&&__ زوجك_زوجتك...... والرقم السري __&&

شخص ائتمنه عحياتي كيف لا ائتمنه عنقودي

للعلم انا احتفظ بارقام السريه لزوجي في هاتفي وهو كذلك واعرف رصيده كم ويعرف رصيدي ابد مافيه اي مشكله

الصرااحه الي ماتاتمن زوجها عنقودها هذي زوجه مريضه ومو واثقه فزوجها

مشكوه حبيبتي عالموضوع موااضيعج ماشالله دايما مميزه

كيف اعيش مع انسان مابيني وبينه ثقه متبادلة؟؟وكيف نشا الحب اذا مافيه ثقه؟؟
وزي ماقلتوا شخص ائتمنه على حياتي كيف ماائتمنه على فلوسي؟؟
بالنسبه الي انا مابيني وبين زوجي ارقام سريه
وحتى ارقامه السريه عطاني اياها علما باني ماطلبتهم منه
اسمحي لي هذي المراه يا انها تعشق الفلوس حتى اكثر من نفسها
ياانها ماتحب زوجها

وأنا بعد قاعدتي في الحياه إللي أئمنه حياتي أكيد بيكون أمين أكيد على فلوسي...

مع إني شفت مثال حي من فترة يمكن ست شهور وحده مأمنه زوجها كل شيء وواثقه فيه...

وفي يوم من الأيام شافت سياره lexus على باب بيتهم سألت زوجها.. مين إللي يحط سيارته على باب بيتنا...

قال لها ما أحد هذي سيارتي...

وهي عندها علم إن زوجها ما عنده هذا مبلغ إنه يشتري سياره عادية...

كيف يشتري سياره بمبلغ وقدره......

لما شيكت حسابها شافته صفر ريال سعودي...

والله صدمتها مش عشان الفلوس راحت عشان زوجها إللي خانها إيش بتكون؟؟؟

قعدت في المستشفى فترة طويله من أثر الصدمه...

الله يعينها إن شاء الله... الحين أحسها مهلوسه شويه...

موضوع رائع ويستحق النقاش مشرفتنا الحلوة

انا موظفة وزوجي يعرف الرقم السري لبطاقتي ويعرف كل شي عن راتبي وكم عندي وكم يعطوني اهلي وغيره ... وانا نفس الشي لان فيه ثقة متبادلة بينا .. احيانا ما اقدر اطلع اقول له اسحب لي من البطاقة مبلغ معين وهو لو انا فلست ( وهذا اللي دائما يصير ) بطاقته تكون عندي ويوم اروح السوق واصرف منها

اذا الوحدة واثقة من زوجها وحياتهم مع بعض مبنية على التفاهم والثقة والتعاون اكيد هالشي عندها عادي ... وفي نفس الوقت ما انصح وحدة علاقتها بزوجها مهزوزة وعندهم مشاكل كثيرة وفيه مشاكل في التعامل المادي بينهم ومين اللي يصرف ومين اللي يجيب اغراض البيت ... انصحها انها تحتفظ برقمها السري وحسابها البنكي لنفسها

لان احيانا تصير مشاكل ويستغل طيبة زوجته او ضعفها ويسرقها .. طبعا تسمى سرقة اذا بياخذ شقاها وتعبها وهو مو مريحها مثل القصة اللي قالت عنها بنت قمر

الحمدلله تربينا في بيت تحكمه الثقة بين الام والاب وانتقل هالشي لنا والله لايغير علينا

يعني آنه الحين مأمنته على نفسي ما أمنه على فلوسي، أكيد لازم في حدود في التعامل، بس الزوجة الي واثقة من زوجها ماتخلي هالشي يكون عائق,, مثلا آنه وزوجي نعرف الأرقام السرية لبطاقاتنا ، وعندي حساب توفير مخليته للزمن، حتى أن أحبرت زوجي أن يوفر فيه من فلوسه، وهذا الحساب نافعنا وقت العوز (بس طبعا البطاقة معاي) مو خوف منه بس لأني من النوع الي يوفر وزوجي شوي يده مسرفة...

المضحك في الموضوع،، أن زوجي يشتغل بالبنك يعني حتى لو خشيت عنه حساباتي راح يطلعها بنفسه وهو في مكانه بضغطة زر...

السلام عليكم ..

هلا يا اختي..

أنا بالنسبة لي بطاقتي بعض الأحيان عندي وبعض الأحيان عند زوجي..

وبطاقة زوجي بعد ساعات عندي وساعات عنده..

والحمد لله ما بينا سر ولا شي..

وقولي للي ما تأمن زوجها على فلوسها شلون أمنتي روحك وقلبك وجسدك اللي هما اغلى من كل غالي ونفيس عليه .. وانتي ما تأمنين على فلوسك؟؟

يسلمووووووووووو على الموضوع


انا الصراحه لين الحين الله ما كتب اني اتزوج .............. بس لو الله كتب لي ( انشاء الله)

اكيد مثل ما قالوا البنات شخص امنته على نفسي و على حياتي اكيد بأمنه على فلوسي

و مثل ما قالت RoOoOmy_M

الحمدلله تربينا في بيت تحكمه الثقة بين الام والاب وانتقل هذا الشي لنا

للاسف بنات كلكم تكلمتوا عن الثقة المتبادلة بين الزوجين وانكم كلكم تعطون ازواجكم بطاقات السحب الآلي مع الرقم السري صح حلو

بس لو رحتي البنك في يوم من الايام ولقيتي المحترم ساحب كل راتبج وراتبه صارفه على وناسته ومتعته انتي اشراح تسوين بعدها راح تاخذيم البطاقة

منه ولا لأ اشلون :think::think: اشلون تاخذينها وانتي امنتي حياتج وجسدج وقلبج وروحج له ....:mad2::mad2: خليكم من الكلام الفاضي

مو كل زوج أمين ويصون زوجته وفلوس زوجته فيهم وا يستاهلون يعرفون اشكثر راتبها الشهري ...(6)(6)(6) والزوج اللي فعلا أمين ويستاهل الثقة

ما ياخذ البطاقة من زوجته ولا يفكر يقول لها في يوم من الايام وين راتبج ليش ما تساعديني في البيت أهو عارف ان مصرف البيت من كل شي عليه

والزوجة راتبها لها مو له وإذا آنا غلطانة ردوا علي....................:clap:

الثقة ما لها علاقة وخلي الفلوس كلها حقته انا مثلا مو موظفة وحسابي الا في البنك فاتحه زوجي ويقدر يشوف كم فيه بكل سهولة ويقدر يقفله بعد بس ليه يعرف الرقم السري حق البطاقة ؟؟ يعني ليش تتصوروا البنوك يقولوا الرقم السري لا تعطيه احد لاتكتبيه احفظيه وموااااال طويل ليه فضاوة المفروض كذا عشان زوجي قبل لايصير عشاني يعني لو حصل يوم ونقص الرصيد لأي سبب وانا عارفة انه عنده الرقم السري حلوة يعني اقعد افكر يمكن هو اخذ ولا قال ؟؟ ولو رحت البنك اسألهم اول سؤال مين يعرف غيرك الرقم السري لو قلت ابوي زوجي الا هو اي احد راح يقولوا الله معاكي مالنا علاقة .. وحتى بعيد عن المشاكل الرقم السري سري نقول لبعض كم حساباتنا نشوف التقارير البنكية مع بعض اي هذا شي راج لحجم العلاقة وطريقة وكل واحد ما ..فيها شي ابد بالعكس اريح ويطمن الطرفين بس رقم البطاقة السري هذا بداية قلق ما له داعي .. انا اشوف كذا وياجماعة حرص من صاحبك ولا تخونهوش

منال الكويت

أخت عريس

ردودكم كثير منطقية وعقلانية وخالية من العواطف.....

وخواتي عزيزاتي باجي البنات ردودكم على راسي من فوق وهذا يدل على اشكثر انتوا والحمد لله مرتاحين بحياتكم <<< ماشاء الله.........

اسمحوا لي ان اوضح حاجة الثقة شيء والعلاقة الزوجية شيء آخر

اما مسأله كيف أمنته على جسمي وقلبي وروحي وايدي وارجولي وكيف ما اامنه على رقمي السري مالهم علاقة ببعض كلش

أنه لما نمت مع زوجي في غرفة وحدة مش معناه اني واثقة ومؤمنة له لا طبعا هذا زواج وشرع وعشرة وعقد....
اما مسأله هو يعرف عني كل شي وانا نفس الدرجة OK لا خلاف على ذلك هو احيانا يسحب لي واحيانا آخذ بطاقتة معاي هم عادي

بس دام البنك سمى المعاملة سري وشخصي فشيء اكيد مرت عليهم حالات خلتهم كدائرة رسمية التشديد على السرية ...

الأغلبة منا وانا اولهم مرتاحين نفسيا وإجتماعيا مع أزواجنا لكن لما نشوف الناس وبلاويهم الوحدة منها تاخذ موقف ....

وللعلم زوجي ولاعمرة ألتف حق محفظتي الا في حالة لما يحط لي فلوس فيها من غير ما اطلبة

ولاعمري سألتة كم عندك بالبنوك لأنه ياجماعة الخير حلو ان الواحد منة تكون له بعص الخصوصية العادية..........

:clap::clap::clap::clap::clap::clap::clap::clap::clap::clap::clap::clap::clap::clap::clap::clap::clap::clap:

اختي الغاليه

موضوعج وايد حلو

الصراحة بما اني امنت زوجي بروحي وقلبي وحياتي
أأمنه على اي شي ثاني
زوجي يعرف كم راتبي ويعرف كم فيه رصيدي ويعرف رقم البطاقة الخاصة بالبنك
ولكن بطاقتي عندي وراتبي لي
ولا يتدخل بشؤوني الماليه
والحمدلله الثقة متبادله
والمساعدة حلوه بين الزوجين برضا الطرفين
وانا اعرف كم راتبه وكم رصيده واعرف الرقم السري لبطاقته البنكيه

ولكن ليس كل الرجال من تثقين بهم


دمتم سالمين
اختكم شريفة

fa6ame

foo6a


بنت قمر راكبه همر



RoOoOmy_M


رانيا البحرينيه


نور المدينه



الـ روح ـروح


منال الكويتيه


اخت عريس


عذب القوافي



SHREEFA


لكل وحده وجهة نظر نحترمها
ونتفق انالرجال مو كلهم من النوع الي ينحط لهم الثقه الكامله
ولك وحده ادرى بزوجها



حياكم الله

عادي مافيهاشيء

بس بعض الرجال غصب يطلبون بطاقة الزوجه

يخشونها عنهم

او انهم يتصرفون ببيزات زوجاتهم على كيفهم

انا بصراحة زوجي مايعرف رقم السري او عنده بطاقتي هذا اول ماتزوجنا موعشان ماثق فيه لا عشان تو ماعرفته عدل مو صارت بينا المواضيع اللي لازم تكون فيها سحب فلوس وغيره هو يصرف علي الحمدالله مو مقصر واذا حبيت اسحب وكان المكان كله رياجيل اعطيه اهو يسحبلي واقوله الرقم بس ماعوده انه يحفظه او اكتبله بورقه الرقم او اخلي البطاقة دوم موجودة عنده لا عشان ماعوده مو عشان مو واثقة لا عشان افهمه انا عندي خصوصيه ولا اقوله يوم ينزلي الراتب او ارباح لا ماقوله الا اذا شريت شي جدي ويكون من الكماليات يسالني عاد اقوله فالنصيحة الرجال مايتعلم بكل شي حتي لو كان ملاك او تحبينه

السلام عليكم


هذه الاشياء ما تحتاج الى نقاش

معقول الواحد يتزوج ويسلم كل واحد نفسه للثاني وتبقى حواجز بينهم

في الشرع ... لا يجوز للزوج ان ياخذ من مال زوجته الا برضاها ....

انا عن نفسي ... لا اجد اي مشكلة في اعطاء زوجي كرت البنك ومعرفته للرقم

فالزوجان يسيران في طريق واحد ... فكيف لهما ان يختلفا على ذالك ....وكيف للثقة ان تغيب ....



مشكورة حبيبتي على الموضوع

نوووسه


وردة العتبان

فجرالليل

حياكم الله

حبيبتي مو كل أصابعج سوا ولا كل الرياييل نفس الشي ولا كلهم يستاهلون تأمنينهم على حياتج عشان تأمنينهم على كرت البنك ... فرضي واحدة عندها ورث


وموجود في حسابها وتزوجها الطيب عشان يشفط ورثها وحلالها ( نذالة ) ولما تزوجها بين لها اناهو ملاك زمانه وشريف وطاهر ولما عطته كرت البنك


شوي شوي وخلص الرصيد ورفسها وطلقها من غير حتى ما ينجب منها عيال إهي شنو موقفها جدام أهلها تقول والله آنا أمنته على حياتي وكرت البنك مع


بعض لالالالالا اسمحولي هذا مو منطق حتى لو مهما يكون الريال المفروض ما له علاقة بكرت زوجته حتى إذا إهي عطته يرجعه لها ما ياخذه ....:mad2:


وسامحوني لما أقول لكم إن الريال اللي ما يستفيد من الزوجة هذي الايام ماتعيش مرتاحة معاه لو مهما يصير إلا إذا ساعدته في مصروف البيت بتقولون


مو كلهم بقول لكم 90% منهم حتى اللي ما تشتغل وهو يعطيها مصروف شهري ، عينه على هذا المصروف..:cry::cry: يا مأمن الرجال..............

منال الكويت

هدي اعصابك:dd:
مثل ماقلت كل وحده اعلم بزوجها وبالطريقه المناسبه له

حياك الله