شوفو شو يبى زوجي اسويليه يوم دخلتي!!!!!!!!!

شو صار!!! ردت ريما لعادتها القديمة يعني:
انه اليوم اتصل يسلم و يطمني عليه و يخبرني اذا سار المستشفى عشان يشيك على عمره و خبرني انه رقدوه يوم عشان يتاكدون انه ما في شي. بس بعد ما تكلمنا في العديد من مواضيع العرس رد ذكر سالفة الطبخ!! انا سويت عمري ناسية السالفة و اني اعتبرتها مزحة منه بس هو كان فاهمني وايد و عرف اني كنت اقص عليه. بعدين بعد العديد من المفاوضات اتفقنا على اتفاق مبدئي انه ما بيصير طبخ الا اذا اهل البيت رقد وانتو عارفين ان الواحد في العرس بيرقد يوم كامل من التعب خاصة اهل المعاريس. و هو اتفق مع امه المسكينة انها ما ترقد وتتاكد ان البيت كله راقديعني بتسويلي درب... وان هو بينزل معاي المطبخ و بيساعدني عشان نسوي شي خفيف و سريع.. ايوه و رديت سالته عن السبب و ذكرته اني مو لعبة يلعب فيها جدام الجميع و اني ما بسامحه اذا كانت السالفة رهان ويا ربعه بس هو اكدلي و حلفلي انه السالفة مو جي بس انه يبي ياكل من ايدي من اول يوم!! ما ادري اذا صح و لا لأ بعدين بيني و بينكم ان عمتي قالتلي ان البنت اليلي قلتلكم عليها سوت اكلات انواع و اشكال حلويات، شوربات، مجابيس وودته المستشفى و على فكرة هذي اول مرة عمتي تتكلم في هذا الموضوع لاانها انسانة مسالمة و ما تحب تاذي اي حد بس كانت طريقة كلامها ان يا بنت انتبهي طبعا السالفة بالنسبة لي مو سالفة طبخ بس الاحظ انه الجميع معتبرني انسانة عديمة الفائدة وجودها مثل عدمه وهذا اللي قاهرني.. فاذا هو نفذ كلامه فانا ماعندي مانع بس اهم شي الجميع يرقد حتى لو اضطرينا انه نحطلهم منوم!!! امزح طبعا شوفتوا حظي الناس تتشيك يو العرس وان اضارب ويا الطبخ.....

استعيني بأحد من أهلج ... بحيث يقدم لكم هدية تقضون أول يوم بفندق ويلزم عليكم تقبلون الهدية

بجذي ممكن تتخلصين من مشكلة الطبخ أول ليلة ... أو انج تطبخين له شي سريع بالمطبخ التحضيري اللي بالسويت ويكون هالشي بينج وبينه ومحد شاف ولا تفرج وتكونين خلصتي من الموقف الصعب .

امممممممم

يمكن يكون هذا حل


أتمنى أكون ساعدتج



بالتوفيج .


رحيل

هههههههههههههههههههههههههههههههههه والله ريلج يضحك


تدرين سوي عمرج مريضة :up: واذا دموعج تنزل بسرعة نزليهم من شدة الالم ( اكييييد بتكونين مرهقة وتعبانة ) يعني ما بتجذبين عليه :shy:

والله موقف صعب حاولي تقنعيه والله ييييييهديه

red flower:
شو صار!!! ردت ريما لعادتها القديمة يعني:
انه اليوم اتصل يسلم و يطمني عليه و يخبرني اذا سار المستشفى عشان يشيك على عمره و خبرني انه رقدوه يوم عشان يتاكدون انه ما في شي. بس بعد ما تكلمنا في العديد من مواضيع العرس رد ذكر سالفة الطبخ!! انا سويت عمري ناسية السالفة و اني اعتبرتها مزحة منه بس هو كان فاهمني وايد و عرف اني كنت اقص عليه. بعدين بعد العديد من المفاوضات اتفقنا على اتفاق مبدئي انه ما بيصير طبخ الا اذا اهل البيت رقد وانتو عارفين ان الواحد في العرس بيرقد يوم كامل من التعب خاصة اهل المعاريس. و هو اتفق مع امه المسكينة انها ما ترقد وتتاكد ان البيت كله راقديعني بتسويلي درب... وان هو بينزل معاي المطبخ و بيساعدني عشان نسوي شي خفيف و سريع.. ايوه و رديت سالته عن السبب و ذكرته اني مو لعبة يلعب فيها جدام الجميع و اني ما بسامحه اذا كانت السالفة رهان ويا ربعه بس هو اكدلي و حلفلي انه السالفة مو جي بس انه يبي ياكل من ايدي من اول يوم!! ما ادري اذا صح و لا لأ بعدين بيني و بينكم ان عمتي قالتلي ان البنت اليلي قلتلكم عليها سوت اكلات انواع و اشكال حلويات، شوربات، مجابيس وودته المستشفى و على فكرة هذي اول مرة عمتي تتكلم في هذا الموضوع لاانها انسانة مسالمة و ما تحب تاذي اي حد بس كانت طريقة كلامها ان يا بنت انتبهي طبعا السالفة بالنسبة لي مو سالفة طبخ بس الاحظ انه الجميع معتبرني انسانة عديمة الفائدة وجودها مثل عدمه وهذا اللي قاهرني.. فاذا هو نفذ كلامه فانا ماعندي مانع بس اهم شي الجميع يرقد حتى لو اضطرينا انه نحطلهم منوم!!! امزح طبعا شوفتوا حظي الناس تتشيك يو العرس وان اضارب ويا الطبخ.....

عيل سوو الاتفاق اللي قلتي عليه
لازم لازم تطبخين له

ولا هذيك راح تطيره من ايدج

متى بيكون العرس؟

حبيبتي الرجال المحب دائما يريد يمدح بزوجته وتكون بكد المدح طاوعيه وتشوفين النتيجة المهم يكون راضي ولا تعانديه والله يوفقك ان شاء الله

السلام عليكم ورحمة الله وبركاته

حبيبتي الرجال المحب دائما يريد يمدح بزوجته وتكون بكد المدح طاوعيه وتشوفين النتيجة المهم يكون راضي ولا تعانديه والله يوفقك ان شاء الله

احلى رد سمعته منج

الاتفاق وايد حلو

على بال ما امه تتاكد لكم انه اللي في البيت كلهم رقدوا و و و و و .. اكيد الموضوع بيطول على بال ما يرجعون من العرس و يسولفون و و


انتي شدي حيلج ... و دخلي تسبحي و تعدلي و لبس قميص النوم و ارفعي ضغطه

ما بتشوفينه الا سكر الليت و غلق تيلفونه و قال للي في البيت كلهم

تصبحون على خييييييييييييييييييييييييييييييييييييييييييييييييير ما ابا اتعشا



و بتقولين سحايب قالت

هيه صدقها سحايب

بينسى العشا هذيج الساعه

ان شاء الله يا سحايب دبي كلامج يتحقق و اذا صار بعطيج هدية:cool2:
و الله يا وطن أفكر في هذا الموضوع و بحاول اسويله قصة و الموضوع في طور التخطيط حالياً

أولا مبروك على الزواج والله يهنيج وتعيشوا في ثبات ونبات وزتخلفوا صبيان وبنات .

وبعدين سالفة الطبخ مو مشكله وكل شي وله حل والاتفاق اللي اتفقتوا عليه حلو وان شاء الله تنجح خططتكم ويناموا اصحاب البيت

من وقت عشان تنفذوا خطتكم .

أنا لو كنت مكانج كنت بطبخ له

عشان اثبت له وللجميع اني قدها وقدود

وخصوصا بعد ما قلتي عن السالفه البنت اللي من اهله بتفنن في انواع الطبخ حتى لو اشياء بسيطه وسهله بس بتكون في نظره مو

سهله وبتكبرين في عينه أكثر وأكثر بيحطج فوق راسه

بما انه ما يحب البيض عليش بالمعكرونه لانها من اسهل الطبخات وخلي احد يقص عنج البصل ويقشر الثوم عشان الريحه وصدقيني وكل

الامور بتصير سهله

وخصوصا اذا خليتيه يساعدج بتحسين بالمعته في الطبخ وخليه يقص السلطه معاج أو يسوي العصير المهم خليه يسوي شي ما يكون

متفرج بس وبتنشغلوا في الطبخ وسوالف العرس وبتستمتعين


وصديقيني ليلتكم بتصير ولا اروع وما بتنسيها طول عمرج

وبتفتخرين بعدين قدام بناتج في المستقبل وقوليلهم انج من اول يوم طبختي وانج تبيهم يكونوا مثلج .

والله يوفقج في حياتج ان شاء الله ...........

وما عليج من غيرج اهم شي رضى زوجك لان رضا الناس غايه لاتدرك

ولا تعانديه ولا تكابري سايريه وسايسيه صدقيني ما بتندمي .

بالتوفيق ان شاء الله .

شو هذا!

احنا عايشين في العصر الحجري؟؟؟ لين الحين هالجاهلية عند الرجال؟؟

اكره ما عندي الريال إلي يشترط على زوجته الطبخ و اعمال البيت ..يعني ليش كل هالذل ؟؟ المفروض يحطون في بالهم انه لو يت من المرة نفسها بيكون راجع لها ..بس لو ما تقدر مو لازم ..الخادمة بتتكفل ..بس شو انقول غير الحمدالله و الشكر ....

والله انا اعرف حريم أزواجهم هم إلي يساعدونهم في الطبخ والترتيب والتكفل بأمور العيال من تبديل وغيره .. بصراحة من وجه نظري..الريال يحسس زوجته بمدى حبه لها لو شاركها ... بس انه يتأمر و يروح يهيت طول الوقت خارج البيت و يسرح ويمرح على كيفه ..اخر اليوم يجي لحرمته يقول سويتي لي جذي وجذي ؟ ولو ما سوت ايمد بوز...على شو؟؟؟؟؟؟؟

يا اخي حسس مرتك بحبك لها .. بس وين تلقين حد متفهم؟ الرجل الخليجي عمره ما راح يتغير ...

الله يهديهم بس...........

حبيبتي لا تكبرين الموضوع ولا تسوينها مشكله

عادي مافيها شي

خذيه معاج المطبخ وسكرو عليكم الباب وطبخو مع بعض

صج على قوله الاخت بتكون ليله لا تنسى

عادي تحرقون المطبخ خخخخخخخخخخ << امزح

سوي سلطه لوووووووول

لا تشيلين هم يمكن يقولج سوي لي بيض خخخخخ << اكيد تقولين يارب

فديتج ترى الموضوع عادي اشوفه لا تسوينها مشكله :)

الله يوفقج ويسخر لج زوجج يالغاليه :)

الفاااااااااال حق العزابية ^ __ *

حبيبتى حاولى أنج تحجزين فى أحدى هالفنادق الراقية بدون مايدري وتتفقين مع اللي بيرجعكم من العرس أنه يغير الطريج من البيت الى الفندق (عاد يعنى مفاجأة) وجذي تتخلصين من هالورطة
والله يهديه عاد هذي سالفة

أشكركم على ردودكم الحلوة يااخت عاشقة انا اللي خلاني اتحمس هي هذي السالفة اصلا وادعيلي و الله ضحكتيني يا مس ونتيد حبيبتي لو لو وحدة من البنات المنتدى كتبت هذا الموضوع جان قلت نفس الكلام بس حبيبتي هذا واقعي للأسف مع اني مو متكدرة مثل البداية لاني ناوية ادخلة المطبخ وياي وما اكون ردفلور اذا ما خليته يطبخ كله الطبخة بروحة......:up:
جنوحة ترى الحين انا هادية لانه بدش وياي و الله يستر
وردة22 فندق مستحيييل ترا هو متعقد من الفنادق من كثر البلاوي اللي نسمع فيها و قالي مستحيل اول ليليتنا نقضيها في الفندق..
وسلامتكم................

الغالية
انا لو منج
بساوييله وجبة دسمة و انوااع
و بتفننله

بس انتي ما علييج غي رتساويين عشى

يبي قوطي فوول


حمري بصل و طمام و حطي علييه ينسوون و ملح

و عقب في مكان ثاني
حطي طاسة و عليها علبة الفوول و اطحنيها
و ضيفيها لخلييط البصل
و فووقة رشت ليموون و زيت زيتوون
ما في اسهر عنها
و دوري اكله ثانية الي هي
خليه حد اييب فلاافل او هو ايب فلافل وخبز صغير من مخبز الكورنيش مدامج من بوظبي
خبر لبناني بس صغيروون
احشيه فلافل وطمام و خياال اوكيك و رشي علييه شوية رووب لو يبي لو ماله داعي
و هاي اكلتيين و تشبع
و طبعن هوه علييه عصير البرتقال الطازج انزيين


و انتهت السالفة

هاي الاكلاات

ما في احلى عنهاا

ضحكتيي يا رموش الامارات ان يلا اسويله اكلة و ان شاء الله تطلع عدلة بس ليش لأ بحاول اسوي اللي تقولينه و الله هو بيتشقق و انا بتعب اخخخخخخخخخخخخ

الغاليه

انا احس ان ريلج يسوالف بس
اصلا هو اكيد بيتعشى في العرس وانتي اتعرفين كيف الاكلات دسمه:)

لا تستهمين انتي

هههههههههههه

في ليلة اللعرس وفول وفلافل

الله يعينج على الغازات خخخخخخخخخخ والريحه بعد