شوفو شو يبى زوجي اسويليه يوم دخلتي!!!!!!!!!

طباخه = فرن

والله انه يحبج....حرام عليج...لا تحرمينه

عزيزتي .. red flwoer

والله صحيح إنه يحبكِ من قلبه ..

وخاطره إنه من أول ليلة ياكل من إيدكِ ..

يعني لا تكسرين بخاطره ..

بالعكس والله كذا بتكبرين في عيونه أكثر وأكثر ..

وسوي مثل الحركات الحلوة الي كتبناها بالموضوع من تجهيز الطاولة والحركات ..

والله .. راح تفرحين لما تشوفين الفرحه بـ عيونه ..

والله يوفقكِ يارب .. تستاهلين الخير ..

وإن شاء الله نطمئن عليكِ ..

إختكِ كرز و فراوله ..

السلام عليكم
اولا : بارك الله لكما وبارك عليكما وجمع بينكما في خير
ثانيا: اختي ما تعرفي وين الخير والمصلحة لك ...
امكن يبغى يعرف مدى محبتك له .....
او اختبار لمدى طاعتك له ......
او اي سبب تاني في نفسه
فلازم تطلعي قدامه الي فعلا تحبه ويبغاها
قولي له غالي والطلب رخيص ... من عيوني الثنتين .... ابشر الي تباه بيصير
ولا عاد تفتحي الموضوع معاه نهائيا .....
امكن هو لوحده يتراجع
اما اذا بتكرري رفضك ممكن يصر اكثر ويعند والرجال كذا ترى ....
ويوم الفرح اذا رحتو البيت قبل اهله بسرعة اطبخي شئ خفيف
وحطي العشا وبعدها ......
ولازم تروحي تستحمي بسرعة بعد الطبخ وتروحي تنامي بحجة تعبك وقتها فعلا راح يندم وان ما اظهر لك ....
واما اذا اهله كانو موجودين
قوليلهم يبغى عشا وما هان علي يبات جيعان
ووالله بتكبري بعينه وعيونهم هما كمان ......
وراح يفتكرها طول العمر ويعتبرها جميلة ويعوضك عنها ....
وانتي كمان ذكريه بيها وقوليله مثل ما عملت كدة عشانك لازم تعمل كل الي تقدر عليه عشاني
لازم كل واحد يضحي عشان الي يحبه ....
هذا اذا افتكر اصلا يوم الفرح الطبخ وما تراجع عن موقفه
اختي هذا شئ بسيط ان شاء الله لا تخليه ينقص من فرحتك في ليلة عمرك
الله يوفقك ويعينك عزيزتي ....

والله أمره غريب هالرجال

عادة العرسان يشيلون عرايسهم على كفوف الراحه وخصوصا في العرس وشهر العسل

وان كان يبغي عشاء فالأيام جايه وإلا هالحركه مالها داعي

يعني الوحدة بعد ما ترجع تعبانه تبي حد يدللها ويراعيها حتى الكلمه لازم يحاسب عليها لأن الوحده تكون حساسه موت

وقوليله يا حياتي الطبخ لاحق عليه وهذي الحركه ما تستوي لعروس ليله دخلتها لكن أوعدك في عيد زواجنا راح أطبخ لك
وإذا وده يذوق طبخج طرشيله صحن أو جدر لبيت أهله ومعاه الحلاوه والشاي بعد
وإذا إنت تروحين بيتهم أو هو يزورج طبخيله وخليه يدخل المطبخ ويشوف بنفسه وإيذوق

وقوليله تراني سامعه بهالسالفة قبل إن واحد خلى زوجته تطبخ له بس طلع مراهن عليها وهذي الحركة ما أتمنى إنك تسويها فيني

وآخر شي أقوله:

يا أما إنج توافقين وتسوين له إن شاء الله بيض عيون
أو إنج تقولين له بنأخر الزواج لأني مو متقبله الفكره

والله يتمم لج على خير ويصير اللي يرضيج ويرضيه

اختي والله احس ان ريلج على نياته وطيب وشوفي دام انج تحبينه لا تبخلين عليه بأي شي الريال مخسر نفسه عالعرس وتجهيزاته وكل شي ولما يجي يطلب طلب مثل هذا تردينه بالعكس انتي اذا نفذتي اللي يبيه وبينتي له ان هالشي عادي بتكبرين بعينه ومافيها شي لو المره تطبخ لزوجها وان ما تخدمينه بتخدمين من ؟
ادري ان هالموضوع حساس وانا لو مكانج برفض الفكره من البدايه بس لو تفكرين فيها تحسينه شي ما يستاهل تضايقينه علشانه
وماتدرين يمكن هو بحكم انه شاب متعود على اكل المطاعم ويبي يحس بالفرق من اول يوم

نصيحتي لج والله اذا تحبينه سوي المستحيل لعيونه لان هالانسان بالمستقبل بيصير ابو عيالج ومافيها شي
اخ لو خطيبي يطلب مني اطبخ له لووووول شكلي بلمح له
والله يوفقج حبيبتي ولا تكبرين الموضوع واذا هو للحين تعبان اسألي عنه وحسسيه بقربج منه لان الانسان لما يمرض يحتاج احد يوقف جنبه ويسأل عن صحته
والله يوفقكم ويسعدكم ان شاء الله

مافيه حل الا انك تطبخين له وتاكلينه بعد ليه لاء مو زوجك
وهوقل لامه انه يبي يجيب طباخه يعني مايبيك تنحرجين قدام اهله وغير كذا راح تفتكين من التفكير باللي جاي لانه راح ينام بعد الاكل خصوصا اذا كان دسم وغير كذا راح تكبرين بعينه
وصدقيني راح تحسين بمتعه وانتي تطبخين معاه
وحلو لما تعزمينه فبيتكم وتخلينه يدخل المطبخ ويشوفك وانتي تطبخين

والله يوفقك

والله عندي احساس انه راح يفاجأج فيها وتوقعت انه مقلب من مقالب الرياييل لان مرة قريت قصة واحدة نفس قصتج طالب منها ريلها تسوي له سمك حق العشاء

له ولربعه بالديوانية والمسكينة غصب سوت العشاء اهي من أمها ولما خلصوا ربعه من الأكل واشبعوا هي راحت غرفتها وتسبحت وغيرت ملابسها وتعطرت

وتجهزت له لأن يوم عرسها دخل عليها زوجها وبيده 10000 دينار عشرة آلاف دينار كويتي من ربعه اللي تعشوا قام وحطهم في حظنها وقال لها هذي هديه

العشا اللي طبختيه حق ربعي :dd::dd::dd: طلع متراهن معاهم.....:dd::dd::dd::dd::dd:

تدرون يالسه افكر في الموضوع

و الله لو يحبها و لو مشتهي اكله من ايدها
و لو و لو و لو

كيف يفكر يخليها تطبخ

و الله صعبه
عن جد نفسية الوحده في هذاك اليوم تكون تعبانه و حساسه و تحاتي و و و
و غير عن تعب الجسم طول الوقت و قل الرقاد

ما ادري يعني اذا في نوع من الرياييل يحبون هالنوع من الدلع يجيهم من زوجاتهم بليلة عرسهم بالذات

الله يعينها يا رب

بس طبقي نصيحتي و تلبسي و تكشخي في لحظه انتظار نوم الجميع

و انسدحي ذيج السدحه الزينه على السرير و قوليله بريح على بال ما ينامون و شوفي النتيجه

الصرااحه ماعرف شو اقوولج

صح انه صعبه بس بنفس الوقت كل شي يهوون عشان خاطر الريل

وبعديين الا عشى مارااح مارد وانتي اكييد قدها
صدقيني بتكبريين فعينه والله
ولا تسمعيين كلاام اي يحد يووم انهم ايقولوون لا تطبخيين
واطبخييله اي شي خفييف وسرييع مثلا اي سويت عاادي بيتقبل منج اي شي هذااك اليووم
حتى لو (سندويش بيض أو جبن)
وبالتوفيق ان شاء الله

أخيراً يا بنات عرفت السبب عرفت ليش ريلي يباني أطبخ أخيراً عرفت و لما عرفت استويت جي:cry: لاني هو طلع احسن عني بوااااايد الحين انا مستعيلة لان ريلي و اهله موجوديين عدنا فلما يطلعون برد اقولكم شو صار بس قلت خلني ابشركم اولا..............ز

ها اختي
بشري
عسى غير رايه
ولا اقنعك!!!!!!!

في الانتظار

السلام عليكم ورحمة الله وبركاته خلني ابتدي أقولكم شو صار البارحة" الجزء الأول"
ريلي في الليل اتصل علي و أنا في ذيك الساعة كنت واييد معصبة و الوساس الشيطانية كانت تلعب في راسي. و ما لحق يسلم الا و انا اعطيه من الكلام اللي يسم البدنو هو استغرب شو في شو السالفة قلتله انت اصلاً تكرهني و ما تحبني عشان جي تريد تعذبني من اول يوم وتريد تهيني انا ادري و تريد تخليني مسخرة جدام اللي يسوى و الي وما يسوى و بعدين تميت اصيح. هو استوا جي:eek2: و قالي ليش هاي العصبية كلها وتم ساعة يهدي فيني وقالي خلاص اذا ما تبين تسويلي عشاء مو مشكلة. قلتله انزين بتوديني شهر عسل قالي لاااااااااااااا انا رديت على نفس المنوال و الله يا بنات قلته كلام اكثر من انه يجرح و كله كان غصبا علي. بعدين رد مرة ثانية يهدي فيني، وقالي اذا أنا أهنتج يعني أنا أهنت عمري انتي لو تعرفين شو مقدار معزتي لج جان ما قلتي ها الكلام و كلمة تكرهني و ماتحبيني و انتي لو تعرفين انا شو مسويلج مفاجاة جان ما قلتي ها الكلام و انا اصيحححححححح هني حسيت بتانيب الضمير لكن ما خليته يحس وكمل يقول كلام حلو و انا طااااف. و قالي خلاص انا و امي بني باجر عندكم.


الحين تعبت شوي وبرد اكتبلكم

الله يصبرج

ننطر التكمله

شو طلع السبب ؟؟؟؟؟؟؟؟

خليني أكملكم القصة: تميت على هذي الحالة لين ما قالي خلاص انا و امي بني باجر عندكم. اليوم جاء هو و امه عندنا. و تم يتكلم وياي و انا ما ارد لان نفسيتي كانت تعبانة. بعدين يت عمتي (امه) تمزح واياي و انا احاول جاهدة اني اضحك و ما افشلها بس ما قدرت و قلتلهم بسير ايبلكم شي تشربونه و فعلا سرت المطبخ و لما رديت و انا في ايدي الصينية سمعت عمتي تتكلم و يا ريلي و تقوله خلاص يا ابني شكل البنت من الخاطر زعلانه منك انت ليش مصر على سالفة الطبخ قالها يا امي اصلا السالفة مو سالفة طبخ انتي مل تدرين اصلا شو السالفة قالت شو:eek2: شو قصدك؟ قالها و الله يا امي ما ادري كيف افتح السالفة وياج و تم يتردد في الكلام فقالت امه يا ابني انا امك و لازم تقولي اذا في شي... انا هني قلبي طاااح قلت اكيد الريال شايفله شوفه:ss: و تميت ارجف و خفت ان الصينية تطيح من ايدي فحطيته على الارض وانا خايفة من كلامه و اقول يا ترى شو يبي هذا الالحين معقولة يكون شاف وحده غيري ...


اقرؤا هذا لين ما اكمل كتابة النص الثاني لاني بطيئة في الكتابة

قرينا

ابي اعرف السبب

كلنا نبي نعرف السبب .

فقالها يا امي و الله ما اقدر اشلون افاتحج في الموضوع.. قالتله يلا قول قالها بصراحة ... انا حسيت من رد فلور انها وايد تستحي مني مع اننا تمينا فترة و نحن مالجين و ما بقى شي على زواجنا و حسيتها تتهرب من مواضيع الزواج مع اني ما اتكلم في امور وايد قوية بالنسبة لها و كل ما اتكلم كلام حلو معاها تغير الموضوع او تحمر! و لاحظت انها صارت تخاف نمي كلما موعد زواجنا يقرب فكيف وحده عرسها قريب وهي تستحي من ريلها!! و انا خايف عليها من ليلة الدخلة ..:oان يستويلها شي فانا قلت يمكن اذا انشغلت في سالفة الطبخ يمكن بيخليها تتغير شوي و اان لاحظت عليها هاي التغييرات و الله يا امي اني ما اريد اجرحها لكني خايف عليها بس و في نفس الوقت ما ريد اجرحها او اخرب ليليتها و اخاف اذا اجبرتها علي شي تتعقد وسالفة الطبخ

انا تميت اصييح لاني كنت انانية وياه و لانه كان يفكر فيني و انا افكر بعمري بس