عليك استجيبي لكلام البنات ولا تدافعين او تبررين الموقف لأنك مابستفيدين من موضوعك هذا ولا شي وما كأنك طلبتي مشورتنا !! كيف تبين مشورتنا وانتي تغالطين ومصره على الغلط !!

الله يهديك يارب ويصلحك ويبعدك عنه ياحي ياقيوم

أبصراحة أقلك شي وما تزعلي مني
ما بنيى على باطل فهو باطل وانتي أختي العزيزة باول الطريق أتركية لحال سبيلة والله بيرزقك بالزوج الصالح نصيحة أنسية ولا راح تندمي بعدين.ساعتها سمعة البنت ما يرجعها شي حتى ولو صارت راهبه

غاليتي ولا يهمج انا مابقولج انتي غلطانه بشي

ولا بلومج على شي

انا بس بقولج اقري الكلام اللي كتبتيه عن نفسج مره ومرتين وثلالث على اساس انج انتي وحده غريبه وماتعرفين هالبنت

وتقمصي شخصية اعقل وحده تعرفينها امج ولا وحده من خواتج واقري قصتج وشوفي كيف بتكون ردة فعلج
طبعا لاتذكرين عمرج بالكلام الحلو اللي قاله والي قلتيه لاااااااااا بس فكري في المستقبل
وتخيلي عمرج بعد 10 سنوات يعني 30 سنه ناااااااضجه و لج منصب وهيبه بين الناس او ام وزوجه
شو بتقولين عن نفسج يوم بتقرين هالقصه

صدقيني بتحسن ان القصه كلها تاااااااااااااااااافهه انتبهي لنفسج ولا تفكرين فيه لانه يبي يتسلى بكل المقاييس
حبيبتي بينيله انج ثقيله ومب راعية حركات والبسيه ولاتتلفتين له اببببببببببببد عشان يتحسر عليج مو تعقين عمرج عليه ويقول افففف شوهالوهقه

اصلا من اسلوبه مبين انه من زمااااااااان كان يبي يفتك منج وانتي من سذاجتج ما حسيتي بالموضوع من لما بدا يقولج عن النهايه كان يبي يخلص السالفه

حبيبتي بكى اليوم ولا كل العمر

اعتبري اللي صار قصه قريتيها وخذي منها العبره انج ماتلعبين مع سمعتج وكملي دربج وحياتج قبلا يوصل كلام لهلج و يزعلون عليج ولا يفقدون ثقتهم فيج

اختج عسوله

تذكرت سالفه مستويه لوحده من فتره الله يستر عليها

هذي الله يسلمج تعرفت على واحد و حبته حب جنووووووووووووني لدرجه لما يزعلها يغمى عليها ن الصياح تعرفين شو كان يقولها انتي لو تزوجتي بموت بدونج بس حاليا ما اقدر اتزوجج لان عندي ضروف وانا باني بيت وجاهز بس بسكن اختي فيه لان زوجها المسكين معاق طبعا كبر في عينها ويوم من الايام قالها شورايج تشوفين بيتج قبلا اختي تسكن فيه ؟؟؟؟
طبعا رفضت فرته طويييييييله لين للاسف رضت وسارت معاه هي تحلف انها مافقدت (اللي نعرفه ) بس للاسف شو الفايده فقدت كرامتها معاه واحترامه لها لما سمحت له انه يلمسها

المهم بعد فتره طويله استمرت سنتين ولا ثلاث اكتشفت للاسف انه متزوج وعنده 4 عيال تخيلي كانت تكلمه ليل نهار و لمدة ث سنوات من الليل لين الفجر بدون ما تشك انه متزوج

ويوم اكتشفت الموضوع انه خدعها ومادري شو المصيبه ان الزوجه طلعت وحده من مدرساتها في الاعداديه يعني تعرفها

يالله تخيلي شو سوت البنت للاسف تمت مقاطعه تنه فتره ورجعت له خلاص انعدم عندها الاحساس بالكرامه وعزة النفس

كانت ترد في الحب مافي عزة نفس مافي كرامه


لااااااااااااا والف لا للحب اللي يعدم الكرامه وعزة النفس

وللاسف استمرت مها بعد سنتين وهو يقول عندي ضروف وديون وهو كل سنه يسافر لبلاد عشان يرفه عن نفسه وعلى فكره الرايل جدا سمعته طيبه بين الناس و كان عمره ايامها 30 وله رتبه كبيره اعتقد مقدم في الجيش

تخيلي يعني لاتقولين عاقل ولا مو عاقل
نسيت اقولج انه بعد فتره اعترف لها انه يشرب تخيلي يشرب البنت انهارت وكانت حالتها فضيييييييييييييييعه وقالت لا مابرجع لواحد خمير زمير كفايه متزوج بعد تشرب

وتركته وللاسف مافي اراده حاول وياها ورجعتله على فكره غيرت رقمها بس هو وصلها عن طريق رقم البيت وخلا وحده تكلمها ان فلان جاته جلطه ويبي يكلمج قبلا يموووووووت وهي المسكينه اتصلت فيه ورجعوا لبعض

بس تعرفين كيف عرفت تحط حد للموضوع حاول يخليها تطلع مها (للاسف مو اول ولا ثاني مره تطلع معاه )
حاول معاها قالت لا قال انا بتزوجج قالت تعال تزوج وخذ اللي تباه وغير هالكلام ماعندي قالها انتي بتخسريني بعنادج قالت له وبكل تحدي عندي اشياء اهم مابي اخسرها ....


وسكرت في ويهه ولا خافت من شي وتمت تستغفر ربها طول الوقت والله لا اتصل فيها مره ثانيه ولا شي الحمدلله

بالعكس تقول انها بعد السالفه ب5 سنوات شافته في مكان عام وعرفها تقول ماقدر يشيل عينه عنها وحاول يكلمها وهي تهربت منه وماعطته ويه للعلم انه جدا جدا وسيم و ولد عايله وايد كبيره يعني هالاشياء تخليه يحصل اللي يباها
المهم لحقها لين بيتها وخطبها وتعرفين الاهل كلهم فرحوا بس هي رفضته قالت انها تعرف بلاويه ولايمكن ترتبط بواحد مثلها ولا تفكر فيه

تخيلي بعد كل هذا والله احترمت البنت وتمنيت اشوفها واضربلها سلوط الضباط حسيتها شخصيه

اتامنى ما اكون طولت عليج ع الفاضي

اختج عسوله

الشاب الخليجي مايتزوج وحده تعرف عليها حتى لو يحبها وهذا اعتراف منهم اذا فكر يتزوج بيتزوج وحده ماكلمته حتى لو هي صايعه
وهذي ردود الشباب على وحده سالتهم

1-تــــــــــــدرين ليـــــــش مـــــــا يتزوجك ،،،،
لأنك رخيــــصه والرخيـــصه ماحد يبيــــــــها حتــى السافل الحقيراو حتى النذل.
عشــــــان كـــذا لا تبـــيعي حــــــــالك ســـلف.!!

2-انها باعت نفسها رخيصه ومن يدريهم مستقبلا انها لا تبعها لمن يقدم اكثر (كلام .. همس..هدايا ... عشاء بمكان رومانسي)
اذن باعت نفسها رخيصه تنتظر حتى يأتي احد اعمى قلب مفتح عيون ويبتلي فيها
هذا رأيي الشخصي
ثم ان الشاب يعرف بقرارة نفسه ان البنت متى ما انزلقت رجلها لأول مره فإنها قد تبقى بالمنحدر طويلا ويتعذر عليها الخروج منه ... او انه قد(يستملس جلدها) اقصد قد تعتاد هذا الوضع وتظل منغمسه في ملذاتها ..
اذن من اول انزلاقة رجل لها لا يعود يأمن لها الا اذا كان .......
عموما الله يستر على بناتنا آمين ويحميهن من الشباب العابثين ,,,
شكرا لك وتأكدي لن تجدي اصدق من هذا الكلام..

3-أن ذلك الشاب من الأساس لا يريد الارتباط بهذه الفتاة و إنما أراد إشباع رغباته و خنوع لشهواته ليس إلا .!

و لربما انخدعت تلك الفتاة الجاهلة الغبية بمعسول الكلام و بما أبداه ذلك الشاب من مشاعر أو قدمه من خدمات كطعم لتك الفريسة .


فانتبهي ياختي اهم شي سمعتك وكرامتك

اخيرا
اللي مايتزوجك..مستحيل يكون يحبك اللي مايهديك..اسمه..ويتشرّف بك حنانه... ياخذك عهد وأمانه...